backup og meta

ប្រយ័ត្ន! កើតជំងឺរលាកអាងត្រគាកអាចបណ្ដាលឲ្យស្រីៗអត់មានកូនបាន

ត្រួតពិនិត្យដោយ វេជ្ជ. ចាន់ ស៊ីណេត · ម​ន្ទីរពេទ្យបង្អែកមិត្តភាពកម្ពុជា-ចិន សែនសុខ


អត្ថបទ​ដោយ នាង សុខុមដាលីញ៉ា · កែ May 10, 2021

    ប្រយ័ត្ន! កើតជំងឺរលាកអាងត្រគាកអាចបណ្ដាលឲ្យស្រីៗអត់មានកូនបាន

    ​រលាក​អាង​ត្រគាក ជា​ឈ្មោះ​ជំងឺ​បង្ក​រោគ​នៅ​ផ្នែក​ណាមួយ​នៃ​សរីរាង្គ​បន្ត​ពូជស្ត្រី​ដូច​ជា ដៃ​ស្បូន ក្រពេញ​មេជីវិត (អូវ៉ែ) មាត់​ស្បូន និង​តួ​ស្បូន ឬ​ឆ្អឹង​អាង​ត្រគាក​នៅ​​ផ្នែក​ក្រោម​ពោះ​របស់​ស្ត្រី។ នេះ​បើ​តាម​ការ​ឲ្យ​ដឹង​ពី​លោក​វេជ្ជបណ្ឌិត ច័ន្ទ រស្មី ឯកទេស​ផ្នែក​សម្ភព និង​រោគ​ស្ត្រី។

    ជំងឺ​រលាក​អាង​ត្រគាក​កើត​ឡើង​ ប្រសិន​បើ​ស្ត្រី​មាន​ជំងឺ​កាម​រោគ​ដែល​មិន​បាន​ព្យាបាល​សះ​ស្បើយ ជា​ពិសេស ជំងឺ​បង្ក​ដោយ​បាក់តេរី ប្រមេះ​ទឹក​បាយ​ជំងឺ​ប្រមេះ​ទឹកថ្លា ប៉ុន្តែ​មិន​មែន​ជំងឺ​អាង​ត្រគាក​ទាំង​អស់​សុទ្ធតែ​បណ្ដាល​មក​ពី​ជំងឺ​កាម​រោគ​នោះ​ទេ។ មូលហេតុ​មួយ​ចំនួន​ទៀត​ដែល​បង្ក​ជំងឺ​រលាក​អាង​ត្រគាក​មាន​ដូច​ជា៖

  • ការបង្ករោគក្រោយ​សម្រាល
  • ការ​រលូត​កូន និង​ការ​រំលូតកូន
  • កង​ដាក់​ក្នុង​ស្បូន ​ដែលដាក់ និង​រំងាប់​មេរោគ​មិនបាន​ត្រឹម​ត្រូវ (ករណី​កម្រ)។
  • វេជ្ជបណ្ឌិត​រូប​នេះ​បន្ត​ឲ្យ​ដឹង​ទៀត​ថា មេរោគ​ដែល​បង្ក​ជំងឺ​រលាក​អាង​ត្រគាក​ធ្វើ​ដំណើរ​ពី​ទ្វារមាស ឆ្លង​តាម​មាត់​ស្បូន​ចូល​ទៅ​ក្នុង​ស្បូន ដៃ​ស្បូន និង​អូវ៉ែ។ ចំណែក​ស្ត្រី​ដែល​មាន​បញ្ហា​រលាក​អាង​ត្រគាក​នេះ ភាគ​ច្រើន​បង្ហាញ​រោគ​សញ្ញា​ដូច​ជា៖

    – ឈឺ​ចាប់​ផ្នែក​ក្រោម​ពោះ (អាង​ត្រគាក) វា​អាច​មាន​សភាព​ស្រាល ឬ​ធ្ងន់

    – ឈឺ​ចាប់ ឬ​ហូរឈាម​ក្នុង​ពេល​រួម​ភេទ

    – មាន​សភាព​ទន់​នៅ​ពេល​ចុច​លើ​ពោះ​ផ្នែក​ខាង​ក្រោម

    – គ្រុន​ក្ដៅ

    – មាន​អារម្មណ៍​ថា​ឈឺ​ធ្ងន់ ខ្សោយ អស់​កម្លាំង​ល្ហិតល្ហៃ

    – ហូរឈាម​ខុស​ធម្មតា ឬ​ធ្លាក់​ស​ធុំ​ក្លិន​អាក្រក់​ពី​ទ្វារមាស

    -​ ឈឺ​ចាប់​ក្នុង​ពោះ​ខ្លាំង ក្អួតចង្អោរ ឬ​រហូត​ឈឺ​ដល់​សន្លប់​ក៏​មាន។

    ដូច​ជំងឺ​ដទៃ​មួយ​ចំនួន​ដែរ ជំងឺ​រលាក​អាង​ត្រគាក​ក៏​ផ្ដល់​ផល​វិបាក​ទៅ​ដល់​ស្ត្រី​ដែរ ក្នុង​ករណី​មិន​បាន​ព្យាបាល​ទាន់​ពេល​ទេ វា​អាច​បណ្ដាល​ឲ្យ​មាន​ការ​ឈឺ​ចាប់​រ៉ាំរ៉ៃ ​អារ(គ្មាន​កូន) ឬ​ជំងឺ​កូន​ក្រៅ​ស្បូន ឈឺ​ធ្ងន់ធ្ងរ ឬ​ស្លាប់​ដោយសារ​មេរោគ​ជ្រៀត​ចូល​ទៅ​ក្នុង​ចរន្ត​ឈាម ​(ករណី​កម្រ)​។

    លោក​វេជ្ជបណ្ឌិត​ផ្នែក​សម្ភព និង​រោគ​ស្ត្រី​រូប​នេះ​ផ្ដល់​ដំបូន្មាន​ដល់​ស្ត្រី ដើម្បី​កាត់​បន្ថយ​ហានិភ័យ​ជំងឺ​រលាក​អាង​ត្រគាក​នេះ​ដោយ៖

    ១. ​រួមភេទ​ប្រកប​ដោយ​សុវត្ថិភាព

    ២. ធ្វើ​តេស្ដ​រក​ការ​ឆ្លង​ជំងឺ​កាមរោគ

    ៣. ចៀសវាង​ងូត​ទឹក​អាង ឬ​ហែល​ទឹក​អាង​រួម​គ្នា​ច្រើន

    ៤. អនាម័យ​ទ្វារមាស ​ត្រូវ​ជូត​ពី​មុខ​ទៅ​ក្រោយ​បន្ទាប់​ពី​ប្រើ​បន្ទប់​ទឹក ដើម្បីកុំឲ្យបាក់​តេរី​​ចូល​តាម​ទ្វារមាស។

    អាងត្រគាក

    បដិសេធ

    Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

    ត្រួតពិនិត្យដោយ

    វេជ្ជ. ចាន់ ស៊ីណេត

    · ម​ន្ទីរពេទ្យបង្អែកមិត្តភាពកម្ពុជា-ចិន សែនសុខ


    អត្ថបទ​ដោយ នាង សុខុមដាលីញ៉ា · កែ May 10, 2021

    advertisement iconផ្សព្វផ្សាយពាណិជ្ជកម្ម

    តើអត្ថបទនេះមានប្រយោជន៍ដែរទេ?

    advertisement iconផ្សព្វផ្សាយពាណិជ្ជកម្ម
    advertisement iconផ្សព្វផ្សាយពាណិជ្ជកម្ម