សប្ដាហ៍ទី៣៣
សប្ដាហ៍ទី៣៤
សប្ដាហ៍ទី៣៥
សប្ដាហ៍ទី៣៦
សប្ដាហ៍ទី៣៧
សប្ដាហ៍ទី៣៨
សប្ដាហ៍ទី៣៩
សប្ដាហ៍ទី៤០
សប្ដាហ៍ទី១
សប្ដាហ៍ទី២
សប្ដាហ៍ទី៣
ពេលនេះបេប៊ីមានប្រវែងជាមធ្យម ៤៥ សង់ទីម៉ែត្រ ហើយមានទម្ងន់ប្រហែល ៣,១ គីឡូក្រាម
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
គ្មានអ្វីសប្បាយចិត្តជាងឃើញបេប៊ីលូតលាស់បានល្អ ត្រៀមនឹងសម្រាលឆាប់ៗនោះទេ មែនទេស្រីៗគ្នាយើង? កុំឆ្ងល់អីសប្តាហ៍នេះគីឡូអាអូនមិនឡើងខ្លាំងដូចមុនទេ ព្រោះសុកកាន់តែចាស់ តែពេលនេះបេប៊ីមានប្រវែងជាមធ្យម ៤៥ សង់ទីម៉ែត្រ ហើយមានទម្ងន់ប្រហែល ៣,២ គីឡូក្រាម។
តាំងពីកូនយើងចេះជញ្ជក់ ឬលេបទឹកភ្លោះមក កាកសំណល់ត្រូវប្រមូលចូលទៅក្នុងពោះវៀនហើយកោសិកាដែលចេញពីពោះវៀន កោសិកាស្បែកដែលងាប់ និងរោម គឺជាសំណល់ បម្លែងទៅជាអាចម៍ព្រៃដែលមានពណ៌បៃតងចាស់។
១- រាងកាយយើងប្រែប្រួលអីខ្លះ?
ជៀសមិនរួចទេរឿងនោមយប់ញឹកញាប់នោះ ព្រោះបេប៊ីចុះមកក្រោមក្នុងអាងត្រគាកហើយសង្កត់លើបោ្លកនោមយើង។ ម្ល៉ោះហើយមួយយប់ៗគ្នាយើងដេកមិនស្កប់ទេ ទោះយ៉ាងណាមានតែទ្រាំបន្តិចទៅ ជិតដល់ពេលអាអូនចេញមកឃើញពិភពលោកខាងក្រៅហើយ។
ចំណុចអីខ្លះគួរបារម្ភ?
ជាទំនៀមទម្លាប់សាសនាអ៊ីស្លាម ម៉ាក់ប៉ាសម្រេចកាត់ចុងលិង្គអាអូន តែទោះយ៉ាងណាយើងគួរពិគ្រោះជាមួយគ្រូពេទ្យមុនទាក់ទងនឹងការកាត់ស្បែកគ្របលិង្គ រួមទាំងជម្រើសបំបាត់ការឈឺចាប់សម្រាប់អាអូន។
២- ប្រាប់អីខ្លះទៅពេទ្យ?
ការថែទាំមុនពេលសម្រាលនៅតែធ្វើបន្តរហូតសម្រាលអាអូនរួច។ ចូលដល់សប្តាហ៍នេះពេទ្យនឹងពិនិត្យមើលមាត់ស្បូនដើម្បីត្រៀមស្រមាល។ បើមាត់ស្បូនចាប់ផ្តើមស្តើង និងបើក ពេទ្យនឹងវាស់ចង្វាក់បេះដូងអាអូន វាស់បរិមាណទឹកភ្លោះ។
តេស្តអីខ្លះចាំបាច់?
នៅពេលជិតគ្រប់ខែគ្រូពេទ្យស្ទាបពោះទៀងទាត់ដើម្បីកំណត់ទីតាំងរបស់បេប៊ីនៅក្នុងស្បូនយើង។ ការធ្វើតេស្តទាំងនោះអាចជួយឲ្យគ្រូពេទ្យដឹងពីទីតាំងបេប៊ី ដូចជា ទម្រង់ក្បាលចុះក្រោម ជើងចុះក្រោម ឬក៏អាអូនហុចគូថចុះក្រោម ដែលយើងតែងហៅថាកូនបង្វិលបញ្ច្រាស់នៅក្នុងស្បូន។ តាមធម្មតាបេប៊ីបង្វិលក្បាលចុះក្រោមដោយខ្លួនឯងក្នុងខែចុងក្រោយនៃការមានផ្ទៃពោះ។ ក្នុងទម្រង់ក្បាលចុះក្រោមអាអូនមានមាឌធាត់មូលក្នុងឥរិយាបថចំកោងខ្លួនក្នុងអាងត្រគាក។ ក្នុងអំឡុងពិនិត្យពោះគ្រូពេទ្យក៏មើលមាត់ស្បូនដើម្បីដឹងថា មាត់ស្បូនយើងចាប់ផ្តើមបើកឬនៅ។
៣- ត្រូវដឹងពីអីខ្លះ?
គ្រឿងស្រវឹង៖ កុំបារម្ភបើយើងប្រើថ្នាំមានជាតិអាល់កុលក្នុងពេលមានផ្ទៃពោះ។ ជាតិអាល់កុលតិចតួចមិនបណ្តាលឱ្យមានបញ្ហាធ្ងន់ធ្ងរទេ លុះត្រាតែយើងផឹកស្រា។
ថ្នាំ៖ អាស្ពីរីន និងថ្នាំផ្សេងទៀតដែលមានជាតិអាល់កុល មានធាតុផ្សំធ្វើឱ្យប៉ះពាល់ស្រ្តីមានផ្ទៃពោះ។ ដូច្នេះយើងគួរពិគ្រោះជាមួយពេទ្យមុនលេបថ្នាំអំឡុងពេលមានផ្ទៃពោះ។
កៀកថ្ងៃសម្រាលហើយ តើអាអូននឹងលូតលាស់យ៉ាងដូចម្តេចនៅសប្តាហ៍ទី ៤០? ជួបគ្នាពេលក្រោយ។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម
