អាលែកហ្ស៊ីមានប៉ុន្មានប្រភេទ ហើយបង្កឡើងដោយសារអ្វី?

ត្រួតពិនិត្យដោយ | ដោយ

ចេញផ្សាយថ្ងៃទី 15/09/2020 . អាន 2 នាទី
Share now

បើនិយាយពីអាលែកហ្ស៊ីយើង អាចគិតថាជំងឺដែលចេញលើស្បែកបង្កឲ្យរមាស់ ក្រហម។ ប៉ុន្តែលោកវេជ្ជបណ្ឌិតផ្នែកទូទៅ លី ឫទ្ធីគុណ បានបញ្ជាក់ថាជំងឺអាលែកហ្ស៊ី មានច្រើនប្រភេទណាស់ ចំណែកការបង្កវិញ ក៏ខុសគ្នាដែរ។

លោកបានបកស្រាយពីជំងឺអាលែកហ្ស៊ីថា ជាការឆាប់មានប្រតិកម្មខ្ពស់របស់ប្រព័ន្ធភាពស៊ាំឆ្លើយតបទៅនឹងសារធាតុដែលចូលក្នុង ឬប៉ះពាល់ផ្ទាល់ជាមួយរាងកាយយើង។ របស់ដែលអាចធ្វើឲ្យយើងមានប្រតិកម្មអាលែកហ្ស៊ីមានដូចជាចំណីអាហារ ភេសជ្ជៈ រោមសត្វ លម្អងផ្កា ឬពិសឃ្មុំ ជាដើម។ អាលែកហ្ស៊ែនដែលជាសារធាតុបង្កឲ្យមានប្រតិកម្មអាលែកហ្ស៊ី អាចរកឃើញក្នុងចំណីអាហារ ភេសជ្ជៈ និងបរិស្ថានផងដែរ។

១. អាលែកហ្ស៊ីជាមួយចំណីអាហារ

អាលែកហ្ស៊ីអាហារ កើតឡើងពេលរាងកាយយើង ចាត់ទុកអាហារជារបស់មានគ្រោះថ្នាក់ ដោយវាផ្ដល់សញ្ញាទៅដល់ប្រព័ន្ធការពាររាងកាយ ផលិតអង់ទីករវាយប្រហារត្រឡប់ទៅវិញ។ នៅពេលយើងញ៉ាំ ប៉ះពាល់ ឬហិតក្លិនអាហារ វានឹងធ្វើឲ្យរាងកាយបញ្ចេញសារធាតុគីមីជាក់លាក់មួយហៅថា Histamine ដើម្បីការពារខ្លួន។ សកម្មភាពនេះ បញ្ចេញរោគសញ្ញាអាលែកហ្ស៊ីកើតឡើង ធ្វើឲ្យប៉ះពាល់លើប្រព័ន្ធដង្ហើម ប្រព័ន្ធរំលាយអាហារ ស្បែក និងប្រព័ន្ធសរសៃឈាមបេះដូង។ ប្រភេទអាហារនាំឲ្យអាលែកហ្ស៊ីមានដូចជាគ្រឿងសមុទ្រ សណ្ដែកដី សាច់ទា ជាដើម។

២- អាលែកហ្ស៊ីជាមួយលំអងផ្កា

អ្នកដែលមានប្រតិកម្មបែបនេះ ក៏មិនខុសពីអាលែកហ្ស៊ីជាមួយចំណីអាហារដែរ នៅពេលដែលយើងនៅជិត ឬប៉ះពាល់ជាមួយលំអងផ្កាអាចបណ្ដាលឲ្យឡើងក្រហមស្បែក កន្ទួលក្រហម ហើម ស្បែក ឬហៀរសម្បោរ តឹងច្រមុះ កណ្ដាស់ ហៀរទឹកភ្នែកជាដើម។

៣- អាលែកហ្ស៊ីជាមួយសត្វចិញ្ចឹម

អ្នកដែលអាលែកហ្ស៊ីជាមួយសត្វចិញ្ចឹម គឺបណ្ដាលមកពីរោមសត្វដែលចូលទៅក្នុងច្រមុះ បណ្ដាលឲ្យកណ្ដាស់ ហៀរសម្បោរ ហើយភាគច្រើនដែលជួបប្រទះ គឺអាលែកហ្ស៊ីជាមួយរោមឆ្កែ ឆ្មារ។

អាលែកហ្ស៊ី

៤- អាលែកហ្ស៊ីជាមួយជាតិឡាក់តិច

ចំពោះប្រភេទអាលែកហ្ស៊ីនេះវិញ កើតឡើងចំពោះអ្នកដែលប្រើប្រាស់របស់ប្លាស្ទិក ជ័រ ជាប្រចាំដូចជាស្រោមដៃពេទ្យ ឬស្រោមអនាម័យ ហើយអាលែកហ្ស៊ីប្រភេទនេះមិនសូវមានច្រើនទេ។

៥- អាលែកហ្ស៊ីជាមួយថ្នាំ

អាលែកហ្ស៊ីថ្នាំ កើតឡើងនៅពេលយើងមានប្រតិកម្មយ៉ាងអាក្រក់ទៅនឹងថ្នាំដែលបានប្រើ ។ ប្រព័ន្ធភាពស៊ាំរាងកាយប្រឆាំងត្រឡប់មកវិញ ដែលរៀបចំឲ្យមានប្រតិកម្មជំទាស់គ្នា។ ប្រតិកម្មថ្នាំភាគច្រើន មានលក្ខណៈស្រាល ហើយរោគសញ្ញា និងបាត់ទៅវិញក្នុងរយៈពេល ២-៣ ថ្ងៃ បន្ទាប់ពីឈប់ប្រើថ្នាំនោះ ប៉ុន្តែក៏មានប្រតិកម្មថ្នាំមួយចំនួន អាចមានលក្ខណៈធ្ងន់ខ្លាំងផងដែរ។

ចំណែកអាលែកហ្ស៊ី ២-៣ មុខទៀតដូចជាអាលែកហ្ស៊ីជាមួយផ្សិត ដោយសារម៉ាស៊ីនត្រជាក់កខ្វក់មិនដែលសម្អាត អាលែកហ្ស៊ីជាមួយសត្វល្អិតដូចជាព្រូនក្នុងពោះវៀន ឬអាលែកហ្ស៊ីជាមួយទឹកអប់ ឬគ្រឿងសម្អាងដទៃទៀតក៏សម្បូរផងដែរ។

ចំពោះរោគសញ្ញាអាលែកហ្ស៊ីវិញមិនសូវខុសគ្នាប៉ុន្មាន មានដូចជា៖

– ឡើងក្រហមស្បែក
– ឡើងកន្ទាលត្រអាកលើស្បែក
– ឡើងកន្ទួលក្រហមរមាស់
– ហើមបបូរមាត់ ភ្នែក និងមុខ
– ហៀរសំបោរ ឬតឹងច្រមុះ កណ្ដាស់ ហៀរទឹកភ្នែក
– ចង្អោរចង់ក្អួត ក្អួត ឈឺពោះ រាក
– រមាស់ក្នុងមាត់ ឬបំពង់ក។
– ថប់ក្នុងទ្រូង
– សម្ពាធឈាមចុះទាប
– វិលមុខ វង្វេងរង្វាន់
– ឈឺក្បាល

ក្នុង​ករណី​មាន​សំណួរ ឬ​មន្ទិលសង្ស័យ​ជុំវិញ​សុខភាព​អ្នក ជម្រើស​ល្អ​បំផុត សូម​ពិគ្រោះ និង​ប្រឹក្សា​យោបល់​ផ្ទាល់​ជាមួយ​ពេទ្យ​ជំនាញ។ Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

អត្ថបទពាក់ព័ន្ធ:

អត្ថបទនេះមានប្រយោជន៍ចំពោះអ្នកដែរទេ?
happy unhappy"

អ្នកអាចចូលចិត្ត

ជល់កែវញឹកញយ ប្រយ័ត្នរលាកលំពែងស្រួចស្រាល់ ប៉ះពាល់ជីវិត លែងបានសប្បាយ

រលាកលំពែង - ជំងឺ​រលាក​លំពែង តែង​តែ​បាន​ជួប​ប្រទះ​ជា​ញឹក​ញាប់ ដែល​កើត​ឡើង​បាន​នៅ​លើ​មនុស្ស​ប្រុស និង​ស្រី​ស្មើ​គ្នា ហើយ​វា​ជា​ជំងឺ​អាច​...

ត្រួតពិនិត្យដោយ ចាន់ ស៊ីណេត
ដោយ នាង សុខុមដាលីញ៉ា

ហេតុផលម៉ាក់ប៉ា មិនគួរឲ្យកូនតូចៗញ៉ាំនំកញ្ចប់

នំកញ្ចប់-អាណា​ព្យាបាល​មួយ​ចំនួន​បាន​អនុញ្ញាត​ឲ្យ​កូន​តូច​ៗ​ញ៉ាំ​នំ​កញ្ចប់​ដោយ​មិន​ខ្វល់​ពី​ផល​ប៉ះពាល់។ ចំពោះ​បញ្ហា​នេះ​ដែរ​វេជ្ជបណ្ឌិត លី...

ត្រួតពិនិត្យដោយ ចាន់ ស៊ីណេត
ដោយ ទ្រី រ៉ាវី
ថែទាំកូន, ចិញ្ចឹមកូន 14/09/2020 . អាន 2 នាទី

កូនឈឺដល់កម្រិតណា ទើបគ្រូពេទ្យតម្រូវឲ្យព្យួរសេរ៉ូម?

ព្យួរសេរ៉ូម-បើ​តាម​ក្បួន​ពេទ្យ អ្នក​ជំងឺ​មិនមែន​សុទ្ធតែ​ត្រូវ​ឲ្យ​បញ្ចូល​សេរ៉ូម​តាម​សរសៃ​ឡើយ តែ​ជាក់ស្ដែង​យើង​សង្កេត​ឃើញ​ជំងឺ​ខ្លះ​មាន​បញ្ហា​បន្តិច...

ត្រួតពិនិត្យដោយ ចាន់ ស៊ីណេត
ដោយ ទ្រី រ៉ាវី
ថែទាំកូន, ចិញ្ចឹមកូន 14/09/2020 . អាន 1 នាទី

គ្នា​យើងឧស្សាហ៍ជួបបញ្ហាច្រាលអាស៊ីដក្រពះគួរចៀសវាង ឬញ៉ាំអាហារទាំងនេះតិច​តួច

ច្រាលអាស៊ីដក្រពះ - ច្រាល​អាស៊ីដ​ក្រពះ​កើត​មាន​នៅ​ពេល​ដែល​សារធាតុ​ក្នុង​ក្រពះ​មាន​ការ​កើន​ឡើង​ដល់​បំពង់​អាហារ ហើយគ្រូពេទ្យអាចធ្វើរោគវិនិច្ឆ័យ...

ត្រួតពិនិត្យដោយ ចាន់ ស៊ីណេត
ដោយ ថាត់ រ័ត្នមូនីតា

អត្ថបទគួរអាន

សុខភាពផ្លូវភេទ

ពេទ្យណែនាំមិនឲ្យប្រើថ្នាំ ឬផលិតផលផ្ដេសផ្ដាស់នៅបរិវេណទ្វារមាស ប្រយ័ត្នស៊យធំ!

ត្រួតពិនិត្យដោយ ចាន់ ស៊ីណេត
ដោយ ទ្រី រ៉ាវី
ចេញផ្សាយថ្ងៃទី 15/09/2020 . អាន 1 នាទី
ផ្តាសាយធំ

ផ្តាសាយធំឆ្លងលឿន ខណៈរោគសញ្ញាស្រដៀងនឹង COVID-19 ដែរ

ត្រួតពិនិត្យដោយ ចាន់ ស៊ីណេត
ដោយ ដេត ធន្នី
ចេញផ្សាយថ្ងៃទី 15/09/2020 . អាន 2 នាទី
ពុលស្រា

រដូវភ្ជុំជួបជុំបងប្អូន ក្លែមសប្បាយឲ្យចេះគិត ប្រយ័ត្នពុលស្រារហូតគ្រោះថ្នាក់ដល់ជីវិត

ត្រួតពិនិត្យដោយ ចាន់ ស៊ីណេត
ដោយ នាង សុខុមដាលីញ៉ា
ចេញផ្សាយថ្ងៃទី 15/09/2020 . អាន 2 នាទី
អេកូ

កូនក្នុងផ្ទៃមានជំងឺខ្សោយបញ្ញាពីកំណើត គេអាចមើលដឹងដោយរបៀបណា?

ត្រួតពិនិត្យដោយ ចាន់ ស៊ីណេត
ដោយ ទ្រី រ៉ាវី
ចេញផ្សាយថ្ងៃទី 15/09/2020 . អាន 2 នាទី