លោកវេជ្ជបណ្ឌិត ញឹប អង្គាបុស្ស នាយកមន្ទីរពេទ្យកុមារជាតិ ធ្លាប់បានឲ្យដឹងថា លោកមិនគាំទ្រ ឬបដិសេធឡើយ ដោយគ្រាន់តែពន្យល់ថា ធម្មតារបស់ផលិតពីប្លាស្ទិក វាមានជាតិអុកស៊ីដង់ អាចជ្រាបចូលទៅក្នុងខ្លួនក្មេង ព្រោះត្រូវក្ដៅ និងត្រូវភាពត្រជាក់ ហើយមួយវិញទៀត របស់ក្មេងបៀមនោះស្អាតអត់ ហើយបើមិនស្អាតផង កូនបៀមជាប់រហូតវាប្រាកដជាមិនល្អហើយ។
វេជ្ជបណ្ឌិតខាងលើបានបន្តថា ពេលក្បាលដោះជ័រនោះមិនស្អាត វាទៅជាបណ្ដាលឲ្យរាករូស ព្រោះមេរោគចូលទៅក្នុងខ្លួន។ ប៉ុន្តែ បើសួរថាវាប៉ះពាល់ដល់ធ្មេញ អញ្ចាញ ឬអត់ លោកមិនហ៊ានបញ្ជាក់ឡើយ ព្រោះមិនទាន់មានឯកសារណាគ្រប់គ្រាន់ដើម្បីបញ្ជាក់។