backup og meta

ក្រោយសម្រាល ម៉ាក់ៗញ៉ាំសម្លម្ជូរ ឬគ្រឿងជូរ ចាស់ទៅឧស្សាហ៍លេចនោម?

ត្រួតពិនិត្យដោយ វេជ្ជ. ចាន់ ស៊ីណេត · ម​ន្ទីរពេទ្យបង្អែកមិត្តភាពកម្ពុជា-ចិន សែនសុខ


អត្ថបទ​ដោយ នាង សុខុមដាលីញ៉ា · កែ Oct 20, 2022

    ក្រោយសម្រាល ម៉ាក់ៗញ៉ាំសម្លម្ជូរ ឬគ្រឿងជូរ ចាស់ទៅឧស្សាហ៍លេចនោម?

    ​ស្ត្រី​ខ្មែរ​យើងមួយចំនួនដែលទើបសម្រាលកូនរួច ឬ​កំពុង​បំបៅ​ដោះ​កូន ​តម​អាហារ​នេះ អាហារ​នោះ ព្រោះ​ខ្លាច​ញ៉ាំ​ទៅ​ទាស់ ឬ​ឲ្យ​កូន​បៅ​ទៅ កូន​រាក និងហើម​ពោះ​ជាដើម។ ក្នុងនោះមាន​ម៉ាក់ៗ​មួយ​ចំនួន​និយាយ​តៗ​គ្នាថា ក្រោយសម្រាលកូនរួច មិន​ឲ្យ​ញ៉ាំ​សម្ល​ម្ជូរ​ទេ ព្រោះ​ខ្លាច​ចាស់​ទៅ​ងាយ​លេច​នោម តែ​គ្រូពេទ្យ​ជំនាញ​មិន​គិត​បែប​នេះ​ទេ។

    ទាក់​ទង​នឹង​បញ្ហា​នេះ លោក​វេជ្ជបណ្ឌិត ចាន់ ស៊ីណេត ប្រធាន​ផ្នែក​សម្ភព និង​រោគ​ស្ត្រី​ នៃ​មន្ទីរពេទ្យ​មិត្តភាព​កម្ពុជា-ចិន សែនសុខ បាន​បក​ស្រាយ​ឲ្យ​ដឹង​ថា គ្រាន់​តែ​ញ៉ាំ​សម្ល​ម្ជូរ​មិន​មាន​អី​ប៉ះពាល់​ដល់​ការ​បំបៅ​ដោះ​កូន ឬ​ម្ដាយ ​ផ្នែក​ណា​មួយ​ឡើយ ពោល​គឺ​ការ​លើក​ឡើង​បែប​នេះ មិន​ពិត​ទេ។

    ចំណែក​ឯ​រឿង​ពាក់​ព័ន្ធ​នឹង​ការ​លេច​នោម​ពេល​ក្អក ឬ​សើច​ចំពោះ​ម្ដាយ​នៅ​ពេល​ចាស់​ទៅ មិន​មាន​អ្វី​ទាក់​ទង​នឹង​ការ​ញ៉ាំ​សម្ល​ម្ជូរ ឬ​អាហារ​ជូរ​អំឡុង​ពេល​បំបៅ​ដោះ​កូន​ដែរ។ វេជ្ជបណ្ឌិត​រូប​នេះ​បន្ត​ថា កាល​ដែល​មាន​បញ្ហា​ងាយ​លេច​នោម​នោះ អាច​ដោយ​សារ​៖

    – ខ្សោយ​សាច់​ដុំ​ខ្ចិប​នៅ​តំបន់​ផ្លោក​នោម

    – មានការ​បង្ក​រោគ

    – ប្រើ​ប្រាស់​ថ្នាំ​ផ្សេងៗ

    សម្រាប់​ម៉ាក់​ៗ​ដែល​កំពុង​បំបៅ​ដោះ​កូន អាច​ញ៉ាំ​អាហារ​បាន​ស្ទើរ​តែ​ទាំង​អស់​ដោយ​មិន​ចាំ​បាច់​ព្រួយ​បារម្ភ​ខ្លាច​ប៉ះពាល់​ទៅ​កូន​ដូច​កាល​នៅ​ពពោះ​ទេ​ ដូច​ជា ផ្លែ​ឈើ បន្លែ ឬ​សាច់​គ្រប់​មុខ (បន្លែ និងសាច់​ឆ្អិន) និង​ចំណី​អាហារ​សម្រន់​ជា​ច្រើន​មុខ​ទៀត។ ប៉ុន្តែនៅ​ពេល​ដែល​បំបៅ​ដោះ​កូន ក៏​ម៉ាក់​ៗ​គួរ​តម​អាហារ​ប៉ុន្មាន​មុខ​ខាង​ក្រោម​នេះ ព្រោះ​បើ​ញ៉ាំ​ទៅ​អាច​មិន​ល្អចំពោះ​ម្ដាយ និង​កូន។

    អត្ថបទគួរអាន៖

    – គ្រឿង​សមុទ្រ​​មាន​ជាតិ​បារត​ខ្ពស់

    – អាហារ​ខ្លាញ់​ច្រើន

    – អាហារ​កញ្ចប់ ឬ Fast food

    – អាហារផ្អាប់

    – គ្រឿង​ស្រវឹង

    – ភេសជ្ជៈ​មាន​ជាតិ​កាហ្វេអ៊ីន​ខ្ពស់​។ល។

    ចំណុចសំខាន់

    ​រឿង​ពាក់​ព័ន្ធ​នឹង​ការ​លេច​នោម​ពេល​ក្អក ឬ​សើច​ចំពោះ​ម្ដាយ​នៅ​ពេល​ចាស់​ទៅ មិន​មាន​អ្វី​ទាក់​ទង​នឹង​ការ​ញ៉ាំ​សម្ល​ម្ជូរ ឬ​អាហារ​ជូរ​អំឡុង​ពេល​បំបៅ​ដោះ​កូន​នោះទេ។ វេជ្ជបណ្ឌិត​រូប​នេះ​បន្ត​ថា កាល​ដែល​មាន​បញ្ហា​ងាយ​លេច​នោម​នោះ អាច​ដោយ​សារ​៖
    – ខ្សោយ​សាច់​ដុំ​ខ្ចិប​នៅ​តំបន់​ផ្លោក​នោម
    – មានការ​បង្ក​រោគ
    – ប្រើ​ប្រាស់​ថ្នាំ​ផ្សេងៗ
    – មាន​បញ្ហា​ជំងឺ​ផ្លូវ​ចិត្ត ជាដើម។

    បដិសេធ

    Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

    ត្រួតពិនិត្យដោយ

    វេជ្ជ. ចាន់ ស៊ីណេត

    · ម​ន្ទីរពេទ្យបង្អែកមិត្តភាពកម្ពុជា-ចិន សែនសុខ


    អត្ថបទ​ដោយ នាង សុខុមដាលីញ៉ា · កែ Oct 20, 2022

    advertisement iconផ្សព្វផ្សាយពាណិជ្ជកម្ម

    តើអត្ថបទនេះមានប្រយោជន៍ដែរទេ?

    advertisement iconផ្សព្វផ្សាយពាណិជ្ជកម្ម
    advertisement iconផ្សព្វផ្សាយពាណិជ្ជកម្ម