ថ្នាំពេទ្យ បានជួយសម្រួលការឈឺចាប់ និងព្យាបាលមនុស្សសឹងតែគ្រាប់គ្នា នៅទូទាំងពិភពលោក។ ប្រទេសខ្លះ មានសមត្ថភាពផលិតថ្នាំពេទ្យបាន ហើយមានប្រសិទ្ធភាព និងតម្លៃសមរម្យទៀត ឯប្រទេសខ្លះទៀត ពុំទាន់មានសមត្ថភាពដូច្នេះ ចាំបាច់ត្រូវនាំចូលថ្នាំពេទ្យ ពីបរទេស ប៉ុន្តែការនាំចូលរបស់អាមេរិកដែលប្រកាសនេះ ឈរលើហេតុផល តម្លៃទាបជាងថ្នាំផលិតក្នុងស្រុក។
អាមេរិក គ្រោងនាំថ្នាំពេទ្យ ពីកាណាដាមកលក់ ដោយសារ...
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ជាក់ស្ដែង សហរដ្ឋអាមេរិក គ្រោងអនុញ្ញាតឲ្យនាំចូលថ្នាំពេទ្យ ពីកាណាដា ដោយសារវាតម្លៃថោកជាងថ្នាំពេទ្យនៅអាមេរិក។ ប៉ុន្ដែក្រុមហ៊ុនផលិតឱសថនៅអាមេរិក បានប្រឆាំងនឹងគម្រោងមួយនេះរបស់រដ្ឋបាល ដូណាល់ ត្រាំ។
រដ្ឋមន្រ្តីសុខាភិបាលអាមេរិក Alex Azar បញ្ជាក់ថា លោកបានពិភាក្សាពីមុន ជាមួយកាណាដារួចហើយ ពីការនាំចូលថ្នាំពេទ្យ ប៉ុន្ដែវាអាស្រ័យលើរដ្ឋ ក្រុមហ៊ុនឱសថ និងភ្នាក់ងារចែកចាយ។ ចំណែកខាងការិយាល័យរដ្ឋមន្រ្តីសុខាភិបាលកាណាដាវិញ បញ្ជាក់ថា ក្រសួងនឹងធ្វើការស្វែងយល់ការជាប់ពាក់ព័ន្ធសម្រាប់ប្រជាពលរដ្ឋកាណាដា ដើម្បីធានាថា វាគ្មានការប៉ះពាល់អវិជ្ជមានដល់ការផ្គត់ផ្គង់ និងតម្លៃ។
កាលពីខែមុន ក្រសួងសុខាភិបាលកាណាដា បញ្ជាក់ថា ទីផ្សារអាមេរិក គឺធំណាស់ ដើម្បីពឹងផ្អែកលើការនាំចូលរបស់កាណាដា ជាដំណោះស្រាយមួយទៅនឹងតម្លៃថ្នាំពេទ្យខ្ពស់។
អត្ថបទពាក់ព័ន្ធ៖ ស្កាត់ពីអាមេរិក ទៅទិញថ្នាំទឹកនោមផ្អែមដល់កាណាដា ព្រោះតម្លៃខុសគ្នាជាង ១០ដង
គួរបញ្ជាក់ថា តាមការចេញផ្សាយលើគេហទំព័រ Dialy Mail ថ្នាំពេទ្យ នៅអាមេរិក មានតម្លៃថ្លៃជាង ថ្នាំពេទ្យ នៅកាណាដា ប្រមាណ ១០ដង ជាពិសេសថ្នាំមហារីក រលាកថ្លើម C និងជំងឺទឹកនោមផ្អែមជាដើម។ ហើយថ្មីៗនេះ ក៏មានការចុះផ្សាយ ពីពលរដ្ឋ និងសមាជិកព្រឹទ្ធសភាអាមេរិក ធ្វើដំណើរទៅកាន់កាណាដា ដើម្បីទិញ និងពិនិត្យពីតម្លៃថ្នាំផងដែរ។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម