មនុស្សមួយចំនួនតែងលើកឡើងថា ពេលស្ទាបក្បាលទៅមានអាការៈក្ដៅជាងពេលស្ទាបខ្លួន ហើយនាំគ្នាសន្និដ្ឋានថា ក្ដៅក្បាលស្ទីងៗ។ សម្រាប់គ្រូពេទ្យវិញបានអះអាងថា សភាពក្ដៅក្បាល ឬក្ដៅខ្លួនអាចដឹងទៅបាន គឺអាស្រ័យលើឧបករណ៍វាស់ស្ទង់កម្ដៅប៉ុណ្ណោះ។
ពេទ្យបកស្រាយពីការលើកឡើងថា ពេលយកដៃទៅស្ទាបក្បាលក្ដៅជាងខ្លួន
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
លោកវេជ្ជបណ្ឌិត ប៉ែន កក្កដា ឯកទេសរោគកុមារ និងទារក នៅមន្ទីរពេទ្យកុមារជាតិ បានពន្យល់ថា សម្រាប់មនុស្សមួយចំនួនដែលថា ក្បាលក្ដៅជាងខ្លួន ព្រោះតែអ្នកនោះយកដៃមានសភាពត្រជាក់ ឬសើមទៅប៉ះ។
លោកគ្រូពេទ្យក៏បានបន្ថែមទៀតថា “ជាធម្មតាកម្ដៅក្នុងខ្លួនមនុស្សយើងមានកម្ដៅ ៣៧ អង្សារសេ ហើយមិនមែនក្ដៅដុំៗមិនស្មើគ្នាបែបហ្នឹងទេ ចំពោះការសន្និដ្ឋានទាំងឡាយក៏គួរតែឈប់ទៅ ត្រូវយកឧបករណ៍ស្ទង់កម្ដៅទែរម៉ូមែត្រយកមកដាក់ ហើយបើឃើញលើស ៣៨ អង្សារសេនោះ ទើបអាចហៅថាក្ដៅខ្លួន ដៃមិនអាចវាស់ដឹងបានឡើយ ហើយចំពោះទែរម៉ូមែត្រទៀតសោត ទោះជាទិញប្រភេទបាញ់ថ្ងាស គាបក្លៀក បាញ់ត្រចៀក ក៏ប្រសិទ្ធភាពវាដូចគ្នា’។
លោកបន្ថែមដោយលើកជាឧទាហរណ៍ងាយៗថា នៅពេលខ្លួនយើងមានសម្លៀកបំពាក់គ្រប់ជិត ហើយក្បាលគ្មានអ្វីបិទបាំង ធ្វើឲ្យបរិវេណនោះងាយប៉ះពាល់នឹងអាកាសធាតុខាងក្រៅផ្ទាល់ ហើយខ្លួនដែលមានខោអាវគ្របជិត មិនសូវប៉ះអាកាសធាតុក្ដៅ ឬត្រជាក់ឡើយ។ ដូចនេះហើយបានជាយើងប៉ះទៅក្បាល រាងក្ដៅជាងខ្លួនបន្តិច តែធាតុពិតកម្ដៅចេញមកពីក្នុងវាមិនបែបនោះឡើយ។
អត្ថបទពាក់ព័ន្ធ៖ រឿងចាំបាច់គួរធ្វើ និងមិនគួរធ្វើ ពេលរលាកភ្លើង ឬទឹកក្តៅ
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម