ជំងឺផ្លូវដង្ហើម

ជំងឺផ្លូវដង្ហើម​ - កូន​កាន់​តែ​ធំ កាន់​តែ​ចេះ ម៉ាក់ប៉ា​កាន់​តែ​ស្រលាញ់​ដក​ចិត្ត​មិន​បាន ជា​ការ​ពិត។ ប្រសិន​បើ​កូន​មាន ជំងឺផ្លូវដង្ហើម​ ​​គួរ​ឲ្យ​បារម្ភ អ្វី​ដែល​ជា​ដំណោះស្រាយ តើ​ប៉ាម៉ាក់ អាច​ជួយ​កូន​ផ្នែក​ណា​ខ្លះឲ្យ​ទាន់​ពេល?

ចំណេះដឹងទូទៅ

ជំងឺផ្លូវដង្ហើម

កូនឧស្សាហ៍អាលែកហ្ស៊ីច្រមុះគួរបង្ការ និងថែទាំបែបណា?

កុមារមួយចំនួនអាលែកហ្ស៊ីច្រមុះដែលមានអាការៈដូចជា ចេះតែកណ្តាស់ និងហៀរ​សម្បោរជាដើមតែនៅខែធ្លាក់ខ្យល់ទេ តែកុមារមួយចំនួនទៀតឧស្សាហ៍អាលែកហ្ស៊ីច្រមុះណាស់គឺគ្រប់រដូវកាលតែម្តង។ ហេតុអ្វីបានជាកុមារមួយចំនួនចេះតែអាលែកហ្ស៊ីច្រមុះ? គួរបង្ការ និង​ថែទំាំរបៀបម៉េច? ១. កុមារអាចអាលែកហ្ស៊ីច្រមុះនៅពេលណាខ្លះ? អាលែកហ្ស៊ីច្រមុះកើតឡើងនៅពេលកុមារស្រូបចូលនូវសារធាតុបង្ក​អាលែកហ្ស៊ីដែលបណ្តាលឱ្យជាលិកាច្រមុះកុមាររលាក និងហើម។ កុមារអាចអាលែកហ្ស៊ីច្រមុះនៅរដូវធ្លាក់ខ្យល់ដោយសារ ស្រូបយកលម្អងផ្កា និងពពួកមេរោគផ្សិតចេញពីរុក្ខជាតិដែលហោះក្នុងខ្យល់អាកាស។ មួយវិញទៀត កុមារក៏អាចអាលែកហ្ស៊ីច្រមុះគ្រប់ពេលដែលកុមារស្រូបយកកម្ទេចកម្ទីធូលីដី រោមសត្វ ពពួកមេរោគផ្សិត សង្កើច និងកាកសំណល់​ពីសត្វកន្លាតជាដើមដែលមាននៅក្នុងផ្ទះដែរ។ [embed-health-tool-vaccination-tool] ២. តិចនិចបង្ការកូនពីអាលែកហ្ស៊ីច្រមុះ វេជ្ជបណ្ឌិត ឆាយ និមល ឯកទេសរោគកុមារ និងទារកប្រចាំមន្ទីរ​សម្រាក​ព្យាបាលកុមារឱរ៉ាល់ បានឱ្យដឹងថា ដើម្បីបង្ការកូនតូច​ពី​អាលែក​ហ្ស៊ីច្រមុះ ម៉ាក់ប៉ាគួរ៖ ចាក់វ៉ាក់សាំងទាំងឡាយណាដែលជួយបង្ការវីរុសផ្លូវដង្ហើមផ្នែកខាងលើដូចជា វ៉ាក់សាំងផ្តាសាយធំ និងវ៉ាក់សាំងកូវីដដល់កូន បង្រៀនកូនឱ្យចេះអនាម័យទូទៅដូចជា ឧស្សាហ៍លាង​សម្អាតដៃ​ឱ្យស្អាត ពាក់ម៉ាសពេល ចេញទៅក្រៅ ឬពេលមិនស្រួលខ្លួន ម៉ាក់ប៉ាគួរសម្អាតផ្ទះឱ្យស្អាតជាប្រចាំ និងឱ្យបានញឹកញាប់ ព្រោះពពួកមេរោគផ្សិត សង្កើច ជាដើមអាចលូតលាស់ និងបង្កើតកូនចៅបានល្អនៅតាមកម្រាលព្រំ ភួយ ស្រោមខ្នើយ ឬស្រោម ពួកដែលកូនគេងជាប្រចាំជាដើម ប្រើឧបករណ៍អេឡិចត្រូនិចដែលអាចកាត់បន្ថយជាតិសំណើមក្នុងផ្ទះ ដើម្បីកុំឱ្យពពួកមេរោគ ផ្សិត ក៏ដូចជាសង្កើចជាដើម​រីក​លូតលាស់បានល្អ ឬលឿន (តែមិនត្រូវដាក់មុខងារសម្ងួត សំណើម​ក្នុងផ្ទះឱ្យស្ងួតពេកទេ ព្រោះអាចធ្វើឱ្យកូនស្ងួតក) ប្រើឧបករណ៍អេឡិចត្រូនិចដែលអាចកម្ចាត់កម្ទេចកម្ទីក្នុងបរិយាស ចៀសវាងឱ្យកូនប៉ះពាល់ ឬស្រូបជាមួយសារធាតុបង្កអាលែកហ្ស៊ីដូចជា […]

ស្វែងរក ជំងឺផ្លូវដង្ហើម

ជំងឺផ្លូវដង្ហើម

កូនតូចតឹងច្រមុះ ហៀរសម្បោរ ពិបាកដង្ហើម គួរដោះស្រាយបែបណា?

កាលណា​កូន​កើត​ផ្តាសាយ​តែង​មាន​អាការៈ​តឹង​ច្រមុះ ហៀរ​សម្បោរ​មក​ជាមួយ ជា​ហេតុ​ធ្វើ​ឲ្យ​ពិបាក​ដក​ដង្ហើម។ បើ​កូន​តូចៗ​តឹង​ច្រមុះ ហៀរ​សម្បោរ ពិបាក​ដង្ហើម ម៉ាក់ប៉ា​គួរ​ធ្វើ​បែប​ណា? ដោះស្រាយ​បញ្ហា​តឹងច្រមុះ ហៀរ​សម្បោរ ពិបាក​ដង្ហើម ដែល​កើត​មាន​លើ​អូនតូចៗ លោក​វេជ្ជបណ្ឌិត ចាន់ ស៊ីណេត ឯកទេស​ជំងឺ​ទូទៅ​ណែនាំ​នូវ​វិធីងាយៗ​មួយ​ចំនួន​ខាង​ក្រោម។ ១. លាង ឬ​បន្តក់​សេរ៉ូម​ប្រៃ៖ យក​សេរ៉ូម​ប្រៃ​មក​បន្តក់​លើ​ច្រមុះ​កូន​ទាំង​សងខាង ៤-៥ តំណក់ ដើម្បី​ឲ្យ​សម្បោរ​រាវ រួច​​យក​ប្រដាប់​​បូម​​​ច្រមុះ​យក​សម្បោរ​ចេញ។ ធ្វើ​បែប​នេះ ២-៣/ដង ក្នុង​១​ថ្ងៃ នោះ​ច្រមុះ​កូន​នឹង​ធូរស្រាល មិន​ពិបាក​ដក​ដង្ហើម។ ២. ឆ្ពង់​ច្រមុះ៖ ជា​ការ​ឆ្ពង់​ច្រមុះ​ដោយ​ប្រើ​ម៉ាស៊ីន​សម្រាប់​ឆ្ពង់ មាន​ដាក់​សេរ៉ូម​ប្រៃ វិធី​នេះ​អាច​ធ្វើ ៣-៤ ដង/ថ្ងៃ ដើម្បី​ផ្សើម​ច្រមុះ​កូន​ឲ្យ​ធូរ ងាយ​ដក​ដង្ហើម និង​ពង្រាវ​សម្បោរ។ ៣. ងូត​ទឹក​ឧណ្ហៗ៖ ពេល​ក្មេង​តឹង​ច្រមុះ ហៀរ​សម្បោរ ក្អក និង​មាន​ក្តៅ​ខ្លួន ដាច់​ខាត​យើង​មិន​ត្រូវ​ងូត​ទឹក​ត្រជាក់​ឲ្យ​កូន​ទេ ត្រូវ​ងូត​ទឹក​ក្តៅ​ឧណ្ហៗ ទើប​ជំងឺ​មិន​វិវត្ត​កាន់​តែ​ធ្ងន់​ធ្ងរ។ ក្នុង​ករណី​អូន​តូចៗ​ផ្តាសាយ​មាន​អាការៈ​ក្តៅ​ខ្លួន​មក​ជាមួយ​នោះ លោក​វេជ្ជបណ្ឌិត​ណែនាំ​ឲ្យ​ញ៉ាំ​ថ្នាំ​បញ្ចុះ​កម្តៅ​បន្ថែម​ទៀត។


ជំងឺផ្លូវដង្ហើម

ធ្វើបាន ៥ ចំណុចនេះ មិនព្រួយរឿងកូនកើតផ្តាសាយញឹកទេ

អាកាស​ធាតុ​ចុះ​ត្រជាក់ គួប​ផ្សំ​ប្រព័ន្ធ​ការពារ​រាង​កាយ​ក្មេង​ខ្សោយ​ផង​នោះ ជំងឺ​ផ្តាសាយ​នឹង​វាយ​លុក​លើ​ក្មេងៗ។ ទោះ​ជា​បែប​នេះ​ក្តី យើង​នៅ​តែ​អាច​ការពារ​កូន​ជា​ទី​ស្រលាញ់​ពី​ជំងឺ​ផ្តាសាយ​បាន ដោយ​ធ្វើ​តាម ៥ ចំណុច​ខាង​ក្រោម​នេះ។ ១. បំបៅ​ដោះ​កូន តាម​គោលការណ៍​របស់​អង្គការ​សុខភាព​ពិភព​លោក (WHO) តម្រូវ​ឲ្យ​ម៉ាក់ៗ​បំបៅ​ដោះ​កូន​យ៉ាង​ហោច​ណាស់ ៦ខែ​ដែរ ដោយ​ហេតុ​ថា ទឹក​ដោះ​ម្តាយ​ល្អ និង​មាន​សុវត្ថិភាព​ចំពោះ​ទារក​បំផុត។ សាស្ត្រាចារ្យ​វេជ្ជបណ្ឌិត គាន់ អូន ប្រធាន​ផ្នែក​រោគ​ស្ត្រី នៃ​មន្ទីរពេទ្យ​កាល់ម៉ែត លើក​ឡើង​ថា ​កាលណា​កូន​បាន​បៅ​ទឹកដោះ​ម្តាយតែ​មួយ​មុខ​គត់​រយៈពេល ៦ ខែ ដំបូង​ជួយ​ឲ្យ​សុខភាព​រឹងមាំ​ កាត់​បន្ថយ​អត្រាមរណៈ​របស់​កុមារ​តូច​ៗ ព្រម​ទាំង​អាច​បង្ការ​ជំងឺ​ជាច្រើន​ដូចជា៖ – មិន​ងាយ​ទល់​លាមក – កម្រ​ឈឺពោះ​រាករូស – មិន​បណ្ដាល​ឲ្យ​រលាក​រន្ធ​គូទ – មិន​មាន​ជំងឺ​ខ្វះ​ជាតិ​ដែក ស្លេកស្លាំង – ទឹកដោះ​ម្ដាយ​មាន​សារធាតុ​ការពារ​ទប់ទល់​នឹង​មេរោគ ដែល​បណ្ដាល​ឲ្យ ក្អក ផ្ដាសាយ – អាច​សង្គ្រោះ​ជីវិត​កូន​ពី​ការ​ស្លាប់​ដោយ​ការ​ចម្លង​រោគ – ការពារ​ជំងឺ​ផ្លូវ​ដង្ហើម​បាន​មួយ​ភាគ – គ្មាន​បញ្ហា​ប្រព័ន្ធ​រំលាយ​អាហារ – ក្រពះ-ពោះវៀន មាន​សុខភាព​ល្អ។ ២. កុំ​នាំ​កូន​ទៅ​ជិត​អ្នក​ជំងឺ យើង​ដឹង​ហើយ​ថា ក្មេង​មាន​ប្រព័ន្ធ​ការពារ​រាងកាយ​ខ្សោយ​ណាស់ ងាយ​នឹង​ទទួល​រង​នូវ​ការ​វាយ​ប្រហារ​ពី​មេរោគ​ផ្សេងៗ។ បែប​នេះ​ហើយ យើង​ត្រូវ​ថែទាំ​កូន​ឲ្យ​បាន​ដិត​ដល់ ចៀស​វាង​ការ​នាំ​កូន​ទៅ​អ្នក​ជំងឺ ដែល​អាច​ឆ្លង​រោគ​ពី​អ្នក​ជំងឺ​ទាំង​នោះ​មក​កូន​យើង។ ៣. ចាក់​វ៉ាក់សាំង​ការពារ​ជំងឺផ្តាសាយ​ធំ បើ​កូន​អាយុ​លើស​ពី ៦ ខែ យើង​អាច​នាំ​កូន​ទៅ​ចាក់​វ៉ាក់សាំង​ការពារ​ជំងឺ​ផ្តាសាយ​ធំ។ ​មជ្ឈមណ្ឌល​គ្រប់គ្រង និង​បង្ការ​ជំងឺ​អាមេរិក (CDC) លើកឡើងថា […]


ជំងឺផ្លូវដង្ហើម

ខែត្រជាក់ ក្មេងងាយផ្តាសាយ តឹងច្រមុះ សាកតិចនិកសាមញ្ញមួយនេះអាចជួយបាន

ក្មេងៗ​​ងាយ​នឹង​កើត​ផ្តាសាយ ពិសេស​​ពេល​​អាកាសធាតុ​​ចុះ​​ត្រជាក់​​បែប​​នេះ​​ទៀត​​រឹត​​តែ​ប្រឈម​​ខ្លាំង។ បើ​​កូន​​តូច​​ផ្តាសាយ តឹង​ច្រមុះ ពិបាក​ដក​ង្ហើម ម៉ាក់ប៉ា​គួរធ្វើបែបណា ដើម្បី​បន្ធូរ​បន្ថយ​អាការៈ​ទាំង​នោះ​បាន? លោកវេជ្ជបណ្ឌិត ចាន់ ស៊ីណេត ឯកទេសទូទៅ បានពន្យល់ថា ក្មេងកើតផ្តាសាយ អាចមានសញ្ញាផ្សេងៗរួមផ្សំច្រើន ដូចជា ក្តៅខ្លួន ក្អក ហៀរសម្បោរ តឹង ច្រមុះ ធ្វើឲ្យពិបាកដកដង្ហើម។ លោកវេជ្ជបណ្ឌិតបន្តថាអាការៈ​តឹង​ច្រមុះ ​កើត​ឡើង​នៅ​ពេល​​សរសៃ​ឈាម និងសន្ទះ​ក្នុង​រន្ធ​ច្រមុះ​កូន​ពោរពេញ​ដោយ​សម្បោរ ​អាច​ធ្វើឲ្យអូនៗ​ពិបាក​គេង និង​មាន​បញ្ហារលាក​ច្រមុះ ហើយ​ខ្លះក៏​អាច​មាន​បញ្ហា​ពិបាក​ញ៉ាំ​ ​ពេល​មាន​កក​ស្ទះ​សម្បោរ។ វិធីមួយដែលសាមញ្ញ ហើយមានសុវត្ថិភាព និងប្រសិទ្ធភាពក្នុងការព្យាបាលអា​ការៈ​តឹង​ច្រមុះ​លើ​កូន​តូចៗ ​គឺ​ប្រើ​​ទឹក​សេរ៉ូម​ប្រៃ ឬទឹក​បន្តក់​ច្រមុះ។ បើ​យើង​​ជ្រើសរើស​យក​ទឹក​បន្តក់​ច្រមុះ​ សូម​បន្តក់​ ៤-៥ តំណក់​ម្ខាង​ ដើម្បីឲ្យ​​សម្បោរ​នៅ​ខាង​ក្នុង​រលាយ ជួយ​ឲ្យ​​ធូរ​ច្រមុះ បន្ទាប់​មកត្រូវ​ប្រញាប់​យក​ប្រដាប់​បូម​ច្រមុះ​ បឺត​យក​ទឹក​នោះ​ និង​សម្បោរ​ចេញ​មក​វិញ។ ត្រូវ​ចាំ​ថា ប្រើ​ប្រដាប់​បូម​ច្រមុះ ត្រូវ​ច្របាច់​វា​ មុន​ដាក់​ចូល​ទៅ​ក្នុង​រន្ធ​ច្រមុះអូនៗ ហើយ​ពេល​យើង​ប្រលែង​វា​មក​វិញ​ ឧបករណ៍​នឹង​បឺត​យក​សម្បោរ​នោះ​មក​ក្រៅ ព្រោះ​បើ​យើង​ដាក់​ចូល​ក្នុង​ច្រមុះ​ហើយ​ ទើប​​ច្របាច់​ខ្យល់ វានឹង​រុញ​សម្បោរ​ទៅ​ក្នុង​​ច្រមុះ​កាន់​តែ​ជ្រៅ​ទៀត។ ​គួរ​ធ្វើ​របៀប​នេះ​យ៉ាង​ហោច​ណាស់ ១៥​ នាទី ​មុន​នឹង​បញ្ចុក​អាហារ​អូនៗ ឬមុន​ចូល​គេង​ ​អាច​ធ្វើឲ្យអូនៗ […]


ជំងឺផ្លូវដង្ហើម

ចូលចិត្ត​ចង​សក់​​ឲ្យ​កូន​តូចៗ​ ប្រយ័ត្ន​គ្រោះថ្នាក់​មើល​មិន​ឃើញ

ជា​ទូទៅ​ ម៉ាក់​ៗ​ដែល​មាន​កូន​​ស្រី​​តូច​ៗ​ ​និង​មាន​សក់​ស្អាត​ភ្លឺ​រលោង​​ តែងតែ​ចូលចិត្ត​ចង​សក់​​ឲ្យ​កូន​ដោយ​ប្រើ​កៅស៊ូ​ ឬ​ខ្សែ​ចង​សក់​ ឬ​ដង្កៀប​​​គាប​សក់​ឲ្យ​កូន​ជាក់​​ជា​មិន​ខាន​។​ យ៉ាង​ណា​មិញ​ ការ​ចងសក់​អាច​បំផ្លាញ​ដល់​សរសៃ​សក់​ដ៏​​តូច​ៗ​របស់​ក្មេង​​​បាន​ ​ហើយ​ប្រសិន​​បើ​យើង​ចង​​រលុង​ពេក​ ​កូន​ៗ​អាច​នឹង​ទាញ​​ចេញ​ពី​សក់​របស់​ពួក​គេ​​ ហើយ​មាន​ករណី​ខ្លះ​កូន​នៅតូចពេក​អាចយកទៅ​បៀម​ ឬ​លេប​ចូល​ទៅ​ក្នុង​ពោះ​​​នឹង​បង្ក​ឲ្យ​ស្លាក់​​ជាប់​ក​បាន​។​ ​​​១.​បំផ្លាញ​សរសៃ​សក់ ទារក​ និង​កូន​ក្មេង​មាន​សរសៃ​សក់​ស្ដើង​ និង​ផុយ​ស្រួយ​ជាង​មនុស្ស​ធំ ​​​ហើយ​វា​ងាយ​នឹង​ខូច​​យ៉ាង​ឆាប់​រហ័ស​។​ ​​ការ​ចង​សក់​ឲ្យ​កូន​​តឹង​ពេក​ វា​អាច​នឹង​​ធ្វើ​ឲ្យ​ក្មេង​ជ្រុះ​សក់​​បាន​។​ ពិត​ណាស់​ សរសៃ​​សក់​អាច​នឹង​ដាច់​ចេញ​ពី​បរិវេណ​ដែល​យើង​ចង​សក់​តឹង​ ឬ​ក៏​អាច​ឈប់​ដុះ​នៅ​បរិវេណ​នោះ​​ផង​ដែរ​។​ ដូច្នេះ​ហើយ​ ចូរ​បញ្ឈប់​ការ​ចង​សក់​ឲ្យ​កូន​ ប្រសិន​បើ​យើង​សម្គាល់​ឃើញ​​ការ​បំផ្លាញ​​សក់​​ក្នុង​ទ្រង់​​​ណា​មួយ​​កើត​ឡើង​។ ២. ហានិភ័យ​នៃ​ការ​ស្លាក់​ជាប់បំពង់​ក​​ ​​ជា​ធម្មតា​​ កូន​តូច​ៗ​តែង​តែ​ចូល​ចិត្ត​លេប​របស់​របរ​ផ្សេង​ៗ​ចូល​ទៅ​ក្នុង​មាត់​។​ ប្រសិនបើ​កូន​របស់​យើង​មាន​សក់​ទន់​រលោង​ស្អាត​ កៅស៊ូ​ចង​សក់​អាច​នឹង​របូត​បាន​នៅ​ពេល​ដែល​យើង​ចង​សក់​​មិន​សូវ​តឹង​​ដែល​​កត្តា​នេះ​អាច​​បណ្ដាល​ឲ្យ​កូន​របស់​យើងអាច​យក​មក​បៀម ឬលេប​នាំ​ឲ្យ​​ស្លាក់​កៅស៊ូ​​ជាប់​បំពង់ក​បាន​។ ៣. ហានិភ័យ​នៃ​ការ​លេប​ចូល​ពោះ​ ភាគ​ច្រើន​ វត្ថុ​ដែល​ទារក​លេប​ចូល​ពោះ​ ​អាច​ឆ្លង​កាត់​ពោះវៀន​ដោយ​ពុំ​មាន​គ្រោះ​ថ្នាក់​​​ និង​ចេញ​មក​ក្រៅ​តាម​លាមក​ក្មេង​។​ ប៉ុន្តែ​ វត្ថុ​ដែល​មាន​គែម​មុត​ស្រួត​ ឬ​វត្ថុ​ធំៗ អាច​នឹង​​ធ្វើ​ឲ្យ​ខូច​ពោះវៀន​ក្មេង​បាន​ផង​ដែរ​។​ ​ចំពោះ​ខ្សែ​ចង​សក់​ដែល​មាន​គ្រឿង​តុបតែង​លម្អ​បន្ថែម​ អាច​​ធ្វើ​ឲ្យ​រង​របួស​​លើ​កោសិកា​ងាយ​រងគ្រោះ​​នៅ​ក្នុង​​បំពង់​អាហារ​ ក្រពះ​ ពោះវៀន​ ឬ​រន្ធ​គូទ​របស់​ក្មេង​​ថែម​ទៀត​ផង​។ នៅ​ក្នុង​ករណី​ដែល​កូន​តូច​របស់​ម៉ាក់​ៗ​លេប​ខ្សែ​ចង​សក់​ ចូរ​ធ្វើ​ការ​ពិគ្រោះ​យោបល់​ជាមួយ​នឹង​គ្រូពេទ្យ​កុមារ​​​ភ្លាម​ៗ​។​​ គ្រូពេទ្យ​អាច​នឹង​ណែ​នាំ​ឲ្យ​យើង​ពិនិត្យ​លាមក​របស់​កូន​រយៈពេល​៣​ ទៅ​៥​ថ្ងៃ​ ដើម្បី​ឲ្យ​ប្រាកដ​ថា​វា​ចេញ​មក​ក្រៅ​តាម​លាមក​ឬ​ក៏​អត់​។ ៤. ​ជម្រើស​សុវត្ថិភាព​ ប្រសិនបើ​ម៉ាក់​ៗ​ចង់​លេង​ម៉ូត​សក់​ឃ្យូត​ៗ​ឲ្យ​នាង​តូច​ ម៉ាក់​ៗ​អាច​ប្រើ​ប៊ូ​ចង​សក់​ក្រណាត់​ ជា​ជាង​ប្រើ​ខ្សែ​​ ឬ​កៅស៊ូ​ចងសក់។​ ​ចូរ​កុំ​ចង​សក់​​ឲ្យ​កូន​ជា​ទី​ស្រលាញ់​តឹង​ពេក​ ដើម្បី​កាត់​បន្ថយ​ហានិភ័យ​នៃ​ការ​បំផ្លាញ​ដល់​សរសៃ​សក់​របស់​ពួក​គេ​។​ លើស​ពី​នេះ​ យើង​អាច​ចង​សក់​នៅ​ទីតាំង​ផ្សេង​ៗ​គ្នា​ ដើម្បី​ចៀសវាង​ការ​ដាក់​សម្ពាធ​ដល់​សក់​នៅ​ទីតាំង​តែ​មួយ​។ […]


ជំងឺផ្លូវដង្ហើម

ក្មេងក្តៅខ្លួន ឬផ្តាសាយ ចំថ្ងៃត្រូវចាក់វ៉ាក់សាំង អាចចាក់បានអត់?

តាម​គោលការណ៍​ចាក់​វ៉ាក់សាំង គឺ​ត្រូវ​ចាក់​តាម​ថ្ងៃ​កំណត់​ឲ្យ​គ្រប់​ដូស្ត​ទើប​មាន​ប្រសិទ្ធភាព ឯការ​ចាក់​មុន ឬ​ពន្យារ​ពេល​ចាក់វ៉ាក់សាំងមិន​ល្អ​នោះ​ទេ។ ចុះ​បើ​កូន​ក្តៅ​ខ្លួន ឬ​ផ្តាសាយ ចំ​ថ្ងៃ​ត្រូវ​ចាក់​វ៉ាក់​សាំង អាច​ចាក់​វ៉ាក់សាំង​បាន​អត់? ឬ​ក៏​ត្រូវ​ពន្យារ​ពេល? តាម​ការ​បកស្រាយ​របស់ មជ្ឈមណ្ឌល​គ្រប់គ្រង និង​បង្ការ​ជំងឺ​ឆ្លងរបស់អាមេរិក (CDC) ក្មេងៗ​នៅ​តែ​អាច​ចាក់​វ៉ាក់សាំង​បាន បើ​ទោះ​បី​ជា​មាន​អាការៈ​គ្រុន​ក្តៅ ឬ​ឈឺ​ល្មមៗ ព្រោះ​បញ្ហា​ទាំង​នេះ​មិន​ប៉ះពាល់​ដល់​រាងកាយ ដើម្បី​ឆ្លើយ​តប​ទៅ​នឹង​វ៉ាក់សាំង​នោះ​ទេ។ ក្នុង​លក្ខខណ្ឌ​ក្មេងៗ​មានឈឺ​ជំងឺ​តិចតួចមួយ​ចំនួន​ខាង​ក្រោម​នេះ ម៉ាក់ប៉ា​កុំ​ពន្យារ​ពេល​អី ត្រូវ​នាំកូន​ទៅ​ចាក់​វ៉ាក់សាំង​តាម​ពេល​កំណត់។ - ក្តៅខ្លួនតិចៗ - ផ្តាសាយ តឹងច្រមុះ ឬក្អក - ឆ្លងរោគនៅត្រចៀក - រាកល្មមៗ CDC ពន្យល់​ថា ការ​ដែល​រង់ចាំ​ឲ្យ​កូន​ជា​ពី​ជំងឺ​តិចតួច ចាំ​នាំ​ទៅ​ចាក់​វ៉ាក់សាំង​នោះ​គ្មាន​ប្រយោជន៍​អី​ចំពោះ​សុខភាព​ទេ។ ការ​ដែល​សំខាន់ គឺ​យើង​ត្រូវ​នាំ​កូន​ទៅ​ចាក់​វ៉ាក់សាំង​តាម​ថ្ងៃ​កំណត់ ទើប​អាច​ការពារ​ពួកគេ​ពី​ជំងឺ​ធ្ងន់ធ្ងរ​បាន ម្យ៉ាង​វិញ​ទៀត ការ​ចាក់​វ៉ាក់សាំង​មិន​ធ្វើ​ឲ្យ​ស្ថានភាព​ជំងឺ​តិចតួច​របស់​ក្មេង​ដែល​កំពុង​តែ​មាន​ទៅ​ជា​ធ្ងន់ធ្ងរ​ឡើយ។


ជំងឺផ្លូវដង្ហើម

ទារកក្រោម ៣ ខែ អាចនឹងស្លាប់បើកើតជំងឺរលាកទងសួត

ទារក ឬកុមារ ងាយ​ប្រឈម​នឹង​ពពួក​វីរុស ឬ​បាក់តេរី​មើល​មិន​ឃើញ​ដែល​មាន​ជុំ​វិញ​ខ្លួន​ ហើយ​វា​អាច​បណ្ដាល​ឲ្យ​កូន​ងាយនឹង​ឈឺ​ជំងឺ​ផ្សេងៗ ស្រប​ពេល​ខែ​នេះ ធ្លាក់​ខ្យល់​ត្រជាក់​ផង​នោះ ​កូនកាន់តែងាយប្រឈម​នឹង​បញ្ហា​រលាក​ទង​សួត។ លោក​ស្រី​វេជ្ជបណ្ឌិត កុសល កណិការ ឯក​ទេស​ជំងឺ​កុមារ សញ្ញា​ប័ត្រ​ពី​ប្រទេស​បារាំងបានបញ្ជាក់ថា ជំងឺ​រលាក​ទង​សួត​លើ​ទារក ឬកុមារ គឺ​ជា​ជំងឺ​រលាក​ផ្លូវ​ដង្ហើម​ភាគច្រើន​បង្ក​ឡើង​ដោយ​វីរុស RSV (Respiratory Syncytial Virus)។ កុមារកើត​ជំងឺ​រលាក​ទង​សួត ភាគ​ច្រើន​អាច​ព្យាបាល​បាន​ដោយ​យក​ថ្នាំ​ទៅ​ប្រើ​នៅ​ផ្ទះ​ដោយ​មិន​ចាំ​បាច់​​សម្រាក​នៅ​មន្ទីរពេទ្យ​ឡើយ ហើយ​​អាច​នឹង​ជា​សះ​ស្បើយ​ធម្មតា​វិញ​ក្នុង​រយៈ​ពេល​ពី ៧-១០​ថ្ងៃ​ក្រោយ។ ប៉ុន្តែ ក្នុង​ករណី​មួយ​ចំនួន កុមារ​ត្រូវ​ការ​សម្រាក និង​ព្យាបាល​នៅ​មន្ទីរពេទ្យ ដើម្បី​ទទួល​បាន​ជំនួយ​ពី​អុកស៊ីសែនជួយ​​ឲ្យ​ងាយ​ស្រួល​ដក​ដង្ហើម។ ចង់គណនាថ្ងៃមេជីវិតញីទុំធ្លាក់ ចុចទីនេះ! ចង់គណនាថ្ងៃសម្រាលកូន ចុចទីនេះ! ចង់គណនាទម្ងន់ស្រ្តីពពោះ ចុចទីនេះ! ចង់ដឹងអត្ថន័យពណ៌ និងរូបរាងលាមកទារក ចុចទីនេះ! វេជ្ជបណ្ឌិត​ឯកទេស​ជំងឺ​កុមារ​រូប​នេះ​បន្ត​ថា ជំងឺ​រលាក​ទង​សួត​អាច​បង្ក​ជា​ប៉ះពាល់​ដល់​សុខភាព​កូន​បាន​ដូច​ជា៖ ជំងឺ​រលាក​ទង​សួត អាច​បណ្ដាល​ឲ្យ​កុមារ​ស្លាប់​បាន ប៉ុន្តែ​ក្នុង​កម្រិត​ទាប​បំផុត។ ក្រុម​កុមារ​ដែល​មាន​អត្រា​គ្រោះ​ថ្នាក់​ខ្ពស់ គឺ​ទារក​ដែល​មាន​អាយុ​ក្រោម​ ៣​ខែ ឬ​កុមារដែល​ជំងឺ​បេះដូងពី​កំណើត និង​​មាន​ភាព​មិន​ប្រក្រតី​ពី​កំណើត​មួយ​ចំនួន។ ក្នុង​ករណី​ខ្លះ​ទៀត ក្រោយ​ជា​សះ​ស្បើយ​ហើយ កុមារ​អាច​កើត​មាន​ជា​អាការៈហត់ ឬ​ដង្ហក់​ច្រើន​លើក​ដដែល​ៗ។ ក្នុង​នោះ មាន​កុមារ​មួយ​ចំនួន អាច​លែង​មាន​អាការៈ​ហត់ ឬ​ដង្ហក់​នេះ នៅ​ពេល​​វិវត្ត​វ័យ​ធំ​ឡើង​ៗ។ កុមារ​មួយ​ចំនួន​ទៀត អាច​កើត​ជា​ជំងឺ​ហឺត​ម្ដង ក្រោយ​ជា​ពី​ជំងឺ​រលាក​ទង​សួត​នេះ។ អត្ថបទគួរអាន៖ ហេតុផល ៤ […]


ជំងឺផ្លូវដង្ហើម

សំណួរ​ប្រចាំ​សប្ដាហ៍៖ ពេល​កូនក្ដៅ​ខ្លួនប៉ាម៉ាក់ត្រូវធ្វើម៉េចខ្លះ?

ប៉ាម៉ាក់​ពេល​ឃើញ​កូន​មានអាការៈ​ក្ដៅ​ខ្លួន ពិត​ជាបារម្ភ​មិន​ខាន ពេល​ខ្លះ​ក៏​មិន​ដឹង​ដែរ​ថា​កូន​ក្ដៅ​ខ្លួន​មកពី​មូ​ល​ហេតុ​អ្វី។ ចំពោះ​ប៉ាម៉ាក់​ខ្លះ ក៏​ប្រ​ហែលជា​នៅ​ឆ្ងល់ដែរថា​កូន​មាន​សីតុណ្ហភាព​ប៉ុន្មាន​ទើប​​ហៅ​ថា​ក្ដៅ​ខ្លួន។ តស់​ស្វែង​យល់​ទាំង​អស់​គ្នា ឆ្លើយ​សំណួរ​ខាងក្រោម​នេះ​ហើយ ចម្លើយ​នឹង​លោតមក​ភ្លាម​ដែរ ដូច​នេះ​ប៉ាម៉ាក់​បាន​ដឹង​មិ​ន​ខាន។ បើ​ម៉ាក់ៗ​ចង់​ស្វែង​យល់ពី​តិចនិក​ចិញ្ចឹម​កូន ថែទាំ​កូន​បន្ថែមទៀត សូមចុចត្រង់​នេះ! សំណួរពាក់ព័ន្ធ៖  សំណួរ​ប្រចាំ​សប្ដាហ៍៖ វីតាមីន និងរ៉ែសំខាន់ៗសម្រាប់កូន ម៉ាក់ៗគួរដឹង សំណួរប្រចាំសប្ដាហ៍៖ មានកូនអាយុក្រោម១ឆ្នាំ ម៉ាក់ៗគួរដឹងរឿងនេះ   View Survey


ជំងឺផ្លូវដង្ហើម

មិនចង់ឲ្យកូនឆ្លង COVID-19 និងជំងឺផ្លូវដង្ហើមផ្សេងៗ ម៉ាក់ប៉ាគួរធ្វើបែបនេះ

ពេល​នេះ​ប្រទេស​កម្ពុជា​កំពុង​ជួបប្រទះ​ជំងឺ COVID-19 ឆ្លង​ជា​សហគមន៍ ដូចនេះ​ហើយ​ម៉ាក់ប៉ា​មាន​ការ​បារម្ភ​ពី​សុខទុក្ខ​កូន​ខ្លាំង​ណាស់។ ជាពិសេស​អ្នក​មាន​ទារក​តូច​ៗ​ដែល​ងាយ​ប្រឈម​នឹង​បញ្ហា​ឆ្លង​ជំងឺ​នានា ហើយ​អ្វី​ដែល​ខ្លាច​បំផុត​នោះ​គឺ​ជំងឺ COVID-19 និង​ជំងឺ​ផ្លូវ​ដង្ហើម​ដទៃ​ទៀត។ ចំពោះ​បញ្ហា​នេះ​លោក​វេជ្ជបណ្ឌិត ហ៊ាង រតនា បាន​ឲ្យ​ដំបូន្មាន​ថា ស្រប​ពេល​ឥឡូវ​ស្ថិត​ក្នុង​ខែ​ត្រជាក់​ទៀត​នោះ សុខភាព​កូន​តូច​ទទួល​រង​ការ​គំរាម​កំហែង​ខ្លាំង​ណាស់​ពី​ជំងឺ​ផ្សេង​ៗ​ដូចជា ជំងឺ RSV ផ្ដាសាយ គ្រុនក្ដៅ ឬ​ជា​ពិសេស COVID-19 ដូចនេះ​ដើម្បី​បង្ការ​ជំងឺ​អស់​ទាំង​ប៉ុន្មាន​ដូច​បាន​រៀបរាប់​ខាង​លើ​ក្នុង​កាលៈទេសៈ​បែប​នេះ វេជ្ជបណ្ឌិត​ឯកទេស​ជំងឺ​ទូទៅ​រូប​នោះ​បាន​ណែនាំ​ម៉ាក់ប៉ា​មិន​គួរ​ឲ្យ​អ្នក​ដទៃ​ដែល​មិន​មែន​ជា​សមាជិក​គ្រួសារ​លេង ឬ​បី ថើប​កូន​យើង​ឡើយ។ ម្យ៉ាង​វិញ​ទៀត​កុំ​នាំ​កូន​ទៅ​កន្លែង​ដែល​មាន​មនុស្ស​ច្រើន​ដូចជា​ផ្សារ ហាង​ទំនិញ​ដទៃ​ទៀត ព្រោះ​មនុស្ស​ជាច្រើន​ដែល​ឃើញ​ទារក​ថ្លោស​ៗ មុខ​មាត់​គួរ​ឲ្យ​ស្រលាញ់ អាច​នឹង​យក​ដៃ​ទៅ​ប៉ះ​មុខ ឬ​សុំ​ពរ ជា​ហេតុ​នាំ​ឲ្យ​ឆ្លង​រោគ។ ធ្វើ​បែបនេះ​ត្បិតថា​កំណាញ់​បន្តិច​មែន តែ​ជួយ​ទប់ស្កាត់​មេរោគ​ផ្សេង​ៗ​ឆ្លង​មក​លើ​កូន​បាន ហើយ​ពេល​កូន​ឈឺ​អ្នក​ដែល​ពិបាក​មានតែ​យើង​ខ្លួនឯង មិនមាន​នរណា​មក​ពិបាក​ជាមួយ​ឡើយ។ លោក​ក៏​ឲ្យ​ណែនាំ​ឲ្យ​ម៉ាក់ប៉ា​ទាំងអស់​ត្រូវ​ប្រយ័ត្ន​ចំពោះ​ខ្លួន​ឯង​ដែល​ជា​អ្នក​ថែទាំ​កូនផ្ទាល់ ព្រោះ​យើង​ក៏​ត្រូវ​ចេញ​ទៅ​ក្រៅ​ជួប​មនុស្ស​ជាច្រើន។ ដូចនេះ​ពេល​ចេញ​ទៅណាមកណា​ត្រូវ​ពាក់​ម៉ាស់ និង​លាង​ដៃ​ឲ្យ​ស្អាត​ជាមួយ​សាប៊ូ ឬ​អាល់កុល​ឲ្យ​បាន​ញឹកញាប់ ហើយ​ពេល​ត្រឡប់​ចូល​ផ្ទះ​វិញ​ត្រូវ​ផ្លាស់ប្ដូរ​សម្លៀកបំពាក់ ព្រោះ​វា​ចៀសវាង​មេរោគ​ទុំ​ជាប់​ខោអាវ។ ទម្លាប់​បែបនេះ​មិនមែន​ការពារ​បាន​តែ COVID-19 ទេ មេរោគ​ដទៃដូចជាព្រូន ផ្សិត​ក៏​យើង​អាច​ទប់ស្កាត់​បាន​ដូច​គ្នា។ ប្រភេទ​ជំងឺ​ដែល​ជួប​ប្រទះ​ច្រើន​ក្នុង​ពេល​អាកាសធាតុ​ត្រជាក់​បែប​នេះ មាន​ដូចជា ផ្ដាសាយ អាលែកហ្សី ជំងឺ​ផ្លូវ​ដង្ហើម និង​មេរោគ​ផ្សិត ដែល​ធ្វើឲ្យ​យើង​គ្រុន​ផ្ដាសាយ ហៀរ​សំបោរ រលាក​បំពង់​ក រលាក​ក្រពះ​ពោះវៀន ហឺត ជំងឺ​ភ្នែក​ក្រហម។ អាកាស​ធាតុ​បែប​នេះ​មិន​គួរ​ដាក់​កូន​តូច​មិន​គួរ​គេង​ក្នុង​បន្ទប់​ត្រជាក់ […]


ជំងឺផ្លូវដង្ហើម

ម៉ាក់ៗឆ្ងល់អត់ គ្រាន់កូនបៀមដៃសោះ បែរជានាំឲ្យរលាកបំពង់ក?

ទារក និង​កុមារ​តូច​ៗ​ជាច្រើន​មាន​ជំងឺ​រលាក​បំពង់ក រលាក​ពោះវៀន រហូត​ដល់​រលាក​សួត និង​រលាក​ផ្លូវ​ដង្ហើម ដែល​នោះ​ជា​ក្ដី​កង្វល់​ដ៏​ធំ​របស់​អាណាព្យាបាល​គ្រប់​រូប។ ចំពោះ​បញ្ហា​នេះ​វេជ្ជបណ្ឌិត ហ៊ាង រតនា ឯកទេស​ជំងឺ​ទូទៅ​បាន​ឲ្យ​ដឹង​ថា កូន​ធ្លាក់​ខ្លួន​ឈឺ​ជំងឺ​ទាំង​នោះ​មូលហេតុ​ចម្បង​មួយ​មកពី​កូន​បៀម​ដៃ​លេង។ លោក​បន្ថែម​ទៀត​ថា មាន​ម៉ាក់​ៗ​ជាច្រើន​ពេល​នាំ​កូន​មក​ព្យាបាល បាន​សួរ​ថា​គ្រាន់តែ ហេតុអ្វី​គ្រាន់តែ​កូន​ក្មេង​បៀម​ដៃ​សោះ បែរ​ជា​អាច​បង្ក​ឲ្យ​មាន​ជំងឺ រលាក​បំពង់ក រហូត​ខ្លះ​វិវត្តទៅដល់រលាក​ពោះវៀន រលាក​សួត និង​រលាក​ផ្លូវ​ដង្ហើម។ លោក​បាន​បញ្ជាក់​ថា ជា​ធម្មតា​ដៃ​កូន​មិន​បាន​នៅ​មួយ​កន្លែង និង​ស្អាត​ជាប់​ជានិច្ច​ឡើយ កូន​តែងតែ​ស្រវេស្រវា​ចាប់​នេះ​ចាប់​នោះ ហើយ​ដៃ​នោះ​នឹង​យក​មក​ដាក់​ក្នុង​មាត់ ​មេរោគ​នឹង​ជ្រាប​ចូល​ទៅ​តោង​ជាប់​បំពង់​ក​ធ្វើឲ្យ​ឈឺ ពិបាក​លេប​ទឹក​មាត់ និង​ញ៉ាំ​អាហារ។ វេជ្ជបណ្ឌិត​រូប​នោះ​លើក​ឡើង​ថា នៅ​ពេល​ដៃ​​មិន​ទាន់​បាន​លាង​សម្អាត​ជាមួយ​សាប៊ូ អាល់កុល ឬ​ផេះ រួច​យក​មក​ផ្ដិត​លើ​ផ្ទៃ​ស្អាត​មួយ ហើយ​បណ្ដុះ​មេរោគ។ ជាលទ្ធផល គឺ​មាន​មេរោគ​រាប់​សិប​ប្រភេទ និង​រាប់​សិប​លាន​។ ដូចនេះ​ហើយ ដើម្បី​ការពារ​កូន​យើង​កុំ​ឲ្យ​ឈឺ​ញឹកញាប់ សូម​ថែរក្សា​អនាម័យ​បាន​ខ្ជាប់ខ្ជួន ឧស្សាហ៍​លាង​ដៃ​កូន​តូច​ៗ​យ៉ាង​ហោច​ណាស់ ២-៤ ម៉ោង/​ម្ដង និង​កុំឲ្យ​កូន​ប៉ះ​របស់​មិន​ល្អ។ ផ្ដល់​អាហារ​ដែល​មាន​ជីវជាតិ និង​សារធាតុ​ចិញ្ចឹម​គ្រប់គ្រាន់ ជួយ​ឲ្យ​ប្រព័ន្ធ​ការពារ​រាងកាយ​រឹងមាំ​ធន់​នឹង​ជំងឺ។ រលាក​បំពង់​ក​អាច​បណ្ដាល​មកពី​វីរុស ពពួក​បាក់តេរី និង​ពពួក​ផ្សិត​ ដែល​រីក​រាល​ដាល​ដោយ​កង្វះ​អនាម័យ​ក្នុង​ការ​រស់នៅ​ប្រចាំថ្ងៃ រួម​មាន​ការ​ញ៉ាំ​អាហារ​មិន​មាន​អនាម័យ កុមារ​លេង​ដី​ធ្វើឲ្យ​មេរោគ​ងាយ​ជ្រៀត​ចូល​តាមរយៈ​ដៃជើង និង​សម្លៀកបំពាក់​ជាដើម។ កត្តា​ប្រឈម​​រលាក​បំពង់​ក ក៏​បណ្ដាល​ឲ្យ​ទៅ​រលាក​បំពង់​សំឡេង រលាក​ផ្លូវ​ដង្ហើម ដូចជា​ផ្ដាសាយ រលាក​ទងសួត។


ជំងឺផ្លូវដង្ហើម

វីរុស RSV កំពុងផ្អើលខ្លាំងនៅថៃនោះ ខ្មែរក៏កើតមានដូចគ្នាដែរគ្រាន់តែមិនផ្ទុះ!

នៅ​ប្រទេស​ជិត​ខាង​កម្ពុជា​កំពុងតែ​​ផ្ទុះ​វីរុស RSV (Respiratory syncytial virus) ដែល​វា​មាន​ហានិភ័យ​ខ្ពស់​ចំពោះ​ក្មេង​តូច និង​មិនទាន់​មាន​វ៉ាក់សាំង​នៅ​ឡើយ​ទេ។ វេជ្ជបណ្ឌិត ហ៊ាង រតនា បាន​ឲ្យ​ដឹង​ថា RSV មិនមែន​ជា​វីរុស​ប្រភេទ​ថ្មី​ទេ វា​កើត​មាន​ច្រើន​ឆ្នាំ​ណាស់​មក​ហើយ ហើយ​មិន​មែន​តែ​កូន​ក្មេង​អាយុ​ក្រោម​១ ឆ្នាំ​ឡើយ​ដែល​គ្រោះថ្នាក់ មនុស្ស​ចាស់​វ័យ​ចាប់ពី ៦៥ ឆ្នាំ​ឡើង​ក៏​មាន​ហានិភ័យ​ដូច​គ្នា។ លោក​ក៏​បាន​បន្ថែម​ទៀត​ថា រាល់ថ្ងៃ​ប្រទេស​កម្ពុជា​ក៏​មាន​ឆ្លងឆ្លង​វីរុស​នោះ​ដូចគ្នា គ្រាន់តែ​មិន​ផ្ទុះ​ខ្លាំង​តែ​ប៉ុណ្ណោះ ហើយ​ពេល​ខ្លះ​ទោះ​ជា​មាន​ហើយ​ក៏​មិន​អាច​ដឹង​ដែរ ទាល់តែ​ធ្វើ​តេស្ត PSR ទើប​អាច​រក​ឃើញ។ វេជ្ជបណ្ឌិត​ឯកទេស​ទូទៅ​បន្ថែម​ទៀត​ថា RSV គឺជា​វីរុស​ដែល​ឆ្លង​ច្រើន​បំផុត ហើយ​រោគសញ្ញា​វា​ស្រដៀង​គ្នា​ទៅ​នឹង​ជំងឺ​ផ្ដាសាយ។ វីរុស RSV ឆ្លង​តាម​រយៈ​ខ្យល់​ដង្ហើម ដំណក់​ទឹក​មាត់ និង​សម្បោរ។ ជា​ទូទៅ​សម្រាប់​អ្នក​មាន​ប្រព័ន្ធ​ការពារ​រឹងមាំ ពេល​ឆ្លង​ចូល​ទៅ​វា​នឹង​ជា​សះស្បើយ​ទៅ​វិញ​ក្នុង​រយៈពេល ១ ទៅ ២ សប្ដាហ៍ ប៉ុន្តែ​ក្នុង​ករណី​ខ្លះ​វា​បង្ក​ទៅ​ជា​ជំងឺ​រលាក​សួត​ខ្លាំង រលាក​សាច់​សួត ជាពិសេស​កើត​ទៅ​លើ​ក្មេង​ក្រោម​អាយុ ១ ឆ្នាំ និង​មនុស្ស​ចាស់​ដែល​មាន​ប្រព័ន្ធ​ភាព​សាំ​ខ្សោយ។ លោក​បាន​បញ្ជាក់​រោគសញ្ញា​ថា ទូទៅ​អាច​ដូចគ្នា​ទៅ​នឹង​ជំងឺ​ផ្ដាសាយ​ធម្មតា គ្រុន​ក្ដៅ ក្អក​ហៀរសម្បោរ ឈឺ​បំពង់ក ប៉ុន្តែ​រោគ​សញ្ញា​ធ្ងន់ធ្ងរ​ដូចជា ដក​ដង្ហើម​ខ្លី​ៗ ឮ​សូរ​សំឡេង​សួត​ខុស​ធម្មតា និង​ហត់នឿយ ញ៉ាំ​អាហារ​បាន​តិច។ ដូចនេះ​ត្រូវ​ការពារវីរុស RSV […]

advertisement iconផ្សព្វផ្សាយពាណិជ្ជកម្ម
advertisement iconផ្សព្វផ្សាយពាណិជ្ជកម្ម
advertisement iconផ្សព្វផ្សាយពាណិជ្ជកម្ម

អ្នកជំនាញវេជ្ជសាស្ត្ររបស់យើង

ក្រុមគ្រូពេទ្យជំនាញ និង​អ្នក​ត្រួតពិនិត្យ​មាតិការាល់ការចេញផ្សាយ សុទ្ធតែជា​ក្រុម​គ្រូពេទ្យ​ដែល​បញ្ចប់ការសិក្សាត្រឹមត្រូវ និង​ទទួល​ស្គាល់​ជាផ្លូវការ​ដោយ​ក្រសួងសុខាភិបាលឬស្ថាប័ន​ពាក់ព័ន្ធ​ផ្លូវការ ដើម្បីលើកស្ទួយ​សហគមន៍​របស់យើង​ដោយ​មាតិកា​ចេញផ្សាយជាបន្តបន្ទាប់សម្រាប់សាធារណជន។ តួនាទីរបស់​ក្រុមគ្រូពេទ្យ ឬ​អ្នក​ជំនាញ​ក្នុងការ​ត្រួតពិនិត្យ​ខ្លឹមសារ​មាតិកា គឺ​ត្រូវ​ប្រាកដ​ច្បាស់ ១០០% ត្រឹមត្រូវ​ទៅតាម​ក្បួនខ្នាតវេជ្ជសាស្ត្រ មិនហួសសម័យ និង​មានមូលដ្ឋាន​ជា​ភ័ស្តុតាង​ត្រឹមត្រូវ​ពី​ការ​ស្រាវជ្រាវ ឬ​ព័ត៌មាន​សុខភាព​ពី​ប្រភព​ទុកចិត្ត​ជាផ្លូវការ។ ក្រុមគ្រូពេទ្យជំនាញ និង​ឯកទេស​របស់យើង​ធ្វើការ​ទាំង​ថ្ងៃទាំងយប់ សម្រាក​តិចម៉ោង ប្រសិន​បើ​តម្រូវ​ឲ្យ​ត្រួតពិនិត្យ​រាល់​មាតិកា​ពី​បញ្ហា​សុខភាព​នានា​ដើម្បី​ចេញ​ផ្សាយ ដើម្បី​ជា​គុណប្រយោជន៍ ជា​ទំនុកចិត្ត ជា​ប្រភព​ព័ត៌មាន​ដ៏​ត្រឹមត្រូវ ឲ្យសាមញ្ញ​ងាយយល់ ក្នុងគោលបំណង​តែមួយ​គត់​គឺ ជួយ​ឲ្យ​រាល់ការសម្រេចចិត្ត​របស់​អ្នក​កាន់តែ​ល្អ និង​ល្អ​បំផុត។

មើល​បន្ថែម​ពី​គ្រូពេទ្យ​ឯកទេស
មើល​បន្ថែម​ពី​គ្រូពេទ្យ​ឯកទេស