៤.ញ៉ាំអាហារមានអាស៊ីដហ្វូលិក
អាស៊ីដហ្វូលិក គឺសម្ដៅដល់វីតាមីន B នេះឯង។ ដើម្បីឲ្យរាងកាយទទួលបានវីតាមីន B យើងអាចញ៉ាំពពួកគ្រាប់ធញ្ញជាតិ (whole grain) សាច់ បន្លែ និងផ្លែឈើ។ បើស្រីៗយើងមានអាស៊ីដហ្វូលិកគ្រប់គ្រាន់ក្នុងអំឡុង១ខែមុន និងអំឡុងពេលមានផ្ទៃពោះ នឹងអាចការពារស្រីៗយើងពីបញ្ហាប្រឈមនៃការលូតលាស់មិនពេញលេញដល់កូនក្នុងផ្ទៃ ដូចជាការលូតលាស់ផ្នែកខួរក្បាល និងឆ្អឹងខ្នងជាដើម។
៥. តាមដានថ្ងៃធ្លាក់មេជីវិត
ចំណុចនេះកាន់តែសំខាន់ បើយើងមិនដឹងថ្ងៃមេជីវិតធ្លាក់ទេ ទំនងជាយើងពិបាកបន្តិចហើយ។ ជាធម្មតាមេជីវិតញីអាចធ្លាក់មកនៅថ្ងៃទី១២ ឬទី១៣ នៃវដ្ដរដូវរបស់យើង ប៉ុន្តែដោយសារស្រីៗយើងមានវដ្ដរដូវខុសៗគ្នា យើងមិនអាចប្រើវិធីតែមួយឲ្យត្រូវទាំងអស់គ្នាបានទេ។ បើយើងមិនច្បាស់ ឬចម្ងល់ណាមួយ យើងគួរសាកសួរ ប្រឹក្សាជាមួយគ្រូពេទ្យជំនាញសម្ភព និងរៀបចំផែនការឲ្យបានច្បាស់លាស់។ ចង់ដឹងវិធីគណនាពេលធ្លាក់មេជីវិតចុចត្រង់នេះ