ក្រោយសម្រាលអូនតូចរួចភ្លាម គ្រូពេទ្យតម្រូវឲ្យម៉ាក់ៗបំបៅដោះកូនក្នុងប៉ុន្មានម៉ោងដំបូង នោះទើបកូនទទួលបានទឹកដោះដំបូង ដែលជាអង់ទីករសំខាន់សម្រាប់ការពារទារកមិនឲ្យឆ្លងមេរោគផ្សេងៗ។
បំបៅកូន ម៉ាក់ៗត្រូវដឹងរឿងទាំងនេះ ទើបសម្បូរទឹកដោះមានជីវជាតិ កូនម៉ឹមទៅមិនហើមពោះ
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
បន្ទាប់ពីសម្រាលកូនហើយ តើម៉ាក់ៗត្រូវធ្វើបែបណាខ្លះ ទើបសម្បូរទឹកដោះឲ្យកូនម៉ឹម ទឹកដោះក៏សម្បូរជីវជាតិគ្រប់គ្រាន់ កូនម៉ឹមទៅលូតលាស់បានល្អ មិនសូវឈឺផ្តាស? ខាងក្រោមនេះជាប្រការគួរ និងមិនគួរធ្វើ អំឡុងពេលម៉ាក់ៗបំបៅដោះកូន ណែនាំដោយគ្រូពេទ្យផ្នែកសម្ភព និងរោគស្ត្រី លោកវេជ្ជបណ្ឌិត ចាន់ ស៊ីណេត។
១. ប្រការគួរធ្វើ
– ត្រូវបំបៅដោះកូនឲ្យញឹកញាប់ និងទៀងទាត់ពេល
– ត្រូវញ៉ាំទឹកឲ្យបានច្រើន
– ត្រូវញ៉ាំអាហារឲ្យបានច្រើន និងចម្រុះមុខ ពិសេសសម្ល ឬស៊ុប
– ត្រូវសម្អាតខ្លួនប្រាណ ពិសេសសុដន់ មុននឹងបំបៅកូន។
២. ប្រការគួរចៀសវាង
– មិនត្រូវញ៉ាំអាហារក្រៀមក្រោះ អាហារហឹរ អាហារផ្អាប់
– មិនត្រូវញ៉ាំបន្លែ-សាច់ឆៅ ឬចម្អិនមិនបានឆ្អិនល្អ
– មិនត្រូវផឹកថ្នាំខ្មែរ ឬស្រា
– មិនត្រូវផឹកកាហ្វេ
– មិនត្រូវប្រើថ្នាំដោយគ្មានវេជ្ជបញ្ជា។
ចំពោះអត្ថប្រយោជន៍នៃទឹកដោះម្តាយវិញ លោកជំទាវវេជ្ជបណ្ឌិត ប្រាក់ សោភ័ណនារី អនុរដ្ឋលេខាធិការ ក្រសួងសុខាភិបាល បានបញ្ជាក់ថា ទឹកដោះម្តាយល្អឥតខ្ចោះសម្រាប់ទារក វាជាប្រភពដ៏សំខាន់នៃសារធាតុចិញ្ចឹម វីតាមីន ជួយដល់លូតលាស់របស់ក្មេង និងការពារកូនតូចពីជំងឺផ្សេងៗ។ គ្មានអ្វីមកជំនួសទឹកដោះម្តាយបានឡើយ ក្រៅពីសម្បូរវីតាមីន និងសារធាតុចិញ្ចឹម ជួយទ្រទ្រង់រាងកាយ និងលូតលាស់ ទឹកដោះម្តាយក៏សម្បូរជាតិទឹកដែរ។ ចំពោះម៉ាក់ៗដែលបំបៅកូនដោយទឹកដោះតែមុខគត់ មិនតម្រូវឲ្យបន្តក់ទឹកបន្ថែមនោះទេ ក្នុងអំឡុង ៦ ខែដំបូង ទោះជាទឹកនោះទឹកស្អាតក៏ដោយ។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម