ទារកទើបកើតមកភាគច្រើនប៉ាក់ម៉ាតែងនាំយកទៅហាលថ្ងៃ ទោះជាគ្មាន ឬមានបញ្ហាលឿង។ តែអ្នកខ្លះអត់ដឹងថាការអាំងថ្ងៃនោះមានន័យបែបណា ឬទទួលបានប្រយោជន៍អ្វីខ្លះឡើយ។
របៀបហាលថ្ងៃទារកឲ្យបានត្រឹមត្រូវ ពេលកើតខាន់លឿង
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ដើម្បីដឹងច្បាស់ពីបញ្ហានេះលោកវេជ្ជបណ្ឌិត ចាន់ ស៊ីណេត ឯកទេសជំងឺទូទៅបានឲ្យដឹងថា ការអាំងថ្ងៃ គឺដើម្បីបង្ការ និងព្យាបាលទារកកើតមកមានកើតខាន់លឿង ហើយទារកដែលមានខាន់លឿងកម្រិតស្រាលប៉ុណ្ណោះទើបអាចព្យាបាលដោយការអាំងថ្ងៃនេះបាន។ ចំពោះទារកដែលគ្មានបញ្ហានេះ ក៏អាចយកទៅអាំងថ្ងៃបានដែរ ព្រោះធ្វើឲ្យរាងកាយទារកស្រូបវីតាមីន D ពីពន្លឺថ្ងៃបានល្អ ដើម្បីពង្រឹងប្រព័ន្ធភាពស៊ាំ។
អត្ថបទពាក់ព័ន្ធ៖ រឿងគួរបារម្ភ បើកូនតូចកើតលឿង
ចំពោះកូនកើតលឿង លោកវេជ្ជបណ្ឌិតបានឲ្យដឹងទៀតថា ការហាលថ្ងៃឲ្យទារកកើតខាន់លឿងក្នុងកម្រិតស្រាល ដែលអត្ថប្រយោជន៍គឺអាចកាត់បន្ថយលឿង។ ក្នុងនោះដែរ ការហាលថ្ងៃឲ្យទារកធ្វើឡើងនៅពេលព្រឹកមានកម្ដៅក្ដៅល្មមត្រឹមម៉ោង ៧ រហូតដល់ម៉ោង ៨ ព្រឹក និងមិនត្រូវឲ្យភ្នែកកូនប៉ះពន្លឺថ្ងៃនោះទេ ព្រោះប៉ះពាល់ដល់ការមើលឃើញ។
វេជ្ជបណ្ឌិត ចាន់ ស៊ីណេត បានឲ្យដឹងទៀតថា ការអាំងថ្ងៃឲ្យទារកត្រឹមត្រូវ គឺមិនមែនស្លៀកពាក់ឲ្យទារកជិតឈឹង ហើយមានដណ្ដប់ភួយពីលើទៀតនោះទេ។ យើងគួរតែដាក់ទារកហាលថ្ងៃដោយគ្មានសម្លៀកបំពាក់ តែអាចស្លៀកខោទឹកនោមឲ្យទារកបាន ហើយប្រសិនបើមានអាកាសធាតុត្រជាក់ យើងអាចរកអ្វីមកបិទបាំងពីចំហៀងៗបាន។
“មានម៉ាក់ប៉ាខ្លះគាត់ដឹងត្រឹមតែថាអាំងថ្ងៃកូន តែមិនដឹងពីរបៀបអាំងថ្ងៃត្រឹមត្រូវឡើយ ដោយយកកូនទៅអាំងថ្ងៃទាំងសម្លៀកបំពាក់ ធ្វើបែបនេះពន្លឺព្រះអាទិត្យមិនអាចជ្រាបចូលទៅស្បែកកូនបានល្អទេ”។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម