ឧស្សាហ៍ឱបទារក មិនត្រឹមផ្តល់ភាពកក់ក្តៅ បានទាំងជួយការអភិវឌ្ឍខួរក្បាលកូនទៀត

ដោយ ត្រួតពិនិត្យដោយ ជីព ចិត្ត

ក្លាយ​ខ្លួន​ជា​ប៉ា​ម៉ាក់​គេ ឬ​ជា​ពូ ជា​មីង​គេ គ្នា​យើង​ប្រាកដ​ជា​ធ្លាប់​កាន់ ឱប​ត្រកង​ កូន​តូច​ ឬ​ក៏​ធ្លាប់​បី​ កូន​ក្មួយ​តូច​ៗ​ដែរ។ ហើយ​បើ​ធ្លាប់​បែប​នេះ នោះ​អ្នក​គប្បី​តែ​បន្ត​ធ្វើ​បន្ត​ទៀត ព្រោះ​ការ​ស្រាវជ្រាវ​ថ្មី​ បង្ហាញ​ថា ឧស្សាហ៍​ឱប​ទារក មិន​ត្រឹម​ផ្តល់​ភាព​កក់​ក្តៅ​ដល់​ពួក​គេ​ប៉ុណ្ណោះ​ទេ ថែម​ទាំង​ជួយ​ការ​អភិវឌ្ឍ​ខួរ​ក្បាល​របស់​​ពួក​គេ​​លូត​លាស់​បាន​ល្អ​ទៀត​ផង។

តាម​​ការ​ស្រាវជ្រាវ​របស់​ មន្ទីរ​ពេទ្យ​​​​ NationWide ក្នុង​រដ្ឋ​ Ohio សហរដ្ឋអាមេរិក​បាន​ឲ្យ​ដឹង​តាម​រយៈ​ការ​ ធ្វើ​ពិសោធ​ទៅ​លើ ទារក​ប្រមាណ​១២៥​នាក់ ដោយ​មាន​ការ​យល់​ព្រម​ពី​ឪពុក​ម្តាយ​របស់​ពួក​គេ។ ហើយ​ការ​ពិសោធ​ គឺ​សាមញ្ញ​បំផុត ដោយ​​ឲ្យ​ប៉ា​ម៉ាក់​របស់​ទារក ពរ​ត្រកង​ទារក និង​ឱប​យ៉ាង​កក់​ក្តៅ។

ជា​លទ្ធ​ផល​នៃ​ការ ពិនិត្យ​ឃើញ​ថា ទារក​​មាន​ប្រតិកម្ម​​យ៉ាង​ល្អ នៅ​ពេល​​ស្បែក​របស់​ពួក​គេ​ ប៉ះ​ផ្ទាល់​ទៅ​នឹង​ សាច់​​ឪពុក​ម្តាយ​​របស់​ពួក​គេ។ តាម​រយៈ​សកម្មភាព​នេះ លោក​វេជ្ជបណ្ឌិត Nathalie Maitre ជា​ដឹក​នាំ​ការ​ស្រាវជ្រាវ​បាន​ពន្យល់​ថា នេះ​ក៏​ព្រោះ​ការ​ប៉ះ​ពាល់​ផ្ទាល់ ពី​ប៉ា​ម៉ាក់ ទៅ​ដល់​កូនៗ គឺ​បង្ក​​ឲ្យ​មាន​​ភាព​ស្និទ្ធិ​ស្នាល ហើយ​ពិសេស​ទៅ​ទៀត​នោះ គឺ​អ័រម៉ូន ម្យ៉ាង​ឈ្មោះ អុកស៊ីតូសីន (Oxytocin) ដែល​ជា​អ័រម៉ូន​​ល្អ(អ័រម៉ូន​នៃ​ក្តី​ស្រឡាញ់) ហើយ​ខួរ​ក្បាល​នឹង​បញ្ចេញ​វា​មក នៅ​ពេល​ទំនាក់​ទំនង ឬ​ភាព​ស្និទ្ធិ​ស្នាល​កក់​ក្តៅ ​ចេញ​ពី​មនុស្ស​ជា​ទី​ស្រលាញ់ ដោយ​ការ​ប៉ះ​ពាល់​ផ្ទាល់ ឬ​អារម្មណ៍​កក់​ក្តៅ កើត​ចេញ​ពី​សកម្មភាព​ ដែល​កើត​ឡើង​ដោយ​ប្រយោល (ការ​យល់​អារម្មណ៍​​រវាង​មនុស្ស​​ពីរ​នាក់)។

ម្យ៉ាង​ទៀត អ័រម៉ូន​នេះ​នឹង​បង្កើត​ភាព​រីករាយ និង​ភាព​កក់​ក្តៅ ដល់​ខួរ​ក្បាល​ទារក ដែល​ធ្វើ​ឲ្យ​ខួរ​ក្បាល​វិវឌ្ឍ​​ និង​លូត​លាស់​បាន​ល្អ។

អត្ថបទពាក់ព័ន្ធ៖

ដោយ​ឃើញ​ពី​លទ្ធផល​វិជ្ជមាន​បែប​នេះ ក្រុម​គ្រូពេទ្យ រួម​ទាំង​អ្នក​ស្រាវជ្រាវ បាន​ជម្រុញ​ទឹក​ចិត្ត​ឲ្យ​​ប៉ា​ម៉ាក់​អនុវត្ត​សកម្មភាព​បែប​នេះ ឲ្យ​បាន​កាន់​តែ​ច្រើន៕

ក្នុង​​ករណី​​មាន​​សំណួរ ឬ​​មន្ទិល​សង្ស័យ​​ជុំវិញ​​សុខភាព​​អ្នក ជម្រើស​​ល្អ​​បំផុត សូម​​ពិគ្រោះ និង​​ប្រឹក្សា​​យោបល់​​ផ្ទាល់​​ជាមួយ​​ពេទ្យ​​ជំនាញ។ Hello Health Group មិន​​ចេញ​​វេជ្ជបញ្ជា មិន​​ធ្វើ​​រោគវិនិច្ឆ័យ ឬ​​ព្យាបាល​​ជូន​​ទេ៕

ចុចស៊ែរឥឡូវនេះ

ត្រួតពិនិត្យថ្ងៃទី ខែ​តុលា 8, 2019 | កែសម្រួលចុងក្រោយ ខែ​តុលា 9, 2019

ប្រភព
អ្នកអាចចូលចិត្ត