វេជ្ជបណ្ឌិតរូបនេះបន្តថា កត្តាសំខាន់មួយទៀតដែលអាចបណ្ដាលឲ្យកូនដុះលលាដ៍ក្បាល ឬឆ្អឹងខ្នងមិនជិត គឺម្ដាយទទួលបានសារជាតិ អាស៊ីដហ្វូលិក ឬវីតាមីន B9 មិនបានគ្រប់គ្រាន់ ទើបធ្វើឲ្យកូនប្រឈមនឹងបញ្ហានេះ។ លោកបញ្ជាក់ថា គភ៌ដែលជួបបញ្ហានេះ ៨០% គឺស្លាប់ក្រោយសម្រាលរួច ហើយបើទោះបីជាមិនស្លាប់ក៏មិនអាចចិញ្ចឹមឲ្យធំបានដែរ។
លោកថា ករណីគភ៌ដុះលលាដ៍ក្បាលមិនជិត គ្មានវិធីព្យាបាលណាអាចធ្វើឲ្យក្បាលកូនជិតបានធម្មតាវិញបានទេ ហើយនៅមិនទាន់មានការណែនាំច្បាស់ថា ធ្វើបែបណាទើបអាចបង្ការឲ្យចៀសផុតពីបញ្ហានេះដែរ។ ប៉ុន្តែ CDC អាមេរិក បានឲ្យដឹងថា ម៉ាក់ៗពពោះ ត្រូវទទួលបានសារធាតុ អាស៊ីដហ្វូលិកឲ្យបានគ្រប់គ្រាន់ (៤០០មីក្រូក្រាម/ថ្ងៃ) ហើយគួរតាមដានសុខភាពទាំងម្ដាយ និងកូនឲ្យបានដិតដល់ ពិគ្រោះជាមួយគ្រូពេទ្យដែលមានជំនាញត្រឹមត្រូវ ដើម្បីផ្ដល់ឲ្យការពពោះមានភាពរលូន គ្មានបញ្ហាណាមួយកើតឡើង។