គ្នាយើងប្រហែលជាធ្លាប់ជួបហើយ បញ្ហាភាគល្អិតនៃធូលី ឬសត្វល្អិតចូលភ្នែក ហើយតាមទម្លាប់ ភ្លាមៗយើងតែងតែយកដៃញីភ្នែក ឬយកកន្សែងផ្ដិតចេញវិញ។ ប៉ុន្ដែទម្លាប់ទាំងនេះ អាចបណ្ដាលឲ្យយើងហូរទឹកភ្នែក ភ្នែកឆ្លងមេរោគពីដៃ ឬកន្សែង ដែលប៉ះពាល់ភ្នែករបស់យើង។
ធូលី ឬសត្វល្អិតចូលភ្នែក កុំញីឲ្យសោះ ត្រូវធ្វើតាមវិធីទាំងនេះ
ត្រួតពិនិត្យដោយ ដេត ធន្នី
១. ដំណាក់កាលដំបូង
មុនចាប់ផ្ដើម មានរឿងមួយចំនួនដែលត្រូវចងចាំ៖
- កុំញីភ្នែក ព្រោះវាអាចបណ្ដាលឲ្យធូលី ឬសត្វល្អិត កោសនឹងផ្ទៃកែវភ្នែក ហៅថា Corneal Abrasion
- កុំប្រើសំឡី ឬវត្ថុស្រួច ដូចជា ប្រដាប់ដកសក់ ឬរោម ទៅប៉ះនឹងគ្រាប់ភ្នែក
- លាងដៃឲ្យស្អាត មុនប៉ះពាល់កែវភ្នែក
- ប្រសិនយើងពាក់ឡែន យើងត្រូវដោះវាចេញសិន។
២. វិធីពិនិត្យភ្នែក
- បើកភ្នែកឲ្យធំ នៅមុខកញ្ចក់
- ទាញត្របកភ្នែកខាងក្រោម ចុះក្រោម និងពិនិត្យមើលនៅលើកញ្ចក់
- រុញត្របកភ្នែកខាងលើឡើងលើ និងពិនិត្យមើលនៅលើកញ្ចក់។
៣. វិធីយកធូលី ឬសត្វល្អិត ចេញពីភ្នែក
ប្រសិនបើយើងឃើញធូលី ឬសត្វល្អិត នៅក្នុងភ្នែក មានវិធីមួយចំនួន ដែលយើងអាចយកវាចេញបាន។
ករណីខ្លះ យើងត្រូវប្រើទឹកស្អាត ឬសេរ៉ូមប្រៃ ដើម្បីជួយសម្អាត និងយកធូលី ចេញពីភ្នែក។ ករណីទាំងនោះ មានដូចជា៖
- ពេលធូលីក្នុងភ្នែក មិនចេញមកខាងក្រៅ
- ពេលមានធូលីច្រើនជាប់នៅក្នុងភ្នែក
- ពេលសារធាតុគីមី ចូលក្នុងភ្នែក។
៤. ករណីធ្ងន់ធ្ងរ ត្រូវជួបគ្រូពេទ្យ
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ត្រួតពិនិត្យដោយ
ដេត ធន្នី
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម