ម៉ាក់ៗទាំងអស់ក្រោយពីសម្រាលកូនរួច ពិតជាត្រូវការជំនួយពីមនុស្សជុំវិញខ្លួន ជាពិសេសស្វាមីតែម្ដង។ ដូចនេះខាងក្រោមជារឿង ៥ យ៉ាងដែលស្វាមីត្រូវតែជួយ ទោះភរិយាមិនបានសុំក៏ដោយ នោះទើបហៅថាមេគ្រួសារល្អ។ នេះបើតាមការឲ្យដឹងពីអ្នកគ្រូពេទ្យ មួន រ៉ានី បម្រើការនៅមណ្ឌលសុខភាពព្រែកពោធិ៍ ស្រុកស្រីសន្ធរ ខេត្តកំពង់ចាម។
សម្រាលកូនរួច ម៉ាក់ៗត្រូវការជំនួយ ៥ យ៉ាងនេះពីប៉ាៗ
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
១- ជួយទៅផ្សារ
មនុស្សប្រុសភាគច្រើនមិនចេះធ្វើម្ហូបឡើយ តែទោះជាបែបនោះមែន ពេលភរិយាទើបសម្រាលកូន ឬក៏កូនចាស់ខែហើយក៏ដោយ ស្វាមីគួរតែជួយទៅផ្សារទិញម្ហូប បន្លែ ត្រី សាច់ ឬគ្រឿងទេសផ្សេងៗ ជាពិសេសសម្ភារៈប្រើប្រាស់របស់ភរិយា និងកូនជាដើម។
២- ងូតទឹកឲ្យកូន
រឿងងូតទឹកឲ្យកូនតូច មិនមែនជាតួនាទីតែម្នាក់របស់ម៉ាក់ៗទេ ប៉ាៗក៏ត្រូវតែចេះដែរ ដើម្បីជួយសម្រួលការលំបាកខ្លះរបស់ម៉ាក់ៗ។ ប្រុសៗកុំគិតឲ្យសោះថា ការងូតទឹកឲ្យកូនគឺជារឿងងាយស្រួលឲ្យសោះ ការងារមួយនេះមនុស្សស្រីពិតជាត្រូវការជំនួយសំខាន់ពីអ្នកក្បែរខ្លួន។
៣- ម៉ាស្សាឲ្យប្រពន្ធ
នេះជាចំណុចសំខាន់ដែលភរិយាគ្រប់រូបចង់បាន។ ដោយសារភាពនឿយហត់មើលថែកូន និងធ្វើការងារផ្ទះខ្លះៗទៀតនោះ ម៉ាក់ៗប្រាកដជាចុករួយដៃជើងខ្លាំង។ ដូចនេះជាស្វាមី និងប៉ាៗដ៏ល្អ គួរតែចេះដឹងទុក្ខធុរៈសំខាន់មួយនេះ។
៤- យល់ចិត្ត
ស្ត្រីដែលសម្រាលកូនរួច មានអារម្មណ៍ឆេវឆាវណាស់ ព្រោះកូនរករឿងផង គិតរឿងប្រាក់កាស ទុកដាក់ផ្ទះសម្បែង និងគិតរឿងគ្រួសារផងនោះ នាងប្រាកដជាឆាប់ខឹង និងសម្ដីមិនសូវពីរោះទៀតឡើយ។ ដូចនេះបុរស គួរតែធ្វើចិត្តឲ្យធ្ងន់ កុំស្រែកគំហក ឬប្រើភាសា និងកាយវិការធ្វើឲ្យម៉ាក់ៗកាន់តែមិនសប្បាយចិត្តថែមទៀត។
៥- ប្ដូរកន្ទប
ការផ្លាស់ប្ដូរកន្ទប និងជូតសម្អាតគូទកូន មិនមែនជារឿងលំបាក និងចំណាយពេលយូរពេកនោះទេ។ ប្រសិនបើកូនបន្ទោបង់ ស្របពេលម៉ាក់ៗកំពុងគេង អ្នកគួរតែធ្វើដោយខ្លួនឯង ហើយឲ្យម៉ាក់ៗគេងសម្រាកយកកម្លាំងឲ្យបានច្រើន។
អត្ថបទពាក់ព័ន្ធ៖ ជាស្វាមី និងប៉ាៗល្អគួរតែធ្វើរឿងទាំងនេះពេលម៉ាក់ៗពពោះ និងសម្រាល
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម