ពិតណាស់ ស្រីៗយើងជាច្រើន ប្រឈមនឹងបញ្ហាដំណេក អំឡុងពេលពពោះ ដោយសារតែកត្តាផ្សេងៗ ដូចជាការប្រែប្រួលរូបរាងកាយ អ័រម៉ូន និងអារម្មណ៍រំភើប ក៏ដូចជាថប់បារម្ភក្នុងការក្លាយខ្លួនជាម៉ាក់ៗថ្មីថ្មោង។ ជាក់ស្ដែង មានស្ត្រីពពោះប្រហែលជា៥០% កើតជំងឺគេងមិនលក់។
ពិបាកគេងអំឡុងពេលពពោះ? ម៉ាក់ៗអាចដោះស្រាយតាមវិធីទាំងនេះ
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ដូច្នេះហើយ ប្រសិនបើម៉ាក់ៗជួបបញ្ហាគេងមិនលក់នេះ គួរអនុវត្តន៍គន្លឹះមួយចំនួនដូចខាងក្រោម។
ហេតុអ្វីបានជាការគេងប្រែប្រួលអំឡុងពេលពពោះ?
ជំងឺគេងមិនលក់អំឡុងពេលពពោះ អាចបណ្ដាលមកពីកត្តាជាច្រើន ការប្រែប្រួលអ័រម៉ូន និងបញ្ហាមួយចំនួនទៀតដូចជា៖
- ចង្អោរ ឬក្អួត
- ឈឺសុដន់
- ចង្វាក់បេះដូងលោតញាប់
- ហត់
- សីតុណ្ហភាពរាងកាយឡើងខ្ពស់
- នោមញឹកញាប់នៅពេលយប់
- រមួលក្រពើនៅជើង
ម៉ាក់ៗក៏អាចជួបប្រទះនឹងបញ្ហាឈឺខ្នង ព្រមទាំងពិបាករកទីតាំងគេងដែលសមស្របនៅពេលដែលពោះកាន់តែធំទៅៗ ជាពិសេសនៅពេលដែលកូនក្នុងផ្ទៃធាក់នៅពេលយប់។ ទន្ទឹមនឹងនេះដែរ អាការៈថប់បារម្ភនៅពេលកៀកសម្រាល ក៏អាចរំខានដល់ការគេងដូចគ្នាដែរ។
ហេតុអ្វីបានជាការគេងមានសារៈសំខាន់ខ្លាំង អំឡុងពេលពពោះ?
ការគេងលក់ស្កប់ស្កល់មានសារៈសំខាន់ខ្លាំងណាស់ ទាំងចំពោះម៉ាក់ៗ និងទារកក្នុងផ្ទៃ។ ប្រសិនបើម៉ាក់គេងមិនឆ្អែត នោះនឹងនាំឲ្យអស់កម្លាំង ងងុយគេងនៅពេលថ្ងៃ ព្រមទាំងអាចប៉ះពាល់ដល់ការចងចាំ ចំណង់អាហារ អារម្មណ៍ និងការសម្រេចចិត្ត។ លើសពីនេះ ការគេងមិនលក់រ៉ាំរ៉ៃ ក៏អាចប៉ះពាល់ដល់ប្រព័ន្ធភាពស៊ាំ មានទំនាក់ទំនងទៅនឹងជំងឺទឹកនោមផ្អែមពេលពពោះ សម្ពាធឈាមខ្ពស់ ព្រមទាំងបង្កើនហានិភ័យនៃជំងឺបម្រុងក្រឡាភ្លើងថែមទៀតផង។
គន្លឹះកាត់បន្ថយបញ្ហាគេងមិនលក់អំឡុងពេលពពោះ
១. ជ្រើសរើសទីតាំងគេងដ៏ត្រឹមត្រូវ
ការគេងផ្អៀងទៅខាងឆ្វេង និងអង្កុញជើងបន្តិច ជាឥរិយាបថគេងដ៏ល្អបំផុតនៅអំឡុងពេលពពោះ។ ឥរិយាបថនេះ អាចជួយសម្រួលលំហូរឈាមទៅកាន់បេះដូង តម្រងនោម និងស្បូន ក៏ដូចជាធ្វើឲ្យការបញ្ជូនអុកស៊ីហ្សែន និងសារធាតុចិញ្ចឹមដល់ទារកកាន់តែប្រសើរឡើង។ ប៉ុន្តែ យើងក៏អាចគេងផ្ទៀងទៅខាងស្ដាំដូចគ្នា ដោយប្រើប្រាស់ខ្នើយបន្ថែម ដើម្បីជួយឲ្យគេងលក់ស្រួល។ ជាមួយគ្នានេះដែរ ម៉ាក់ៗអាចកល់ខ្នើយ ដើម្បីទ្រក្បាលពោះ ឬបន្ថែមខ្នើយស្ដើងនៅចន្លោះជង្គង់ ដើម្បីជួយបន្ថយសម្ពាធលើខ្នងផ្នែកខាងក្រោម។
អត្ថបទគួរអាន៖
២. រក្សាឥរិយាបថគេងឲ្យបានល្អអំឡុងពេលពពោះ
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម