backup og meta

សម្រាលកូនហើយសុកធ្លាក់មិនអស់ ម្ដាយគ្រោះថ្នាក់បែបណា?

ត្រួតពិនិត្យដោយ វេជ្ជ. ចាន់ ស៊ីណេត · ម​ន្ទីរពេទ្យបង្អែកមិត្តភាពកម្ពុជា-ចិន សែនសុខ


អត្ថបទ​ដោយ សុខ វណ្ណ · កែ Mar 06, 2023

    សម្រាលកូនហើយសុកធ្លាក់មិនអស់ ម្ដាយគ្រោះថ្នាក់បែបណា?

    ការសល់កំទេចសុកក្នុងស្បូនកើតឡើងនៅពេលសុកធ្លាក់ចេញមិនអស់ពីស្បូន បន្ទាប់ពីសម្រាលរួច ៣០ នាទី។ ថ្វីត្បិតតែលក្ខខណ្ឌនេះកម្រកើតឡើង តែលក្ខខណ្ឌនេះអាច​បណ្តាល​ឱ្យម៉ាក់ៗបាត់បង់ជីវិតដោយសារឆ្លងមេរោគ ឬធ្លាក់ឈាមច្រើន។

    បន្ទាប់ពីម៉ាក់ៗសម្រាលរួច ម៉ាក់ៗនឹងត្រូវទម្លាក់សុកក្នុងអំឡុង​ពេលស្បូន​កន្រ្តាក់​​ដែល​នឹង​មានរយៈពេល ៣០ នាទីបន្ទាប់ពីសម្រាលរួច មិនថាម៉ាក់ៗសម្រាលដោយធម្មជាតិ ឬសម្រាលដោយវះកាត់ទេ។

    ទោះបីជាយ៉ាងណាក៏ដោយ សុក ឬផ្នែកខ្លះនៃសុកអាចមិនធ្លាក់ ហើយនៅ​សេស​សល់​ក្នុងស្បូនរបស់ម៉ាក់ៗ ពេលសម្រាលដោយធម្មជាតិ។

    ម៉ាក់ៗដែលមានហានិភ័យខ្ពស់ក្នុងការមានសល់កំទេចសុកក្នុងស្បូនគឺជាម៉ាក់ៗដែល៖

    • ពពោះក្រោយអាយុ ៣០ ឆ្នាំ
    • សម្រាលមិនគ្រប់ខែ (សម្រាលមុនសប្តាហ៍ទី ៣៤)
    • ឈឺពោះសម្រាលយូរ
    • កូនស្លាប់ក្នុងផ្ទៃ
    • ស្បូនមានសភាពមិនប្រក្រតី

    ហេតុអ្វីមានកំទេចសុកសល់ក្នុងស្បូន? កំទេចសុកសល់ក្នុងស្បូន​អាចកើត​ឡើង​ដោយសារ៖

    • សុកដុះពេញជញ្ជាំងស្បូន
    • ស្បូនឈប់កន្រ្ទាក់មុនសុកធ្លាក់អស់ ឬស្បូនកន្រ្តាក់មិនខ្លាំងដែល​ធ្វើ​ឱ្យ​សុក​ធ្លាក់​មិន​អស់ពីស្បូន
    • សុកទាំងមូល ឬផ្នែកខ្លះនៃសុកជាប់នឹងជញ្ជាំង​ស្បូនដោយសារសុក​បង្កប់​ជ្រៅក្នុង​ជញ្ជាំង​ស្បូន
    • សុកបង្កប់ជ្រៅក្នុងជញ្ជាំងស្បូនដោយសារមកពីស្នាមដែលសល់ពីការសម្រាល​ដោយវះកាត់ពីលើកមុន

    ចង់ដឹងអត្ថន័យពណ៌ និងរូបរាងលាមកទារក ចុចទីនេះ!

    ចង់គណនាថ្ងៃសម្រាលកូន ចុចទីនេះ!

    ចង់គណនាទម្ងន់ស្រ្តីពពោះ ចុចទីនេះ!

    ចង់គណនាថ្ងៃមេជីវិតញីទុំធ្លាក់ ចុចទីនេះ!

    សល់កំទេចសុកក្នុងស្បូន

    ជាធម្មតាពេទ្យទម្លាក់សុកដោយវិធីណា?

