ម៉ាក់​ៗ​មាន​កូនស្រី​តូច​ៗ ប្រយ័ត្ន​មាន​បញ្ហា​មួយ​នេះ​ដូច​មនុស្ស​ធំ

ដោយ ត្រួតពិនិត្យដោយ ចាន់ ស៊ីណេត

មានមនុស្ស​ជាច្រើន​គិត​ថា បញ្ហា​រមាស់​ទ្វារមាស់ ក្លិន​មិន​ល្អ គឺ​កើត​ឡើង​ពេល​ស្រ្តី​ពេញ​វ័យ​ឡើង​ទៅ។ តែ​បើ​តាម​សម្ដី​របស់​លោកស្រី​វេជ្ជបណ្ឌិត ពឹង ជុតិមា នាយិកា​សេវាកម្ម​គ្លីនិក​រ៉ាក់ បាន​ឲ្យ​ដឹង​ថា បញ្ហា​រោគ​ស្រ្តី​មិន​មែន​កើតចំពោះ​តែមនុស្ស​ស្រី​ពេញ​វ័យ​ឡើយ ក្មេង​តូច​ៗ​ក៏​អាច​មាន​ដែរ។

លោក​ស្រី​បាន​បន្ថែម​ទៀត​ថា ប្រសិនបើ​ម៉ាក់​ៗ​ណា​មិន​បាន​យក​ចិត្ត​ទុក​ដាក់​ថែទាំ​អនាម័យ​ទ្វារមាស​ឲ្យ​កូន នោះ​បញ្ហា​ក្លិន​អាក្រក់ ឬ​រមាស់​ប្រាកដ​ជា​មាន ហើយកូន​តូច​ប៉ុណ្ណា​ក៏​អាច​មាន​បញ្ហា​នេះ​បាន​ដែរ។ នាយិកា​រូប​នោះ​បាន​បន្ត​ទៀត​ថា នៅ​ពេល​កូន​បន្ទោរបង់​រួច គួរតែ​នាំ​កូន​ទៅ​លាង​នឹង​ទឹក​ធម្មតា ឬ​យក​ក្រដាស​ស្ងួត មក​ជូត​សម្អាត​មិន​ឲ្យ​សើម។

វេជ្ជបណ្ឌិត ពឹង ជុតិមា បាន​បញ្ជាក់​ទៀត​ថា នៅ​កម្ពុជា​បញ្ហា​រោគស្រី​នេះ​គឺ​ឈាន​មុខ​គេ ព្រោះ​បញ្ហា​ទ្វារ​លាមក​ក៏​មក​ឆ្លង​ដល់​ទ្វារមាស​បាន​ដែរ។ មួយ​វិញ​ទៀត​ពេល​កូន​តូច ជួប​បញ្ហា​បែប​នេះ​មិន​គួរ​ប្រើ​ទឹក​អនាម័យ​ឡើយ ដោយ​លាង​នឹង​ទឹក​ស្អាត​ធម្មតា​ប៉ុណ្ណោះ លើកលែង​តែ​កូន​តូច​ក​រោគ ទើប​ពេទ្យ​តម្រូវ​ឲ្យ​ព្យាបាលដោយ​ថ្នាំ ឬ​ទឹក​លាង​សម្អាត​ផ្សេង​ទៀត អាស្រ័យ​លើ​ស្ថានភាព​ជាក់ស្ដែង​របស់​អ្នក​ជំងឺ។

អត្ថបទពាក់ព័ន្ធ៖ វ៉ាក់សាំងមហារីមាត់ស្បូន មិនមែនចាក់តែស្រីៗទេ ប្រុសក៏ត្រូវចាក់ដែរ

ថែទាំកូន

លើស​ពី​នោះ​ទៅ​ទៀត លោកស្រី​ក៏​សំណូមពរ​ឲ្យ​ម៉ាក់​ៗ​ដែល​មាន​កូន​ស្រី​ត្រូវ​តាមដាន​ការ​វិវិត្ត​ផ្សេង​ៗ​របស់​កូន ព្រោះ​បើ​មាន​បញ្ហា​ណា​មួយ ហើយ​ដឹង​ក្នុង​ស្ថានភាព​ដំបូង​ៗ យើង​អាច​ដោះស្រាយ ឬ​ព្យាបាល​បាន​ទាន់​ពេល​វេលា។ មួយ​វិញ​ទៀត គួរ​បង្រៀន​កូន​ពី​របៀប​ធ្វើ​អនាម័យ​ខ្លួនប្រាណ​គ្រប់​ផ្នែក​ទាំងអស់​នៃ​រាងកាយ ព្រោះ​អាច​ជួយ​សម្រួល​បញ្ហា​លំបាក​ដល់​យើង​បាន។

ក្នុង​ករណី​មាន​សំណួរ ឬ​មន្ទិលសង្ស័យ​ជុំវិញ​សុខភាព​អ្នក ជម្រើស​ល្អ​បំផុត សូម​ពិគ្រោះ និង​ប្រឹក្សា​យោបល់​ផ្ទាល់​ជាមួយ​ពេទ្យ​ជំនាញ។ Hello Health Group មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

អត្ថបទនេះមានប្រយោជន៍ចំពោះអ្នកដែរទេ?
happy unhappy"

ត្រួតពិនិត្យថ្ងៃទី 11/10/2019 | កែសម្រួលចុងក្រោយ 11/10/2019

អ្នកអាចចូលចិត្ត

ហេតុអីស្រីៗមានផ្ទៃពោះ ចេះតែថប់ៗដង្ហើម បេះដូងលោតញាប់?

ពពោះ - អ្នក​មាន​ផ្ទៃ​ពោះ នឹង​មាន​អារម្មណ៍​ចេះតែ​ថប់​ៗ​ដង្ហើម និង​បេះដូង​លោត​ញាប់​ជាង​ធម្មតា ដែលនោះមកពី​កត្តា​ជាច្រើន ហើយកត្តាសំខាន់...

ត្រួតពិនិត្យដោយ ចាន់ ស៊ីណេត
ដោយ ទ្រី រ៉ាវី

គ្រាន់តែដើមឆ្នាំ ២០២០ កម្ពុជាមានករណីគ្រុនឈាមជិត ៣ ពាន់នាក់

គ្រុនឈាម-ក្រសួង​សុខាភិបាល​បាន​ចេញ​សេចក្ដី​ប្រកាស​ពី​វិធានការ​ការពារ និង​ទប់ស្កាត់​ជំងឺ​គ្រុន​ឈាម​ក្នុង​រដូវ​វស្សា​នា​ឆ្នាំ ២០២០ នេះ ហើយ​បញ្ជាក់ពី...

ត្រួតពិនិត្យដោយ ដេត ធន្នី
ដោយ ទ្រី រ៉ាវី

ការចាក់វ៉ាក់សាំងឱ្យទារក (វីដេអូ)

មក​ទល់​ពេល​នេះ​កម្មវិធី​ជាតិ​ផ្តល់​ថ្នាំ​បង្ការ នៃ​ក្រសួង​សុខាភិបាល មាន​វ៉ាក់សាំង​សំខាន់ៗ ...

ត្រួតពិនិត្យដោយ ជីព ចិត្ត
ដោយ Chan Vutha

ពិតអត់ ស្រីៗសម្រាលកូនរួច ញ៉ាំក្បាលជ្រូក ផ្នែខ្នុរ ធ្វើឲ្យទាស់?

សម្រាលកូន - ចាស់ៗ​ពី​ដើម​តឹង​តែង​ខ្លាំង​ណាស់​ចំពោះ​របប​អាហារ​ស្ត្រី​ក្រោយ​សម្រាល​កូន​រួច បារម្ភ​ខ្លាច​ញ៉ាំ​ទៅ​ជា​ទាស់ នាំ​ទុក្ខ​ដល់​ខ្លួន និង​កូន​ទើប​កើត។

ត្រួតពិនិត្យដោយ ចាន់ ស៊ីណេត
ដោយ ដេត ធន្នី