សារធាតុរ៉ែ ជួយកាត់បន្ថយការខូចធ្មេញ ដែលមានក្នុងទឹក ភ្លុយអរ (Fluoride) កំពុងក្លាយជាប្រធានបទពិភាក្សាគ្នាយ៉ាងផុសផុល ចំពោះករណីស្ត្រីពពោះ ញ៉ាំទៅធ្វើឲ្យប៉ះពាល់ដល់ ការលូតលាស់ផ្នែកវ័យឆ្លាត ឬ IQ របស់កូនចុះទាប។ តើពិត ឬយ៉ាងណា?
ពិតទេ ផឹកទឹកផ្ទុកជាតិរ៉ែនេះ ពេលពពោះ ធ្វើឲ្យកូនអត់ឆ្លាត?
ត្រួតពិនិត្យដោយ ជីព ចិត្ត
មជ្ឈមណ្ឌលគ្រប់គ្រង និងបង្ការជំងឺរបស់អាមេរិក (CDC) ក៏បញ្ជាក់ផងដែរថា សមាសធាតុភ្លុយអរក្នុងទឹក ពិតជាបានចូលរួមក្នុងការកាត់បន្ថយការខូចធ្មេញ អស់រយៈពេលជាច្រើនទសវត្សមកហើយ ប៉ុន្តែបែរជាថ្មីៗនេះ មានការអះអាងថ្មី មួយពីគុណវិប្បត្តិ ដែលអាចប៉ះពាល់ដល់កូនទៅវិញ។
នៅក្រុង៦ ឯប្រទេសកាណាដា ដើម្បីច្បាស់ការលើផលប៉ះពាល់ពីធាតុរ៉ែក្នុងទឹក (ភ្លុយអរ)នេះ បានសិក្សាលើម្ដាយ-កូន ៥១២គូ។ ជាលទ្ធផល រកឃើញថា ផឹកទឹកផ្ទុកសារធាតុភ្លុយអរ (Fluoride) ពេលពពោះ ធ្វើឲ្យភាពវៃឆ្លាត (IQ) របស់កូនធ្លាក់ចុះមែន។
បរិមាណដែលអាចផ្ដល់ចម្លើយបានគឺស មាសធាតុភ្លុយអរ ១មិល្លីក្រាម/លីត្រ នៅក្នុងទឹកនោម បណ្ដាលឲ្យពិន្ទុ IQ ធ្លាក់ចុះ ៤,៥ ក្នុងចំណោមក្មេងប្រុស អាយុពី ៣-៤ឆ្នាំ ប៉ុន្ដែចំពោះក្មេងស្រី អត់អីទេ។ នៅពេលពិនិត្យលើសមាសធាតុភ្លុយអរក្នុងទឹកផឹកប្រចាំថ្ងៃវិញ សមាសធាតុភ្លុយអរ ១មិល្លីក្រាម/លីត្រ ពាក់ព័ន្ធនឹងការធ្លាក់ចុះ ពិន្ទុ IQ ៣,៧ ទាំងក្មេងប្រុស និងក្មេងស្រី។
លោកស្រី Christine Till សាស្ត្រាចារ្យសាកលវិទ្យាល័យ York របស់កាណាដា និងជាអ្នកដឹកនាំគម្រោងនេះ បញ្ជាក់ថា លោកស្រី និងក្រុមការងារ បានកត់សម្គាល់ថា មានចម្ងល់ជាច្រើនអំពីសុវត្ថិភាពនៃសមាសធាតុភ្លុយអរ ជាពិសេសសម្រាប់ស្ត្រី និងកុមារតូចៗ។ លោកស្រីបន្ថែថា “វាសំខាន់ ដើម្បីធ្វើការសម្រេចចិត្តយោងតាមភស្ដុតាង“។
អត្ថបទពាក់ព័ន្ធ៖
គួរបញ្ជាក់ថា អាជ្ញាធរសុខាភិបាលអាមេរិក និងកាណាដា បានណែនាំឲ្យផឹកទឹកមានជាតិភ្លុយអរ ០,៧មិល្លីក្រាម/លីត្រ។ ចំណែកលោក លោក Oliver Jones អ្នកជំនាញផ្នែកគីមីបរិស្ថាននៅសាកលវិទ្យាល័យ RMIT របស់អូស្ត្រាលី កត់សម្គាល់លើការសិក្សាថា ចំណុចសំខាន់ គឺបរិមាណខ្ពស់នៃសមាសធាតុភ្លុយអរក្នុងទឹក។ លោកបន្ថែមថា ការផឹកទឹកផ្ទុកសមាសធាតុភ្លុយអរ គឺក្រោម ១មិល្លីក្រាម/លីត្រ។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ត្រួតពិនិត្យដោយ
ជីព ចិត្ត
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម