ចម្ងល់នានាជុំវិញជំងឺរលាកថ្លើម យើងគួរតែដឹងទាំងអស់គ្នា

ត្រួតពិនិត្យដោយ | ដោយ

កែសម្រួលចុងក្រោយនៅថ្ងៃទី 28/07/2020 . អាន 3 នាទី
Share now

ជំងឺ​រលាក​ថ្លើម​មាន​ច្រើន​ប្រភេទ​ណាស់ ហើយ​ជំងឺ​រលាក​ថ្លើម​ប្រភេទ​ខ្លះ​កើត​មាន​ច្រើន​លើ​ពលរដ្ឋ​កម្ពុជា​យើង បង្ក​គ្រោះ​ថ្នាក់​ធ្ងន់ធ្ងរ​ដល់​សុខភាព។ ដើម្បី​ជា​ចំណេះ​ដឹង​ខ្លះៗ លោក​សាស្ត្រាចារ្យ មហា​បរិញ្ញា អ៊ុង ចក្រាវុធ ឯកទេស​ជំងឺ​ថ្លើម ក្រពះ ពោះវៀន នឹង​បក​ស្រាយ​នូវ​ចម្ងល់​មួយ​ចំនួន​ជុំវិញ​ជំងឺ​រលាក​ថ្លើម ខាង​ក្រោម​នេះ។

សំណួរទី១. ជំងឺ​រលាក​ថ្លើម​បង្ក​ឡើង​ដោយសារ​មូលហេតុ​អីខ្លះ? ជំងឺ​រលាកថ្លើម​ប្រភេទ​ណា​ដែល​កើត​មាន​ញឹក​ញាប់​ជាង​គេ?

សាស្ត្រាចារ្យ៖ ជំងឺ​រលាក​ថ្លើម​មាន​ច្រើន​ប្រភេទ មាន​រលាក​ថ្លើម​ដោយសារ​វីរុស មាន​រលាក​ថ្លើម A, B, C មាន​ជំងឺ​រលាក​ថ្លើម​ខ្លះ​ដោយ​សារ​ខ្លាញ់ កាលណា​ធាត់​ដុំ​ក្បាល​ពោះ​ធំ​ទៅ ខ្លាញ់​ចូល​ក្នុង​ថ្លើម ឲ្យ​រលាក​ថ្លើម រលាក​ថ្លើម​ដោយសារ​ស្រា រលាក​ថ្លើម​ដោយសារ​ថ្នាំ​ពេទ្យ។ ក្នុង​នោះ​ជំងឺ​រលាក​ថ្លើម​ដែល​កើត​ឡើង​ញឹក​ញាប់​ជាងគេ មាន​ជំងឺ​រលាក​ថ្លើម​​ប្រភេទ B និង C បង្ក​ឡើង​ដោយ​វីរុស ហើយ​ជា​ជំងឺ​រ៉ាំរ៉ៃ មាន​ផល​វិបាក​ធ្ងន់ធ្ងរ​ទៅ​ថ្ងៃ​ក្រោយ ឲ្យ​ក្រិន​ថ្លើម និង​កើត​មហារីក​ថ្លើម

សំណួរទី២. ជំងឺ​រលាក​ថ្លើម​ប្រភេទ​ណា​ខ្លះ​មាន​វ៉ាក់សាំង​ការពារ?

សាស្ត្រាចារ្យ៖ ជំងឺ​រលាក​ថ្លើម​ប្រភេទ​ A និង B ​មាន​វ៉ាក់សាំង​ចាក់​ការពារ ដោយ​ឡែក​ជំងឺ​រលាក​ថ្លើម​ប្រភេទ C វិញ​មិន​ទាន់​មាន​វ៉ាក់សាំង​ចាក់​ការពារ​នោះ​ទេ។

សំណួរទី៣. ​តើជំងឺ​រលាក​ថ្លើម​ប្រភេទ​ណា​ខ្លះ​អាច​ព្យាបាល​ជា?

សាស្ត្រាចារ្យ៖ ជំងឺ​រលាក​ថ្លើម​ប្រភេទ B មិន​ទាន់​មាន​ថ្នាំ​ព្យាបាល​ឲ្យ​ជា​នោះ​ទេ​នៅ​លើ​ពិភព​លោកហ្នឹង ថ្នាំ​ដែល​ព្យាបាល​វា គឺ​គ្រាន់​តែ​ទប់​មេរោគ​មិន​ឲ្យ​រីក​រាល ឬ​កើន​ឡើង​ចំនួន​មេរោគ​នៅ​ក្នុង​ឈាម ដើម្បី​កាត់​បន្ថយ​នូវ​ផល​វិបាក។ ចំណែក​ឯ​ជំងឺ​រលាក​ថ្លើម​ប្រភេទ C វិញ មិន​មាន​វ៉ាក់សាំង​ចាក់​ការពារ​នោះ​ទេ តែ​បច្ចុប្បន្នមាន​ថ្នាំ​អាច​ព្យាបាល​ឲ្យ​ជា​សះ​ស្បើយ។

សំណួរទី៤. ជំងឺ​រលាក​ថ្លើម​អាច​ឆ្លង​តាម​អ្វី​ខ្លះ?

សាស្ត្រាចារ្យ៖ ជំងឺ​រលាក​ថ្លើម​មាន​ច្រើន​ប្រភេទ ហើយ​ការ​ចម្លង​ក៏​ខុស​គ្នា​ដែរ។ ជំងឺ​រលាក​ថ្លើម​ប្រភេទ A បង្ក​ឡើង​ដោយ​វីរុស​ម្យ៉ាង តែ​វា​មិន​បង្ក​ឲ្យ​មាន​គ្រោះថ្នាក់​អី​ទេ ភាគ​ច្រើន​វា​រលាក​ហើយ​វា​ជា​ខ្លួន​វា ហើយ​ជំងឺ​រលាក​ថ្លើម​ប្រភេទ A អាច​ឆ្លង​តាម​ការ​បរិភោគ ឬ​ទឹក​កខ្វក់។ ជំងឺ​រលាក​ថ្លើម​ប្រភេទ B អាច​ឆ្លង​តាម​ការ​ប៉ះពាល់​ឈាម-ទឹករងៃ​អ្នក​ជំងឺ ឆ្លង​ពី​ម្តាយ​ដែល​មាន​ផ្ទុក​មេរោគ​ទៅ​កូន ឆ្លង​តាម​ការ​រួមភេទ ឆ្លង​តាម​ការ​ប្រើប្រាស់​សម្ភារៈ ឬ​វត្ថុ​មុត​ស្រួច​រួមគ្នា ដែល​មាន​ការ​ដាច់​រលាត់​ចេញ​ឈាម។ ចំណែក​ឯ​ជំងឺ​រលាក​ថ្លើម​ប្រភេទ C អាច​ឆ្លង​បាន​តាម​រយៈ​ការ​ប៉ះពាល់​ជាមួយ​នឹង​ឈាម ទឹក​រងៃ ការ​មុត​ដាច់​ស្បែក ការ​រួមភេទ​ដោយ​មិន​មាន​ប្រើ​ស្រោម​អនាម័យ ការ​ប្រើ​ប្រាស់​វត្ថុ​មុត​ស្រួច​ចាក់​ឆ្លង​កាត់​ស្បែក…។

សំណួរទី៥. លោក​សាស្ត្រាចារ្យ បើ​កើត​រលាក​ថ្លើម​យូរៗ អាច​បង្ក​ទៅ​ជា​មហារីក​ថ្លើម​ទេ?

សាស្ត្រាចារ្យ៖ រាល់​ការ​រលាក​ថ្លើម​ទាំងអស់ មិន​ថា​ប្រភេទ A, B ឬ C នោះ​ទេ ទោះ​ជា​ដោយសារ​មូលហេតុ​អ្វី​ក៏​ដោយ គឺ​អាច​វិវត្ត​ទៅ​ជា​ជំងឺ​ក្រិន​ថ្លើម និង​មហារីក​ថ្លើម ហើយ​អាច​ឆក់​យក​ជីវិត​អ្នក​ជំងឺ​បាន។ បើ​និយាយ​ពី​ជំងឺ​ថ្លើម​ប្រភេទ B វិញ គ្រោះថ្នាក់​ខ្លាំង​ណាស់ គឺ​អាច​វិវត្ត​ទៅ​ជា​ជំងឺ​មហារីក​ថ្លើម​តែ​ម្តង ដោយ​មិន​ឆ្លង​កាត់​ជំងឺ​ក្រិន​ថ្លើម តែ​ជា​ភ័ព្វសំណាង ជំងឺ​រលាក​ថ្លើម​ប្រភេទ B មាន​វ៉ាក់​សាំង​ការពារ ថ្វី​ត្បិត​តែ​មិន​មាន​ថ្នាំ​ព្យាបាល​ឲ្យ​ជា​ដាច់​ក៏​ដោយ។

សំណួរទី៦. ផឹកស្រាអាច​ប៉ះពាល់​ដល់​ថ្លើម​ តើប៉ះពាល់កម្រិតណាដែរលោកសាស្ត្រាចារ្យ?

សាស្ត្រាចារ្យ៖ រលាក​ថ្លើម​ដោយសារ​ស្រា ជា​បញ្ហា​មួយ​គួរ​ឲ្យ​ចាប់​អារម្មណ៍ ដោយ​សារ​ពលរដ្ឋ​កម្ពុជា​បច្ចុប្បន្ន​ចូល​ចិត្ត​ផឹកស្រា ស្រាបៀរ មិន​ចាស់ ឬ​ក្មេង​ទេ។ គ្រឿង​ស្រវឹង​ទាំង​អស់​នេះ​អាច​បង្ក​ឲ្យ​មាន​ការ​រលាក​ថ្លើម​ទៅ​ថ្ងៃ​អនាគត បើ​សិន​ជា​យើង​ផឹក​ច្រើន​លើស​កំណត់ និង​រយៈពេល​យូរ។ ប្រសិន​បើ​យើង​មាន​វីរុស​ថ្លើម​ប្រភេទ B & C ហើយ​ផឹក​ស្រា​បន្ថែម​ទៀត រឹត​ពន្លឿន​ការ​វិវត្ត​ជំងឺ​ថ្លើម​កាន់​តែ​ឆាប់ ឈាន​ទៅ​រក​ជំងឺ​ក្រិន​ថ្លើម និង​មហារីក​ថ្លើម។

ខាង​ក្រោម​​នេះ​​ជា​​​បទ​សម្ភាស​​លម្អិត​​អំពី​​ជំងឺ​​រលាក​ថ្លើម ជាមួយ​​នឹង​​លោក​សាស្ត្រាចារ្យ​វេជ្ជបណ្ឌិត អ៊ុង ចក្រាវុធ ទីប្រឹក្សា​បច្ចេកទេស​ផ្នែក​ថ្លើម ក្រពះពោះវៀន នៅ​មន្ទីរពេទ្យ​កាល់ម៉ែត។

លម្អិតពីជំងឺរលាកថ្លើមប្រភេទ A B និង C

ពេទ្យបកស្រាយលម្អិតពីជំងឺរលាកថ្លើមប្រភេត A, B និង C #WorldHepatitisDay2020➡️វីដេអូផ្សេងៗជុំវិញការថែទាំសុខភាព និងសម្រស់៖ bit.ly/hellokrupet-watch-health-beauty

Posted by Hello គ្រូពេទ្យ on Monday, July 27, 2020

ក្នុង​ករណី​មាន​សំណួរ ឬ​មន្ទិលសង្ស័យ​ជុំវិញ​សុខភាព​អ្នក ជម្រើស​ល្អ​បំផុត សូម​ពិគ្រោះ និង​ប្រឹក្សា​យោបល់​ផ្ទាល់​ជាមួយ​ពេទ្យ​ជំនាញ។ Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

អត្ថបទពាក់ព័ន្ធ:

អត្ថបទនេះមានប្រយោជន៍ចំពោះអ្នកដែរទេ?
happy unhappy"

អ្នកអាចចូលចិត្ត

ហេតុផលទាំងនេះហើយបានជាយើងត្រូវរក្សាជាតិទឹកក្នុងរាងកាយឲ្យបានត្រឹមត្រូវ

រក្សាជាតិទឹក - យើង​គ្រប់គ្នា​ដឹង​ហើយ​ថា​ក្នុង​មួយ​ថ្ងៃ​យើង​គួរ​ផឹក​ទឹក​ឲ្យ​បាន​ច្រើន ប៉ុន្តែ​​គ្នាយើង​ដឹង​ទេ​ថា​មក​ពី​មូលហេតុ​អ្វី...

ត្រួតពិនិត្យដោយ ចាន់ ស៊ីណេត
ដោយ ថាត់ រ័ត្នមូនីតា

កុំប្រហែស! ក្លិនមាត់អាចបញ្ជាក់ពីជំងឺផ្សេងៗទាំងនេះ ក្រៅពីបញ្ហាក្នុងប្រអប់មាត់

ក្លិនមាត់ - គ្មានអ្នកណាចង់មានក្លិនមាត់ទេ ហើយបញ្ហា​នេះច្រើន មាន​​ប្រភព​មក​ពី​ក្នុង​មាត់ និង​មាន​កត្តា​ជំងឺ​ផ្សេងៗ​ក្រៅ​ពី​ប្រអប់​មាត់​ដូច​...

ត្រួតពិនិត្យដោយ ចាន់ ស៊ីណេត
ដោយ នាង សុខុមដាលីញ៉ា

មក​ដឹង​ពី​ដំណាក់កាលព្យាបាលជំងឺរលាកថ្លើមប្រភេទ B មិនឲ្យមេរោគរាលដាលខ្លាំង

រលាកថ្លើម B - វីរុស​រលាក​ថ្លើម​ប្រភេទB ​ក៏​ជា​មូល​ហេតុ​ចម្បង​ដែល​បង្ក​ជា​មហារីក​ថ្លើម ហើយការព្យាបាលមាន២ដំណាក់កាលសំខាន់គឺ...

ត្រួតពិនិត្យដោយ ចាន់ ស៊ីណេត
ដោយ នាង សុខុមដាលីញ៉ា

កុំស្តាយ! ប្រើខ្លាញ់​ ឬប្រេងសល់ដដែលៗទៅចម្អិនអាហារ គ្រោះថ្នាក់សុខភាពខ្លាំងណាស់

ប្រេង​សល់ - មេផ្ទះ​ដែល​ជា​អ្នក​រៀបចំ​អាហារ​សម្រាប់​គ្រួសារ ពិតជា​ធ្លាប់​ធ្វើ​ម្ហូប​ដែល​យក​ខ្លាញ់​នៅ​សេសសល់​ពី​ធ្វើ​លើក​មុន​ៗ....

ត្រួតពិនិត្យដោយ ចាន់ ស៊ីណេត
ដោយ ទ្រី រ៉ាវី

អត្ថបទគួរអាន

ប៉េងប៉ោះ

ស្មានមិនដល់សោះ ញ៉ាំប៉េងប៉ោះ និង Cranberry ជួយសុខភាពច្រើនយ៉ាងនេះ

ត្រួតពិនិត្យដោយ ចាន់ ស៊ីណេត
ដោយ នាង សុខុមដាលីញ៉ា
ចេញផ្សាយថ្ងៃទី 06/08/2020 . អាន 3 នាទី
មូសខ្លា

៦៦% មូសខ្លាកើតចេញពីជម្រកទាំងនេះ មិនមែនកើតក្នុងពាង ឬអាងទឹកទេ

ត្រួតពិនិត្យដោយ ចាន់ ស៊ីណេត
ដោយ ដេត ធន្នី
ចេញផ្សាយថ្ងៃទី 06/08/2020 . អាន 2 នាទី
ការច្រៀង

អ្នកចូលចិត្តច្រៀង​ច្បាស់ជាញញឹមបិទមាត់មិនជិតទេ បើ​ដឹងពីគុណប្រយោជន៍ទាំងនេះ

ត្រួតពិនិត្យដោយ គឹម កាណែល
ដោយ សន សុភា
ចេញផ្សាយថ្ងៃទី 06/08/2020 . អាន 4 នាទី
គេងមិនគ្រប់គ្រាន់

កុំចេះតែដាច់យប់ពេក គេង​ឲ្យបានគ្រប់គ្រាន់ចៀសវាងបញ្ហាសុខភាពទាំងនេះ

ត្រួតពិនិត្យដោយ ចាន់ ស៊ីណេត
ដោយ ថាត់ រ័ត្នមូនីតា
ចេញផ្សាយថ្ងៃទី 06/08/2020 . អាន 3 នាទី