នៅពេលស្ត្រីសម្រាលកូនរួច នឹងមានធ្លាក់ឈាមមក វាជារឿងធម្មជាតិ តែបើម៉ាក់ៗបាត់បង់ឈាមចាប់ពី ៥០០ មិល្លីលីត្រ ឡើងទៅនោះ ហៅថាការធ្លាក់ឈាមក្រោយសម្រាល។ ក្នុងករណីម៉ាក់ៗបាត់បង់ឈាមចាប់ពី ១០០ មិល្លីលីត្រ នោះវាជាការធ្លាក់ឈាមកម្រិតធ្ងន់ធ្ងរ។ នេះបើតាមការបកស្រាយពីមន្ទីរពេទ្យ កាល់ម៉ែត។
កត្តាទាំងនេះ ធ្វើឲ្យម៉ាក់ៗប្រឈមនឹងបញ្ហាធ្លាក់ឈាមក្រោយសម្រាល
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ការធ្លាក់ឈាមក្រោយសម្រាលអាចបណ្ដាលមកពីស្បូនទន់ ឬខ្សោយនៅការកន្ត្រាក់រួមមកវិញក្រោយសម្រាល ដោយសារការដាច់រហែកនៅតំបន់ទ្វារមាស តំបន់មាត់ស្បូន នៅសល់សុក ឬកម្ទេចសុកក្នុងស្បូន ឬវិបត្តិកំណកឈាម។ល។ ចំពោះការធ្លាក់ឈាមក្រោយសម្រាលនេះ ម៉ាក់ៗពពោះកាន់តែប្រឈមនឹងបញ្ហានេះ ប្រសិនបើ៖
– ស្បូនរីកធំក្នុងអំឡុងពេលមានផ្ទៃពោះ (ដូចកូនថ្លោស កូនភ្លោះ ទឹកភ្លោះច្រើន)
– ស្ត្រីធ្លាប់សម្រាលកូនច្រើនដង
– ស្ត្រីដែលធ្លាប់មានប្រវត្តិធ្លាក់ឈាមក្រោយសម្រាល
– ឈឺពោះយូរ
– សម្រាលកូនលឿនពេក
– ស្ត្រីដែលធាត់ពេកពេលពពោះ
– ស្ត្រីមានភាពស្លេកស្លាំង
– ស្ត្រីដែលមានសុកពាំងមាត់ស្បូន មានដុំឈាមកកនៅពីក្រោយសុកមានដុំសាច់នៅនឹងស្បូន
– កត្តាប្រឈមពីវិបត្តិកំណកឈាមពីកំណើត
– កត្តាប្រឈមមកពីការប្រើថ្នាំមួយចំនួន។ល។
ត្រង់បញ្ហាធ្លាក់ឈាមក្រោយសម្រាលនេះ ស្ត្រីនឹងទទួលបានផលវិបាកមួយចំនួនផងដែររួមមាន៖
ដូចនេះហើយ មន្ទីរពេទ្យ កាល់ម៉ែត បានណែនាំដល់ស្ត្រីពពោះ ពីការថែទាំសុខភាពឲ្យបានត្រឹមត្រូវ ចៀសវាងបញ្ហាផ្សេងៗអាចកើតឡើងអំឡុងពេលពពោះដូចខាងក្រោម៖
– ស្ត្រីគួរពិនិត្យផ្ទៃពោះឲ្យបានទៀងទាត់តាមការណាត់របស់គ្រូពេទ្យ ដើម្បីឲ្យគ្រូពេទ្យរកកត្តាប្រឈមមួយចំនួនដែលម៉ាក់ៗអំឡុងពេលពពោះ
– ម៉ាក់ៗគួរញ៉ាំជាតិដែកឲ្យបានតិចបំផុត ៩០គ្រាប់ ចំពោះស្ត្រីដែលគ្មានភាពស្លេកស្លាំងពីមុន
– ស្ត្រីគួរមកពិនិត្យ ផ្ទៃពោះ និងសម្រាលកូននៅមន្ទីរពេទ្យ ឬគ្លីនិកសម្ភពដែលមានគ្រូពេទ្យជំនាញច្បាស់ និងមានសម្ភារៈគ្រប់គ្រាន់។ល។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម