គ្នាយើងដែលធ្លាប់លេងកីឡា ឬរត់ហាត់ប្រាណជាដើម ប្រាកដជាបានដឹងពីររឿងរមួលក្រពើនេះ។ រមួលក្រពើអាចបង្កឲ្យមានការឈឺចាប់ខ្លាំង និងអាចកើតឡើងម្ដងហើយម្ដងទៀត ប្រសិនបើយើងមិនអាចរកវិធីដោះស្រាយបានទេនោះ។ រមួលក្រពើអាចកើតលើមនុស្សគ្រប់វ័យ និងមិនរើសក្រុមមនុស្សណាមួយឡើយ។ ប៉ុន្តែភាគច្រើនកើតលើអ្នកប្រើពលកម្មច្រើន ដូចជាអ្នកកាយវប្បកម្ម ឬក្រុមមនុស្សចាស់ជាដើម។
វិធីងាយៗ៥យ៉ាង ជួយបំបាត់បញ្ហារមួលក្រពើ
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ការសិក្សាបានលើកឡើងថា ការរមួលក្រពើបែបក្ដៅសាច់ដុំ គឺអាចបណ្ដាលមកពីអតុល្យភាពនៃជាតិអេឡិចត្រូលីត និងកង្វះជាតិទឹកក្នុងខ្លួន។ ម្យ៉ាងវិញទៀត បញ្ហារមួលក្រពើទាក់ទងជាមួយនឹងកាត់ហាត់ប្រាណ ឬហៅថា EAMC ។ ខាងក្រោមនេះជាវិធីការពារយ៉ាងមានប្រសិទ្ធភាពទាំង ៥អាចជួយដោះស្រាយបញ្ហារមួលក្រពើបាន។
១- សម្រាក
EAMC អាចកើតឡើងនៅពេលគ្នាយើងបានចំណាយពេលហាត់ប្រាណច្រើន រត់ហាត់ប្រាណលឿនក្នុងពេលដំបូង និងរាល់សកម្មភាពផ្សេងទៀត ដែលធ្វើឲ្យមានសកម្មភាពខ្លាំងទៅលើសាច់ដុំ។ ដូចនេះមានការណែនាំឲ្យយើងផ្អាក់ហាត់ប្រាណ បញ្ឈប់រាល់សកម្មភាពធ្ងន់ៗ មានពេលសម្រាកច្រើន និងតាមដានការវិវត្ដមកល្អរបស់សាច់ដុំ។ ការពង្រីកសាច់ដុំ គឺត្រូវការការចូលរួមនៃពេលវេលាសម្រាក និងការលូតលាស់របស់ជាលិកាសាច់ដុំថ្មីៗ។
២- ពត់ខ្លួន
ការសិក្សាបានណែនាំឲ្យយើងទាំងអស់គ្នាពត់ដងខ្លួន និងពន្លាសាច់ដុំលើខ្លួន។ ការពត់ខ្លួនអាចជួយទាំងកាយសម្បទា និងប្រជ្ញាស្មារតី។ មានការសិក្សាមួយចំនួនបានគាំទ្រលើមតិលើកឡើងអំពីការពត់ខ្លួន ដើម្បីព្យាបាលបញ្ហា EAMC។ មិនតែប៉ុណ្ណោះការពត់ដងខ្លួនក៏ជួយបង្កើនចរន្ដឈាមរត់ទៅកាន់សាច់ដុំដូចគ្នាដែរ។
អត្ថបទពាក់ព័ន្ធ៖
- រត់ហាត់ប្រាណហើយកុំភ្លេចសម្រួលសាច់ដុំផង នេះជាវិធី
- ប្រុសៗផឹកថ្នាំជំនួយឲ្យសាច់ដុំស្អាត ប្រយ័ត្នអត់កូន
- បង្កើនថាមពលសាច់ដុំ កាន់តែជួយឲ្យអាយុវែង
៣- សូដ្យូម
នេះគឺជាវិធីព្យាបាលបញ្ហារមួលក្រពើពេញនិយមជាងគេ ដែលអាចប្រើតាមរយៈការលេប ឬចាក់សូដ្យូមចូលក្នុងខ្លួន។ សូដ្យូមជួយការពារការបាត់បង់ជាតិទឹកក្នុងខ្លួន និងការបាត់បង់ជាតិអេឡិចត្រូលីតដូចជា ជាតិសូដ្យូម ដែលជាមូលហេតុបណ្ដាលឲ្យកើតរមួលក្រពើ។
៤- ផឹកទឹកឲ្យបានច្រើន
វិធីងាយស្រួលជាងគេ ការពារកុំឲ្យបាត់បង់ជាតិទឹកពីក្នុងខ្លួនច្រើនគឺផឹកទឹកឲ្យបានច្រើន។ ដោយសារតែការបាត់បង់ជាតិទឹកគឺជាមូលហេតុចម្បងបណ្ដាលឲ្យកើតរមួលក្រពើ។ ការសិក្សាមួយបានបង្ហាញថា ការផឹកទឹកគឺជួយយើងពីបញ្ហារមួលក្រពើបាន។ យើងត្រូវផឹកទឹកឲ្យច្រើនពេលមេឃក្ដៅ និងបង្រ្គប់ជាតិទឹកក្នុងខ្លួន។
អត្ថបទពាក់ព័ន្ធ៖
៥- ឈរ ឬដើរ
ក្រៅពីការពត់ខ្លួន មនុស្សចាស់ភាគច្រើន ចង់រកវិធីងាយៗដើម្បីកាត់បន្ថយរមួលក្រពើ ដោយសារអ្នកទាំងនោះមិនងាយធ្វើការពត់ពែនខ្លួនបាន។ វិធីងាយៗ គឺគ្រាន់តែដើរ ឬឈរក៏អាចជួយកាត់បន្ថយបញ្ហារមួលក្រពើបានដែរ។ ការសិក្សាមួយបង្ហាញថា ការធ្វើបែបនេះគឺមានប្រសិទ្ធភាពក្នុងការរួមចំណែកកាត់បន្ថយការឈឺចាប់ពីអាការៈរមួលក្រពើនេះ។
ពេលយើងញ៉ាំអាហារមានផ្ទុកប៉ូតាស្យូមខ្ពស់ ក៏អាចជួយកាត់បន្ថយបញ្ហារមួលក្រពើបានដែរ។ អាហារមួយចំនួនមានដូចជា ផ្លែចេក ផ្កាខាត់ណា ដំឡូងផ្អែម គឺសុទ្ធតែផ្ទុកជាតិប៉ូតាស្យូមខ្ពស់។ ក្រៅពីវិធីទាំងអស់ខាងលើ យើងអាចត្រៀមខ្លួនតាមវិធីមួយចំនួន ដូចជាកំដៅសាច់ដុំមុនពេលចាប់ផ្ដើមហាត់ប្រាណ និងសម្រាកឲ្យបានគ្រប់គ្រាន់បន្ទាប់ពីធ្វើសកម្មភាពធ្ងន់ៗណាមួយរួច។
អត្ថបទគួរអាន៖
- សកម្មភាពងាយៗមានប្រយោជន៍ដល់សុខភាព សម្រាប់អ្នកមិនមានពេលទៅហាត់ប្រាណ
- ស្តាប់ចម្រៀងប្រភេទនេះ ជួយអ្នកហាត់ប្រាណមានស្មារតីកាន់តែក្លៀវក្លា
- វិធីហាត់ប្រាណនៅផ្ទះប្រាំយ៉ាងជួយដល់ចង្វាក់បេះដូង បើគ្មានពេលទៅរត់ខាងក្រៅ
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម