លំហាត់ប្រាណ

ចំណេះដឹងទូទៅ

លំហាត់ប្រាណ

អ្នកវិទ្យាសាស្ត្របង្ហើបគន្លឹះឲ្យរស់នៅបានលើសពី ១០០ឆ្នាំ

ជាច្រើនឆ្នាំមកហើយដែលអ្នកវិទ្យាសាស្ត្រកំពុងព្យាយាមស្រាវជ្រាវស្វែងរកមធ្យោបាយដើម្បីពន្យារភាពចាស់ នឹងអាចរស់នៅបានលើសពី ១០០ឆ្នាំ ខណៈពេលដែលមិនទាន់បានទទួលចម្លើយជាក់ស្តែងនៅឡើយក៏ដោយ។ ខណៈពេលដែលកំពុងធ្វើដំណើរការស្រាវជ្រាវ អ្នកវិទ្យាសាស្ត្របានបង្វែរទៅផលិតជាអាហារបំប៉នធម្មជាតិដើម្បីជួយពន្យារភាពចាស់ ដោយឡែកអ្នកវិទ្យាសាស្ត្រមួយចំនួន ផ្សេងទៀតផលិតនូវសក្តានុពលប្រឆាំងភាពចាស់តាមរយៈភេសជ្ជៈបំប៉នសុខភាពផ្សេងៗ ទម្រាំការស្រាវជ្រាវរកមធ្យោបាយពន្យារភាពចាស់ចេញជាលទ្ធផលជាក់លាក់។ ​អ្នកជំនាញវិទ្យាសាស្ត្រ​ ៣ ​រូប​ក្នុង​វិស័យប្រត្តិបត្តិការណ៍​ស្រាវជ្រាវការពន្យារភាពចាស់បានប្រាប់​ពី​ទម្លាប់​រស់នៅដ៏​​ខ្ជាប់ខ្ជួនរបស់ខ្លួនថា ​ការទទួលទានអាហារដែលមានសុខភាពល្អ និងធ្វើលំហាត់ប្រាណ គឺជាគន្លឹះសំខាន់ដែលអាចជួយឲ្យពួកគេរស់នៅរហូតដល់អាយុ ១២០ឆ្នាំ​ បាន។ វេជ្ជបណ្ឌិត David Clancy នៃសាកលវិទ្យាល័យ Lancaster ដែលបានចំណាយពេលជាច្រើនទសវត្សរ៍ក្នុងការស្រាវជ្រាវពីរបៀបពន្យារភាពចាស់បាននិយាយថា ការធ្វើលំហាត់ប្រាណជាវិធីជួយឲ្យរាងកាយនៅក្មេងបានយូរ។ ការគ្រប់គ្រងសុខភាពបេះដូង កម្រិតនៃកូឡេស្តេរ៉ុល ក៏ដូចជាសម្ពាធឈាមឲ្យបានត្រឹមត្រូវ គឺអាចកាត់បន្ថយហានិភ័យដល់អាយុជីវិតផងដែរ។ ដោយឡែកអ្នកស្រាវជ្រាវនៅប្រទេសហ្វាំងឡង់បានរកឃើញថា ការហាត់ប្រាណច្រើនអាចជួយពន្យារភាពចាស់ និងអាចរស់នៅបានយូរ បូករួមនឹងរបបអាហារដែលមានសុខភាពល្អ និងគេងបានគ្រប់គ្រាន់។ វេជ្ជបណ្ឌិត Clancy បានពន្យល់ថា ការថែរក្សារាងក៏អាចជួយសម្អាតកោសិកា Senescent ដែលជាកោសិកាម៉្យាងបង្កើនល្បឿននៃភាពចាស់ បង្កើនស្ត្រេស បញ្ចេញជាតិពុលដែលជំរុញឱ្យរលាកអវៈយវៈផ្សេងៗ។ ក្រៅពីការហាត់ប្រាណ លោកវេជ្ជបណ្ឌិតក៏បានបន្ថែមអាហារបំប៉នប្រភេទថ្នាំគ្រាប់ប្រចាំថ្ងៃដែលផលិតឡើងពីស្លឹកស្ងួតរបស់ Ginkgo ដែលជាប្រភេទដើមឈើមានវ័យចំណាស់ជាងគេបំផុតរបស់ពិភពលោក ដោយហ្វូស៊ីលនៃស្លឹករបស់វាសម្បូរទៅដោយសារធាតុប្រឆាំងអុកស៊ីតកម្ម ជួយដល់ដំណើរការនៃបេះដូង និងជំនួយដល់សុខភាពភ្នែកថែមទៀតផង។ ចង់គណនា BMR ចុចទីនេះ! ចង់គណនារង្វាស់ចង្វាក់បេះដូង ចុចទីនេះ! ចង់ពិនិត្យសុខភាពប្រព័ន្ធរំលាយអាហារ ចុចទីនេះ! ចង់ពិនិត្យជំងឺសរសៃឈាមបេះដូង ចុចទីនេះ! ចង់ពិនិត្យជំងឺមហារីកសុដន់ ចុចទីនេះ! ចង់ពិនិត្យជំងឺមហារីកមាត់ស្បូន ចុចទីនេះ! ទន្ទឹមនឹងនេះដែរ លោក David McCarthy សាស្ត្រាចារ្យរងនៅសាកលវិទ្យាល័យ Georgia […]

ស្វែងរក លំហាត់ប្រាណ

លំហាត់ជំនួយបេះដូង

ហាត់ប្រាណមួយថ្ងៃ ១ម៉ោង ជួយកាត់បន្ថយហានិភ័យជំងឺបេះដូង

ការហាត់ប្រាណឲ្យបានច្រើនជាប្រចាំគឺជារឿងល្អសម្រាប់សុខភាពបេះដូង ក៏ប៉ុន្ដែចំពោះអ្នកមិនសូវមានពេលវេលាគ្រប់គ្រាន់បន្ទាប់ពីបំពេញការងារ នោះគឺជារឿងដែលចាំបាច់ត្រូវស្វែងយល់ឲ្យបានច្បាស់ ថាគួរត្រូវប្រើពេលប៉ុន្មានឲ្យបានគ្រប់គ្រាន់ ក្នុងការហាត់ប្រាណនេះ។ ជាក់ស្ដែងតាមការណែរនាំរបស់ក្រុមគ្រូពេទ្យ បានបង្ហាញថា ការហាត់ប្រាណ យ៉ាងហោចក៏ត្រូវចំណាយពេល ១ម៉ោង ក្នុងមួយថ្ងៃដើម្បីធ្វើឲ្យបេះដូងមានសុខភាពល្អ។ ថ្វីត្បិតតែការលើកឡើងរបស់គ្រូពេទ្យបានបង្ហាញថា ការហាត់ប្រាណបាន១ម៉ោង ក្នុងមួយថ្ងៃក៏អាចផ្ដល់អត្ថប្រយោជន៍មែនសម្រាប់សុខភាពបេះដូង ប៉ុន្ដែក៏មានចំណុច​រួម​ផ្សំ​មួយ​ចំនួន​ទៀត​ដែរ​។ ក្នុងនោះរួម​មាន​ ឥរិយាបថប្រចាំថ្ងៃ របបនៃការញ៉ាំអាហារ និង លក្ខណៈការងារ ដែលសកម្មភាពខ្លះក៏អាចរួម​ចំណែកជាការហាត់ប្រាណ ដល់រាងកាយផងដែរ។ អត្ថបទគួរអាន៖ លើកទម្ងន់ ជួយបេះដូង ជាងការហាត់ប្រាណបែបផ្សេងច្រើនណាស់ នេះជាមូលហេតុ គួរឆ្លៀតលើកទម្ងន់យ៉ាងហោច ២ដង/សប្ដាហ៍ ៥ក្បាច់នេះ ជួយឲ្យរាងស្អាត ចង្កេះតូច និងក្បាលពោះរាបស្មើ វិធីជំរុញមេតាបូលីសដុតថាមពលក្នុងរាងកាយ ជួយកុំឲ្យក្លាយជាកាម៉ាប់ៗ បុរសៗប្រឈមបញ្ហាអ្វីខ្លះបើឡើងកូលេស្ដេរ៉ូលខ្ពស់ក្នុងឈាម? តើពេលឈឺអាចបន្តការហាត់ប្រាណបានដែរឬទេ? បើគិតទៅលើពេលវេលាគោល ការហាត់ប្រាណ ១ម៉ោងគឺគ្រប់គ្រាន់ធ្វើឲ្យសុខភាពល្អ នោះផ្ដោតសំខាន់លើប្រភេទ នៃការហាត់ប្រាណ ដូចជា ការរត់ ការដើរ(ចន្លោះល្បឿន៤-៥គីឡូ/១ម៉ោង) ការហែលទឹក ការរាំំ ការជិះកង់ សុទ្ធសឹងជាការហាត់ប្រាណបែបសកម្មភាពងាយៗ។ ដូច្នេះយើងអាចធ្វើឲ្យ​បានយ៉ាងហោច ១ម៉ោង ក្នុងមួយថ្ងៃ ក៏អាចជួយកាត់​​បន្ថយហានិភ័យជំងឺបេះដូងបាន ២០-៤០%។ ការហាត់ប្រាណ ប្រភេទផ្សេងទៀតក៏​មាន​ដែរ​ ដូចជាការហាត់ប្រាណបែបកាយសម្ពន្ធ ការលើកទម្ងន់។ […]


ពត់ខ្លួននិងរក្សារាង

គ្រាន់តែគេងលើកជើងផ្អែកជញ្ជាំងក៏មានប្រយោជន៍ច្រើនដែរ

ការគេងលើកជើងផ្អែកជញ្ជាំង គឺជាលំហាត់យូហ្កាងាយស្រួលដែលយើងអាចធ្វើជំនួសលំហាត់ដាំក្បាលចុះក្រោម ហើយទុកនាទីឱ្យទំនាញផែនដីធ្វើការលើជើង និងរាងកាយរបស់យើង។ តើការគេង​លើក​​ជើងផ្អែកជញ្ជាំង​ផ្តល់ប្រយោជន៍អ្វីខ្លះដល់សុខភាពយើង? ១. ជួយឱ្យយើងស្ងប់អារម្មណ៍ ការគេងលើកជើងផ្អែកជញ្ជាំងប៉ះពាល់ដោយផ្ទាល់ដល់ប្រព័ន្ធសរសៃប្រសាទ និងធ្វើឱ្យអារម្មណ៍​យើង​ស្ងប់ភ្លាមៗ។ ក្នុងអំឡុងពេលធ្វើលំហាត់នេះ យើងអាចដក់ដង្ហើមវែងៗ​ដើម្បីទទួល​បាន​លទ្ធផលទ្វេដង ព្រោះការដកដង្ហើមបានវែងៗ​អាចកាត់បន្ថយអត្រាចង្វាក់​បេះដូង​លោត​​ដែលជួយឱ្យ​យើងបន្ធូរអារម្មណ៍ កាត់បន្ថយការថប់បារម្ភ ភាពតានតឹងបានយ៉ាងមានប្រសិទ្ធភាព។ ២. ជួយបំបាត់អាការៈចុករួយស្រពន់ជើង ការគេងលើកជើងផ្អែកជញ្ជាំងអាចជួយសន្ធឹងសរសៃពួរនៅភ្លៅខាងក្រោយដែលនឹងជួយបំបាត់អាការៈចុករួយស្រពន់ជើង បន្ទាប់ពីការធ្វើដំណើររយៈពេលវែង ការឈរ ឬអង្គុយនៅមួយកន្លែងពេញមួយថ្ងៃ។ កាលណាត្រគាករបស់យើងកាន់តែខិតទៅជិតជញ្ជាំង សរសៃ​ពួរនៅភ្លៅខាងក្រោយរបស់យើងនឹងសន្ធឹងកាន់តែវែងដែរ​​។ ៣. ​ជួយកាត់បន្ថយអាការៈចុករួយង្កេះ​ផ្នែក​ខាងក្រោម​ ការគេងលើកជើងផ្អែកជញ្ជាំងអាចជួយសន្ធឹងឆ្អឹងខ្នងចង្កេះ​ និងសាច់​ដុំ​ខ្នងដែលនឹង​ជួយកាត់បន្ថយ​អាការៈចុករួយចង្កេះ​ផ្នែក​ខាងក្រោម។ ចង់គណនា BMI ចុចទីនេះ! ចង់គណនា BMR ចុចទីនេះ! ចង់ពិនិត្យជំងឺសរសៃឈាមបេះដូង ចុចទីនេះ! ចង់គណនារង្វាស់ចង្វាក់បេះដូង ចុចទីនេះ! ៤. បង្កើនចលនាឈាមរត់ ការធ្វើលំហាត់ប្រាណបែបនេះ អាចជួយកាត់បន្ថយអាការៈហើមជើងដោយជួយបង្ហូរសារធាតុរាវដែលចាល់ក្នុងជើង​មក​រាង​កាយ​វិញ​។ លើសពីនេះទៅទៀត ទំនាញផែនដី​ជួយ​ឱ្យឈាមហូរត្រឡប់​ទៅ​បេះដូង​វិញបាន​ល្អ​ដែលនឹងជួយបង្កើនចលនាឈាមរត់ក្នុងខ្លួនរបស់យើង។ ៥. ជំរុញការរំលាយអាហារ ការគេងលើកជើងផ្អែកជញ្ចាំងអាចជួយ​សម្រួល​ចរន្ត​ឈាម​ក្នុង​ពោះ និង​កាត់​បន្ថយ​​ការសង្កត់ទៅលើ​ក្រពះ និងពោះវៀនដែល ការ​សង្កត់​នេះ​ប៉ះពាល់ដល់ការរំលាយអាហាររបស់យើង និងធ្វើឱ្យយើងហើមពោះ ច្រាល់​ទឹកអាស៊ីដក្រពះ និងទល់លាមក។ ៦. កាត់បន្ថយអាការៈឈឺក្បាលធម្មតា​ ​និងឈឺក្បាលប្រកាំង ការគេងលើកជើងផ្អែកជញ្ជាំងជាប្រចាំអាចរួម​ចំណែក​កាត់បន្ថយអាការៈការឈឺក្បាលធម្មតា​ និងឈឺក្បាលប្រកាំង ព្រោះ​ការលើកជើងឡើងលើអាចជំរុញរំហូរ​ឈាមត្រលប់ទៅកាន់បេះដូង និងបង្កើនចលនាឈាមរត់​ក្នុង​ខ្លួន​ដែលធ្វើឱ្យរាងកាយយើងទទួលបានអុកស៊ីសែនគ្រប់គ្រាន់។ [embed-health-tool-heart-rate] របៀបគេងលើកជើងផ្អែកជញ្ជាំង យើងអាចអង្គុយនៅលើកម្រាលហាត់យូហ្កា ហើយចំហៀងខ្លួនខាងធ្វេងរបស់យើង​ត្រូវជាប់​នឹង​ជញ្ជាំង។ បន្ទាប់មកគេងលើកម្រាល លើកជើងទាំងពីរផ្អែកជាប់នឹងជញ្ជាំង​ដោយយកដៃ​ជួយបង្វិល​ខ្លួន រួចរំកិលគូទរបស់យើងឱ្យជិតជញ្ជាំងតាមដែលអាចធ្វើបាន។ ជាចុងក្រោយ យើងត្រូវបន្ធូរ​សាច់​ដុំទាំងអស់នៅលើរាងកាយយើង បិទភ្នែក ដាក់ដៃនៅលើពោះ ឬនៅលើឥដ្ឋ និងដកដង្ហើមវែងៗ។ យើងត្រូវស្ថិតនៅក្នុងឥរិយាបទនេះឱ្យបានយូរតាមដែលអាចធ្វើទៅបានប្រហែលជា ១០ ទៅ ១៥ នាទី។ ដើម្បីឈប់ហាត់លំហាត់នេះយើងត្រូវទាញជង្គង់របស់យើងដាក់លើទ្រូង […]


លំហាត់សម្រកទម្ងន់

ស្លៀកឈុតកៅស៊ូហាត់ប្រាណ ពិត​ជាជួយ​ដុតកាឡូរី​បានច្រើន?

គ្នា​យើង​មួយ​ចំនួន ព្រោះ​តែ​ចង់​សម្រក​ទម្ងន់​បាន​រាង​ស្អាត ខំ​ប្រឹង​ហាត់​ប្រាណ​ផង តម​អាហារ​ផង និង​ខ្លះ​ទៀត ស្លៀក​ឈុត​កៅស៊ូ​ហាត់​ប្រាណ​ផង ដើម្បី​ឲ្យ​បែក​ញើស​ខ្លាំងអាច​ដុត​ជាតិ​ខ្លាញ់​ក្នុង​ខ្លួន​បាន​ច្រើន។ ផ្ទុយ​ទៅ​វិញ ការ​ស្លៀក​ឈុត​កៅស៊ូ​ហាត់​ប្រាណ មាន​ស្ថាប័ន​ខ្លះអះអាង​ថា​គ្រាន់​តែ​ធ្វើ​ឲ្យ​យើង​ចេញ​ញើស​ច្រើន តែមិន​ជួយ​រំលាយ​កាឡូរី​មាន​ក្នុង​ខ្លួន​យើង​ឡើយ។ គណនា BMI នៅទីនេះ មនុស្ស​ភាគ​ច្រើន​ស្លៀក​ឈុត​កៅស៊ូ​ហាត់​ប្រាណ ដោយ​គិត​ថា​វា​ជួយ​ឲ្យ​យើង​ស្រក​ទម្ងន់​បាន​លឿន។ យើង​ពិត​ជា​អាច​ស្រក​ទម្ងន់​បាន ប៉ុន្តែ​ការ​សម្រក​ទម្ងន់​ភាគ​ច្រើន​បណ្ដាល​មក​ពី​ញើស ហើយ​ទម្ងន់​នោះ​នឹង​ត្រូវ​ជំនួស​វិញ​ភ្លាមៗ​នៅ​ពេល​យើង​ផឹក​ទឹក​ពីរ-បី​កែវ។ កីឡាករ​អាជីព​ខ្លះ​ដែល​ត្រូវ​បំពេញ​តាម​ការ​កំណត់​ទម្ងន់​ជាក់​លាក់​ណា​មួយ​ដូចជា អ្នក​ប្រដាល់​អាច​ប្រើ​ឈុត​ទាំង​នេះ ដើម្បី​ជួយ​សម្រក​ទម្ងន់​បាន​យ៉ាង​ឆាប់​រហ័ស។ ប៉ុន្តែ ការ​ស្លៀក​ឈុត​កៅស៊ូ​ហាត់​ប្រាណ មិន​ជួយ​ដុត​កាឡូរី​នៅ​ក្នុង​ខ្លួន​ទេ វា​គ្រាន់​តែ​ធ្វើ​ឲ្យ​យើង​បែក​ញើស​ខ្លាំង​តែ​ប៉ុណ្ណោះ។ ការ​ស្រក​ទម្ងន់​ដោយ​សារ​ការ​បាត់​បង់​ជាតិ​ទឹក​ច្រើន មិន​ពាក់​ព័ន្ធ​នឹង​ការ​ដុត​បរិមាណ​ជាតិ​ខ្លាញ់​ក្នុង​រាងកាយ​យើង​ទេ ហើយ​តាម​ពិត​ទៅ​វា​អាច​បង្ក​គ្រោះ​ថ្នាក់​វិញ។ យោង​តាម American Heart Association ឲ្យ​ដឹង​ថា ហានិភ័យ​ជំងឺ​សរសៃ​ឈាម​បេះ​ដូង​កើន​ឡើង​នៅ​ពេល​សំណើម​រាងកាយ​ឡើង​លើស​៧០% ប៉ុន្តែ​ប្រសិន​បើ​យើង​ស្លៀក​ឈុត​កៅស៊ូ​ហាត់​ប្រាណ សំណើម​ដែល​ចេញ​ពី​រាងកាយ​យើង​ក្នុង​ឈុត​នោះ​មាន​ប្រហែល​១០០% មាន​ន័យ​ថា ស្លៀក​ឈុត​កៅស៊ូ​ហាត់​ប្រាណ​កាន់​តែ​បង្កើន​ហានិភ័យ​ជំងឺ​សរសៃ​ឈាម​បេះ​ដូង។ ហានិភ័យ​ផ្សេង​ទៀត ដែល​ទាក់​ទង​នឹង​ការ​ស្លៀក​ឈុត​កៅស៊ូ​ហាត់​ប្រាណ គឺ​បញ្ហា​ខ្វះ​ជាតិ​ទឹក និង​ការ​ឡើង​កម្ដៅ​រាងកាយ។ គ្នា​យើង​ត្រូវ​ដឹង​ថា ការ​ស្រក​ទម្ងន់​គឺ​អាស្រ័យ​លើ​បរិមាណ​កាឡូរី​ដែល​បាន​ដុត​ច្រើន​ជាង​បរិមាណ​កាឡូរី​ដែល​យើង​ញ៉ាំ​ចូល​ទៅ។ ការ​ស្លៀក​ឈុត​កៅស៊ូ​ហាត់​ប្រាណ មិន​ជួយ​ឲ្យ​យើង​ស្រក​ជាតិ​ខ្លាញ់​ក្នុង​រាងកាយ​ទេ ថែម​ទាំង​អាច​បង្ក​ជា​ដល់​សុខភាព​ថែម​ទៀត ហេតុ​នេះ​ពេល​ហាត់​ប្រាណ គ្នា​យើង​គួរ​ស្លៀក​ពាក់​ស្ដើងៗ ដែល​ខ្យល់​អាច​ចេញ​ចូល​បាន​ស្រួល និង​គួរ​ហាត់​ប្រាណ​នៅ​ក្រោម​ម្លប់​ត្រជាក់​ល្អ ចៀសវាង​ហាត់​ប្រាណ​ក្រោម​កម្ដៅ​ថ្ងៃ។


ពត់ខ្លួននិងរក្សារាង

អត្ថប្រយោជន៍ ៥ យ៉ាងនៃការហាត់ប្រាណលំនាំអក្សរ​​ V បញ្ច្រាស

លំហាត់ប្រាណលំនាំអក្សរ V បញ្ច្រាសជាលំហាត់ប្រាណជួយសន្ធឹងរាងកាយទាំង​មូល។ វាជា​ក្បាច់​យូ៉ហ្កាដ៏មានប្រសិទ្ធភាពក្នុងការជួយបំបាត់ការឈឺចាប់​រុំារ៉ៃបណ្តាលមកពីការអង្គុយយូរ ដែល​ធ្វើឱ្យ​សាច់ដុំសរសៃពួរភ្លៅផ្នែកខាង​ក្រោយឡើងរឹង។ ខាងក្រោមនេះជាអត្ថប្រយោជន៍ទាំង ៥ ​នៃការ​ធ្វើ​លំ​ហាត់ប្រាណលំនាំអក្សរ Vបញ្ច្រាស។ ១. ជួយសន្ធឹងរាងកាយផ្នែកខាងក្រោម៖ ដោយសន្ធឹងសាច់ដុំសរសៃពួរភ្លៅផ្នែក​ខាងក្រោយ កំពួន​ជើង​ និងកជើង។ ២. ជួយពង្រឹងរាងកាយផ្នែកខាងលើ៖ ជាលំហាត់ទ្រទម្ងន់ ដូច្នេះវាមាន​ប្រសិទ្ធភាព​​ក្នុងការពង្រឹង​កម្លាំង​ស្មា និងដៃ។ ជំហនេះក៏ជួយពង្រឹងសាច់ដុំពោះដែរ។ គណនា BMI ៣. ជួយបង្កើនលំហូរឈាមទៅខួរក្បាល៖ វាជាជំហរដែលធ្វើឱ្យ​បេះដូងស្ថិតនៅពី​លើក្បាលដែល​អនុញ្ញាតឱ្យទំនាញផែនដីបង្កើនលំហូរឈាមទៅកាន់​ខួរក្បាលដែលជួយក្នុងការផ្តោតអារម្មណ៍ និង​បង្កើនថាមពលខួរក្បាល​។ ៤. កាត់បន្ថយការឈឺខ្នង និងក៖ លំហាត់ប្រាណនេះជួយបើកទ្រូង និងស្មាដែលអាច​ជួយតម្រង់ឆ្អឹង​ខ្នង​របស់យើងឱ្យត្រង់ និងជួយបន្ធូរភាពតាន​តឹង​​ពី​កយើង។ ៥. ជួយពង្រឹងសាច់ដុំជើង៖ ជំហរនេះជួយពង្រឹងសាច់ដុំភ្លៅនិងកំភួន​ជើង​។​ វាជួយការពារការ​របួស​សាច់ដុំភ្លៅ និងកំភួនជើង នៅពេលយើងហាត់​​​​ប្រាណដូចជា រត់ ឡើងភ្នំ ឬធាក់កង់ជាដើម។ របៀបហាត់ បន្ទន់ជង្គង់ និងច្រត់បាតដៃទាំង ២ លើកម្រាលដោយសន្ធឹងដៃទៅមុខឱ្យអស់ រួច លើកជង្គង់ឡើងក្នុងទម្រង់ជាអក្សរ V បញ្ច្រាស។ សន្ធឹងជើងទាំង ២ ទៅក្រោយឱ្យអស់ និងឱ្យត្រង់។ រក្សាជំហរនេះ ១ នាទី។


លំហាត់ជំនួយបេះដូង

លំហាត់ប្រាណ ៣ ប្រភេទនេះអាចបង្ការជំងឺខ្សោយបេះដូង កុំភ្លេចសាកល្បងណា

ជំងឺខ្សោយបេះដូងកើតឡើងដោយសារបេះដូងចុះខ្សោយដែលបណ្តាលឱ្យសាច់ដុំបេះដូងមិនអាចច្របាច់ឈាមដែលផ្ទុកទៅដោយអុកស៊ីសែន និងសារធាតុចិញ្ចឹមគ្រប់គ្រាន់​ទៅចិញ្ចឹមរាងកាយ​ទាំង​មូល​បានទេ។ ជំងឺនេះអាចកើតឡើងគ្រប់វ័យ ប៉ុន្តែវាកើតឡើងញឹកញាប់លើមនុស្សចាស់។ ប្រសិន​បើមានជំងឺខ្សោយបេះដូងធ្ងន់ធ្ងរ អ្នកជំងឺត្រូវការដូរបេះដូង ឬត្រូវដាក់ឧបរកណ៍ជំនួយបេះដូង។ ការពារ​ប្រសើរជាងព្យាបាល ការហាត់ប្រាណអាចរួមចំណែកក្នុងការបង្ការជំងឺខ្យោយបេះដូងដែរ។ យោងតាមវិបសាយផ្លូវការរបស់មន្ទីរពេទ្យកាល់ម៉ែត ជំងឺខ្សោយបេះដូងអាចស្តែងចេញជារោគសញ្ញា ដូចជាអស់កំលាំង ល្ហិតល្ហៃ ពិបាកដង្ហើម ហត់ដង្ហក់ ក្អកញឹកញាប់ ជួនមានស្លេស្មពណ៌ស ឬក្រហមលាយឈាម  ហើមជើង ឡើងទម្ងន់លឿន ញរ័ទ្រូង ពិបាកគេង ជាដើម។ វេជ្ជបណ្ឌិត ​Kerry J. Stewart  ជាសាស្ត្រាចារ្យវេជ្ជសាស្ត្រនៅសាលាវេជ្ជសាស្ត្រ Johns Hopkins និង ជានាយកផ្នែកស្រាវជ្រាវលំហាត់រាងកាយបានលើកឡើងថា លំហាត់ប្រាណ ៣ ប្រភេទ ខាងក្រោម នេះអាចបង្ការជំងឺខ្យោយបេះដូងបាន៖ ១. លំហាត់ប្រាណបែបអ៊ែរ៉ូប៊ីក៖ លំហាត់ប្រាណបែបអ៊ែរ៉ូប៊ីកដូចជា ការដើរលឿន (១០០​ ជំហានក្នុង ១ នាទី) ការរត់ ការហែលទឹក ការជិះកង់ ការវាយតឺនីស និងការលោតអន្ទាក់ ជាដើមអាចជួយ សម្រួល​ចរន្តឈាម។ លំហាត់ប្រាណទាំងនេះមិនត្រឹមតែបន្ថយសម្ពាធឈាម និងចង្វាក់បេះដូងទេ ពួកវាក៏ជួយកាត់បន្ថយហានិភ័យនៃជំងឺទឹកនោមផ្អែមប្រភេទទី ២ ដែរ។ […]


របួសពីការលេងកីឡា

ហាត់ប្រាណទាំងមានអាការៈឈឺចាប់លើរាងកាយល្អ ឬអត់?

អ្នក​ណា​ក៏​ដូច​អ្នក​ណា ក្រោយ​ពេល​ហាត់​ប្រាណ​ហើយ រាងកាយ​យើង​ច្បាស់​ជា​ឈឺ​ចុក​ចាប់ ពិសេស​នោះ​គឺ​សាច់​ដុំ​តែ​ម្ដង ព្រោះ​ប្រើ​វា​ខ្លាំង​អំឡុង​ពេល​ហាត់​ប្រាណ ឬ​លេង​កីឡា។ អាការៈ​ឈឺ​ចាប់​លើ​រាងកាយ​ក្រោយ​លេង​កីឡា ឬ​ហាត់​ប្រាណ មិន​បង្ក​ជា​បញ្ហា​ធំ​ដុំ​គួរ​ឲ្យ​បារម្ភ​ទេ ប៉ុន្តែ បើ​យើង​ប្រឹង​ហាត់​ប្រាណ​ទាំង​ឈឺ​ខ្លួន​បែប​នេះ​វា​ល្អ​ដល់​រាងកាយ និង​សុខភាពឬអត់? តាម​ពិត​ទៅ អាការៈ​ឈឺ​ចាប់​លើ​រាងកាយ​ជា​រឿយ​ៗ តែង​តែ​កើត​មាន​ឡើង​ក្រោយ​ពេល​យើង​ហាត់​ប្រាណ ឬ​លេង​កីឡា ប៉ុន្តែ​យើង​នៅ​តែ​អាច​បន្ត​ហាត់​ប្រាណ ឬ​ធ្វើ​សកម្មភាព​រាងកាយ​បាន​ធម្មតា។ យ៉ាង​ណា​មិញ យើង​ក៏​ត្រូវ​ចេះ​សង្កេត​មើល​ស្ថានភាព​រាងកាយ​យើង​ដែរ ព្រោះ​កាល​ណា​បើ​យើង​ឈឺ​លើ​រាងកាយ ហើយ​ខំ​ប្រឹង​ហាត់​ប្រាណ ឬ​លេង​កីឡា​ខ្លាំង​ពេក ក៏​វា​អាច​បង្ក​ឲ្យ​មាន​របួស​សាច់ដុំ ឬ​កើត​ជា​ជំងឺ​រលាក​សន្លាក់​ក៏​ថា​បាន។ ​បើ​យើង​ស្ពឹក​សាច់ដុំ​តិចៗ៖ ក្នុង​ករណី​យើង​គ្រាន់​តែ​ស្ពឹក​សាច់​ដុំ​តិច​តួច យើង​គួរ​បន្ត​ហាត់​ប្រាណ​បែប Cardio ឬ​ក្បាច់​ពត់​ខ្លួន​ស្រាល ដើម្បី​សម្រួល​ដល់​បញ្ហា​ស្ពឹក​សាច់​ដុំ។ ម៉្យាង​វិញ​ទៀត​វា​ក៏​ជួយ​ដល់​លំហូរ​ឈាម​ក្នុង​រាងកាយ​យើង​បាន​ផង​ដែរ។ ​បើ​យើង​ឈឺ​លើ​រាងកាយ៖ ពេល​ដែល​យើង​ឈឺ​ចាប់​លើ​រាងកាយ យើង​អាច​សម្រាក​មួយ​ថ្ងៃ ឬ​ពីរ​សិន ឬ​បើ​មិន​ចង់​អត់​ហាត់​ប្រាណ យើង​អាច​ដើរ ឬ​ហាត់​ប្រាណ​ក្បាច់​ពត់​ខ្លួន​ណា​ស្រាលៗ ចៀស​វាង​ដាក់​សម្ពាធ​កាន់​តែ​ខ្លាំង​ទៅ​លើ​សាច់​ដុំ និង​រាងកាយ។ ​បើ​យើង​ឈឺ​ចាប់​ខ្លាំង៖ ក្នុង​ករណី​យើង​ឈឺ​ចាប់​លើ​រាងកាយ​ខ្លាំង រហូត​ពិបាក​ធ្វើ​សកម្មភាព​ប្រចាំ​ថ្ងៃ​ដូច​ជា លើក​ដៃ ឬ​ដើរ​។ល។ យើង​គួរ​សម្រាក​រហូត​អាការៈ​ធូរស្រាល​ទៅ​វិញ​សិន សឹម​បន្ត​ហាត់​ប្រាណ ឬ​លេង​កីឡា ប៉ុន្តែ​មិន​ត្រូវ​ប្រើ​កម្លាំង​ខ្លាំង​ពេក​នោះ​ទេ។ តិចនិក​ដោះ​ស្រាយ​អាការៈ​ឈឺ​ចាប់​លើ​រាងកាយ ១. ម៉ាស្សា​អាច​នាំ​យក​ឈាម​ទៅ​សាច់​ដុំ​ដែល​ឈឺ​ចាប់​ដើម្បី​សម្រួល​អាការៈ​ឈឺ​ចុក​ចាប់ តែ​បើ​ធ្វើ​ជ្រុល​វា​អាច​បណ្ដាល​ឲ្យ​យើង​ឈឺ​សាច់​ដុំ​កាន់​តែ​ធ្ងន់​ដូច​គ្នា។ បន្ថែម​ពី​លើ​នេះ យើង​ត្រូវ​ញ៉ាំ​ទឹក​ឲ្យ​បាន​ច្រើន។​ ២. យើង​ក៏​អាច​ប្រើ​ថ្នាំ​បំបាត់​ការ​ឈឺ​ចាប់​ដោយ​គ្មាន​វេជ្ជបញ្ជា​បាន ប៉ុន្តែ​យើង​ត្រូវ​ពិគ្រោះ​ជាមួយ​គ្រូពេទ្យ​ជាមុន​សិន ព្រោះ​វា​អាច​បណ្ដាល​ឲ្យ​មាន​ផល​រំខាន។ ៣. ដើម្បី​បំបាត់​អាការៈ​ឈឺ​ចាប់​លើ​រាងកាយ យើង​ក៏​អាច​សម្រួល​អាការៈ​ដោយ​ការ​ស្អំ​ទឹកកក […]


ជំរុញការហាត់ប្រាណ

មួយថ្ងៃគួរហាត់ប្រាណយ៉ាងតិចប៉ុន្មាននាទី ល្អចំពោះសុខភាព?

គ្នា​យើង​ដឹង​ហើយ​ថា​ការ​ហាត់​ប្រាណ​បាន​ផ្ដល់​ប្រយោជន៍​ច្រើន​យ៉ាង​ដល់​សុខភាព ដូចជា​ការពារ​ជំងឺ​ផ្សេង កាត់​បន្ថយ​ស្រ្តេស ជួយ​សម្រក​ទម្ងន់ ឬ​រក្សា​ទម្ងន់​ឲ្យ​នៅ​ថេរ​ល្អ ជា​ដើម​។ ចុះ​គ្នា​យើង​ដែល​ដឹង​អត់​ ដើម្បី​ឲ្យ​សុខភាព​យើង​ល្អ តើ​គួរ​ហាត់​ប្រាណ​យ៉ាងតិច​ប៉ុន្មាន​នាទី​ក្នុង​មួយ​ថ្ងៃ?​ ១. សកម្មភាព​ហាត់ប្រាណ​ ជា​ការ​ណែនាំ​មនុស្ស​ពេញ​វ័យ​គួរ​ហាត់​ប្រាណ​កម្រិត​មធ្យម​លើ​ប្រភេទ​លំហាត់​ប្រាណ​អេរ៉ូបិក១៥០​នាទី​ក្នុង​មួយ​សប្ដាហ៍ ឬ​បើ​យើង​ហាត់ប្រាណ​បែប អេរ៉ូបិក​កម្រិត​ខ្លាំង​អាច​ត្រឹម​៧៥​នាទី​ក្នុង​មួយ​សប្ដាហ៍។ ការ​ហាត់​ប្រាណ​បាន​កាន់​តែ​ច្រើន ក៏​ផ្ដល់​គុណ​ប្រយោជន៍​កាន់​តែ​ច្រើន​ដល់​សុខភាព​ដូច​គ្នា​ដែរ។​ ចំណែក​សកម្មភាព​រាងកាយ​ធម្មតា​ៗ​មួយ​ចំនួន​ ក៏​មាន​ប្រយោជន៍​ដល់​រាងកាយ​ផង​​ដែរ​។ ដូច​នេះ​ហើយ បាន​ជា​មាន​ការ​លើក​ឡើង​​ថា​ ថ្វី​បើ​មនុស្ស​យើង​មិន​សូវ​បាន​ហាត់​ប្រាណ​មែន តែ​បើ​យើង​ជា​មនុស្ស​បញ្ចេញ​សកម្មភាព​រាង​កាយ​ច្រើន ក៏​មាន​ប្រយោជន៍​ដល់​សុខភាព​ដូច​គ្នា​។​ ​​​២. ប្រភេទ​លំហាត់​ប្រាណ​សម្រាប់​សុខភាព ដូច​បាន​លើក​ឡើង​ខាង​លើ​អ៊ីចឹង ហាត់​ប្រាណ​ដើម្បី​សុខភាព យើង​អាច​អនុវត្ត​ប្រភេទ​លំហាត់​ប្រាណ​ខាង​លើ​នោះ​បាន​។ លំហាត់​ប្រាណ​បែប​អេរ៉ូបិក​កម្រិត​មធ្យម​មាន​ដូច​ជា​ដើរ​ហាត់​ប្រាណ ​ហែល​ទឹក​ ឬ​សកម្មភាព​រុញ​ម៉ាស៊ីន​កាត់​ស្មៅ​ចុះ​ឡើង​ ជា​ដើម​។ ចំណែក​លំហាត់​ប្រាណ​អេរ៉ូបិក​កម្រិត​ខ្លាំង​មាន​ដូច​ជា​រត់ និង​រាំ​ ប្រភេទ​អេរ៉ូបិក។ ជាទូទៅ​ការ​ហាត់​ប្រាណ​ដើម្បី​សុខភាព គឺ​យើង​ប្រើ​ពេល​ហាត់​ប្រាណ​កម្រិត​មធ្យម​ប្រហែល​៣០​នាទី​ក្នុង​មួយ​ថ្ងៃ។ ប្រសិន​បើ​គ្នា​យើង​មាន​បំណង​ចង់​សម្រក​ទម្ងន់ ឬ​បាន​រាង​ស្អាត​ យើង​ត្រូវ​ហាត់​ប្រាណ​ឲ្យ​បាន​យូរ​ជាង​នេះ ដោយ​អាច​ចំណាយ​ពេល​​ហាត់​រហូត​ដល់​៣០០​នាទី​ក្នុង​មួយ​សប្ដាហ៍ ឬ​ច្រើន​ជាង​នេះ​។​ មួយ​វិញ​ទៀត ការ​កាត់បន្ថយ​ទម្លាប់​អង្គុយ​ធ្វើ​ការ​យូរ​ម៉ោង​ក៏​មាន​សារសំខាន់​ដែរ​។ ការ​អង្គុយ​កាន់​តែ​ច្រើន​ម៉ោង​រៀង​រាល់​ថ្ងៃ ក៏​បង្កើត​ឱកាស​កាន់​តែ​ច្រើន​ឲ្យ​យើង​មាន​បញ្ហា​មេតាប៉ូលិស​។ ការ​អង្គុយ​យូរ​ម៉ោង​ក្នុង​មួយ​ថ្ងៃៗ អស់​រយៈពេល​យូរ នឹង​ផ្ដល់​ផល​អវិជ្ជមាន​ដល់​សុខភាព ទោះ​បី​ជា​យើង​បាន​ហាត់​ប្រាណ​ត្រឹម​ត្រូវ​តាម​ការ​ណែនាំ​ក៏​ដោយ​។ បើ​សិន​ជា​គ្នា​យើង​មិន​អាច​មាន​ពេល​ដើរ​រយៈពេល​៣០​នាទី​​អំឡុង​ពេល​ថ្ងៃ​ទេ យើង​គួរ​ឆ្លៀត​ដើរ​ម្ដង​ប្រាំ​នាទី​នៅ​ពេល​ណាមួយ​ដែល​អាច​ធ្វើ​បាន​។ រាល់​សកម្មភាព​រាង​កាយ​យើង​បាន​ធ្វើ គឺ​ពិត​ជា​ល្អ​ប្រ​សើរ​ជាង​មិន​បាន​ធ្វើ​អ្វី​សោះ​។ អ្វី​ដែល​សំខាន់ គឺ​យើង​ត្រូវ​បញ្ចេញ​សកម្មភាព​រាង​កាយ​ជា​ប្រចាំ​ថ្ងៃ ដើម្បី​សុខភាព​យើង​ល្អ​ប្រសើរ។


លំហាត់សម្រកទម្ងន់

វិធីហាត់ប្រាណងាយៗចំនួន ៤ ស័ក្ដិសមចំពោះអ្នកចង់ស្រកគីឡូ

ការ​ហាត់​ប្រាណ​ជា​ប្រចាំ​បាន​រួម​ចំណែក​ដល់​ការ​រក្សា​រាង​កាយ​ឲ្យ​មាន​សុខ​ភាព​ល្អ និង​កាន់​តែ​ចាំ​បាច់​ថែម​ទៀត​សម្រាប់​អ្នក​ចង់​រក្សា​ទម្ងន់​ឲ្យ​នៅ​ថេរ​ល្អ ឬ​ស្រក​គីឡូ​តាម​បំណង​។ ជា​ធម្មតា​ការ​ស្រក​គីឡូ​អាច​កើត​ឡើង​បាន​ពេល​មនុស្ស​យើង​បង្កើន​ការ​បញ្ចេញ​សកម្មភាព​រាង​កាយ និង​កាត់​បន្ថយ​ការ​ទទួល​បាន​បរិមាណ​កាឡូរី។ ទាំង​ការ​កាត់​បន្ថយ​ការ​ញ៉ាំ​​អាហារ​ច្រើន សម្បូរ​កាឡូរី និង​បង្កើន​សកម្មភាព​រាង​កាយ នឹង​ធ្វើ​ឲ្យ​កាឡូរី​ក្នុង​រាង​កាយ​ធ្លាក់​ចុះ​។​ ​​ខាង​ក្រោម​នេះ​ជា​វិធី​ហាត់​ប្រាណ​ងាយ​ៗ​ចំនួន​​បួន ដែល​គ្នា​យើង​អាច​ធ្វើ​បាន​ដោយ​មិន​សូវ​ចំណាយ​ច្រើន ហើយ​មាន​ឥទ្ធិពល​លើ​ការ​សម្រក​ទម្ងន់​ថែម​ទៀត​ផង​។ ១. រត់ ​រត់​គឺ​ជា​ទម្រង់​ហាត់​ប្រាណ​បែប​ជំនួយ​បេះ​ដូង​មួយ​ប្រភេទ​។ ការ​រត់​​ធ្វើ​ឲ្យ​បេះដូង និង​សួត​ធ្វើ​ការ​ខ្លាំង​ជាង​មុន។ ការ​ធ្វើ​ការ​ខ្លាំង​នេះ នាំ​ឲ្យ​រាង​កាយ​ដុត​ថាមពល​ដែល​មាន​នៅ​​ក្នុង​រាង​កាយ ​ដូច​ជា​ខ្លាញ់​ក្នុង​កោសិកា​។ បើ​សិន​ជា​ការ​ដុត​ថាមពល​នេះ ធ្វើ​ឡើង​បាន​ច្រើ​ន​ជា​ង​កាឡូរី​ដែល​យើង​បាន​ពី​ការ​ញ៉ាំ​អាហារ ហើយ​ការ​ដុត​បែប​នេះ បាន​ធ្វើ​ឡើង​ជាប់​ជា​ប្រចាំ នោះ​រាង​កាយ​យើង​អាច​នឹង​ចាប់​ផ្ដើម​ស្រក​គីឡូ​។ ការ​ស្រក​គីឡូ មិន​មែន​កើត​ឡើង​ភ្លាមៗ​នោះ​ទេ វា​ត្រូវ​ការ​​ការ​ហាត់​ប្រាណ​ឲ្យ​បាន​ជាប់​ជា​ប្រចាំ​រាប់​អាទិត្យ ឬ​ខែ​។ ការ​រត់ ត្រូវ​បាន​អ្នក​ស្រាវ​ជ្រាវ​រក​ឃើញ​ថា​មាន​ប្រសិទ្ធ​ភាព​ខ្ពស់​ក្នុង​ការ​សម្រក​គីឡូ​។​ ២. ដើរ ដើរ​ក៏​មាន​ឥទ្ធិ​ពល​លើ​រាង​កាយ​មិន​ខុស​ពី​រត់​ប៉ុន្មាន​ដែរ គ្រាន់​តែ​ថា​ដើរ​ជា​ទម្រង់​លំហាត់​ប្រាណ​មួយ​បែប​ស្រាល​ជាង​រត់។ ទោះ​បី​ជា​ការ​ដើរ​អាច​ដុត​កាឡូរី​ក្នុង​មួយ​នាទី បាន​តិច​ជាង​ការ​ត់​ក៏​ពិត​មែន​តែ​ថា​ទម្រង់​ហាត់​ប្រាណ​មួយ​នេះ ស័ក្ដិ​សម​ចំពោះ​អ្នក​ពិបាក​រត់ និង​អាច​ឲ្យ​អ្នក​ហាត់​ប្រាណ​ដើរ​បាន​ឆ្ងាយ និង​ក្នុង​រយៈពេល​យូរ​ទៀត​ផង​។​ ​ក្រៅពី​ជួយ​ដុត​កាឡូរី​បាន​ហើយ ការ​ដើរ​ក៏​មាន​ប្រយោជន៍​ដល់​ការ​ចង​ចាំ គេង​លក់​ស្រួល និង​ការ​គិត​បាន​តែ​ប្រសើរ​ផង​ដែរ​។​ ៣. ជិះកង់​ ការ​ជិះ​កង់​ ជា​ទម្រង់​នៃ​លំហាត់​ប្រាណ​មួយ​បែប​ទៀត​ជួយ​ដល់​ការ​ស្រក​គីឡូ​ដែរ​។ ការ​ជិះ​កង់​ជា​ទម្រង់​លំហាត់​ប្រាណ​មួយ​បែប​ធ្ងន់​ជាង​ដើរ​បន្តិច​ ដែល​ត្រូវ​ប្រើ​កម្លាំង​ខ្លាំង​នៅ​ជើង​ដើម្បី​ធាក់​ឲ្យ​កង់​ធ្វើ​ចលនា​។ មនុស្ស​ជា​ច្រើន​បាន​សម្រេច​ជ្រើស​រើស​ការ​ជិះ​កង់​ជា​វិធី​ហាត់​ប្រាណ​ ហើយ​​អ្នក​ខ្លះ​ក៏​បាន​ជិះ​កង់​ទៅ​ធ្វើ​ការ​ដូច​គ្នា ដោយ​ថា​គ្រាន់តែ​ចំណាយ​ពេល​៤០​នាទី​ក្នុង​ការ​ជិះ​ទៅ​មក ក៏​ជា​វិធី​ហាត់​ប្រាណ​មួយ​ដែល​ល្អ​សម្រាប់​សុខ​ភាព​ដែរ​។ ៤. ហែលទឹក ​​​បើ​យើង​ជា​អ្នក​ចេះ​ហែល​ទឹក លំហាត់​ប្រាណ​បែប​ហែល​ទឹក​នេះ​ក៏​ល្អ​សម្រាប់​ផែន​ការ​សម្រក​គីឡូ​ដែរ​។ ការ​ហែល​ទឹក​មិន​ត្រឹម​តែ​ជួយ​ដុត​កាឡូរី​ទេ តែ​ក៏​មាន​ប្រយោជន៍​ដល់​សន្លាក់​ថែម​ទៀត​ផង​។ ការ​សិក្សា​បាន​រក​ឃើញ ថា​ការ​ហែល​ទឹក​ជា​លំហាត់​ប្រាណ​ល្អ បំផុត​មួយ​ដែរ ក្នុង​ការ​ជួយ​ដុត​កាឡូរី​ក្នុង​រាង​កាយ​។​ ជា​ការ​ណែ​នាំ សម្រាប់​អ្នក​ហាត់​ប្រាណ​បែប​ស្រាល​ៗ​គួរ​ធ្វើ​ឲ្យ​បាន​៣០​នាទី​ក្នុង​មួយ​ថ្ងៃ ឬ​អាច​ច្រើន​ដល់​៣០០​នាទី​ក្នុង​មួយ​សប្ដាហ៍ បើ​យើង​ចង់​រក្សា​ទម្ងន់ ឬ​សម្រក​ទម្ងន់​នោះ​​។


