សប្ដាហ៍ទី១៤
សប្ដាហ៍ទី១៥
សប្ដាហ៍ទី១៦
សប្ដាហ៍ទី១៧
សប្ដាហ៍ទី១៨
សប្ដាហ៍ទី១៩
សប្ដាហ៍ទី២០
សប្ដាហ៍ទី២១
សប្ដាហ៍ទី២២
សប្ដាហ៍ទី២៣
សប្ដាហ៍ទី២៤
អាអូនលូតលាស់លឿនណាស់ គេមានទំហំប្រហែលផ្លែប៉េងប៉ោះ ទម្ងន់ប្រហែល ២៤០ក្រាម និងមានប្រវែងប្រមាណ ១៥ សង់ទីម៉ែត្រ។
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
បេប៊ីកើនអាយុ ១សប្តាហ៍ ទៀតហើយ ដល់ពេលអាអូនមានស្រទាប់ក្រមួនសៗការពារស្បែក។ វានឹងបាត់ទៅវិញពេលជិតកើត ដូចនេះក្មេងដែលកើតមិនគ្រប់ខែនឹងមានស្រទាប់ក្រមួនការពារស្បែកពេលកើតមក។ ក្នុងសប្តាហ៍នេះ ស្រទាប់ខ្លាញ់ពណ៌ត្នោតនឹងមាន វារក្សាកម្តៅឲ្យបេប៊ីនៅពេលកើត។ អាអូនលូតលាស់លឿនណាស់ គេមានទំហំប្រហែលផ្លែប៉េងប៉ោះ ទម្ងន់ប្រហែល ២៤០ក្រាម និងមានប្រវែងប្រមាណ ១៥ សង់ទីម៉ែត្រ។
១- រាងកាយប្រែប្រួលអីខ្លះ?
អំឡុងពេលនេះយើងអាចមានអារម្មណ៍ថាកូនរើហើយ។ ដំបូងជាការធាក់តិចៗ ដែលអាចឲ្យច្រឡំថាជាការកូរពោះ ឬដើរខ្យល់។ តែក្រោយមកយើងនឹងដឹងថា អាអូនធាក់ម្តងហើយម្តងទៀត។ បើសិនជាការរើរបស់អាអូនថយចុះយើងគួរតែប្រញាប់ទៅជួបពេទ្យភ្លាម។
យើងគួរបារម្ភពីអី?
គ្មានភស្តុតាងវិទ្យាសាស្រ្តណាថាការមានផ្ទៃពោះធ្វើឲ្យប៉ះពាល់ដល់សុខភាពផ្លូវចិត្តម្តាយទេ។ ស្រីៗយើងខ្លះបារម្ភពីការប្រែប្រួលពេលមានផ្ទៃពោះពេកហើយនិយាយថាការពពោះធ្វើឲ្យប៉ះពាល់ដល់ការចងចាំរបស់ខ្លួន។ វាកម្រមានណាស់ តែវាអាចជារឿងធម្មតាដែលមានការប្រែប្រួលផ្លូវកាយ និងចិត្ត។ យើងគួរសម្របខ្លួននឹងការប្រែប្រួលនេះហើយគិតអ្វីដែលល្អៗ ដូចជាពេលដ៏រីករាយដែលកូនកើតមក ទើបធ្វើឲ្យផ្លូវចិត្តយើងធូរស្រាល។
២- ប្រាប់អីខ្លះទៅពេទ្យ?
យើងអាចនឹងជួបបញ្ហាខ្លះៗដូចជា អាអូនរើខ្លាំងហើយញឹកញាប់ ឯស្អែកឡើងបែរជាស្ងាត់ឈឹង។ វាជារឿងធម្មតាទេ ព្រោះក្នុងដំណាក់កាលនេះការបំរះរបស់បេប៊ីមិនទៀងទាត់ឡើយ។ តែចាប់ពីសប្តាហ៍ទី ២៨ទៅ កូនយើងនឹងមានចលនាទៀងទាត់ ហើយក៏ជាពេលដែលយើងគួរតាមដានចលនាកូនឲ្យបានជាប់ដែរ។ បើសិនជាយើងមានអារម្មណ៍ថាកូនមិនរើច្រើនថ្ងៃ អាចសាករំញោចដោយញ៉ាំទឹកដោះគោ ឬទឹកក្រូច ហើយគេងប្រហែល ២ ម៉ោង នោះអាអូនអាចនឹងរើរដូចដើមវិញ។ តែបើមិនបានផលទេយើងអាចសាកម្តងទៀត។ បេប៊ីខ្លះអត់ធ្វើចលនារហូត ៣ទៅ ៤ថ្ងៃឯណោះក៏មានដែរ។ បើយើងនៅតែព្រួយពីបញ្ហានេះទៀត សូមទៅជួបគ្រូពេទ្យ។
យើងគួរដឹងពីតេស្តអ្វីខ្លះ?
គ្រូពេទ្យអាចនឹងណែនាំឲ្យយើងពិនិត្យដោយចោះបូមទឹកភ្លោះ។ វាជាការធ្វើតេស្តក្នុងករណីពិសេស មិនមែនសម្រាប់គ្រប់ស្រ្តីមានផ្ទៃពោះទេ។ តេស្តនេះអាចឲ្យយើងដឹងពីបញ្ហាសេនេទិចរបស់ក្មេង ដូចជាជំងឺ Down syndrome (កូនកើតមកប្រក្រតី) ។ ទោះយ៉ាងណាយើងគួរពិភាក្សាពីចំណុចល្អ និងមិនល្អ ចំពោះកម្រិតនៃការធ្វើតេស្តនេះជាមុន។
៣- ត្រូវដឹងពីអីខ្លះ?
ការរួមភេទ៖ យើងបារម្ភថា ពេលពពោះមិនអាចរួមភេទបាន? គិតថាការរួមភេទអាចប៉ះពាល់ដល់កូន? កុំបារម្ភអី! ការរួមភេទដោយការការពារ មិនត្រូវបានហាមឃាត់ឡើយ ដរាបណាគភ៌យើងមិនមែនជាករណីពិសេស ដែលតម្រូវឲ្យតមរួមភេទជាចាំបាច់។ យ៉ាងណាក៏ដោយ ក៏មិនមានន័យថាយើងអាចរួមភេទបានដូចសព្វដងឡើយ។ ស្រីៗយើងមានអាររម្មណ៍មិនដូចមុនឡើយដោយសារស្ថានភាពសុខភាព ទំហំគភ៌ និងការប្រែប្រួលរាងកាយ។ យកល្អយើងគួរនិយាយជាមួយដៃគូពីបញ្ហាលើគ្រែនេះ ព្រោះវាពិតជាសំខាន់ណាស់ដែលប្តីប្រពន្ធយើងត្រូវមានពេលវេលាផ្ទាល់ខ្លួន។
ទឹកដោះគោមានផ្ទុកអ័រម៉ូន BST៖ ស្រីៗជាច្រើនញ៉ាំទឹកដោះគោដោយគិតថាវាមានសារធាតុចិញ្ចឹមច្រើន និងល្អសម្រាប់កូន។ យ៉ាងណាក្តីទឹកដោះគោដែលមានអ័រម៉ូន BST (អ័រម៉ូនដែលចាក់ដើម្បីឲ្យគោផលិតទឹកដោះបានច្រើន) ត្រូវបានរកឃើញថាមានគ្រោះថ្នាក់ច្រើនជាង។ ។ វាជាប្រូតេអ៊ីន ដូចនេះវាមិនមានសកម្មភាពលើរាងកាយមនុស្សឡើយ ត្រូវបានបំបែកដូចប្រូតេអ៊ីនផ្សេងៗទៀត។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម
