ពេលខ្លះ ការធ្លាក់ទឹករម្អិលតិចតួច ឬច្រើនជ្រុល អាចជាសញ្ញានៃការឆ្លងមេរោគតាមទ្វារមាស ដូចជាបាក់តេរីទ្វារមាស ជំងឺកាមរោគ ឬការឆ្លងមេរោគផ្សិតជាដើម។ យ៉ាងណាមិញ ប្រសិនបើតំបន់ទ្វារមាសចេះតែរមាស់ជាប់រហូត ដោយមិនមានការធ្លាក់ទឹករម្អិលនោះ អាចបណ្ដាលមកពីមូលហេតុមួយចំនួនខាងក្រោមនេះ។
អត់ធ្លាក់ទឹករម្អិលតែរមាស់ទ្វារមាស អាចមកពីកត្តា ៥យ៉ាងនេះ
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
មូលហេតុទ្វារមាសរមាស់ ដោយមិនមានធ្លាក់ទឹករម្អិល
១. ការរលាកដោយការកោររោម
ពិតណាស់ ការកោររោមនៅតំបន់ពិសេស អាចនាំឲ្យមានការរលាក និងដុំពក។ ស្រីៗយើងអាចនឹងសង្កេតឃើញស្បែកបរិវេណនោះ ហើម និងក្រហម រួមជាមួយនឹងដុំពកតូចៗដែលរមាស់។ លើសពីនេះ យើងអាចនឹងក្រហាយនៅពេលប៉ះ។ ជាក់ស្ដែង ផ្លែឡាមអាចកម្ចាត់ស្បែកស្រទាប់ខាងលើ ហើយបាក់តេរីក៏អាចជ្រាបចូលទៅក្នុងទ្វារមាស ជាហេតុបង្កឲ្យមានអាការៈរមាស់ទ្វារមាសដោយមិនដឹងខ្លួន។
២. បែកញើស
ក្រពេញញើសនៅបរិវេណប្រដាប់បន្តពូជ មានលក្ខណៈដូចគ្នាទៅនឹងក្រពេញញើសនៅក្លៀកដែរ។ នៅពេលដែលប្រូតេអ៊ីនចេញពីញើសប៉ះពាល់នឹងបាក់តេរីលើស្បែក វានឹងបង្កជាក្លិនមិនល្អ ហើយនៅពេលដែលញើសស្ងួត បរិវេណតំបន់ពិសេសយើងក៏ចាប់ផ្ដើមរមាស់ផងដែរ។
៣. ជំងឺLichen planus
ជំងឺស្បែកដូចជាDesquamative vaginitis និងLichen planus ជាកន្ទួលពណ៌សដែលអាចធ្វើឲ្យស្បែកស្ដើង ស្លេក និងជ្រីវជ្រួញ ព្រមទាំងបង្កជាអាការៈរមាស់ខ្លាំង។ មូលហេតុជាក់លាក់នៃបញ្ហាសុខភាពនេះ នៅមិនទាន់បានដឹងច្បាស់ក៏ពិតមែន ប៉ុន្តែវាអាចបណ្ដាលមកពីជំងឺប្រព័ន្ធភាពស៊ាំប្រឆាំងនឹងខ្លួនឯង ។
៤. ជំងឺត្រអក
ទន្ទឹមនឹងនេះដែរ ជំងឺត្រអកជាជំងឺរលាកស្បែកដែលនាំឲ្យយើងមានអាការៈរមាស់ និងក្រហមស្បែក។ ជំងឺត្រអកក្នុងប្រដាប់ភេទស្ត្រីក៏អាចបង្កជាការព្រួយបារម្ភ និងប៉ះពាល់ដល់ទ្វារមាស ក៏ដូចជានាំឲ្យយើងមានអាការៈរមាស់ទ្វារមាសខាងក្រៅ ដោយពុំមានការធ្លាក់ទឹករម្អិល។
៥. រើមប្រដាប់ភេទ
រើមប្រដាប់ភេទ ជាជំងឺកាមរោគទូទៅ ដែលមានរោគសញ្ញាដូចជាឈឺចាប់ ដំបៅ រមាស់ប្រដាប់ភេទ ក្ដៅខ្លួន ឈឺក្បាល និងហើមកូនកណ្ដុរ។ ជំងឺកាមរោគឆ្លងតាមសារធាតុរាវនៅក្នុងរាងកាយ រួមមាន ការបញ្ចេញទឹករម្អិលទ្វារមាស និងទឹកកាម។
អានបន្ថែម៖
- ពេលរួមភេទ ស្រីៗអាចនឹងឆ្លងកាត់បួនដំណាក់កាលនេះ
- ការរួមភេទផ្ដល់គុណប្រយោជន៍ ៥យ៉ាង ដល់ស្រីៗ
- ទ្វារមាសមិនមានទឹករម្អិលពេលរួមភេទ មកពីមូលហេតុទាំងនេះ
- នៅសុខៗថយចុះចំណង់ផ្លូវភេទ អាចមកពីមូលហេតុទាំងនេះ
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម