ដូចដែលយើងបានដឹងហើយថា ទម្ងន់រូបរាងកាយរបស់ម៉ាក់ៗនឹងកើនឡើងនៅពេលពពោះអាអូន។ ដំបូង យើងតែងគិតថា សម្ពាធឈាមខ្ពស់ ជំងឺទឹកនោមផ្អែមពេលមានគភ៌ ឬក៏ដំណើរឡើងឈាម (នៅពេលមានផ្ទៃពោះ) នឹងត្រូវបានដោះស្រាយ បន្ទាប់ពីសម្រាលកូន។
តាមពិតទៅ នៅពេលម៉ាក់ៗពពោះ វាគឺជាឱកាសដើម្បីដឹងថា តើរាងកាយយើងឆ្លើយតបនឹងចង្វាក់បេះដូង ព្រមទាំងលំហូរឈាមខ្ពស់យ៉ាងម៉េច ដែលនេះគឺជាការធ្វើតេស្តភាពតានតឹងខាងសរីរវិទ្យា (Physiological street test)។ ប្រសិនបើស្ថានភាពទាំងនេះ កើតឡើងនៅអំឡុងពេលពពោះ នោះវាគឺជាសញ្ញាបញ្ជាក់ថា ការធ្វើតេស្តភាពតានតឹងខាងសរីរវិទ្យាមិនប្រក្រតី។
ឥឡូវនេះយើងដឹងហើយថា សម្ពាធឈាមខ្ពស់ និងជំងឺទឹកនោមផ្អែមក្នុងអំឡុងពេលមានគភ៌ អាចធ្វើឲ្យស្ត្រីប្រឈមនឹងការកើតមានសម្ពាធឈាមខ្ពស់ ទឹកនោមផ្អែម និងបង្កើននូវឱកាសកើតជំងឺបេះដូងនៅថ្ងៃខាងមុខផងដែរ។