    ប្រសិនបើ​អ្នកម៉ាក់ៗសម្រាលដោយ​វះកាត់ នោះ​សុក​ក៏​នឹង​ត្រូវ​ទម្លាក់​បន្ទាប់​ពី​វះកាត់​យក​ទារកចេញរួច ហើយ​ប្រសិនបើម៉ាក់ៗសម្រាលតាមធម្មជាតិ ជាធម្មតាមានជម្រើសពីរក្នុងការទម្លាក់សុក។

    ជម្រើសទីមួយឆ្មបនឹង​​ចាក់ចាក់​ថ្នាំ​ oxytocin ចូល​ភ្លៅ​របស់ម៉ាក់ៗក្នុង​ពេល​សម្រាល​ដែល​ធ្វើឱ្យស្បូនរបស់ម៉ាក់ៗកន្រ្តាក់ ដូច្នេះសុកនឹងធ្លាក់ចេញពីជញ្ជាំង​​​ស្បូន។ ម៉ាក់ៗ​ត្រូវការពេលប្រហែល ៣០ នាទីដើម្បីទម្លាក់សុក។

    ជម្រើសទីពីរ ម៉ាក់ៗនឹងទម្លាក់សុកដោយមិនចាក់ថ្នាំ ឬអ័រម៉ូន​​ដែលអាចចំណាយ​​ពេលដល់ទៅមួយម៉ោង។

    ឆ្មបអាចជួយម៉ាក់ៗក្នុងការទម្លាក់សុកដោយ៖

    • ជួយឱ្យម៉ាក់ៗងើបឡើងនោម
    • ឱ្យម៉ាក់ៗបំបៅកូនដោយទឹកដោះ
    • ម៉ាស្សាផ្នែកខាងលើស្បូនរបស់ម៉ាក់ៗអ្នកតាមរយៈការម៉ាស្សាពោះ
    • ឱ្យ​ម៉ាក់ៗផ្លាស់ប្តូរទីតាំងឥរិយាបថ (ឧទាហរណ៍៖ ប្តូរពីទៅឥរិយាបថ​អង្គុយ​​ទៅអង្គុយ​ចោងហោង)

    ដើម្បីការពារការសល់កំទេចសុកក្នុងស្បូន ពេទ្យឆ្មបអាចទាញទង​សុកចេញ​ពីស្បូន​​ថ្នមៗ ប៉ុន្តែទងសុកអាចដាច់ ប្រសិនបើសុកមិនធ្លាក់ចេញពីជញ្ជាំងស្បូន ឬ​ដោយសារ​​ទងសុកស្តើងពេក។

    ប្រសិនបើទងសុកដាច់ ឬសុកមិនធ្លាក់ចេញពីស្បូន ពេទ្យធ្មបអាច​ទម្លាក់​សុក​​ដោយ​បារ​សុក​ចេញ​ពីស្បូន។

    ម៉ាក់ៗដែលមានសល់កំទេចសុកក្នុងស្បូនអាចមានការធ្លាក់ឈាមមុនធ្លាក់​សុក និង​មាន​​អាការៈ ឬរោគសញ្ញាក្រោយសម្រាលដូចជា៖

    • ក្តៅខ្លួន
    • ធ្លាក់ឈាមមានក្លិនស្អុយ
    • មានធ្លាក់កំទេចសុក
    • ធ្លាក់ឈាមច្រើន
    • ឈឺពោះខ្លាំង

    ការសល់កំទេចសុកក្នុងស្បូនបន្ទាប់​ពី​សម្រាលរួចអាចបណ្តាលឱ្យម៉ាក់ៗមានគ្រោះថ្នាក់ ប្រសិនបើព្យាបាលមិនទាន់ពេល។ ដូច្នេះបើម៉ាក់ៗមានអាការៈ ឬរោគសញ្ញាណាមួយ​ដូចបានរៀបរាប់ខាងលើ​ ម៉ាក់ៗត្រូវប្រាប់ពេទ្យឆ្មបជាបន្ទាន់​​។

    អានបន្ថែម៖

    បដិសេធ

    Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

    ត្រួតពិនិត្យដោយ

    វេជ្ជ. ចាន់ ស៊ីណេត

    · ម​ន្ទីរពេទ្យបង្អែកមិត្តភាពកម្ពុជា-ចិន សែនសុខ


    អត្ថបទ​ដោយ សុខ វណ្ណ · កែ Mar 06, 2023

    advertisement iconផ្សព្វផ្សាយពាណិជ្ជកម្ម

    តើអត្ថបទនេះមានប្រយោជន៍ដែរទេ?

    advertisement iconផ្សព្វផ្សាយពាណិជ្ជកម្ម
    advertisement iconផ្សព្វផ្សាយពាណិជ្ជកម្ម