ការសម្រាលកូនមិនមែនងាយស្រួលទេ ទោះសម្រាលតាមវិធីណាក៏ដោយក៏ស្ត្រីទាំងអស់តែងតែមានការឈឺចាប់។ មិនថាសម្រាលតាមធម្មជាតិ ឬដោយវះកាត់គឺប្រឈមនឹងផលពិបាកច្រើនដូចគ្នា ជាពិសេសម៉ាក់ៗដែលសម្រាលដោយវះកាត់អាចប្រឈមនឹងបញ្ហាច្រើន។
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ការសម្រាលកូនមិនមែនងាយស្រួលទេ ទោះសម្រាលតាមវិធីណាក៏ដោយក៏ស្ត្រីទាំងអស់តែងតែមានការឈឺចាប់។ មិនថាសម្រាលតាមធម្មជាតិ ឬដោយវះកាត់គឺប្រឈមនឹងផលពិបាកច្រើនដូចគ្នា ជាពិសេសម៉ាក់ៗដែលសម្រាលដោយវះកាត់អាចប្រឈមនឹងបញ្ហាច្រើន។
មន្ទីរពេទ្យ កាល់ម៉ែត បានឲ្យដឹងថា បច្ចុប្បន្ននេះ ភាគរយនៃការសម្រាលកូនដោយវះកាត់ មានការកើនឡើងជាលំដាប់គួរឲ្យព្រួយបារម្ភ ជាពិសេសការវះកាត់ដោយគ្មានមូលហេតុ ព្រោះធម្មតា ករណីគ្រូពេទ្យសម្រេចចិត្តឲ្យសម្រាលដោយវះកាត់ លុះត្រាតែការសម្រាលបែបធម្មជាតិអាចមានគ្រោះថ្នាក់ចំពោះម្ដាយ និងកូន។ ផ្ទុយទៅវិញ ការសម្រាលដោយវះកាត់ផ្ដល់ផលពិបាកច្រើនជាងការសម្រាលដោយធម្មជាតិ ហើយអាចឲ្យម៉ាក់ៗប្រឈមនឹងហានិភ័យមួយចំនួនពេលមានផ្ទៃពោះលើកក្រោយដូចជា៖
– វះកាត់យកកូនសារជាថ្មី
– ធ្លាយស្បូន
– សុកពាំងមាត់ស្បូន
– សុកចាក់ឫសក្នុងសាច់ស្បូន ឬចាក់ដល់ប្លោកនោមជាដើម។
អត្ថបទពាក់ព័ន្ធ៖
ក្រៅពីនេះ ការសម្រាលដោយវះកាត់ក៏ផ្ដល់ផលពិបាកច្រើនដែរ នៅពេលដែលកំពុងវះកាត់ និងក្រោយវះកាត់ហើយភ្លាមៗដែរ៖
ផលពិបាកអំឡុងពេលវះកាត់៖
– ផលវិបាកនៃថ្នាំសណ្ដំ
– បាត់បង់ឈាមច្រើនពេលវះកាត់
-ដាច់រហែកកស្បូនខ្លាំង
– របួសប្លោកនោម ឬពោះវៀន ដែលទាមទារការសម្រាកពេទ្យរយៈពេលយូរ។
ផលពិបាកក្រោយសម្រាលវះកាត់ភ្លាមៗ១០% ទៅ៤២%៖
– បង្ករោគផ្សេងៗ (ដូចជា ការរលាកប្លោកនោម រលាកភ្នាសក្នុងរបស់ស្បូន រលាកស្រោមពោះ ឬអាចដល់បង្ករោគក្នុងសរសៃឈាម)
– ហូរឈាមក្រោយពេលវះកាត់ មានកកឈាមលើស្នាមរបួសស្បូន ឬក្រោមរបួសស្បែក
– ស្លេកស្លាំង
– ស្ទះសរសៃឈាមតូចៗ ជាពិសេសសរសៃឈាមក្នុងសួត ធ្វើឲ្យមានវិបត្តិផ្លូវដង្ហើម។
ដោយសារការសម្រាលដោយវះកាត់មានផលប៉ះពាល់ច្រើនបែបនេះទើប មន្ទីរពេទ្យ កាល់ម៉ែត បានណែនាំឲ្យស្ត្រីពពោះ គួរពិភាក្សាជាមួយគ្រូពេទ្យជំនាញមុន ដើម្បីជ្រើសរើសការសម្រាលដែលសមស្រប និងមានសុវត្ថិភាពទាំងម្ដាយ និងកូន ព្រោះក្នុងករណីសម្រាលខ្លះ អាចគំរាមកំហែងដល់ជីវិតស្ត្រីបាន។
អត្ថបទពាក់ព័ន្ធ៖
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