៣- ធ្វើរោគវិនិច្ឆ័យ និងព្យាបាល
គ្រូពេទ្យអាចសួរនាំអំពីប្រវត្តិរួមភេទ និងពិនិត្យដើម្បីរកមើលមូលហេតុ នាំឲ្យគ្នាយើងមានបញ្ហាទាំងនេះ។ យើងត្រូវណាត់ជួបគ្រូពេទ្យរោគស្ត្រីឲ្យបានទៀងទាត់ ដើម្បីតាមដានស្ថានភាពបញ្ហា។
បើបញ្ហាបណ្ដាលមកពីបញ្ហាសុខភាព ឬជំងឺណាមួយ គ្រូពេទ្យនឹងព្យាបាលបញ្ហាសុខភាព ឬជំងឺនោះ ហើយក្រោយជាសះស្បើយ យើងនឹងអាចឈានដល់ចំណុចកំពូលឡើងវិញ។ បើមូលហេតុ បណ្តាលមកពីថ្នាំព្យាបាលជំងឺបាក់ទឹកចិត្ត នោះគ្រូពេទ្យប្រហែលជាប្ដូរថ្នាំផ្សេងជំនួសវិញ។ វិធីព្យាបាលបែបចិត្តសាស្ត្រ ឬព្យាបាលតាមបែបផ្លូវភេទ ប្រហែលជាអាចជួយបានច្រើន។
ពេលខ្លះបញ្ហាមិនអាចឈានដល់ចំណុចកំពូល ក៏អាចបណ្ដាលមកពីទំនាស់ក្នុងក្រុមគ្រួសារដូចគ្នា។ បើគ្នាយើងមានបញ្ហានេះ គួរពិភាក្សាគ្នាជាមួយដៃគូ និងស្វែងរកវិធីដោះស្រាយបញ្ហាទាំងអស់គ្នា។
ប្រើអរម៉ូនអឺស្រ្តូសែន ក៏ជាវិធីព្យាបាលមួយសម្រាប់កែខៃបញ្ហានេះផងដែរ។ ពេលអ័រម៉ូន អឺស្រ្តូហ្សែន កើនឡើង អាចជួយឲ្យយើងមានអារម្មណ៍ផ្លូវភេទ អាចជួយឲ្យសរសៃឈាមរត់ទៅកាន់សរីរាង្គភេទកាន់តែល្អ។ យើងអាចលេប ថ្នាំគ្រាប់ ប្រើកៅអៀក ឬជែលលាបលើប្រដាប់ភេទ។
មានស្រីៗជាច្រើន អាចធ្វើឲ្យជីវិតផ្លូវភេទប្រសើរឡើងវិញ ក្រោយពេលទិញថ្នាំ ឬប្រើអាហារបំប៉នត្រឹមត្រូវពីឱសថស្ថាន។ ប៉ុន្តែទោះជាយ៉ាងនេះក្តី ស្រីៗគ្នាយើងគួរតែទៅពិភាក្សាជាមួយគ្រូពេទ្យជាមុនសិន មុនពេលទិញថ្នាំទាំងនោះដោយខ្លួនឯង។