គ្នាយើងខ្លះប្រឈមនឹងរោគសញ្ញាមុនមករដូវជារៀងរាល់ខែ ដូចជាចុកពោះ ឈឺសាច់ដុំ ឬប្រែប្រួលអារម្មណ៍។ ចំណែកអាការៈទល់លាមក ក៏ជារោគសញ្ញាមួយទៀត ដែលកើតឡើងមុនពេលមករដូវដូចគ្នា។ តើមូលហេតុអ្វីបានជាគ្នាយើងទល់លាមក? គួរដោះស្រាយបែបណា?
មុនមករដូវស្រីៗខ្លះជួបបញ្ហាទល់លាមក តើគួរដោះស្រាយបែបណា?
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ម៉េចបានគ្នាយើងខ្លះទល់លាមកមុនមករដូវ?
អ័រម៉ូនម្យ៉ាងឈ្មោះថា Progesterone ជាឫសគល់នៃបញ្ហាទល់លាមកមុនមករដូវ។ កម្រិតអ័រម៉ូនមួយនេះ ឡើងខ្ពស់មុនដល់ថ្ងៃសំខាន់ប្រចាំខែរបស់យើង ហើយក៏ធ្វើឲ្យប្រព័ន្ធរំលាយអាហារដំណើរការយឺតយ៉ាវផងដែរ។
ជាធម្មតា ក្រោយបញ្ចេញពងអូវុល អ័រម៉ូនProgesterone កើនឡើងយ៉ាងខ្លាំង ជាហេតុនាំឲ្យយើងទល់លាមក ពីព្រោះអ័រម៉ូននេះពន្យឺតចលនារបស់អាហារដែលឆ្លងកាត់ពោះវៀន។ យ៉ាងណាមិញ អាការៈទល់លាមក នឹងបានធូរស្បើយ នៅពេលដែលយើងមករដូវ។ ជាមួយគ្នានេះដែរ ក៏មានស្រីៗយើងមួយចំនួនជួបប្រទះបញ្ហារាករូសមួយរយៈពេលខ្លី នៅពេលមករដូវ ពីព្រោះអ័រម៉ូនដែលទទួលខុសត្រូវក្នុងការពន្យឺតដំណើរការប្រព័ន្ធរំលាយអាហារត្រូវអវត្ដមានភ្លាមៗ។
ចងពិនិត្យជំងឺសរសៃឈាមបេះដូង ចុចទីនេះ!
ធ្វើម៉េចទើបអាចកាត់បន្ថយអាការៈទល់លាមកមុនមករដូវបាន?
មិនថាបញ្ហាទល់លាមកកើតឡើងអំឡុងពេលមករដូវ ឬអត់ទេ យើងគួរតែបង្កើនការញ៉ាំពពួកអាហារដែលសម្បូរជាតិសរសៃខ្ពស់ ដូចជាផ្លែប៊ឺរ ចេក ប្លូបឺរី ផ្លែប៉ោម និងសណ្ដែកសៀង ជាដើម។ ទន្ទឹមនឹងនេះដែរ យើងគួរតែជៀសវាងអាហារដែលមានជាតិស្ករ ខ្លាញ់ខ្ពស់ និងគួរញ៉ាំទឹកឲ្យបានគ្រប់គ្រាន់។ បន្ថែមពីនេះ លំហាត់ប្រាណ និងការបញ្ចេញសកម្មភាពរាងកាយដទៃទៀតក៏អាចជួយការពារបញ្ហាទល់លាមក។
អត្ថបទគួរអាន៖
- ក្រោយសម្រាលកូនដោយធម្មជាតិ ទ្វារមាសស្រ្តីអាចវិលមករកសភាពដើមវិញអត់?
- ធ្វើរឿងទាំងនេះដោយមិនប្រើទឹកអនាម័យ ទ្វារមាសនឹងមានក្លិនធម្មជាតិ
- គួរប្រយ័ត្ន! បើទ្វារមាសឆ្លងមេរោគផ្សិតស្រីៗអាចប្រឈមជំងឺមហារីកមាត់ស្បូន
- ស្រីៗគួរដឹង នេះជាមូលហេតុនិងរោគសញ្ញារលាកទ្វារមាសដោយបាក់តេរី
- ស្រីៗសម្អាតកន្លែងសម្ងាត់ជារឿងសំខាន់ តែបើសម្អាតដោយវិធីនេះនឹងគ្រោះធំមិនខាន
- ហេតុអ្វីស្ត្រីមានដុំពកក្នុងទ្វារមាសក្រោយសម្រាល? គ្រោះថ្នាក់ឬអត់?
ពិតណាស់ ការធ្វើលំហាត់ប្រាណជាទៀងទាត់ មិនត្រឹមតែអាចជួយកាត់បន្ថយការទល់លាមកមុនពេលមករដូវប៉ុណ្ណោះទេ ប៉ុន្តែទម្លាប់ដ៏ល្អមួយនេះ ក៏អាចដោះស្រាយរោគសញ្ញាមុនពេលមករដូវផ្សេងទៀតបានយ៉ាងមានប្រសិទ្ធភាព។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម