ការមានផ្ទៃពោះ គឺជាពេលវេលាដែលរាងកាយរបស់ម៉ាក់ៗឆ្លងកាត់ការផ្លាស់ប្ដូរមួយចំនួន ដើម្បីឲ្យកូនលូតលាស់ក្នុងផ្ទៃប្រកបដោយសុវត្ថិភាព ក៏ដូចជាសម្រាប់ផ្គត់ផ្គង់ដល់កូនក្រោយសម្រាលរួច។ ពិតណាស់ នៅអំឡុងពេលពពោះ សុដន់ និងក្បាលសុដន់របស់យើងច្បាស់ជាមានការផ្លាស់ប្ដូរមិនខាន។ យ៉ាងណាមិញ ប្រសិនបើម៉ាក់ៗមិនធ្វើការថែទាំឲ្យបានត្រឹមត្រូវទេនោះ ការផ្លាស់ប្ដូរទាំងនេះអាចបណ្ដាលឲ្យយើងមិនស្រណុកក្នុងខ្លួន ឬផ្លាស់ប្ដូររូបរាងសុដន់យ៉ាងខ្លាំង បន្ទាប់ពីសម្រាលកូនរួច។ ហេតុដូច្នេះហើយ ដើម្បីថែទាំរាងកាយ ក៏ដូចជាការពារបញ្ហាផ្សេងៗដែលបង្កឡើងដោយការផ្លាស់ប្ដូររូបរាង ម៉ាក់ៗគួរអនុវត្តតិចនិក និងទម្លាប់មួយចំនួន។