– មានការទទួលស្គាល់ជាសកលឬទេ?
– មើលការចុះបញ្ជី និងលេខប្រវេទន៍នៅក្រសួងសុខាភិបាល
– ពិនិត្យមើលទីតាំងក្រុមហ៊ុនផលិត។
វេជ្ជបណ្ឌិតឯកទេសទូទៅរូបនោះ បន្តទៀតថាផលិតផលល្អ គ្មានជាតិកាត់ លាបទៅជួយឲ្យស្បែកប្រែប្រួលម្ដងបន្តិចៗ មិនមែនលេប ៣ ឬ ៧ ថ្ងៃដឹងលទ្ធផលឡើយ។ ចំណែកផលិតផលដែលគេប្រកាសលាបភ្លាមសភ្លាម អាចមិនល្អទៅថ្ងៃមុន ហើយប៉ះពាល់ដល់សុខភាពច្រើនយ៉ាង ព្រោះវាសម្បូរទៅដោយជាតិបារតច្រើន។
មួយវិញទៀតលោកវេជ្ជបណ្ឌិតក៏បានហាមមិនឲ្យប្រើផលិតផលលាយដែលគ្មានអាជ្ញាប័ណ្ណត្រឹមត្រូវ ព្រោះយើងមិនដឹងពីសារធាតុផ្សំ ដែលនាំឲ្យមានបញ្ហាតម្រងនោម ប៉ះពាល់សួត ប្រព័ន្ធរំលាយអាហារ រលាកស្បែក កន្ទួលស្បែក និងឆាប់មានស្នាម ជាំ ហើយជាពិសេសស្ត្រីមានផ្ទៃពោះ បើប្រើឡេមានជាតិបារត នាំឲ្យប៉ះពាល់ខួរក្បាល និងការចងចាំរបស់ទារក។