home

យើង​គួរ​ធ្វើ​ម៉េច​ខ្លះ ដើម្បី​កែលម្អ​បញ្ហា​នេះ?

close
chevron
អត្ថបទ​នេះ​មាន​កំហុស ព័ត៌មាន​ ឬ​តួលេខ​មិន​ត្រឹមត្រូវ
chevron

បើ​មាន​កំហុស​ឆ្គង​ណា​មួយ សូម​ប្រាប់​ពួក​យើង​ដើម្បី​កែតម្រូវ

wanring-icon
សូម​ចាំ​ថា មិន​ទាមទារ​ឲ្យ​លោក​អ្នក​បំពេញ​ព័ត៌មាន​លម្អិត​ទេ។ សូមចុច "ផ្ញើរ​មតិខ្ញុំ" ខាង​ក្រោម​ដើម្បី​បន្ត​អាន​។
chevron
អត្ថបទ​នេះ​មាន​ព័ត៌មានមិន​គ្រប់គ្រាន់
chevron

បើ​មាន​កំហុស​ឆ្គង​ណា​មួយ សូម​ប្រាប់​ពួក​យើង​ដើម្បី​កែតម្រូវ

wanring-icon
សូម​ចាំ​ថា មិន​ទាមទារ​ឲ្យ​លោក​អ្នក​បំពេញ​ព័ត៌មាន​លម្អិត​ទេ។ សូមចុច "ផ្ញើរ​មតិខ្ញុំ" ខាង​ក្រោម​ដើម្បី​បន្ត​អាន​។
chevron
ហមមម... ខ្ញុំ​មាន​ចម្ងល់​ពី​បញ្ហា​សុខភាព​ខ្លះ​ចង់​សាកសួរ
chevron

ថ្វី​ត្បិត​តែ​ Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​​ក៏​ពិត​មែន ប៉ុន្តែ​ពួក​យើង​ពិត​ជា​ស្វាគមន៍​រាល់​មតិ​កែលម្អិត​ទាំង​អស់​របស់​លោក​អ្នកដែល​តែងតែ​តាមដាន Hello គ្រូពេទ្យ ជា​ប្រចាំ។ សូម​វាយ​បញ្ចូល​មតិយោបល់​របស់​លោកអ្នក​ក្នុង​ប្រអប់​ខាងក្រោម។

wanring-icon
ប្រសិន​បើ​បងប្អូន​កំពុង​ប្រឈម​នឹង​បញ្ហា​សង្គ្រោះបន្ទាន់​ កុំបង្អង់​សូម​ខល​ទាក់ទង​ទៅសេវាសង្គ្រោះ​បន្ទាន់​ភ្លាម​ ឬ​ទៅ​មន្ទីរពេទ្យ ឬ​កន្លែង​សង្គ្រោះ​បន្ទាន់​ដែល​នៅ​ជិត​លោក​អ្នក​បំផុត។

ឬ​ចម្លង​តំណភ្ជាប់

កូន​ហើម​ភ្នែក​បណ្ដាល​មក​ពី​អ្វី​? គួរ​ដោះស្រាយ​បែប​ណា​?​

កូន​ហើម​ភ្នែក​បណ្ដាល​មក​ពី​អ្វី​? គួរ​ដោះស្រាយ​បែប​ណា​?​

នៅ​ពេល​ដែល​​កូន​តូច​មាន​អាការៈ​ហើម​ភ្នែក​ ប៉ា​ម៉ាក់​ច្បាស់​ជា​មាន​ការ​​ព្រួយ​បារម្ភ​ខ្លាំង​មិន​ខាន​។​ ពិត​ណាស់​ កូន​នៅ​តូច​មិន​អាច​​និយាយ​ប្រាប់​យើង​អំពី​អាការៈ​របស់​ខ្លួន​បាន​ឡើយ​ ដូច្នេះ​ហើយ​ ប៉ា​ម៉ាក់​គប្បី​សង្កេត​​មើល​សញ្ញា​មួយ​ចំនួន​ដែល​បណ្ដាល​ឲ្យ​​កូនហើម​ត្របក​ភ្នែក ក្រហម​ ​ឬ​ចេញ​ទឹក​ភ្នែក​។​ យ៉ាង​ណា​មិញ អាការៈ​ហើម​ភ្នែក​ខ្លះ​អាច​បាត់​ទៅ​វិញ​ដោយ​ខ្លួន​ឯង​ ប៉ុន្តែ​ករណី​​ខ្លះ​ទៀត​​អាច​កាន់​តែ​ធ្ងន់ធ្ងរ​ឡើង​ ប្រសិនបើ​ប៉ា​ម៉ាក់​មិន​ឆាប់​រក​វិធី​ព្យាបាល​ទេ​នោះ​។​

ជា​ទូទៅ​ អាការៈ​ហើម​ភ្នែក​អាច​បណ្ដាល​មក​ពី​កត្តា​ទាំង​នេះ​

១. អាលែកហ្ស៊ី​

​​​​​​ប្រសិនបើ​ទារក​ប៉ះពាល់​ទៅ​នឹង​សារធាតុ​ដែល​ធ្វើ​ឲ្យ​រលាក​ក្រហាយ​ ដូចជា​ផ្សែង​បារី​ លម្អង​ ឬ​ពពួក​ចៃ​ អា​អូន​អាច​នឹង​វិវត្ត​ទៅ​ជា​ប្រតិកម្ម​អាលែកហ្ស៊ី​​យ៉ាង​ងាយ​។​ ជា​ទូទៅ​ វា​នឹង​បណ្ដាល​ឲ្យ​កើត​មាន​រោគ​សញ្ញា​​មួយ​ចំនួន​ដូចជា​ហើម និង​ក្រហម​នៅ​លើ​ត្របក​ភ្នែក​ភ្លាម​ៗ​ ដូច​នេះ​ហើយ​ ប៉ា​ម៉ាក់​គប្បី​​​សង្កេត​មើល​​ថា​កូន​​បាន​ប៉ះពាល់​អ្វី​​ខ្លះ​នៅ​ពេល​ថ្មី​ៗ​នេះ​។

២​. មូស​ខាំ​

​​​មូស​ខាំ​ក៏​អាច​ធ្វើ​ឲ្យ​ភ្នែក​ហើម​ផង​ដែរ​។​ ការ​ហើម​ប្រភេទ​នេះ​ គឺ​មិន​មាន​ការ​ឈឺ​ចាប់​ឡើយ​ ប៉ុន្តែ​វា​​​អាច​​រមាស់​រហូត​ដល់​១០​ថ្ងៃ​ឯ​ណោះ​​ចំពោះ​ទារក​តូច​ៗ​។​ ​ការ​ហើម​ដោយ​សារ​មូស​ខាំ​​មាន​ពណ៌​ផ្កា​ឈូក​ ឬ​ក្រហម​។

​៣. រង​របួស

​រាល់​ការ​រង​របួស​ក្បាល​​ណា​មួយ ដែល​នៅ​ជិត​ភ្នែក​ អាច​បណ្ដាល​ឲ្យ​ទារក​​មាន​អាការៈ​ហើម​ភ្នែក​ ​រលាក​ ​ឬ​ក្រហម។​ សម្រាប់​កូន​ក្មេង​ដែល​ទើប​ចេះ​ដើរ​ ងាយ​នឹង​រង​របួស​​ណាស់​​ ពីព្រោះ​ពួក​គេ​ផ្លាស់ទី​ញឹកញាប់​។​

៤. ពពែ​ឆ្កែ​ និង​បូស​ត្របក​ភ្នែក

យោង​តាម​សិក្សា​​មួយ​ចំនួន​បាន​បង្ហាញ​ថា​ ពពែ​ឆ្កែ​កើត​ឡើង​នៅ​ពេល​ដែល​ឫស​រោម​ភ្នែក​រលាក​។​ ពពែ​ឆ្កែ​ភាគ​ច្រើន​មាន​ការ​ឈឺចាប់​ ប៉ុន្តែ​វា​នឹង​បាត់​ទៅ​វិញ​ដោយ​ខ្លួន​ឯង​នៅ​ក្នុង​រយៈពេល​ប៉ុន្មាន​ថ្ងៃ​បន្ទាប់​។​ រី​ឯ​បូស​ត្របក​ភ្នែក​វិញ​ កើត​ឡើង​នៅ​ជិត​ត្របក​ភ្នែក​ នៅ​ពេល​ដែល​​ក្រពេញ​ផលិត​ខ្លាញ់​ចាប់ផ្ដើម​ហើម​ និង​​ស្ទះ​រន្ធ​ខ្លាញ់​​។

ទារកហើមភ្នែក២

៥. អៀ​ភ្នែក​

ត្របក​ភ្នែក​​​របស់​យើង​មាន​ក្រពេញ​ខ្លាញ់​ ដែល​ជួន​កាល​អាច​កក​ស្ទះ​ ឬ​រលាក​។​ កត្តា​នេះ​អាច​បណ្ដាល​ឲ្យ​កើត​មាន​អៀ​ភ្នែក​ ដែល​ប៉ា​ម៉ាក់​​​អាច​សង្កេត​​ឃើញ​​នៅ​ពេល​ព្រឹក​។​ រោគសញ្ញា​នៃ​​ជំងឺ​នេះ រួម​មាន​ហើម​ត្របក​ភ្នែក​ ​ឬ​រមាស់​ជា​ដើម​។

រូបមន្ត​ងាយ​ៗ​ដោះស្រាយ​បញ្ហា​ហើម​ភ្នែក​កើត​មាន​លើ​ទារក​

ពិត​ណាស់​ មាន​កត្តា​ជា​ច្រើន​ដែល​នាំ​ឲ្យ​កើត​មាន​បញ្ហា​ហើម​ភ្នែក​នេះ​ ដូចជា​ចៃ​ លម្អង​ និង​ទឹក​ដោះ​គោ​ជា​ដើម។​ ដូច​នេះ​ ប៉ា​ម៉ាក់​អាច​សាកល្បង​រូបមន្ត​ងាយ​ៗ​ទាំង​នេះ​ ដើម្បី​កម្ចាត់​បញ្ហា​ហើម​ភ្នែក​។

១. ​ស្អំ​​កន្សែង​ត្រជាក់​​

តិចនិក​ដ៏​សាមញ្ញ​មួយ ដើម្បី​កម្ចាត់​អាការៈ​ហើម​ភ្នែក​ គឺ​ស្អំ​កន្សែង​​ត្រជាក់​នៅ​បរិវេណ​ភ្នែក​របស់​ទារក​រយៈពេល​ពីរ​បី​នាទី​ ដើម្បី​កាត់​បន្ថយ​អាការៈ​ហើម​ និង​ក្រហម​។

២. ថែទាំ​ភ្នែក​ឲ្យ​ស្អាត​ល្អ​​​

​ដើម្បី​ការពារ​​បញ្ហា​ហើម​ភ្នែក​ ចូរ​រក្សា​បរិវេណ​ភ្នែក​ឲ្យ​​ស្អាត​​ល្អ ជាមួយ​នឹង​កំណាត់​សើម​ និង​ទឹក​ក្ដៅ​ឧណ្ហ​ៗ​។​ នៅ​ក្នុង​ករណី​ដែល​​ភ្នែក​របស់​ទារក​ឆ្លង​មេរោគ ចូរ​ជូត​សម្អាត​បរិវេណ​ភ្នែក​ជាមួយ​នឹង​កំណាត់​ត្រជាក់​។​ បន្ថែម​ពី​នេះ​ ប៉ា​ម៉ាក់​គប្បី​កក់​សក់​ឲ្យ​ទារក​ជា​ប្រចាំ​ ពីព្រោះ​សក់​អាច​ផ្ទុក​លម្អង​ ឬ​ចៃ​ ដែល​អាច​បណ្ដាល​ឲ្យ​រលាក​ភ្នែក​។

៣. ​សម្អាត​ពូក​ ឬ​ខ្នើយ​ជា​រៀងរាល់​សប្ដាហ៍​

ដើម្បី​កាត់​បន្ថយ​ឱកាស​នៃ​ការ​ហើម​ភ្នែក​ ដែល​បណ្ដាល​មក​ពី​​​​ភ្នាក់​ងារ​បង្ក​​អាលែកហ្ស៊ី ចូរ​សម្អាត​ពូក​ ឬ​ខ្នើយ​ជា​រៀង​រាល់​សប្ដាហ៍​​ជាមួយ​នឹង​ទឹក​ក្ដៅ។​ បន្ថែម​ពី​នេះ​ ម៉ាក់​ៗ​ក៏​ចាំបាច់​ត្រូវ​ផ្លាស់ប្ដូរ​កម្រាល​ព្រំ​ជា​ប្រចាំ​ផង​ដែរ​។

​​សញ្ញា​គ្រោះថ្នាក់​ ដែល​ប៉ា​ម៉ាក់​គប្បី​នាំ​កូន​ទៅ​ជួប​នឹង​​គ្រូពេទ្យ​​​

ជា​ទូ​ទៅ​​ អាការៈ​ហើម​តិចតួច​ដែល​​យើង​អាច​ដឹង​អំពី​មូលហេតុ​បង្ក​ គឺ​មិន​មាន​គ្រោះថ្នាក់​ឡើយ​ ហើយ​ថែម​ទាំង​អាច​ព្យាបាល​នៅ​ផ្ទះ​ដោយ​ខ្លួន​ឯង​បាន​ថែម​ទៀត​ផង​។​ យ៉ាង​ណា​មិញ នៅ​ក្នុង​ករណី​ភាគ​ច្រើន​ កូន​​ត្រូវការ​ការ​ព្យាបាល​ពី​គ្រូពេទ្យ​​ឲ្យ​បាន​ត្រឹម​ត្រូវ​។​ ចូរ​ពិគ្រោះ​យោបល់​ជាមួយ​នឹង​គ្រូពេទ្យ​ជា​បន្ទាន់​ ប្រសិនបើ​ទារក​មាន​អាការៈ​ដូច​ខាង​ក្រោម​៖

  • ហើម​ភ្នែក​​ធ្ងន់ធ្ងរ
  • មាន​អាការៈ​ហើម​ភ្នែក​ លាយ​ឡំ​នឹង​គ្រុន​ក្ដៅ​
  • ក្រហម​ភ្នែក​ខ្លាំង​ ឬ​មាន​ការ​ឈឺ​ចាប់​។

Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

ប្រភព

https://parenting.firstcry.com/articles/swollen-eyes-in-baby-reasons-and-remedies/

https://www.seattlechildrens.org/conditions/a-z/eye-swelling/

រូបថត​របស់​អ្នក​និពន្ធ
ត្រួតពិនិត្យ​ដោយ វេជ្ជ. ចាន់ ស៊ីណេត
អត្ថបទ​ដោយ នូ សោភ័ណ្ឌ
កែ 3 ស​ប្តា​ហ៍​មុន
x