ពត់ខ្លួននិងរក្សារាង

លំហាត់​ប្រាណ​បែបលាតសន្ធឹងជើងចុះ​ឡើង​​ ជួយដល់លំហូរឈាម​

យើង​ប្រហែល​ជា​មិន​ធ្លាប់​ដឹង​ទេ​ថា​ ការ​ហាត់​ប្រាណ​បែប​លាត​សន្ធឹង​​ជើងចុះឡើង​​ជា​ទៀងទាត់​ ​មិន​ត្រឹម​តែ​អាច​កាត់​បន្ថយ​បញ្ហា​រមួល​ និង​ចុក​រួយ​សាច់​ដុំ​បាន​យ៉ាង​មាន​ប្រសិទ្ធភាព​ប៉ុណ្ណោះ​ទេ​ ​វា​ក៏​អាច​ការពារ​យើង​ប្រឆាំង​នឹង​ជំងឺ​បេះដូង​ ក៏​ដូចជា​គ្រោះថ្នាក់​សរសៃ​ឈាម​ខួរ​ក្បាល​ថែម​ទៀត​ផង​។​ ​យោង​តាម​ការ​សិក្សា​មួយ​​បាន​បង្ហាញ​ថា​ ការ​លាត​សន្ធឹង​​ជើង​បែប​ងាយ​ៗ​ អាច​ជួយ​​ពង្រឹង​លំហូរ​ឈាម​ទៅ​ពាសពេញ​រាងកាយ​។​ ក្រុម​អ្នក​​ស្រាវជ្រាវ​បាន​បែងចែក​មនុស្ស​ដែល​មាន​សុខភាព​ល្អ​ចំនួន​៣៩​នាក់​ជា​ពីរ​ក្រុម ដោយ​មួយ​ក្រុម​មិន​ធ្វើ​លំហាត់​ប្រាណ​បែប​លាត​សន្ធឹង​​ជើងចុះឡើងទេ​​ ​រី​ឯ​មួ​យ​ក្រុម​ទៀត​​ធ្វើ​លំហាត់​ប្រាណ​បែប​បែប​លាត​សន្ធឹង​​ជើងចុះឡើង​ចំនួន​​៤​ប្រភេទ​ ចំនួន​៥​ដង​ក្នុង​មួយ​សប្ដាហ៍ ​សម្រាប់​រយៈពេល​១២​សប្ដាហ៍​។​ លំហាត់​ប្រាណ​នេះ​ផ្ដោត​លើ​ត្រគាក​ ជង្គង់​ និង​ក​ជើង​ ហើយ​លំហាត់​បែប​លាត​សន្ធឹង​​ជើងចុះឡើង​នីមួយ​ៗ ​មាន​រយៈពេល​៤៥​វិនាទី ​និង​សម្រាក​ចំនួន​១៥​វិនាទី​។ ក្រោយ​មក​ ក្រុម​អ្នក​ស្រាវជ្រាវ​បាន​រក​ឃើញ​ថា​ សរសៃ​ឈាម​នៅ​ជើង​​ផ្នែក​ខាង​ក្រោម​នៃ​ក្រុម​ដែល​​ធ្វើ​លំហាត់​ប្រាណ​បែប​លាត​សន្ធឹង​​ជើងចុះឡើង​​មាន​លំហូរ​ឈាម​ប្រសើរ​ជាង​ និង​មិន​សូវ​​ចុក​រួយ​​ជើង​ឡើយ​។​ ​បន្ថែម​ពី​នេះ​ ក្រុម​ដែល​ធ្វើ​លំហាត់​​​ប្រាណបែបនេះ ​​មាន​សម្ពាធ​ឈាម​ទាប​​នៅ​ចុង​បញ្ចប់​នៃ​ការ​​សិក្សា​​ បើ​ប្រៀបធៀប​ទៅ​នឹង​កម្រិត​សម្ពាធ​ឈាម​ដំបូង​របស់​ពួក​គេ​។​   ​ក្រុម​អ្នក​ស្រាវជ្រាវ​បាន​ប៉ាន់​ប្រមាណ​ថា​ ការ​ធ្វើ​លំហាត់​ប្រាណ​លាត​សន្ធឹង​រាងកាយ​ផ្នែក​ខាង​ក្រោម​ នឹង​ធ្វើ​​ឲ្យ​សាច់ដុំ​សង្កត់​លើ​សរសៃ​ឈាម​នៅ​ភ្លៅ​ និង​ជើង​ ដែល​​​បណ្ដាល​ឲ្យ​រាងកាយ​បញ្ចេញ​សារធាតុ​គីមី​​ដែល​ពង្រីក​សរសៃ​ឈាម​ ដូច្នេះ​ហើយ​ឈាម​អាច​ចូល​​បាន​ច្រើន​។​ កត្តា​នេះ​ក៏​ជះ​ឥទ្ធិពល​លើ​សរសៃ​ឈាម​នៅ​ផ្នែក​ខាង​លើ​នៃ​រាងកាយ​ដូច​គ្នា​ ពីព្រោះ​អ្នក​ចូលរួមការ​សិក្សា ​បាន​បង្ហាញ​ពី​ការ​ផ្លាស់ប្ដូរ​ស្រដៀង​គ្នា​នៅ​ក្នុង​សរសៃ​ឈាម​នៃ​ដៃ​​ផ្នែក​ខាង​លើ​របស់​ពួក​គេ​។ ​​​​​​​​​​​​​​​​​​​ជា​មួយ​គ្នា​នេះ​ដែរ​ ក្រុម​អ្នក​ស្រាវជ្រាវ​បាន​សម្គាល់​ថា​ លំហាត់​ប្រាណ​​បែប​លាត​សន្ធឹង​​ជើងចុះឡើង ក៏​អាច​បន្ថែម​​ការ​ការពារ​ប្រឆាំង​ទៅ​នឹង​ជំងឺ​បេះដូង​ គ្រោះថ្នាក់​សរសៃ​ឈាម​ខួរ​ក្បាល​ និង​ជំងឺ​ទឹក​នោម​ផ្អែម​​​បាន​ផង​ដែរ​ ​ដោយ​សារ​តែ​​វា​មាន​ជាប់​ពាក់​ព័ន្ធ​ទៅ​នឹង​ការ​ថយ​ចុះ​នៃ​លំហូរ​ឈាម​។​ ​​បន្ថែម​ពី​នេះ​ លំហាត់​ប្រាណបែប​លាត​សន្ធឹង​​ជើងចុះឡើង​ គឺ​ពិត​ជា​មាន​អត្ថប្រយោជន៍​ដ៏​អស្ចារ្យ​សម្រាប់​អ្នក​ដែល​មាន​ហានិភ័យ​ខ្ពស់​ ​ដែល​មាន​បញ្ហា​ក្នុង​ការ​ធ្វើ​ចលនា​ និង​មិន​អាច​ហាត់​ប្រាណ​ទៀងទាត់​។


ជំរុញការហាត់ប្រាណ

មិនសូវមានពេល​ហាត់ប្រាណ តែចង់បញ្ចេញញើសកុំរំលងវិធី​នេះ

គ្នា​យើង​មួយ​ចំនួន​ទំនងជា​មាន​ការ​រវល់​ច្រើន​មិន​មាន​ពេល​គ្រប់​គ្រាន់​ដើម្បី​ហាត់​ប្រាណ ឬ​​ទៅ​ក្លឹប​ហាត់​ប្រាណ តែ​កុំ​បារម្ភ​អី ក្រៅពី​ការ​បញ្ចេញ​កម្លាំង​កាយ​នៅ​ក្លឹបហាត់​ប្រាណ នៅ​មាន​វិធី​មួយ​ចំនួន​ទៀត​អាច​ជួយ​គ្នា​យើង​បញ្ចេញ​​ញើស​បាន​ដែរ។ ដូច​គ្នា​យើង​ដឹង​ហើយ​ថា​ការ​បញ្ជេញ​ញើស​ពិត​ជា​មាន​សារៈសំខាន់​ដល់​សុខភាព​រាង​កាយ និង​ផ្លូវ​ចិត្ត​របស់​យើង​ណាស់​។ តាម​ការ​ណែ​នាំ​ការ​បញ្ចេញ​កម្លាំង​កាយ​បែប​ស្រាលៗ​ដូច​ជា​ដើរ រត់ រាំ ឬជិះ​កង់ ជា​ដើម យើង​គួរ​ធ្វើ​ឲ្យ​បាន​យ៉ាង​តិច១៥០​នាទី​ក្នុង​មួយ​អាទិត្យ ឬ​បើ​សម្មភាព​បញ្ចេញ​កម្លាំងខ្លាំង​គឺ​យ៉ាងតិច​ត្រូវ​ធ្វើ​ឲ្យ​បាន​៧៥​នាទី​ក្នុង​មួយ​អាទិត្យ​។ ចុះ​បើយើង​មិន​មាន​ពេល​រត់ ឬ​ជិះ​កង់ទេ តើ​យើង​អាច​ធ្វើ​អ្វី​ជំនួស​បាន? ១. ធ្វើ​កិច្ចការ​ផ្ទះ កិច្ចការ​ផ្ទះខ្លះ​ដូចជា​ជូត​សម្អាត​ផ្ទះ លាង​រថយន្ត ឬ​ម៉ូតូ ក៏​ជា​សកម្មភាព​មួយ​ជួយ​ឲ្យ​គ្នា​យើង​បាន​បញ្ចេញ​ញើស​ផង​ដែរ​។ ក្រៅ​ពី​នេះ សកម្មភាព​ដូចជា​លាង​រថយន្ត ឬ​សម្អាត​ផ្ទះ​ក៏​ជួយ​ជំរុញ​ឲ្យ​គ្នា​យើង​មាន​អារម្មណ៍​ល្អ​ផង​ដែរ​។​​​ ២. ធ្វើ​សួន​ កាន់តែ​ពិ​សេស​ទៅ​ទៀត​បើ​គ្នា​យើង​មាន​ផ្ទះ និង​មាន​ដី​សល់​ខ្លះៗ​ផង កុំ​ទុក​ចោល​អី ចូររៀប​ចំ​ធ្វើ​ជា​សួន​ដាំ​បន្លែ ឬ​ផ្កា​តាម​ចំណូល​ចិត្ត​របស់​យើង​។ ការ​ងារ​ទាំង​នេះ​មិន​ត្រឹម​តែ​ជួយ​ឲ្យ​យើង​បាន​ផល​ពី​សួន​បន្លែ​នោះ​ទេ តែ​ក៏​បាន​ជួយ​ឲ្យ​គ្នា​យើង​បញ្ចេញ​កម្លាំង​ពល​កម្ម បញ្ចេញ​ញើស​តាម​រយៈ​ការ​ជីក ការ​កាប់​គាស់ ឬ​លើក​​ដាក់​ថូ ចុះ​ឡើង​ជា​ដើម។ ការ​ធ្វើ​សកម្ម​ភាព​បែប​នេះ​បាន​ត្រឹម​៣០​នាទី​ក្នុង​ពេល​មួយ​ដង នឹង​ជួយ​ដល់​សុខ​ភាព​រាង​កាយ និង​ធ្វើ​ឲ្យ​យើង​មាន​អារម្មណ៍​ល្អ​ទៀត​ផង​។​ [embed-health-tool-bmi] ៣. រួម​ភេទ ការ​សិក្សា​​បាន​បង្ហាញ​ថា​ពេល​យើង​រួម​ភេទ អាច​ដុត​កាឡូរី​​បាន​៥កាឡូរី​ក្នុង​រយៈពេល​១នាទី។ សកម្មភាព​នៃ​ការ​រួម​ភេទ ក៏​ត្រូវ​បាន​អ្នក​ជំនាញ​អះអាង​ថា​អាច​ជួយ​ការពារ​យើង​ពី​ជំងឺ​បេះ​ដូង​ផង​ដែរ បើ​យើង​ និង​ដៃ​គូ​ស្ថិត​ក្នុង​ទំនាក់ទំនង​ស្នេហា​ល្អូក​ល្អិន។​​ [embed-health-tool-ovulation] ៤. រាំ​លេង ដូច​គ្នា​យើង​ដឹង​ហើយ​ថា​ការ​ស្ដាប់​តន្រ្តី​ជួយ​ឲ្យ​គ្នា​យើង​មាន​អារម្មណ៍​ល្អ ហើយ​បើ​យើង​មាន​បទភ្លេង​ដែល​យើង​ពេញ​ចិត្ត និង​អាច​រាំ​លេង​ជា​មួយ​សមាជិក​គ្រួសារ​ទៀត​នោះ​កាន់​តែ​ប្រសើរ​ថែម​ទៀត​។ ការ​បើក​តន្រ្តីតិចៗ​​ល្មម​តែ​ឮ​សំឡេង​ក្នុង​ផ្ទះ​យើង និង​រាំ​លេង ក៏​ជា​សកម្មភាព​មួយ​ជួយ​ឲ្យ​យើង​បញ្ចេញ​ញើស​បាន​ដែរ។ ការ​រាំ​ ត្រូវ​បាន​អ្នក​ជំនាញ​លើក​ឡើង​​ថា​មាន​ប្រ​យោជន៍​ជួយ​ពង្រឹង​សុខ​ភាព​​បេះ​ដូង សាច់ដុំ និង​សួត​របស់​យើង​ ហើយ​ក៏​ធ្វើ​ឲ្យ​យើង​មាន​អារម្មណ៍​រីក​រាយ​ដូច​គ្នា​។ អត្ថបទ​គួរ​អាន៖  អត្ថប្រយោជន៍ ៥ […]

advertisement iconផ្សព្វផ្សាយពាណិជ្ជកម្ម
សំណួរដែលសួរញឹកញាប់
advertisement iconផ្សព្វផ្សាយពាណិជ្ជកម្ម
advertisement iconផ្សព្វផ្សាយពាណិជ្ជកម្ម

អ្នកជំនាញវេជ្ជសាស្ត្ររបស់យើង

ក្រុមគ្រូពេទ្យជំនាញ និង​អ្នក​ត្រួតពិនិត្យ​មាតិការាល់ការចេញផ្សាយ សុទ្ធតែជា​ក្រុម​គ្រូពេទ្យ​ដែល​បញ្ចប់ការសិក្សាត្រឹមត្រូវ និង​ទទួល​ស្គាល់​ជាផ្លូវការ​ដោយ​ក្រសួងសុខាភិបាលឬស្ថាប័ន​ពាក់ព័ន្ធ​ផ្លូវការ ដើម្បីលើកស្ទួយ​សហគមន៍​របស់យើង​ដោយ​មាតិកា​ចេញផ្សាយជាបន្តបន្ទាប់សម្រាប់សាធារណជន។ តួនាទីរបស់​ក្រុមគ្រូពេទ្យ ឬ​អ្នក​ជំនាញ​ក្នុងការ​ត្រួតពិនិត្យ​ខ្លឹមសារ​មាតិកា គឺ​ត្រូវ​ប្រាកដ​ច្បាស់ ១០០% ត្រឹមត្រូវ​ទៅតាម​ក្បួនខ្នាតវេជ្ជសាស្ត្រ មិនហួសសម័យ និង​មានមូលដ្ឋាន​ជា​ភ័ស្តុតាង​ត្រឹមត្រូវ​ពី​ការ​ស្រាវជ្រាវ ឬ​ព័ត៌មាន​សុខភាព​ពី​ប្រភព​ទុកចិត្ត​ជាផ្លូវការ។ ក្រុមគ្រូពេទ្យជំនាញ និង​ឯកទេស​របស់យើង​ធ្វើការ​ទាំង​ថ្ងៃទាំងយប់ សម្រាក​តិចម៉ោង ប្រសិន​បើ​តម្រូវ​ឲ្យ​ត្រួតពិនិត្យ​រាល់​មាតិកា​ពី​បញ្ហា​សុខភាព​នានា​ដើម្បី​ចេញ​ផ្សាយ ដើម្បី​ជា​គុណប្រយោជន៍ ជា​ទំនុកចិត្ត ជា​ប្រភព​ព័ត៌មាន​ដ៏​ត្រឹមត្រូវ ឲ្យសាមញ្ញ​ងាយយល់ ក្នុងគោលបំណង​តែមួយ​គត់​គឺ ជួយ​ឲ្យ​រាល់ការសម្រេចចិត្ត​របស់​អ្នក​កាន់តែ​ល្អ និង​ល្អ​បំផុត។

មើល​បន្ថែម​ពី​គ្រូពេទ្យ​ឯកទេស
មើល​បន្ថែម​ពី​គ្រូពេទ្យ​ឯកទេស