អត្រាបំបៅដោះទារកដោយទឹកដោះម្តាយ នៅក្នុងប៉ុន្មានម៉ោងដំបូងក្រោយកំណើត មានចំនួន ២០០.៥៩៩ នាក់ ស្មើនឹង ៦៥,៣៦% នៃទារកកើតរស់ ៣០៦.៩៨១ នាក់ ដែលបានកើតនៅក្នុងមូលដ្ឋានសុខាភិបាលសាធារណៈទូទាំងប្រទេស។ នេះបើយោងតាមរបាយការណ៍សិមិទ្ធផលសុខាភិបាល ឆ្នាំ ២០១៩ និងទិសដៅការងារឆ្នាំ ២០២០។
ទឹកដោះដំបូងសំខាន់ តែអត្រាបំបៅដោះទារកក្នុងម៉ោងដំបូងក្រោយកំណើត ថយចុះជាងឆ្នាំមុនបន្តិច
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
តួលេខខាងលើនេះ បើប្រៀបធៀបទៅនឹងឆ្នាំមុន មានការថយចុះបន្តិច ខណៈឆ្នាំ ២០១៨ អត្រាទារកកើតរស់ដែលបានទទួលការបំបៅដោយទឹកដោះម្តាយក្នុងប៉ុន្មានម៉ោងដំបូងក្រោយកំណើត មានដល់ទៅ ៦៧%។
លោកជំទាវ ប្រាក់ សោភ័ណនារី អនុរដ្ឋលេខាធិការ ក្រសួងសុខាភិបាល បានឲ្យដឹងថា ការបំបៅកូនដោយទឹកដោះម្តាយនៅប៉ុន្មានម៉ោងដំបូង នៃជីវិតរបស់ពួកគេគឺរឿងប្រពៃបំផុត។ លោកជំទាវបន្តថា ទឹកដោះដំបូង មានតិចតួចបំផុត មាននៅ ២-៣ ថ្ងៃ ដំបូងប៉ុណ្ណោះ ទឹកដំបូងមានចំនួនតិច តែមានគុណប្រយោជន៍ច្រើន។ ការបំបៅកូនក្នុងម៉ោងដំបូង អាចជួយកាត់បន្ថយអាចកាត់បន្ថយអត្រាមរណភាពទារកបានដល់២០% ម្យ៉ាងវិញទៀតទឹកដោះដំបូងសម្បូរដោយសារជាតិចិញ្ចឹម ពិសេសសម្បូរដោយជីវជាតិ A ដែលមានតួនាទីជួយបង្កើននូវអង់ទីករ សម្រាប់ជួយដល់ការរស់រានរបស់កុមារ ការពារកុមារពីជំងឺផ្សេងៗ និងជួយឲ្យភ្នែកកុមារភ្លឺថ្លា។
ចំពោះការលើកឡើងថា ទឹកដោះដំបូង ជាទឹកដោះជូរផ្អូម ត្រូវច្របាច់ចោលនោះ លោកជំទាវអនុរដ្ឋលេខាធិការ ក្រសួងសុខាភិបាល ទទួលបន្ទុកផ្នែកអាហារូត្ថម្ភរូបនេះ បកស្រាយថា មិនមែនជាការពិតនោះទេ ហើយបើម្តាយត្រូវព្យាយាមឲ្យកូនជញ្ជក់ បើកូនជញ្ជក់កាន់តែច្រើន ទឹកដោះចេញកាន់តែច្រើន។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម