ហេតុអ្វី​ទារក​ជុះ​មានឈាម​? ​គួរ​ដោះស្រាយ​បែប​ណា​?

ត្រួតពិនិត្យដោយ | ដោយ

កែសម្រួលចុងក្រោយនៅថ្ងៃទី 17/02/2021 . អាន 3 នាទី
Share now

រយៈពេល​ពីរ​បី​ខែ​ដំបូង​ បន្ទាប់​ពី​ទារក​កើត​មក​ ប៉ា​ម៉ាក់​អាច​សង្កេត​ឃើញ​ថា​លាមក​របស់​ពួក​គេ​មាន​ពណ៌​ត្នោត​ លឿង​ និង​ពណ៌​បៃតង​ ដែល​ជា​ពណ៌​ធម្មតា​​​។​ ប៉ុន្តែ​ ​ប្រសិនបើ​​ទារក​ជុះមាន​ឈាម​ មិន​ថា​តិច ឬ​ច្រើន​នោះ​ទេ​ វា​អាច​​ជា​សញ្ញា​បង្ហាញ​ពី​បញ្ហា​សុខភាព​របស់​ទារក​។ យ៉ាង​ណា​មិញ​ ​លាមក​ដែល​មាន​ពណ៌​ក្រហម​អាច​មិន​មែន​ជា​ឈាម​​ទាំង​អស់​​ឡើយ​​ វា​អាច​បណ្ដាល​មក​ពី​ការម៉ាក់ៗ​​ញ៉ាំ​អាហារ​ដែល​មាន​ពណ៌​ក្រហម​ ដូចជា​ប៉េងប៉ោះ​ ឬ​​ទឹក​ផ្លែ​ឈើ​កិន​ជា​ដើម​។​ នៅ​ក្នុង​ករណី​ដែល​ទារក​ជុះ​មាន​ឈាម​ ឬ​ជុះ​មក​មាន​ពណ៌​ក្រហម​ជា​​ប្រចាំ​ ប៉ា​ម៉ាក់​គប្បី​​ព្យាយាម​​កំណត់​មូលហេតុ​ និង​ស្វែងរក​ការ​​ព្យាបាល​ឲ្យ​បាន​ត្រឹមត្រូវ​​។​

​​. ទល់​លាមក

បញ្ហា​ទល់​លាមក​កម្រ​កើត​លើ​ទារក​ណាស់​ ប៉ុន្តែ​វា​អាច​កើត​ឡើង​ដោយ​សារ​តែ​អាលែកហ្ស៊ី​ប្រូតេអ៊ីន​ទឹក​ដោះ​គោ ការ​ចាប់ផ្ដើម​ញ៉ាំ​អាហារ​រឹង ​ឬ​កង្វះ​ជាតិ​ទឹក​។​ រោគ​សញ្ញា​នៃ​ការ​ទល់​លាមក​ រួម​មាន​ពុំ​ជុះ​រយៈពេល​យូរ​ លាមក​រឹង​ និង​តឹង​ពោះ​ជាដើម​។​ បន្ថែម​ពី​នេះ​ ការ​ទល់​លាមក​ក៏​អាច​បណ្ដាល​ឲ្យ​មាន​ការ​រលាត់​រន្ធ​គូថ​ ដែល​បណ្ដាល​ឲ្យ​​លាមក​មាន​ឈាម​ផង​ដែរ​។​ ប្រសិនបើ​ប៉ា​ម៉ាក់​សង្ស័យ​ថា​ កូន​មាន​បញ្ហា​ទល់​លាមក​ ចូរ​សាកល្បង​ផ្លាស់ប្ដូរ​របប​អាហារ​របស់​ទារក​ ដោយ​​បន្ថែម​អាហារ​ដែល​មាន​ជាតិ​សរសៃ​ ឬ​ឲ្យ​កូន​ញ៉ាំ​ជាតិ​ទឹក​ឲ្យ​បាន​គ្រប់គ្រាន់​។

. ​ការ​ឆ្លង​មេរោគ

ការ​ជុះ​ឈាម​របស់​ទារក​ អាច​ជា​សញ្ញា​នៃ​ការ​ឆ្លង​បាក់តេរី​ និង​ប៉ា​រ៉ា​ស៊ីត​មួយ​ចំនួន​ ពីព្រោះ​តែ​ការ​ឆ្លង​មេរោគ​នេះ​ អាច​បង្ក​ជា​ការ​រលាក​ និង​រលាត់​ពោះវៀន​​តិចតួច​ ​ដែល​ធ្វើ​ឲ្យ​មាន​ឈាម​ចេញ​មក​ក្រៅ​​។​ ​ជា​ទូទៅ​ អាការៈ​រាគ​រូស​បង្ក​ឡើង​ដោយ​ការ​ឆ្លង​មេរោគ​ ដូច្នេះ​ហើយ​ ប្រសិនបើ​ប៉ា​ម៉ាក់​សង្កេត​ឃើញ​កូន​រាគ​ឈាម​ ចូរ​ពិគ្រោះ​យោបល់​ជាមួយ​នឹង​គ្រូពេទ្យ​ភ្លាម​ៗ​។

. អាលែកហ្ស៊ី​នឹង​ចំណី​អាហារ​

នៅ​ក្នុង​ករណី​ដែល​ប៉ា​ម៉ាក់​សម្គាល់​ឃើញ​ទារក​ជុះ​មក​មាន​ឈាម​ បន្ទាប់​ពី​ផ្លាស់ប្តូរ​របប​អាហារ​របស់​ពួក​គេ​ វា​អាច​ជា​សញ្ញា​នៃ​អាលែកហ្ស៊ី​ជាមួយ​នឹង​អាហារ​ដែល​បង្ក​ឲ្យ​​រលាក​ពោះវៀន​ធំ​ និង​ធ្វើ​ឲ្យ​​ឈាម​ហូរ​ចូល​ទៅ​ក្នុង​លាមក​។​ អាហារ​ទូទៅ​ដែល​បណ្ដាល​ឲ្យ​ទារក​អាលែកហ្ស៊ី​មាន​ដូចជា ទឹក​ដោះ​គោ​ សណ្ដែក​ ឬ​ស្រូវ​សាលី។ល។​ ​អាលែកហ្ស៊ី​អាហារ​ ​ក៏​អាច​មាន​រោគ​សញ្ញា​ដូចជា​ កន្ទួល​រមាស់​ ក្អួត​ និង​រាគ​រូស​ផង​ដែរ​។ ចំពោះ​ទារក​ដែល​បៅ​ទឹក​ដោះ​ម្តាយ​ ក៏​អាច​មាន​ប្រតិកម្ម​ទៅ​នឹង​​របប​អាហារ​របស់​​ម៉ាក់​ៗ​ដូច​គ្នា​។

ជុះឈាម២

. របួស​ក្បាល​សុដន់​ម៉ាក់​ៗ

ប្រសិនបើ​ម៉ាក់​ៗ​ដែល​កំពុង​បំបៅ​ដោះ​មាន​​ស្នាម​ប្រេះ​នៅ​ក្បាល​សុដន់​ ទារក​អាច​លេប​​ឈាម​ខ្លះ​ៗ​ ដែល​បណ្ដាល​ឲ្យ​លាមក​របស់​ពួក​គេ​មាន​ពណ៌​ក្រហម​ក្រមៅ​ ឬ​ខ្មៅ​។​ កត្តា​នេះ​ ម៉ាក់​ៗ​ពុំ​ចាំបាច់​បារម្ភ​នោះ​ទេ​។

. ការ​ហូរ​ឈាម​ក្រពះ 

នៅ​ក្នុង​ករណី​កម្រ​ខ្លះ​ លាមក​ពណ៌​ក្រហម​ក្រមៅ​ ឬ​ខ្មៅ​អាច​បង្ហាញ​ពី​ការ​ចេញ​ឈាម​តាម​ប្រព័ន្ធ​រំលាយ​អាហារ​ផ្នែក​ខាង​លើ​  ។​ បញ្ហា​នេះ​ អាច​កើត​ឡើង​ដោយ​សារ​តែ​ជំងឺ​ ឬ​របួស​ធ្ងន់ធ្ងរ​ ដូច្នេះ​ហើយ​ ប៉ា​ម៉ាក់​ចាំបាច់​ត្រូវ​ពិគ្រោះ​យោបល់​ជាមួយ​នឹង​គ្រូពេទ្យ​ជា​បន្ទាន់​។

ក្នុង​ករណី​មាន​សំណួរ ឬ​មន្ទិលសង្ស័យ​ជុំវិញ​សុខភាព​អ្នក ជម្រើស​ល្អ​បំផុត សូម​ពិគ្រោះ និង​ប្រឹក្សា​យោបល់​ផ្ទាល់​ជាមួយ​ពេទ្យ​ជំនាញ។ Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

អត្ថបទនេះមានប្រយោជន៍ចំពោះអ្នកដែរទេ?
happy unhappy
ប្រភព

អត្ថបទពាក់ព័ន្ធ:

អ្នកអាចចូលចិត្ត

ហេតុអ្វី​ទារក​យំ​ ក្រោយ​បំបៅ​ដោះ​រួច​? ប៉ា​ម៉ាក់​គួរ​ធ្វើ​យ៉ាង​ម៉េច​?

ទារក​យំ - ប៉ា​ម៉ាក់​ច្បាស់​ជា​បាន​ដឹង​ហើយ​ថា​ ទារក​តែងតែ​យំ​​ នៅ​ពេល​ដែល​ពួក​គេ​ឃ្លាន​។​ ប៉ុន្តែ​ ​ប្រសិនបើ​​ទារក​យំ​ ក្រោយ​ពី​បំបៅ​ដោះ​...

ត្រួតពិនិត្យដោយ ចាន់ ស៊ីណេត
ដោយ នូ សោភ័ណ្ឌ
ទារក, ចិញ្ចឹមកូន 17/02/2021 . អាន 4 នាទី

ដឹងទេ! ការ​ថើប​កូន​ទើបកើត​​ អាចនឹង​​​បង្ក​​គ្រោះថ្នាក់​ដល់​កូន

ថើប​កូន​ - ទារក​​តូច​ៗ​ គឺ​គួរ​ឲ្យ​ស្រលាញ់​ណាស់​ ​ដែល​ធ្វើ​ឲ្យ​​អ្នក​គ្រប់​គ្នា​តែងតែ​​ក្រឺត​ក្នាញ់​ពួក​គេ។​ ជាមួយ​នឹង​ម្រាម​​ដៃ​ជើង​តូច​ៗ​ ស្នាម​ញញឹម​​...

ត្រួតពិនិត្យដោយ ចាន់ ស៊ីណេត
ដោយ នូ សោភ័ណ្ឌ

ហេតុ​អ្វី​ម៉ាក់​ៗ​ចាំបាច់​រាប់​ចំនួន​ដង​កូន​ក្នុង​ផ្ទៃធាក់ពោះ?

ទារក​ធាក់​ - ម៉ាក់ៗ​ច្បាស់​ជា​មាន​អារម្មណ៍​រំភើប​ជា​ខ្លាំង​​ នៅ​ពេល​ដែល​ទារក​ក្នុង​ផ្ទៃ​បម្លាស់ទី​ចុះ​ឡើង​ ហើយ​វា​ក៏​ជា​សញ្ញា​បញ្ជាក់​ថា​​ទារក​កំពុង​តែ...

ត្រួតពិនិត្យដោយ ចាន់ ស៊ីណេត
ដោយ នូ សោភ័ណ្ឌ

ម៉ាក់​ៗ​ត្រូវ​ដឹង​! ផ្លុំ​អាហារ​ឲ្យកូនអាច​ចម្លង​មេរោគ​ដល់​​កូន

ផ្លុំ​អាហារ​ឲ្យ​ទារក - សកម្មភាព​សាមញ្ញ​ៗ​​​​ និង​ទម្លាប់​ប្រចាំថ្ងៃ​មួយ​ចំនួន​ ក៏​អាច​​​​បង្ក​ជា​ហានិភ័យ​ដល់​សុខភាព​របស់​ក្មេង​ផង​ដែរ​។​ ជាក់ស្ដែង...

ត្រួតពិនិត្យដោយ ចាន់ ស៊ីណេត
ដោយ នូ សោភ័ណ្ឌ

អត្ថបទគួរអាន

បំបៅដោះ

ញ៉ាំ​វីតាមីន​E ​អំឡុង​ពេល​បំបៅ​ដោះ​ ផ្ដល់​ប្រយោជន៍​ច្រើនដល់កូន

ត្រួតពិនិត្យដោយ ចាន់ ស៊ីណេត
ដោយ នូ សោភ័ណ្ឌ
ចេញផ្សាយថ្ងៃទី 26/02/2021 . អាន 2 នាទី
វីតាមីន C

វីតាមីន​ C ផ្តល់ប្រយោជន៍​ច្រើន​ដល់ទារក ម៉ាក់ប៉ាធ្វើម៉េចកុំឲ្យកូនខ្វះឲ្យសោះ

ត្រួតពិនិត្យដោយ ចាន់ ស៊ីណេត
ដោយ នូ សោភ័ណ្ឌ
ចេញផ្សាយថ្ងៃទី 25/02/2021 . អាន 3 នាទី
ទារកមិនបៅ១

ស្រាយ​ចម្ងល់​ម៉ាក់ៗ ហេតុ​អី​កូន​មិនបៅ​ច្រើន​ដូច​ធម្មតា?

ត្រួតពិនិត្យដោយ ចាន់ ស៊ីណេត
ដោយ នូ សោភ័ណ្ឌ
ចេញផ្សាយថ្ងៃទី 25/02/2021 . អាន 2 នាទី
ស្បែកទារក១

ឃើញ​សញ្ញា​ទាំង​៤ បញ្ជាក់​ថា​ម៉ាក់​ៗ​ថែទាំ​ស្បែក​អា​អូន​ត្រឹមត្រូវ

ត្រួតពិនិត្យដោយ ចាន់ ស៊ីណេត
ដោយ នូ សោភ័ណ្ឌ
ចេញផ្សាយថ្ងៃទី 23/02/2021 . អាន 3 នាទី