អាចម៍រុយភាគច្រើនកើតឡើងនៅពេលដែលស្បែកត្រូវកម្តៅថ្ងៃយូរ ហើយវាក៏ផ្តល់ផលពិបាកក្នុងការបំបាត់វាវិញដែរ តែកុំបារម្ភ លោកវេជ្ជបណ្ឌិត ចាន់ ស៊ីណេត ឯកទេសជំងឺទូទៅ បានណែនាំឲ្យអនុវត្តវិធីការពារ និងព្យាបាលទាំងនេះ មិនថាអាចម៍រុយនៅលើខ្នងដៃ ឬនៅកន្លែងណានោះទេក៏អាចកម្ចាត់បានទាំងអស់។
លែងបារម្ភរឿងកើតអាចម៍រុយលើខ្នងដៃ ក្រោយដឹងវិធីការពារ និងព្យាបាលទាំងនេះ
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
១.វិធីការពារ
– ប្រើប្រាស់ឡេការពារកម្តៅថ្ងៃ៖ ការប្រើឡេការពារកម្តៅថ្ងៃ គឺមិនអាចកម្ចាត់អាចម៍រុយបានក៏ពិតមែន តែវាមានប្រសិទ្ធភាពខ្ពស់ក្នុងការការពារមិនកើតអាចម៍រុយបន្តបន្ទាប់គ្នា។
– ពាក់ស្រោមដៃជិតៗ៖ ផ្ទៃខ្នងដៃក៏ត្រូវការការពារដូចនឹងផ្នែកដទៃនៃរាងកាយដែរ ដូចនេះ បើមិនចង់កើតអាចម៍រុយ ឬជាំខ្មៅដៃទេ គួរពាក់ស្រោមដៃឃ្លុំជិតៗពេលចេញទីខាងក្រៅ។
– ជៀសវាងត្រូវកម្តៅថ្ងៃ៖ ចុងក្រោយនោះគឺត្រូវជៀសឲ្យផុតពីកត្តាដែលបង្កឲ្យមានអាចម៍រុយឲ្យបាន។ យកល្អ បើអាចមិនបាច់ចេញទៅក្រៅផ្តេសផ្តាសទេ ពេលមេឃក្តៅហែង។
២.វិធីព្យាបាល
– ព្យាបាលដោយឡាស៊ែរ៖ ការព្យាបាលដោយឡាស៊ែរ គឺជាការប្រើប្រាស់ ពន្លឺកាំរស្មីបាញ់ផ្ដោតទៅលើទីតាំងដែលស្បែកខូច។ ជាទូទៅ ការព្យាបាលដោយឡាស៊ែរ គឺមានសុវត្ថិភាពធម្មតា និងមានហានិភ័យទាបក្នុងការរក្សាស្លាកស្នាម ប៉ុន្តែការព្យាបាលនេះគឺត្រូវមានការផ្តល់ប្រឹក្សាពីគ្រូពេទ្យជំនាញជាមុនសិន។
– ប្រើគ្រីមបំបាត់ស្នាម៖ គ្រីមបំបាត់ស្នាមមួយចំនួនអាចជួយធ្វើឲ្យស្បែកដែលខ្មៅអាចសភ្លឺឡើងវិញ។
– ប្រើរូបមន្តធម្មជាតិ៖ វិធីកម្ចាត់អាចម៍រុយតាមបែបធម្មជាតិមានច្រើនណាស់ តែមនុស្សជាច្រើនជឿថា ទឹកក្រូចឆ្មារ ទឹកឃ្មុំ យ៉ាអ៊ួរ និងខ្ទឹមបារាំង មានប្រសិទ្ធភាពខ្ពស់ក្នុងការកម្ចាត់អាចម៍រុយ។
អត្ថបទពាក់ព័ន្ធ៖
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយគ្រូពេទ្យជំនាញ។ Hello Health Group មិនចេញវេជ្ជបញ្ជា ធ្វើរោគវិនិច្ឆ័យ ឬព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម