home

យើង​គួរ​ធ្វើ​ម៉េច​ខ្លះ ដើម្បី​កែលម្អ​បញ្ហា​នេះ?

close
chevron
អត្ថបទ​នេះ​មាន​កំហុស ព័ត៌មាន​ ឬ​តួលេខ​មិន​ត្រឹមត្រូវ
chevron

បើ​មាន​កំហុស​ឆ្គង​ណា​មួយ សូម​ប្រាប់​ពួក​យើង​ដើម្បី​កែតម្រូវ

wanring-icon
សូម​ចាំ​ថា មិន​ទាមទារ​ឲ្យ​លោក​អ្នក​បំពេញ​ព័ត៌មាន​លម្អិត​ទេ។ សូមចុច "ផ្ញើរ​មតិខ្ញុំ" ខាង​ក្រោម​ដើម្បី​បន្ត​អាន​។
chevron
អត្ថបទ​នេះ​មាន​ព័ត៌មានមិន​គ្រប់គ្រាន់
chevron

បើ​មាន​កំហុស​ឆ្គង​ណា​មួយ សូម​ប្រាប់​ពួក​យើង​ដើម្បី​កែតម្រូវ

wanring-icon
សូម​ចាំ​ថា មិន​ទាមទារ​ឲ្យ​លោក​អ្នក​បំពេញ​ព័ត៌មាន​លម្អិត​ទេ។ សូមចុច "ផ្ញើរ​មតិខ្ញុំ" ខាង​ក្រោម​ដើម្បី​បន្ត​អាន​។
chevron
ហមមម... ខ្ញុំ​មាន​ចម្ងល់​ពី​បញ្ហា​សុខភាព​ខ្លះ​ចង់​សាកសួរ
chevron

ថ្វី​ត្បិត​តែ​ Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​​ក៏​ពិត​មែន ប៉ុន្តែ​ពួក​យើង​ពិត​ជា​ស្វាគមន៍​រាល់​មតិ​កែលម្អិត​ទាំង​អស់​របស់​លោក​អ្នកដែល​តែងតែ​តាមដាន Hello គ្រូពេទ្យ ជា​ប្រចាំ។ សូម​វាយ​បញ្ចូល​មតិយោបល់​របស់​លោកអ្នក​ក្នុង​ប្រអប់​ខាងក្រោម។

wanring-icon
ប្រសិន​បើ​បងប្អូន​កំពុង​ប្រឈម​នឹង​បញ្ហា​សង្គ្រោះបន្ទាន់​ កុំបង្អង់​សូម​ខល​ទាក់ទង​ទៅសេវាសង្គ្រោះ​បន្ទាន់​ភ្លាម​ ឬ​ទៅ​មន្ទីរពេទ្យ ឬ​កន្លែង​សង្គ្រោះ​បន្ទាន់​ដែល​នៅ​ជិត​លោក​អ្នក​បំផុត។

ឬ​ចម្លង​តំណភ្ជាប់

ថែទាំទារកតូច តាមមេតូតកង់ហ្គូរ៉ូ (ប៉ះជាប់ស្បែក) ផ្ដល់ប្រយោជន៍ច្រើនដល់កូន

ថែទាំទារកតូច តាមមេតូតកង់ហ្គូរ៉ូ (ប៉ះជាប់ស្បែក) ផ្ដល់ប្រយោជន៍ច្រើនដល់កូន

ការ​មើល​ទាំ​កូន​ឲ្យ​បាន​ដិត​ដល់​ល្អ ជា​កាតព្វកិច្ច និង​គោល​បំណង​ចាំបាច់​បំផុត​សម្រាប់​ម៉ាក់​ប៉ា​គ្រប់​រូប ហើយ​យើង​ជា​ម៉ាក់​ប៉ា​ឲ្យ​តែ​ឮ​ថា តិចនិក​នេះ តិចនិក​នោះ ចិញ្ចឹម​កូន​មើល​ថែ​កូន​បានល្អ ច្បាស់​ជា​សាក​ល្បង​លើ​កូន​យើង​ដែរ​។ ក្នុង​ចំណោម​តិចនិក​ថែ​ទាំ​ទារក​ជា​ច្រើន ក្បួន​មេតូត​កង់ហ្គូរ៉ូ ក៏​ជា​វិធី​មួយ​ផ្ដល់​ប្រយោជន៍​ច្រើន​ដល់​កូន​យើង ពិសេស​ទារក​តូច​ៗ ឬ​ទារក​មិន​ទាន់​គ្រប់​ខែ។

យោង​តាម​ការ​ផ្សព្វផ្សាយ​របស់​មន្ទីរពេទ្យ កាល់​ម៉ែត ឲ្យ​ដឹង​ថា ការ​ថែទាំ​ទារក​តាម​បែប​មេតូត​កង់ហ្គូរ៉ូ ជា​ការ​ថែទាំ​ទារក​តូច ឲ្យ​ប៉ះ​ជាប់​នឹង​ស្បែក​ម្ដាយ ដើម្បី​ឲ្យ​ទារក​ទទួល​កម្ដៅ​ពី​ម្ដាយ។ វិធី​នេះមាន​ភាព​សាមញ្ញ មិន​មាន​ភាព​ស្មុក​ស្មាញ តែ​មាន​ប្រសិទ្ធភាព​បំផុត សម្រាប់​ជួយ​ម្ដាយ​ដែល​មាន​ទារក​កើត​មិន​គ្រប់​ខែ ឬ​មាន​គីឡូ​តិច​ពី​កំណើត (តិច​ជាង​ ២៥០០​ក្រាម)។ ផល​ប្រយោជន៍​នៃ​ការ​ថែ​ទាំ​នេះ

– ទារក​ទទួល​កម្ដៅ​គ្រប់​គ្រាន់​ពី​ម្ដាយ

ទារក​មាន​គីឡូ​ពី​កំណើត​តិច ឬ​មិន​គ្រប់​ខែ សរីរាង្គ​អា​អូន​ងាយ​នឹង​បាត់​បង់​កម្ដៅ ដោយ​សារ​ប្រព័ន្ធ​ការពារ​កម្ដៅ​របស់​ទារក​ខ្សោយ ហើយ​អា​អូន​តូច​ៗ ពុំ​មាន​ស្រទាប់​ជាតិ​ខ្លាញ់​នៅ​ក្នុង​ខ្លួន​ទេ។ ការ​បាត់បង់​កម្ដៅ​ចំពោះ​ទារក​តូច​ៗ និង​មិន​គ្រប់​ខែ អាច​បណ្ដាល​ឲ្យ​ទារក​មាន​គ្រោះ​ថ្នាក់​អាយុ​ជីវិត​រយៈ​ពេល​ខ្លី។

– ទារក​ឆាប់​ចង់​បៅ

ទារក​ទើប​នឹង​កើត មិន​អាច​មើល​ឃើញ​មុខ​ម្ដាយ​ទេ តែ​អា​អូន​អាច​ធំ​ក្លិន​ម្ដាយ ដែល​ក្លិន​នេះ​អាច​រំញោច​ឲ្យ​ទារក​ចង់​បៅ​ដោះ​ម៉ាក់ៗ ជា​ហេតុ​ធ្វើ​ឲ្យ​អា​អូន​ឆាប់​ឡើង​គីឡូ។

– ទារក​អាច​ដក​ដង្ហើម​បាន​ទៀង​ទាត់

ទារក​មិន​គ្រប់​ខែ ប្រព័ន្ធ​ផ្លូវ​ដង្ហើម​ដែល​មាន​នៅ​ផ្នែក​ខួរក្បាល​របស់​កូន​នៅ​ខ្ចី​នៅ​ឡើយ ដែល​ងាយ​ធ្វើ​ឲ្យ​ទារក​ឆាប់​ភ្លេច​ដក​ដង្ហើម។ ការ​ដាក់​ទារក​លើ​ទ្រូង​ម៉ាក់ ជួយ​ឲ្យ​អា​អូន​ស្ដាប់​ឮ​ចង្វាក់​បេះដូង​ម្ដាយ ដែល​ការ​ស្កាប់​ឮ​នេះ រំញោច​ឲ្យ​ទារក​ធ្វើ​ការ​ដក​ដង្ហើម​ទៀង​ទាត់​មក​វិញ។

– កាត់​បន្ថយ​ការ​ឆ្លង​រោគ​ក្នុង​មន្ទីរពេទ្យ

ទារក​តូច ឬ​មិន​គ្រប់​ខែ​មាន​ប្រព័ន្ធ​ការពារ​សរីរាង្គ​ខ្ចី ឬ​ខ្សោយ ដូច​នេះ​ទារក​ស្ថិត​ក្នុង​កន្លែង​សង្គ្រោះ​យូរ ងាយ​នឹង​ចាប់​យក​មេរោគ​ពី​ខាង​ក្រៅ ដែល​បង្ក​គ្រោះ​ថ្នាក់​ដល់​ជីវិត។ ការ​ដាក់​ទារក​ឲ្យ​នៅ​ជាមួយ​ម្ដាយ ធ្វើ​ឲ្យ​ទារក​ចង់​បៅ​ដោះ​ម៉ាក់ ដែល​ទឹក​ដោះ​ម្ដាយ​សម្បូរ​ទៅ​ដោយ​ប្រព័ន្ធការពារ (អង់ទីករ) ជួយ​ទារក​រួច​ផុត​ពី​ការ​ឆ្លង​រោគ​ក្នុង​មន្ទីរពេទ្យ។

លើសពីនេះ តិចនិកថែទាំទារក មេតូតកង់ហ្គូរ៉ូ បង្កើត​ទំនាក់​ទំនង​ស្និទ្ធស្នាល​រវាង​ម្ដាយ និង​កូន​តូច ដែល​ជួយ​ឲ្យ​ម៉ាក់​បាត់​អារម្មណ៍​តានតឹង​ពី​ការ​ថែ​ទាំ​កូន និង​ជួយ​ឲ្យ​ម៉ាក់ៗ​មាន​ភាព​ម្ចាស់​ការ ក្នុង​ការ​ថែ​ទាំ​ទារក​នៅ​ពេល​ដែល​ចេញ​ពី​ពេទ្យ​ទៅ​ផ្ទះ ហើយ​​​ការ​ថែ​​ទាំ​តាម​វិធី​កង់​ហ្គូរ៉ូ​នេះ ជួយ​កាត់​បន្ថយ​ការ​សម្រាក​ពេទ្យ​យូរ។

ប្រសិទ្ធភាព​នៃ​ការ​ថែ​ទាំ​តាម​បែប​វិធីសាស្ត្រ​នេះ គឺ​អាស្រ័យ​លើ​ពេល​វេលា។ បើ​ម៉ាក់​ៗ​ដាក់​កូន​ជាប់​ទ្រូង ជាប់​ស្បែក​កាន់​តែ​យូរ ប្រសិទ្ធភាព​កាន់​តែ​ល្អ ព្រោះ​កូន​នឹង​បាន​ទទួល​កម្ដៅ​ពី​ម្ដាយ​គ្រប់​គ្រាន់ ធ្វើ​ឲ្យ​ទារក​ឡើង​គីឡូ​បាន។

ទារក

Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕


អត្ថបទពាក់ព័ន្ធ

៣ យ៉ាង ជួយឲ្យប្រព័ន្ធការពារទារករឹងមាំ អាចទប់ទល់ជាមួយបាក់តេរីអាក្រក់បាន

វិធីថែទាំទារកទើបកើត អំឡុងពេលផ្ទុះកូវីដ-១៩

ម៉ាក់ៗដឹងអត់ ការធ្វើតេស្តឈាមទារកទើបកើត អាចជួយអាអូនផុតពីពិការភាព

ទារកប៉ុន្មានគីឡូទើបហៅលើសទម្ងន់? ចុះបើកូនក្នុងផ្ទៃថ្លោសខ្លាំង ប្រឈមបញ្ហាអីខ្លះ?

លាមក​​ទារក​មាន​ពណ៌​បៃតង​ ប៉ា​ម៉ាក់​គួរ​បារម្ភ​ដែរ​ឬ​អត់​?​

ប្រញាប់ប្តូរទម្លាប់នេះភ្លាម បើមិនចង់មានបញ្ហាដល់ខួរក្បាលទារកទើបកើត

អាលែកហ្ស៊ីទឹកដោះគោ​ និង​ការ​មិន​ស៊ាំ​នឹង​ជាតិ​ឡាក់​តូសលើទារក​

ហេតុអ្វី​ទារក​យំ​ ក្រោយ​បំបៅ​ដោះ​រួច​? ប៉ា​ម៉ាក់​គួរ​ធ្វើ​យ៉ាង​ម៉េច​?

សញ្ញាបញ្ជាក់ថា ទារកចង់ញ៉ាំអាហារបន្ថែមពីលើទឹកដោះម្តាយ ឬទឹកដោះគោ


រូបថត​របស់​អ្នក​និពន្ធ
ត្រួតពិនិត្យ​ដោយ វេជ្ជ. ចាន់ ស៊ីណេត
អត្ថបទ​ដោយ នាង សុខុមដាលីញ៉ា
កែ 2 ស​ប្តា​ហ៍​មុន
x