តើអ្នកបារម្ភពីអ្វី?

close
មិនត្រឹមត្រូវ
ពិបាកយល់
ផ្សេងៗ

ឬ​ចម្លង​តំណភ្ជាប់

null

ប៉ាម៉ាក់ ឃើញសញ្ញាទាំងនេះ បង្ហាញថាកូនតូចកំពុងអស់កម្លាំង

    ប៉ាម៉ាក់ ឃើញសញ្ញាទាំងនេះ បង្ហាញថាកូនតូចកំពុងអស់កម្លាំង

    ជា​ទូទៅ​ ក្មេង​ៗ​អាច​បង្ហាញ​ពី​ការ​ផ្លាស់ប្ដូរ​​ឥរិយាបថ​មួយ​ចំនួន​ ដូចជា​មាន​អារម្មណ៍​មួម៉ៅ​ភ្លាម​ៗ​ ​​រពឹស​ខ្លាំង ឬ​ទាមទារ​របស់​របរ​ផ្សេង​ៗ​ នៅ​ពេល​ដែល​ពួក​គេ​នឿយ​ហត់​អស់​កម្លាំង។​ ពិត​ណាស់​ ប៉ា​ម៉ាក់​គួរ​​កត់សម្គាល់​ពី​សញ្ញា​ទាំង​នេះ​របស់​ក្មេង​ ដើម្បី​​កាត់បន្ថយ​​សកម្មភាព​របស់​ពួក​គេ​ ក៏​ដូចជា​ដាក់​ឲ្យ​​ពួក​គេ​បាន​​​​គេង​លក់​ស្រួល​។​ ​ប្រសិនបើ​យើង​រង់ចាំ​រហូត​ដល់​ក្មេង​អស់​កម្លាំង​ខ្លាំង​ជ្រុល​ យើង​អាច​ពិបាក​នឹង​ដោះស្រាយ​កាន់​តែ​ខ្លាំង​ឡើង​។

    សញ្ញា​បញ្ជាក់​ថា​ទារក​ទើប​កើត​អស់​កម្លាំង​

    ​​​​ចំពោះ​ទារក​ទើប​កើត​ ពួក​គេ​អាច​នឹង​អស់​កម្លាំង​ ប្រសិនបើ​ពួក​គេ​ភ្ញាក់​រយៈពេល​​មួយ​ម៉ោង​ ទៅ​មួយ​ម៉ោង​កន្លះ​។ ប្រសិនបើ​ទារក​ទើប​កើត​អស់​កម្លាំង​ ប៉ា​ម៉ាក់​អាច​សង្កេត​ឃើញ​សញ្ញា​មួយ​ចំនួន​ដូច​ខាង​ក្រោម​៖

    • ទាញ​ត្រចៀក​
    • ក្ដាប់​ដៃ​
    • ស្ងាប​
    • បិទ​បើក​ត្របក​ភ្នែក​ចុះ​ឡើង​ ឬ​ពិបាក​ផ្ចង់​អារម្មណ៍​
    • ចលនា​កន្ត្រាក់​ដៃ​ ឬ​ជើង​ ឬ​ចំកោង​ខ្លួន​ទៅ​ក្រោយ​
    • ចង​ចិញ្ចើម​ ឬ​បង្ហាញ​ទឹក​មុខ​ស្រងូត​ស្រងាត់​
    • ជញ្ជក់​ម្រាម​ដៃ​

    សញ្ញា​បញ្ជាក់​ថា​ទារក​ និង​កូន​ក្មេង​អស់​កម្លាំង

    អាយុ​ពី​៣ទៅ​៦ខែ៖ ទារក​អាច​អស់​កម្លាំង​ បន្ទាប់​ពី​ភ្ញាក់​ចាប់​ពី​មួយ​ម៉ោង​កន្លះ​ ទៅ ៣​ម៉ោង​
    អាយុ​ពី​៦​ទៅ​១២ខែ៖ ក្មេង​​អាច​អស់​កម្លាំង​ បន្ទាប់​ពី​ភ្ញាក់​ចាប់​ពី២ ទៅ ៣​ម៉ោង
    អាយុ​ពី​១២ទៅ​១៨ខែ៖ ក្មេង​​អាច​អស់​កម្លាំង​​ខ្លាំង​ នៅ​ពេល​ដែល​​ពួក​គេ​មិន​គេង​នៅ​ពេល​ព្រឹក​ ឬ​ពេល​ថ្ងៃ​។
    ប្រសិនបើ​ទារក​ ឬ​កូន​តូច​អស់​កម្លាំង​ ប៉ា​ម៉ាក់​អាច​ឃើញ​សញ្ញា​ខាង​ក្រោម​នេះ​៖

    • តាម​​ជាប់​រហូត​
    • យំ
    • ទាមទារ​ចំណាប់​អារម្មណ៍​
    • ធុញ​ទ្រាន់​ជាមួយ​នឹង​របស់​លេង​
    • មួម៉ៅ​ជាមួយ​នឹង​អាហារ​

    ទារកអស់កម្លាំង២

    តើ​ទារក​យំ​ព្រោះ​អស់​កម្លាំង ឬ​ឃ្លាន​?

    ការ​យំ​អាច​មាន​ន័យ​ថា​ក្មេង​អស់​កម្លាំង​ ប៉ុន្តែ​ពេល​ខ្លះ​ក៏​ពិបាក​នឹង​បែងចែក​រវាង​ការ​យំ​​ព្រោះ​អស់​កម្លាំង​ ឬ​ឃ្លាន​ផង​ដែរ​។​ នៅ​ក្នុង​ករណី​ដែល​ទារក​​ទើប​តែ​បៅ​រួច​នៅ​រយៈពេល​២​ម៉ោង​ចុងក្រោយ​ ប៉ុន្តែ​​ពួក​គេ​​​យំ​ និង​រញ៉ាំរញ៉ូវ​ នេះ​អាច​មក​ពី​​ការ​អស់​កម្លាំង។​ យ៉ាង​ណា​មិញ​ ​ម៉ាក់​ៗ​ក៏​អាច​សាកល្បង​បំបៅ​​ដោះ​ ឬ​ផ្ដល់​ចំណី​ឲ្យ​ពួក​គេ ហើយ​ប្រសិនបើ​ពួក​គេ​បៅ​តែ​បន្តិច​ និង​នៅ​តែ​យំ​មិន​បាត់​ នេះ​បញ្ជាក់​ថា​ទារក​ត្រូវការ​​សម្រាក​មិន​ខាន​។

    Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

    ប្រភព

    https://raisingchildren.net.au/babies/sleep/understanding-sleep/tired-signs

     

    រូបថត​របស់​អ្នក​និពន្ធbadge
    ដោយ នូ សោភ័ណ្ឌ កែសម្រួល​ចុងក្រោយ 19/03/2021
    ត្រួតពិនិត្យដោយ វេជ្ជ. ចាន់ ស៊ីណេត