ម៉ាក់ៗថ្មីថ្មោង អាចមិនសូវដឹងពីវិធីផ្តល់អាហារូបត្ថម្ភល្អសម្រាប់ការលូតលាស់របស់បេប៊ី យ៉ាងណា ក៏ត្រូវតែដឹងថា ទឹកដោះម៉ាក់ៗ ជាអាហារសំខាន់បំផុត មានជីវជាតិបំផុតចំពោះកូនទើបកើត ហើយត្រូវគេណែនាំឲ្យបំបៅយ៉ាងហោចណាស់ ៦ ខែ។ បន្ទាប់ពីនោះ យើងអាចបន្ថែមអាហារបំប៉នផ្សេងទៀតឲ្យបេប៊ីបាន ពិសេសទឹកដោះគោស្រស់ ប៉ុន្តែឲ្យទឹកដោះគោទៅអូនៗពេលណាល្អ មានផលប្រយោជន៍អីខ្លះ អាចប៉ះពាល់អីខ្លះ? “Hello គ្រូពេទ្យ’ នឹងលម្អិតក្នុងអត្ថបទនេះ។
មុនឲ្យកូនតូចផឹកដោះគោស្រស់ ចាំបាច់ត្រូវដឹងរឿងទាំងនេះសិន
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
១- គួរឲ្យកូនបោះទឹកដោះគោស្រស់នៅពេលណា?
តាមការណែនាំរបស់សមាគមវេជ្ជបណ្ឌិតឯកទេសផ្នែកកុមារនៅអាមេរិក ប៉ាម៉ាក់មិនគួរឲ្យកូនបៅទឹកដោះគោស្រស់នោះទេ លុះត្រាតែអូនៗមានអាយុលើសពី ១ ឆ្នាំ។ ការពិតទឹកដោះគោធម្មតា បង្កផលវិបាកដល់បេប៊ីដើម្បីរំលាយអាហារបានទាំងស្រុង បើធៀបនឹងទឹកដោះម៉ាក់ ឬម្សៅទឹកដោះគោសម្រាប់ទារក ដោយសារតែទឹកដោះគោស្រស់ មានផ្ទុកកំហាប់ជាតិរ៉ែ និងប្រូតេអ៊ីនខ្ពស់ អាចបង្កគ្រោះថ្នាក់ដល់តម្រងនោមបេប៊ីដែលនៅខ្ចី ក៏ដូចជាប៉ះពាល់ប្រព័ន្ធរំលាយអាហារទៀងផង។
មុនសម្រេចចិត្តឲ្យកូនយើង បៅទឹកដោះគោស្រស់ ត្រូវថ្លឹងថ្លែងឲ្យបានច្បាស់ ព្រោះក្នុងទឹកដោះគោស្រស់ពុំមានជាតិដែក វីតាមីន C និងសារជាតិផ្សេងទៀតគ្រប់គ្រាន់ សម្រាប់ទារកលូតលាស់ប្រកបដោយសុខភាពល្អនោះទេ។ បែបនេះ អាចបង្កឲ្យអូនៗកើតជំងឺកង្វះអាហារូបត្ថម្ភ ដូចជា ជំងឺស្លេកស្លាំង ដោយសារខ្វះជាតិដែកជាដើម។ មិនតែប៉ុណ្ណោះ ទឹកដោះគោស្រស់ ពុំផ្តល់សារជាតិខ្លាញ់ល្អ សម្រាប់ការលូតលាស់សម្រាប់ក្មេងដូចគ្នា។
យ៉ាងណា បើសិនជាកូនអាចទទួលយកទឹកដោះគោធម្មតាបានហើយ ជារឿងល្អ យើងអាចបន្ថែមរបបអាហារ ជាមួយផ្លែឈើ បន្លែ សាច់និងគ្រាប់ធញ្ញជាតិបាន។
២- ហេតុផលគួរឲ្យទឹកដោះគោស្រស់ទៅកូន
ទឹកដោះគោស្រស់ ជាប្រភពនៃជាតិកាល់ស្យូមធម្មជាតិ ជួយពង្រឹងឆ្អឹង និងធ្មេញ ជួយគ្រប់គ្រងតុល្យភាពនៃកំណកឈាម សាច់ដុំ និងការលូតលាស់ឆ្អឹងផងដែរ។ ក្នុងទឹកដោះគោ មានវីតាមីន D ជួយរាងកាយក្នុងស្រូបយកកាល់ស្យ៉ូមកាន់តែល្អ និងមានប្រូតេអ៊ីន កាបូអ៊ីដ្រាត ជួយដល់ការលូតលាស់រាងកាយ និងផ្តល់ថាមពលចាំបាច់ក្មេងត្រូវការ។ សារជាតិល្អៗទាំងនេះ សុទ្ធតែមានក្នុងទឹកដោះគោស្រស់ បើអូនបានផឹកទឹកដោះគោគ្រប់គ្រាន់រាល់ថ្ងៃ នឹងមិនងាយជួយហានិភ័យជំងឺ ដូចជា លើសឈាម ដាច់សរសៃឈាមខួរក្បាល មហារីកពោះវៀនធំ បាក់ឆ្អឹងត្រគាកនៅថ្ងៃអនាគតឡើយ។
អត្ថបទពាក់ព័ន្ធ៖
- ក្មេងតូចទើបចេះដើរ គួរផឹកទឹកមួយថ្ងៃប៉ុន្មានទើបល្អ?
- ចេះរបៀបឆុងម្សៅទឹកដោះគោត្រឹមត្រូវ ទើបអូនៗមិនសូវឈឺ
៣- ម៉ាក់ៗត្រូវឲ្យអូនៗបៅដោះរហូតដល់អាចផឹកទឹកដោះគោឬ?
យោងតាមសមាគមវេជ្ជបណ្ឌិតឯកទេសផ្នែកកុមារនៅអាមេរិក ម៉ាក់ៗនៅតែអាចបំបៅដោះកូនបាន ទោះបីជាកូនអាចចាប់ផ្តើមផឹកទឹកដោះគោស្រស់ក៏ដោយ។
៤- ក្មេងរងប្រតិកម្មអត់ពេលផឹកទឹកដោះគោស្រស់?
ប្រតិកម្មពីទឹកដោះគោស្រស់ទៅលើសុខភាពអូនៗ អាចនឹងមាន ខណៈរោគសញ្ញាសំខាន់ៗនៃប្រតិកម្មជាមួយទឹកដោះគោមានដូចជា៖
– កន្ទួលឬកន្ទាលត្រអាកជាពិសេសនៅបរិវេនមាត់ឬចង្ការ
– ឈឺពោះ
– រាក
– ក្អួត
– ហើម
– រមាស់
ត្រូវនាំកូនទៅមន្ទីរពេទ្យឲ្យបានលឿនបំផុតក្នុងករណី៖
– ក្មេងស្លេក ឬអស់កំលាំងខ្លាំង
– ឡើងកន្ទាលត្រអាកពេញខ្លួន
– ហើមនៅក្បាល ឬក
– រាកមានឈាម
បើសិនមានបញ្ហាណាមួយពាក់ព័ន្ធរឿងឲ្យទឹកដោះគោទៅកូន ឬគិតថាកូនអាចមានប្រតិកម្ម ឬខ្វះអាហារូបត្ថម្ភ សូមទៅពិគ្រោះជាមួយពេទ្យឲ្យបានលឿនតាមតែអាចធ្វើបាន ដើម្បីចៀសវាងផលវិបាកដទៃទៀត។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម