ទារកទើបនឹងកើតស្បែកនៅខ្ចីណាស់ងាយនឹងប្រតិកម្មជាមួយបរិយាកាសខាងក្រៅ ឬរបស់មិនល្អធ្វើឲ្យឡើងកន្ទួលរមាស់។ ក្រៅពីប្រតិកម្មជាមួយអ្វីមួយ បញ្ហាមុខទារកមានដុំថ្លាសតូចៗពេញច្រមុះ និងផ្ទៃមុខនេះ មិនបានប៉ះពាល់អ្វីទាំងអស់ ពោលគឺកើតឡើងដោយឯងៗ។
មាតិកា
មាតិកា
មើលគ្រប់ផ្នែកទាំងអស់
រង្វាស់សុខភាព
ឧបករណ៍សុខភាព
មើលផ្នែករង្វាស់សុខភាពទាំងអស់
តើអ្នកបារម្ភពីអ្វី?
មិនត្រឹមត្រូវ
ពិបាកយល់
ផ្សេងៗ
ទារកទើបកើត មានដុំថ្លា សតូចៗលើមុខជាអ្វី?
លោកវេជ្ជបណ្ឌិត ចាន់ ស៊ីណេត ប្រធានផ្នែកសម្ភព និងរោគស្ត្រី នៃមន្ទីរពេទ្យបង្អែកមិត្តភាពកម្ពុជា-ចិន សែនសុខ បានឲ្យដឹងថាបញ្ហានោះភាសាបច្ចេកទេសហៅថា Milia ដែលកើតឡើងដោយសារជាតិការ៉ាទីតនៅក្រោមស្បែក ដែលជាសារធាតុប្រូតេអ៊ីននៅក្នុងស្បែក សក់ ឬក្រចក ជាដើម។ ចំពោះផលប៉ះពាល់វិញ គ្មានអ្វីធ្ងន់ធ្ងរឡើយគ្រាន់តែស្បែកកូនទៅជាគគ្រើម និងបាត់បង់សោភណភាពរបស់កូនតែប៉ុណ្ណោះ។
លោកវេជ្ជបណ្ឌិតបានណែនាំម៉ាក់ៗដែលមានកូនកើត Milia នេះគួរតែយកកូនទៅជួបពេទ្យ ដើម្បីធ្វើការព្យាបាលនិងពិភាក្សាជាមួយគ្រូពេទ្យជំនាញទាក់ទងនិងស្បែកដើម្បីទទួលការព្យាបាល ដូចជាថ្នាំលាប បកដោយថ្នាំ និងកោសសម្អាតជាដើម។ បញ្ហានេះ គ្មានវិធីបង្ការ ឬទប់ស្កាត់មិនឲ្យកើតឡើងបានឡើយ តែទារកក៏មិនទាំងអស់ទេ ដែលកើត Milia លើស្បែក ហើយទារកខ្លះក៏កើតច្រើនពេញមុខ ហើយខ្លះទៀតលើច្រមុះ ឬកៀនច្រមុះបន្តិច។
មួយវិញទៀតលោកវេជ្ជបណ្ឌិត ចាន់ ស៊ីណេត បានហាមមិនឲ្យម៉ាក់ប៉ាយកអ្វីទៅលាបដោយគ្មានវេជ្ជបញ្ជានោះទេ ព្រោះមិនត្រឹមមិនបាត់ ថែមទាំងកើតបញ្ហាស្បែកផ្សេងៗទៅវិញដូចជារោល រមាស់ និងឡើងពងបែកវិញ។
អត្ថបទពាក់ព័ន្ធ៖ កូនអត់កើតលឿង អាចយកទៅហាលថ្ងៃបានអត់?
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Next article: