home

What are your concerns?

close
Inaccurate
Hard to understand
Other

ឬ​ចម្លង​តំណភ្ជាប់

ជំងឺស្វាយអត់ស្ងាត់ទេ! ៥ខែ ទារករាប់រយនាក់ទើប​កើតនៅថៃ សុទ្ធតែមានជំងឺនេះ

ជំងឺស្វាយអត់ស្ងាត់ទេ! ៥ខែ ទារករាប់រយនាក់ទើប​កើតនៅថៃ សុទ្ធតែមានជំងឺនេះ

ស្រប​ពេល​រដ្ឋាភិបាល​ថៃថ្មីៗនេះ ទើប​បង្ហាញ​ក្តី​បារម្ភពីករណី​ជំងឺ​ស្វាយ កំពុង​ផ្ទុះ​យ៉ាង​គំហុកទូទាំងប្រទេស​ ក្រសួង​សុខាភិបាល​ថៃ ក៏​បាន​បញ្ចេញតួលេខ​ទារកទើប​កើត​ដល់​ទៅ​ជាង ២០០​នាក់ ​មាន​ផ្ទុកជំងឺ​ស្វាយ ត្រឹម​រយៈ​ពេល​ជាង ៥ខែ ដើម​ឆ្នាំ​ ២០១៩។

លោក Sukhum Karnchanapimai រដ្ឋលេខាធិការ​ក្រសួង​សុខាភិបាល​សាធារណៈ​ថៃ បញ្ជាក់​ថា ទារក ២៤៩​នាក់ កើតមក​មាន​ផ្ទុក​ជំងឺ​អុតស្វាយ ដោយសារម្ដាយ​របស់​ពួកគេ មាន​ផ្ទុក​ជំងឺ​នេះ ខណៈ​ជំងឺកាម​រោគ​ប្រភេទ​នេះ ងាយ​ឆ្លងបំផុត​​តាម​ការរួមភេទ ឈាម និង​ពីម្ដាយ​ទៅកូន។

មន្រ្តីជាន់ខ្ពស់​ថៃ​រូបនេះបន្ដ​ថា គិតពីថ្ងៃ​ទី ១ ខែមករា ដល់​ថ្ងៃ​ទី ១៣ ខែ​ឧសភា ២០១៩ មនុស្ស ប្រមាណ ៣.០៨០​នាក់ មានរោគសញ្ញា​ជំងឺ​ស្វាយ ដោយ ៤០% មាន​អាយុ ពី ១៥-២៤ ​ឆ្នាំ និង ២៤% អាយុពីចន្លោះ ២៥-៣៤​ ឆ្នាំ។ លោក​បន្ថែមថា តួលេខ​នេះ កើតឡើង​ដោយសារ​យុវជន រួមភេទ​ដោយ​មិនមាន​សុវត្ថិភាព។

អត្ថបទពាក់ព័ន្ធ៖

ជាមួយគ្នានេះដែរ លោក​បាន​ណែនាំ​ប្រធាន​មន្ទីរសុខភាព​តាម​បណ្តា​ខេត្ត ពិនិត្យ​មើល​លើ​ស្ថានភាពជំងឺ និង​បង្ការ​ជំងឺនេះ កុំឲ្យ​រាលដាលបន្ដ​ទៀត និង​ជំរុញ​ពលរដ្ឋ​ការពារ​ខ្លួន ដោយ​ប្រើ​ស្រោមអនាម័យ ចៀសវាង​រួមភេទ​ជាមួយ​ដៃគូ​ច្រើន និង​ធ្វើ​តេស្ដឈាម​ឲ្យ​បាន​ទៀតទាត់។ លោកថា​”ស្ត្រីមាន​ផ្ទៃពោះ រួមជាមួយ​ប្ដី ក៏​គួរ​ទៅ​ធ្វើ​តេស្ដឈាម“។​

Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

រូបថត​របស់​អ្នក​និពន្ធbadge
ដោយ គីង ច័ន្ទវាសនា​ កែសម្រួល​ចុងក្រោយ 15/07/2020
ត្រួតពិនិត្យដោយ សន សុភា