ទារកក្នុងផ្ទៃតូចពេកក៏មានបញ្ហា ហើយបើថ្លោសខ្លាំងពេកក៏មានបញ្ហាដែរ។ តាមការផ្សព្វផ្សាយរបស់មន្ទីរពេទ្យកាល់ម៉ែត ទារកដែលលើសទម្ងន់ពេលកើត ជាទារកដែលមានទម្ងន់ពេលកើតលើសពី ៤ គីឡូក្រាម នៃទម្ងន់ជាមធ្យមរបស់ទារកធម្មតា។ ទារកលើសទម្ងន់ មានកត្តាប្រឈមច្រើន ទាំងពេលនៅក្នុងផ្ទៃ អំឡុងសម្រាល និងក្រោយកើត។
ទារកប៉ុន្មានគីឡូទើបហៅលើសទម្ងន់? ចុះបើកូនក្នុងផ្ទៃថ្លោសខ្លាំង ប្រឈមបញ្ហាអីខ្លះ?
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
១. កត្តាប្រឈមលើទារកក្នុងផ្ទៃ និងអំឡុងសម្រាល
– ការកើនឡើងនូវអត្រានៃភាពមិនប្រក្រតីពីកំណើត ទារកអាចប្រឈមនឹងការកើតមិនគ្រប់ខែ
– ទារកអាចជាប់ស្មា រងរបួសពុំអាចលើកដៃរួច ឬបាក់ឆ្អឹង
– ទារកអាចប្រឈមនឹងការស្លាប់ក្នុងពោះ
២. កត្តាប្រឈមលើទារកក្រោយកើត
– អាចប្រឈមនឹងកង្វះជាតិស្ករ បណ្តាលឲ្យប្រកាច់ ឬប៉ះពាល់ដល់ខួរក្បាល
– អាចមានវិបត្តិផ្លូវដង្ហើម (ហត់ដង្ហក់ និងថ្ងូរ)
– អាចមានសាច់ដុំបេះដូងរីក
– អាចមានកំហាប់ឈាមខាប់ខុសធម្មតា ដែលបណ្តាលឲ្យមានខាន់លឿងខ្លាំង និងរយៈពេលយូរ។
មន្ទីរពេទ្យកាល់ម៉ែតបានបញ្ជាក់ថា តាមរយៈការសិក្សាជាច្រើនបង្ហាញថា ស្ត្រីផ្ទៃពោះទាំងអស់ប្រហែលជា ១% ទៅ ១០% អាចផ្តល់កំណើតទារកដែលលើសទម្ងន់ ពិបាកសម្រាលតាមធម្មជាតិ។ ចំពោះមូលហេតុបណ្តាលឲ្យទារកលើសទម្ងន់វិញ មាន៖
– ម្តាយមានជំងឺទឹកនោមផ្អែមដែលការគ្រប់គ្រងជាតិស្ករពុំបានត្រឹមត្រូវ
– ការឡើងទម្ងន់ខុសពីធម្មតារបស់ម្តាយពេលពពោះ
– កត្តាតំណពូជ (ឪពុក ឬម្តាយ មានមាឌធំ ឬធាត់)។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម