លោកជំទាវ ឱ វណ្ណឌីន រដ្ឋលេខាធិការក្រសួងសុខាភិបាលបានបង្ហាញពីមន្ទីរពេទ្យ សម្រាប់ទុកព្យាបាលអ្នកជំងឺ COVID-19។ ក្នុងនោះលោកជំទាវប្រាប់ពីមន្ទីរពេទ្យរដ្ឋមួយចំនួន ដូចខាងក្រោម៖
មន្ទីរពេទ្យប៉ុន្មាននេះ ប្រើសម្រាប់ព្យាបាលអ្នកជំងឺ COVID-19 ទាំងនៅភ្នំពេញ និងតាមខេត្ត
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
– មន្ទីរពេទ្យមិត្តភាពខ្មែរ-សូវៀត បានកំពុងព្យាបាលអ្នកជំងឺ COVID-19 មួយចំនួនដែលសម្រាកនៅទីនោះ។
– មន្ទីរពេទ្យគន្ធបុប្ផា ត្រៀមសម្រាប់ព្យាបាលលើកុមារដែលកើត COVID-19។
– មន្ទីរពេទ្យកុមារជាតិ បានទទួលព្យាបាលទារកអាយុ ៤ ខែម្នាក់ឆ្លងពីឪពុកដែលជនជាតិបារាំងមានផ្ទុកជំងឺនេះ។
– មណ្ឌលសុខភាពចាក់អង្រែ ប្រើសម្រាប់ពិនិត្យ ព្យាបាលអ្នកជំងឺ COVID-19 តែក្រសួងមិនអនុញ្ញាឲ្យអ្នកជំងឺដទៃទៅទទួលសេវាកម្ម ឬព្យាបាលនៅទីនោះឡើយ។
– The Great Duke ត្រូវបានរាជរដ្ឋាភិបាលសម្រេចយកទុកព្យាបាលអ្នកជំងឺ COVID-19 ហើយកំពុងតែដំឡើង និងរៀបចំគ្រែ និងសម្ភារៈពេទ្យ។
– មន្ទីរពេទ្យបង្អែកខេត្តនីមួយៗ ព្រោះអ្នកជំងឺដែលរកឃើញតាមតំបន់ និងសម្រាកព្យាបាលតាមទីតាំក្នុងខេត្ត។
ក្នុងនោះលើកលែងតែអ្នកផ្ទុក COVID-19 ស្ត្រីជនជាតិអង់គ្លេស វ័យ ៦៥ ឆ្នាំ ជាអ្នកដំណើររបស់នាវា Viking Cruise Journey ដែលចូលចតនៅខេត្តកំពង់ចាម ដោយត្រូវខាងស្ថានទូតបានសម្របសម្រួល ទើបបញ្ជូនមកកាន់មន្ទីរពេទ្យនៅភ្នំពេញវិញ ព្រោះជាជនពិការ ដែលត្រូវការយកចិត្តទុកដាក់ថែទាំ និងព្យាបាល។
លោកជំទាវអ្នកនាំពាក្យ ក្រសួងសុខាភិបាល បានឲ្យដឹងទៀតថា អ្នកជំងឺ COVID-19 ត្រូវការសម្រាកព្យាបាលនៅក្នុងបន្ទប់ធំទូលាយ មានបរិយាកាសចេញចូល និងមិនអាចដាក់ក្នុងបន្ទប់ម្នាក់ឯង ដោយមិនអាចអនុញ្ញាតឲ្យអ្នកជំងឺដទៃមកព្យាបាលជាមួយឡើយ។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម