បន្ទុកក្នុងការមានកូនគឺខ្លាំងណាស់ ដែលឳពុកម្តាយជាច្រើននាក់បានអះអាងថាពួកគាត់បាត់បង់អស់សេរីភាព មិនដូចកាលនៅលីវ និងខ្លះគិតថាប្រហែលជាធ្វើឲ្យខ្លួនមានអាយុខ្លីផង ដោយសារតែកូនបង្កបញ្ហាច្រើន។ ផ្ទុយទៅវិញ ការសិក្សាបានបង្ហាញថាអាយុកាលរបស់មនុស្សម្នាក់ៗតាមពិតទៅត្រូវបានបន្លាយឲ្យវែងដោយសារតែភាពជាឳពុកម្តាយនោះឯង។ ប្រការនេះអាចនឹងស្តាប់ទៅគួរឲ្យចង់សើចសម្រាប់ឳពុកម្តាយដែលបានជួបប្រទះ និងឆ្លងកាត់រឿងលំបាកច្រើន ហើយនៅតែស៊ូទ្រាំទ្រនឹងបន្ទុកនៃការចិញ្ចឹមកូនទាំងលំបាក តែការពិតនៅតែជាការពិត។
ចង់ចាកចេញពី Hellokrupet?
ប្រាកដហើយថា អ្នកចង់ចាកចេញ?
ម៉ាក់ៗប៉ាៗជឿអត់ ថាមានកូនជួយឲ្យអាយុវែង?
១- ការស្រាវជ្រាវ និងលទ្ធផលដ៏គួរឲ្យភ្ញាក់ផ្អើល
វេជ្ជបណ្ឌិត Karin Modig នៃវិទ្យាសា្ថន Karolinska ក្នុងប្រទេសស៊ុយអែតបានធ្វើការសិក្សាដើម្បីស្វែងរកចម្លើយទៅនឹងសំណួរថាតើអ្នកជាឳពុកម្តាយពិតជារស់នៅបានកាន់តែយូរជាងមនុស្សនៅលីវមែនទេ។ ក្រោយពីវិភាគមូលដ្ឋានទិន្នន័យនៃប្រជាជនស៊ុយអែតហើយ បានរកឃើញថានៅចន្លោះឆ្នាំ១៩១១ និងឆ្នាំ ១៩២៥ បុរសដែលមានកូនអាចរស់នៅបានពីរឆ្នាំយូរជាងបុរសដែលគ្មានកូន។ ចំណែកភាពខុសគ្នានៅលើស្ត្រីគឺ ១,៥ ឆ្នាំ។
ការស្រាវជ្រាវមួយផ្សេងទៀតត្រូវបានធ្វើឡើងដោយសាស្ត្រាចារ្យ Esben Agerbo និងសហសេវិករបស់គាត់។ ពួកគាត់សម្លឹងមើលទៅក្នុងគូស្វាមីភរិយាគ្មានកូនសរុបចំនួន ២១ ២៧៦ នាក់ដែលបានទៅគ្លីនិចបង្កកំណើតសប្បនិមិត្តនៅឆ្នាំ ១៩៩៤ និងនៅត្រឹមឆ្នាំ ២០០៥ មានស្ត្រី ៩៦ នាក់ និងបុរស ២២០ នាក់បានស្លាប់។ ចេញពីការស្រាវជ្រាវនេះ គេអាចធ្វើការសន្និដ្ឋានថាស្ត្រីដែលគ្មានកូនទំនងឆាប់ស្លាប់ជាងស្រ្តីដែលមានកូន ហើយបុរសដែលគ្មានកូនក៏ទំនងជាឆាប់ជាងពីរដងធៀបនឹងអ្នកទាំងឡាយណាដែលមានកូន។
អត្ថបទពាក់ព័ន្ធ៖
- បញ្ចេញញើសច្រើន ខ្វះជាតិទឹក ញ៉ាំភេសជ្ជៈទាំងនេះបំពេញជាតិទឹកបានលឿន
- អាកាសធាតុក្ដៅ ញ៉ាំបន្លែ ផ្លែឈើ ទាំងនេះអាចជួយបំពេញជាតិទឹកបានល្អ
- ត្រូវដឹង ក្មេងខ្វះជាតិទឹកមានអីសម្គាល់?
- ហេតុផល ៥ យ៉ាង បង្កឲ្យមានអាការៈឈឺក្បាលពេលកំពុងធ្វើការងារ
២- ហេតុផលនៅពីក្រោយ
– នៅលើចំណុចសរីរវិទ្យា
វេជ្ជបណ្ឌិត Modig បានស្នើឡើងជាយោបល់នូវលទ្ធភាពអាចទៅរួចនៃបែបផែនរស់នៅប្រកបដោយសុខភាពល្អរបស់ឳពុកម្តាយ បើធៀបទៅនឹងមនុស្សដែលគ្មានកូន។ ឧទាហរណ៍ ឳពុកម្តាយបង្កើតបានទម្លាប់ប្រចាំថ្ងៃ ប្រកបដោយសុខភាពល្អរបស់ពួកគាត់ ដូចជា ចូលគេងពីព្រលប់ ហើយមានដំណេកបានកាន់តែច្រើន ព្រោះពួកគាត់សន្សំកម្លាំងមើលថែ ឬបញ្ចុកអាហារកូន។
ចំណែកស្ត្រីក៏មានទំនោរនឹងបំបាត់ចោលផងដែរនូវទម្លាប់អាក្រក់របស់ពួកគាត់ ឬការជក់បារី ព្រោះជាម៉ាក់ត្រូវតែ បំបៅដោះ កូន។ ក៏មានទ្រឹស្តីផងដែរដែលស្នើលើកឡើងជាយោបល់មកថា ការមានកូនបានកាត់បន្ថយហានិភ័យនៃ មហារីក នៅលើស្ត្រី។ ដោយឳពុកម្តាយកាន់តែចាស់ កូនក៏ព្យាយាមធានាឲ្យប្រាកដថាប៉ាម៉ាក់ខ្លួនមានសុខភាពល្អដោយផ្តល់ជាជំនួយគាំពារផ្នែកវេជ្ជសាស្ត្រ និងផ្លូវចិត្ត។ ភាពគ្មានកូន និយាយម្យ៉ាងវិញទៀត អាចជាសញ្ញាដែលមនុស្សម្នាក់ងាយរងគ្រោះនឹងបញ្ហាប្រឈមផ្នែកសង្គម និងផ្លូវកាយ។ ដំណើរការនេះត្រូវបានគេហៅថាជម្រើសដោយធម្មជាតិ។
– នៅលើចំណុចខាងចិត្តសាស្ត្រ
ឳពុកម្តាយដែលកាន់តែចាស់ទៅក៏បានផលចំណេញដែរពីអន្តរកម្មប្រាស្រ័យទាក់ទងសង្គម នេះបើយោងតាមវេជ្ជបណ្ឌិត Gisele Wolf-Klein នាយកផ្នែកការអប់រំស្តីអំពីមនុស្សចាស់នៅបណ្តាញថែទាំសុខភាព Northwell Health ក្នុងតំបន់ Great Neck ទីក្រុងញូយ៉ក។ លោកបានសង្កត់ធ្ងន់ទៅលើភាពសំខាន់ជាដុំកំភួននៃការពាក់ព័ន្ធផ្នែកសង្គមទៅលើការវិវត្តទៅរកភាពចាស់ប្រកបដោយសុខភាពល្អ។ ដោយមនុស្សមានចរិតលក្ខណៈជាសត្វសង្គម យើងរីកចម្រើនលូតលាស់ដុះដាលទៅលើភាពជាគូកន។ មិនថាប្រសិនបើសម្ព័ន្ធភាពជាមួយកូនល្អ ឬអាក្រក់នោះទេ ការមានកូនថែរក្សាឳពុកម្តាយឲ្យរស់មានជីវិតទាំងផ្លូវចិត្តរ និងផ្លូវអារម្មណ៍ល្អ។ ជាពិសេស សម្រាប់ឳពុកឬម្តាយជាអ្នកដែលមិនបានរៀបការ ពួកគេពឹងផ្អែកអាស្រ័យយ៉ាងខ្លាំងក្លាទៅលើកូនរបស់ពួកគេនៅត្រង់ចំណុចផ្លូវអារម្មណ៍ដោយសារតែអវត្តមាននៃដៃគូរបស់ពួកគេ។ ឳពុកម្តាយជារឿយៗរំពឹងទុកថាកូនខ្លួននឹងគាំពារជ្រោមជ្រែងពួកគេពេលចាស់ទៅ ហើយពួកគេបានបង្ហាញឃើញពិតថាវាមានប្រយោជន៍ជួយបានមែន។
៣- មនុស្សអត់កូនធ្វើម៉េចដើម្បីពន្យារអាយុឲ្យវែង ?
ការដែលនៅលីវមិនមែនមានន័យថាម្នាក់អាចផ្សារភ្ជាប់ខ្លួនគេទៅនឹងសហគមន៍បាននោះឡើយ។ ការចូលរួមនៅក្នុងកម្មវិធីសហគមន៍អាចជួយផ្តល់ដល់អ្នកទាំងនោះនូវជំនួយគាំទ្រដែលត្រូវបាន ដូចអ្នកមានកូន រំពឹងទុកពីកូនស្រី ឬកូនប្រុសដែរ។ ការធ្វើការងារស្ម័គ្រចិត្ត និងការកសាងក្រុមគ្រួសារដោយខ្លួនឯងអាចជួយអ្នកគ្មានកូនឲ្យពង្រីកអាយុកាលរស់នៅបានយូរ ហើយរស់នៅក្នុងជីវិតដ៏កាន់តែរីករាយដែរ។
គណនា BMI
ប្រើរង្វាស់សុខភាពBMI ដើម្បីគណនារាងកាយ ទម្ងន់ និងកម្ពស់សមសួន និងសុខភាពល្អ
ប្រុស
ស្រី
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ប្រភព
Why Do Parents Live Longer Than Childless People? http://www.iflscience.com/health-and-medicine/why-do-parents-live-longer-than-childless-people/ Accessed March 20, 2017
The Secret to a Longer Life? Children. http://www.webmd.com/parenting/news/20121204/secret-longer-life-children/ Accessed March 20, 2017
Having Children Beneficial to Living Longer? https://www.psychologytoday.com/blog/iage/201410/having-children-beneficial-living-longer-0/ Accessed March 20, 2017