ក្មេងទល់លាមកអាចជារឿងដែលគួរឲ្យព្រួយបារម្ភមួយសម្រាប់ម៉ាក់ប៉ា ប៉ុន្តែអាការៈនេះបន្ធូរបន្ថយបានតាមរយៈរបបអាហារប្រចាំថ្ងៃរបស់ក្មេង។ អ្វីដែលជាបញ្ហា គឺពេលខ្លះម៉ាក់ប៉ាមិនដឹងថាកូនមានបញ្ហាទល់លាមកទេ ជាពិសេសក្មេងតូចៗ បើក្មេងធំៗអាចប្រាប់ម៉ាក់ប៉ាពីអាការៈឈឺពោះរបស់ពួកគេបាន។
កូនៗទល់លាមកដោយសាររបបអាហារ តើប៉ាម៉ាក់គួរធ្វើម៉េច?
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ភាគច្រើនអាការៈទល់លាមកអាចបង្កដោយរបបអាហារដែលមានជាតិខ្លាញ់ និងជាតិសរសៃទាប។ នេះអាចមកពីផឹកទឹកដោះគោ ឬញ៉ាំផលិតផលធ្វើពីទឹកដោះគោច្រើនពេក ហើយមិនញ៉ាំបន្លែ និងផ្លែឈើ។ ការផ្លាស់ប្ដូររបបអាហារក្មេងដែលអាចបន្ថយការទល់លាមកបានរួមមានការឲ្យក្មេងញ៉ាំទឹកដោះគោមានជាតិខ្លាញ់តិច ឬទឹកសណ្ដែកប្រសិនជាក្មេងមានអាយុ២ឆ្នាំឡើងទៅ។ ក្រៅពីផ្លាស់ប្តូរទឹកដោះគោ ម៉ាក់ប៉ាអាចកំណត់បរិមាណទឹកដោះគោដែលកូនផឹកក្នុងមួយថ្ងៃដោយកាត់បន្ថយប្រហែល២កែវក្នុងមួយថ្ងៃ និងចៀសវាងអាហារដែលបង្កឲ្យទល់លាមកដូចជាចេកស្ទើរទុំ និងផលិតផលទឹកដោះគោ (ឈីស យ៉ាអួ និងការ៉េម)។ ប្រសិនជាម៉ាក់ប៉ាផលិតផលធ្វើពីទឹកដោះគោដោយសារបញ្ហាទល់លាមក ម៉ាក់ប៉ាត្រូវប្រាកដថាបន្ថែមអាហារដែលសម្បូរកាល់ស្យូមដូចជាភេសជ្ជៈដែលបន្ថែមកាល់ស្យូម។
មួយវិញទៀត បើកូនទល់លាមក ម៉ាក់ប៉ាគួរកំណត់ការញ៉ាំការ៉ុត និងអាហារដែលមានជាតិខ្លាញ់ច្រើនដូចជាដំឡូងបារាំងបំពង និងអាហារកែច្នៃផ្សេងទៀត។ យកល្អគួរបន្ថែមបរិមាណជាតិសរសៃទៅក្នុងរបបអាហារ និងឲ្យកូនផឹកទឹកឲ្យបានច្រើនជារៀងរាល់ថ្ងៃ ជាពិសេសទឹក ផ្លែប៉ោម និងផ្លែសារីជាដើម។
អាហារ និងភេសជ្ជៈដែលអាចបង្ការការទល់លាមកបានរួមមានផ្លែឈើស្រស់ដែលអាចញ៉ាំទាំងសម្បកបានដូចជាផ្លែឈើ និងផ្លែទំពាំងបាយជូរ ឬផ្លែឈើមានជាតិទឹកច្រើនដូចជាផ្លែឪឡឹក និងផ្លែត្រសក់ផ្អែម។ អាហារដែលសម្បូរជាតិសរសៃច្រើនមានបន្លែ គ្រាប់សណ្ដែក ទំពាំងបាយជូរក្រៀម និងស៊ុបបន្លែ។
ម៉ាក់ប៉ាគួរមើលស្លាកសញ្ញាអាហារដើម្បីដឹងថាអាហារណាមានជាតិសរសៃច្រើន និង គួរពិគ្រោះជាមួយនឹងគ្រូពេទ្យដើម្បីព្យាបាល និងបង្ការអាការៈទល់លាមកព្រោះពេលខ្លះការទល់លាមកមិនមែនបង្កដោយរបបអាហារទេ។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម