ទារកទើបកើត គួរឲ្យបៅប៉ុន្មានដងក្នុងមួយថ្ងៃ?

ត្រួតពិនិត្យដោយ | ដោយ

កែសម្រួលចុងក្រោយនៅថ្ងៃទី 11/10/2019
Share now

ម៉ាក់​ៗ​ជាច្រើន​ប្រាកដជា​ចង់​ដឹង​ថា តើ​គួរឲ្យ​ទារក​បៅ​ប៉ុន្មាន​ដង​ក្នុង​មួយ​ថ្ងៃ។ ទាក់ទិននឹង​បញ្ហា​នេះ លោកស្រី​វេជ្ជបណ្ឌិត ជា ម៉ារី ប្រធាន​ស្ដីទី​ កម្មវិធី​ជាតិ​អាហារូបត្ថម្ភ នៃ​ក្រសួង​សុខាភិបាល បាន​ឲ្យ​ដឹង​ថា បញ្ហា​នេះ​មិន​អាច​កំណត់​បាន​ឡើយ។

ថ្លែង​ក្នុង​កម្មវិធី Vitabiotics-Education Meet 2019 កាលពីពេលកន្លងទៅ លោកស្រី​បានបញ្ជាក់ថា ការ​ឲ្យ​ទារក​បៅ​មិន​គួរ​កំណត់​ម៉ោង​ឡើយ​ពេល​ទារក​ទើប​នឹង​កើត ពោល​ពេលណា​កូន​ឃ្លាន គឺ​អាច​ឲ្យ​បៅ​បាន។ តែ​ប្រសិនបើ​កូន​មិន​យំ​ទារ​បៅ​ អាច​ឲ្យ​កូន​បៅ ២-៣ ម៉ោង​ម្ដង និង​បំបៅ​កូន​យ៉ាង​ហោច​ណាស់​ក៏​ជាង ១៣ ដង/ថ្ងៃ ហើយ​ប្រសិនបើ​កូន​យើងមាន​តម្រូវ​ការ​បន្ថែម​​ទៀត អាច​លៃលក​តាម​នោះ​បន្ថែម​ទៀត។

លោកស្រី​វេជ្ជបណ្ឌិត​បាន​បញ្ជាក់​ថា កាលណាទារក​បៅ​ដោះ​ម្ដាយ​កាន់តែ​ច្រើន​ កាន់តែ​ល្អ​ចំពោះ​សុខភាព សាច់​ឈាម​ភ្លឺ​ថ្លា ហើយ​ទឹកដោះម្ដាយ​​អាច​ទប់ស្កាត់​ជំងឺ​មួយចំនួន​ថែម​ទៀត​ផង។

ទាក់ទង​នឹង​ពេល​យប់​វិញ ត្រូវ​បំបៅ​ប៉ុន្មាន​ដង លោកស្រី​វេជ្ជបណ្ឌិត​បាន​ឲ្យ​ដឹង​ថា អាស្រ័យ​ទៅ​លើ​កូន និង​ម៉ាក់​ៗ ប្រសិនបើ​ម៉ាក់​ៗ​សម្បូរ​ទឹកដោះ​កូន​បៅ ២-៣ ដង/​យប់។ ចំណែក​ពេល​កូន​ចូល​ដល់​វ័យ​ចេះ​ញ៉ាំ អាច​ធ្លាក់​ចុះ​ចំនួន​បៅ​ខ្លះ ព្រោះ​ពួកគេឆ្អែត​ដោយសារ​ចំណី​ខ្លះៗ ហើយ​បៅ​បន្ថែម​តែ​បន្តិច​ប៉ុណ្ណោះ។ រីឯ​ក្មេង​បៅ​ទឹកដោះ​គោ​វិញ ម៉ាក់​ៗ​អាច​អាន​តាម​ការ​ណែនាំ​របស់​ផលិតផល​គេ​ដែល​មាន​សរសេរ​ច្បាស់លាស់​ទៅ​តាម​វ័យ​ទារក។

បំបៅដោះ

វេជ្ជបណ្ឌិត ជា ម៉ារី ក៏​បាន​ណែនាំ​ដល់​ម៉ាក់​ៗ​ដែល​មិន​ចង់​អត់​ងងុយ​ក្រោក​ឲ្យ​កូន​បៅ​ច្រើនដង ត្រូវ​ព្យាយាម​ញ៉ាំ​អាហារ​ដែល​ជួយ​ដល់​ការ​ផលិត​ទឹកដោះ​ឲ្យ​បាន​រាល់ថ្ងៃ ទើប​បៅ​បាន​យូរ និង​ឆ្អែត​លែង​សូវ​យំ ហើយ​គួរតែ​បំបៅ​កូនទាល់តែ​លែង​មាន​ទឹកដោះ​ចេញ ចាំ​ដូរ ទៅ​ម្ខាង​ទៀត។ ក្រៅពី​នោះ ត្រូវ​យក​ចិត្ត​ទុកដាក់​បំបៅកូន ដោយ​ដាក់មាត់​កូន​ចំ​ក្បាលដោះ ចៀសវាង​ហៀរ​ទឹកដោះ​ចោល​។

អត្ថបទពាក់ព័ន្ធម៉ាក់ៗអត់ក្បាលដោះ កូនពិបាកបៅ អាចសាកវិធីនេះបាន

ក្នុង​ករណី​មាន​សំណួរ​ ឬ​មន្ទិល​សង្ស័យ​ជុំវិញ​បញ្ហា​សុខភាព​អ្នក​ ជម្រើស​ល្អ​បំផុត ​សូម​ពិគ្រោះ​ និង​ប្រឹក្សា​យោបល់​ផ្ទាល់​ជាមួយ​ពេទ្យ​ជំនាញ។ Hello Health Group មិន​ចេញ​វេជ្ជបញ្ជា​ មិន​ធ្វើ​រោគ​វិនិច្ឆ័យ​ ឬ​ព្យាបាល​ជូន​ទេ៕

អត្ថបទពាក់ព័ន្ធ:

    អត្ថបទនេះមានប្រយោជន៍ចំពោះអ្នកដែរទេ?
    happy unhappy"

    អ្នកអាចចូលចិត្ត

    ពិតអត់ ស្រីៗសម្រាលកូនរួច ញ៉ាំក្បាលជ្រូក ផ្នែខ្នុរ ធ្វើឲ្យទាស់?

    សម្រាលកូន - ចាស់ៗ​ពី​ដើម​តឹង​តែង​ខ្លាំង​ណាស់​ចំពោះ​របប​អាហារ​ស្ត្រី​ក្រោយ​សម្រាល​កូន​រួច បារម្ភ​ខ្លាច​ញ៉ាំ​ទៅ​ជា​ទាស់ នាំ​ទុក្ខ​ដល់​ខ្លួន និង​កូន​ទើប​កើត។

    ត្រួតពិនិត្យដោយ ចាន់ ស៊ីណេត
    ដោយ ដេត ធន្នី

    ទាំងនេះជាមូលហេតុនាំឲ្យកើតផ្កាស្បូន​ និងវិធីព្យាបាល

    ផ្កាស្បូន​ - ផ្កាស្បូន​ជា​ជំងឺ​សើ​ស្បែក​ម្យ៉ាង​ដែល​ចេញ​ជា​ដុំ​ស​តូចៗ ហើយ​ភាគ​ច្រើន​កើត​នៅ​បរិវេណ​ភ្នែក មាន​លើ​ត្របក​ភ្នែក ក្រោម​ភ្នែក និង​លើ​ទ្រូង។

    ត្រួតពិនិត្យដោយ ចាន់ ស៊ីណេត
    ដោយ ដេត ធន្នី

    ហេតុអ្វីក្រោយសម្រាលកូន ពេទ្យឲ្យម៉ាក់ៗលេបថ្នាំទម្លាក់សត្វល្អិត?

    សម្រាលកូន-ជឿ​ថា​មាន​ម៉ាក់​ៗ​ជាច្រើន​មិន​ដឹង​ទេ​ថា ក្រោយ​សម្រាល​កូន​រួច​ពេទ្យ​បាន​ចេញ​វេជ្ជបញ្ជា​ឲ្យ​លេប​ថ្នាំ​ទម្លាក់​សត្វ​ល្អិត​ចេញ។ លោក​វេជ្ជបណ្ឌិត ...

    ត្រួតពិនិត្យដោយ ចាន់ ស៊ីណេត
    ដោយ ទ្រី រ៉ាវី

    នាយករដ្ឋមន្ត្រីអនុញ្ញាតឲ្យពលរដ្ឋខ្មែរចង់វិលចូលស្រុក ពុំចាំបាច់មានវិញ្ញាបនប័ត្របញ្ជាក់សុខភាព

    COVID-19-នៅ​ថ្ងៃ​នេះ​ប្រមុខ​រាជរដ្ឋាភិបាល​សម្ដេច ហ៊ុនសែន បាន​ប្រកាស​អនុញ្ញាត​ឲ្យ​ពលរដ្ឋ​ខ្មែរ​កាន់​លិខិត​ឆ្លង​ដែន​កម្ពុជា ហើយ​ដែល​កំពុង​ធ្វើ​ដំណើរ ឬ​មា...

    ត្រួតពិនិត្យដោយ ដេត ធន្នី
    ដោយ ទ្រី រ៉ាវី