backup og meta
មាតិកា
ឧបករណ៍សុខភាព
រក្សាទុក
តារាងមាតិកា

Karyotype Test​ (តេស្ត Karyotype)

ត្រួតពិនិត្យដោយ វេជ្ជ. ចាន់ ស៊ីណេត · ម​ន្ទីរពេទ្យបង្អែកមិត្តភាពកម្ពុជា-ចិន សែនសុខ


អត្ថបទ​ដោយ ចាន់ សុខឡាង · កែ May 11, 2020

Karyotype Test​ (តេស្ត Karyotype)

យល់​ដឹង​ពី​កំរិត​មូល​ដ្ឋាន

១- តើ Karyotype Test ជាអ្វី?

Karyotype តេស្តគឺ​ជា​ការ​ធ្វើ​តេស្ត​ដើម្បី​កំណត់ និង​វាយ​តម្លៃ​ទំហំ រូប​សណ្ឋាន និង​ចំនួន​ក្រូម៉ូសូម​នៅ​ក្នុង​កោសិកា​ខ្លួន។ ក្រូម៉ូសូម​បន្ថែម ឬ​បាត់​បង់ ឬ​មិន​ប្រក្រតី​នៃ​បំណែក​ក្រូម៉ូសូម​អាច​បណ្តាល​ឱ្យ​មាន​បញ្ហា​ដល់​ការ​លូត​លាស់​ ការ​វិវត្តន៍ និង​តួនាទី​របស់​រាងកាយ។

២- តើ Karyotype តេស្តធ្វើឡើងដើម្បីអ្វី?

ការ​ធ្វើ​តេស្ត​នេះ​អាច​ត្រូវ​ប្រើ៖

– លើ​ប្តី​ប្រពន្ធ​ដែល​មាន​ប្រវត្តិ​នៃ​ការ​រលូត​កូន

– ដើម្បី​ពិនិត្យ​មើល​ក្មេង ឬ​ទារក​ដែល​មាន​លក្ខណៈ​មិន​ប្រក្រតី ឬ​ការ​លូតលាស់​យឺត

ការ​ធ្វើ​តេស្ត​តាម​ខួរ​ឆ្អឹង ឬ​តាម​ឈាម​អាច​កំណត់​ពី​ក្រូម៉ូសូម​ដែល​មាន​ឈ្មោះ​ថា Philadelphia ដែល​ត្រូវ​បាន​គេ​រក​ឃើញ​នៅ​ក្នុង ៨៥% នៃ​អ្នក​ដែល​មាន​ជំងឺ​មហារីក​ឈាម (CML)។ ការ​ធ្វើ​តេស្ត​ទឹក​ភ្លោះ​ធ្វើ​ដើម្បី​ពិនិត្យ​មើល​ក្រូម៉ូសូម​របស់​ទារក​កំពុង​លូត​លាស់​ក្នុង​ផ្ទៃ។

អ្វី​ដែល​ត្រូវ​ដឹង​មុន

១- អ្វីដែលគួរដឹងមុនពេលធ្វើKaryotype តេស្ត

ក្រូម៉ូសូម​ភេទ (XXXY) ត្រូវ​បាន​គេ​កំណត់​អំឡុង​ពេល​ធ្វើ​ការ​វិភាគ​លើ​ក្រូម៉ូសូម ដើម្បី​កំណត់​ភេទ​របស់​ទារកក្រូម៉ូសូម​ខ្លះ​ប្រែ​ប្រួល​តូច​ពេក ឬ​តិច​ពេក​ដើម្បី​ភ្ជាប់​នឹង​ក្រូម៉ូសូម​មិន​ធម្មតា (karyotyping)។ តេស្ត​ផ្សេង​ទៀត​ដូច​ជា fluorescent in situ hybridization (FISH) ឬ microarray អាច​ត្រូវ​ប្រើ​ដើម្បី​អង្កេត​មើល​ក្រូម៉ូសូម​ដែល​មិន​ធម្មតា។

មនុស្ស​គ្រប់​គ្នា​មាន​កោសិកា​ក្នុង​ខ្លួនជា​មួយ​នឹង​ហ្សែន​ខុស​គ្នា វា​កើត​ដោយ​សារ​តែ​ការ​ផ្លាស់​ប្តូរ​ការ​វិវត្ត​កោសិកា​ដំបូង​នៃ​ទារក​ដែល​ធ្វើ​ឲ្យ​កោសិកា​យើង​មាន​ភាព​ខុស​គ្នា​គេ​ហៅ​ថា mosaicism ឧទាហរណ៏​ជម្ងឺ Down syndrome។ មនុស្ស​ដែល​ទទួល​រង​ផល​ប៉ះ​ពាល់​មាន​កោសិកា​លើស​នៅ​ក្រូម៉ូសូម​ទី ២១ និង​កោសិកា​ដែល​មាន​គូ​មិន​ធម្មតា។

អត្ថបទពាក់ព័ន្ធ៖

យល់ដឹងនូវអ្វីដែលបានកើតឡើង

១- តើត្រូវរៀបចំដូចម្តេចសំរាប់Karyotype តេស្ត?

យើង​មិន​ចាំ​បាច់​ធ្វើ​អ្វី​មុន​ពេល​ដែល​អ្នក​ធ្វើ​តេស្ត​ទេ។ ពិភាក្សា​ជាមួយ​វេជ្ជបណ្ឌិត​រពី​តម្រូវ​ការ​សម្រាប់​ការ​ធ្វើ​តេស្ត ហានិភ័យ ឬ​របៀប​ដែល​ត្រូវ​ធ្វើតេស្ត​។

ដោយ​សារ​តែ​មាន​ផល​ប៉ះ​ពាល់​ធំ​នៃ karyotyping លើជីវិត​ យើង​​ត្រូវ​ទៅ​ជួប​គ្រូ​ពេទ្យ​ឯក​ទេស​ខាង​សេនេទិច (ពេទ្យ​​ឯក​ទេស​ខាង​ហ្សែន) ឬ​អ្នក​ប្រឹក្សា​យោបល់​ខាង​ហ្សែន។ អ្នក​ប្រឹក្សា​យោបល់​ជំនាញនេះ​​ត្រូវ​បាន​ទទួល​ការ​បណ្តុះ​បណ្តាល​ដើម្បី​ជួយ​អ្នក​ឱ្យ​យល់​ពី​លទ្ធ​ផល​តេស្ត​របស់ ​karyotype សម្រាប់​អ្នក​ដូច​ជា ហានិភ័យ​ក្នុង​ការ​មាន​កូន​លើ​អ្នក​ដែល​មាន​ជំងឺ​​ហ្សែន​ដូច​ជា​ជម្ងឺ Down syndrome។ អ្នក​ប្រឹក្សា​ខាង​ហ្សែន​អាច​ជួយ​អ្នក​ឱ្យ​ធ្វើ​ការ​សម្រេច​ចិត្ត​បាន​ត្រឹម​ត្រូវ។ ហើយ​ត្រូវ​ធ្វើ​ការ​ប្រឹក្សា​មុន​ពេល​ធ្វើ​តេស្ត ​karyotype

២- តើមានអ្វីកើតឡើងកំឡុងពេលធ្វើKaryotype តេស្ត?

គំរូ​ឈាម

អ្នក​ជំនាញ​ផ្នែក​សុខ​ភាព​ដែល​បូម​ឈាម​យើង​​ត្រូវ៖

– រុំ​បង់​​យឺត​ នៅ​ជុំវិញ​ដៃ​ផ្នែក​ខាង​លើ​របស់​យើង​​ដើម្បី​បញ្ឈប់​ឈាម​កុំ​ឲ្យ​ហូរ នេះ​វា​ធ្វើ​ឱ្យ​សរសៃ​ឈាម​ដែល​នៅ​ខាង​ក្រោម​បង់​រុំ​ធំ​ជាង​មុន និងងាយ​ស្រួល​ក្នុង​ការ​ចាក់​ម្ជុល​ចូល​ទៅ​ក្នុង​សរសៃ​ឈាម។

– លាង​សមាត​ម្ជុល​ជាមួយ​អាល់​កុល។

– ចាក់​ម្ជុល​ចូល​ទៅ​ក្នុង​សរសៃ​ឈាម អាច​នឹង​ចាក់​ច្រើន​ដង​បើ​ចាំ​បាច់។

– បូម​ឈាម​ចូល​ក្នុង​ស៊ីរ៉ាំង។

– ស្រាយ​បង់​រុំ​ចេញពេល​បូម​​ឈាម​ហើយ។

– ដាក់​សំឡី ឬ​កប្បាស​លើ​មុខ​ម្ជុល​នៅ​ពេល​ដក​ម្ជុល​ចេញ។

– សង្កត់​កន្លែង​ដែល​បូម រួច​បិទបង់​។

គំរូ​កោសិកា​របស់​ទារក

ចំពោះ​តេស្ត​នេះ​កោសិកា​ដែល​បាន​ប្រមូល​ពី​ទារក​ដោយ​ប្រើ​ amniocentesischorionic villus sampling

គំរូ​កោសិកា​ពី​ខួរ​ឆ្អឹង

ការ​បូម​ខួរ​ឆ្អឹង​ខ្នង​ត្រូវ​បាន​ប្រើ​លើ​តេស្ត karyotype test

៣- តើមានអ្វីកើតឡើងបន្ទាប់ពីធ្វើKaryotype Test?

បង់​រុំ​ដែល​រុំ​នៅ​ផ្នែក​ខាង​លើ​ដៃ​ វាអាចធ្វើឲ្យ​យើង​មាន​អារម្មណ៍​តឹង។ យើង​​ប្រហែល​ជា​មិន​មាន​អារម្មណ៍​អ្វី​ទាល់​តែ​សោះ​ពី​ម្ជុល​ដែល​ចាក់ ឬ​មាន​អារម្មណ៍​តិច​តួច។

យើង​ត្រូវ​យក​សំឡី​ចេញ​ប្រហែល ២០ ទៅ ៣០ នាទី​ក្រោយ ហើយ​យើង​​នឹង​ត្រូវ​ណាត់ដើម្បី​យក​លទ្ធផល​តេស្ត​ រួច​គ្រូពេទ្យ​រ​នឹង​ពន្យល់​ពី​លទ្ធផល​តេស្ត​។ យើង​គួរ​អនុវត្ត​តាម​ការ​ណែ​នាំ​របស់​វេជ្ជបណ្ឌិត​។

អត្ថបទពាក់ព័ន្ធ៖

យល់ដឹងពីលទ្ធផល

១- តើលទ្ធផលមានន័យដូចម្តេច?

លទ្ធ​ផល​នៃ​ការ​ធ្វើ​តេស្ត karyotype test ជា​ធម្មតា​អាច​ប្រើ​បាន​ក្នុង​រយៈពេល​ពី ទៅ សប្តាហ៍។ Karyotype ធម្មតា មាន​ក្រូម៉ូសូម​ចំនួន ៤៦ ដែល​មាន ២២ គូ​ជា​ក្រូម៉ូសូម​ធម្មតា​និង​មួយ​គូ​ជា​ក្រូម៉ូសូម​​ភេទ(XX សម្រាប់​ស្រី​និង XY សម្រាប់​ប្រុស) ។ទំហំ រូប​រាង និង​រចនា​សម្ព័ន្ធគឺ​ធម្មតា​សម្រាប់​ក្រូម៉ូសូម​និមួយ​ៗ។ មិន​ធម្មតា: មាន​ក្រូម៉ូសូម​ច្រើន ឬ​តិច​ជាង ៤៦

រូបរាង ឬ​ទំហំ​នៃ​ក្រូម៉ូសូម​មួយ ឬ​ច្រើន​គឺ​មិន​ធម្មតា។ គូ​ក្រូម៉ូសូម​ខ្លះ​អាច​ខូច ឬ​មិន​ត្រូវ​គូ។ តម្លៃ​ធម្មតា​របស់ Karyotype អាច​ប្រែ​ប្រួល​ដោយ​អាស្រ័យ​លើ​មន្ទីរពិសោធន៍ និង​មន្ទីរពេទ្យ។ សូម​ពិភាក្សា​ជាមួយ​គ្រូពេទ្យ​នូវ​សំណួរ​ពី​លទ្ធ​ផល​តេស្ត​របស់យើង​។

អត្ថបទពាក់ព័ន្ធ៖

ក្នុង​ករណី​មាន​សំណួរ ឬ​មន្ទិលសង្ស័យ​ជុំវិញ​សុខភាព​អ្នក ជម្រើស​ល្អ​បំផុត សូម​ពិគ្រោះ និង​ប្រឹក្សា​យោបល់​ផ្ទាល់​ជាមួយ​ពេទ្យ​ជំនាញ។ Hello Health Group មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

បដិសេធ

Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

ត្រួតពិនិត្យដោយ

វេជ្ជ. ចាន់ ស៊ីណេត

· ម​ន្ទីរពេទ្យបង្អែកមិត្តភាពកម្ពុជា-ចិន សែនសុខ


អត្ថបទ​ដោយ ចាន់ សុខឡាង · កែ May 11, 2020

advertisement iconផ្សព្វផ្សាយពាណិជ្ជកម្ម

តើអត្ថបទនេះមានប្រយោជន៍ដែរទេ?

advertisement iconផ្សព្វផ្សាយពាណិជ្ជកម្ម
advertisement iconផ្សព្វផ្សាយពាណិជ្ជកម្ម