របបអាហារល្អៗពាក់ព័ន្ធ​សុខភាពប្រអប់ជើង កុំឲ្យរលាកឈឺ

ត្រួតពិនិត្យដោយ | ដោយ

កែសម្រួលចុងក្រោយនៅថ្ងៃទី 26/07/2019
Share now

ប្រអប់ជើង ជាអវយវៈ​សំខាន់សម្រាប់ទប់លំនឹង​ខ្លួន និង​ធ្វើ​ដំណើរ។ ដូចទៅ​នឹង​សរីរាង្គផ្សេង​ទៀត ប្រអប់​ជើង ក៏​ត្រូវ​ការ​អុកស៊ីហ្សែន​ទៅ​ចិញ្ចឹម​ដូច​គ្នា ហើយរឿង​នេះជឿថា​ ​យើង​ភាគ​តិច​ណាស់​ចាប់អារម្មណ៍​ ឬយកចិត្តទុកដាក់។ យ៉ាង​ណា គួរ​ចេះ​ថែរក្សា​សុខភាព​ប្រអប់​ជើងឲ្យ​បាន​ល្អ ព្រោះ​ជំងឺ​មួយ​ចំនួនអាច​បង្ក​​បញ្ហា​ឈឺ​ប្រអប់ជើងបាន។ “Hello គ្រូពេទ្យ” នឹង​ណែនាំ​អាហារ​មួយ​ចំនួន គួរញ៉ាំ និងមិន​គួរ​ញ៉ាំ ដើម្បី​សុខភាព​ប្រអប់ជើង​​ឲ្យ​យើង​បាន​ដឹង។

១- មូលហេតុរលាក និងឈឺចាប់នៅប្រអប់ជើង

ការ​រលាក​ ជា​បញ្ហាចម្បង​​មួយ​បណ្តាល​មក​ពី​កង្វះ​អាហារូបត្ថម្ភ ប៉ុន្តែ​អាហារ​មួយ​ចំនួន ក៏​អាច​ធ្វើ​ឲ្យ​​រលាក​កោសិកា​ដូចគ្នា ​អាច​ធ្វើ​រលាក​សរសៃ​ពួរ​នៅ​​បាត​ជើង និង​កន្លែង​ផ្សេងៗ​ទៀត​នៃ​ប្រអប់​ជើង ជាហេតុ​នាំ​​ធ្វើឈឺ​ ពិបាក​ដើរ ​ឬ​រត់។

អាហារ​អាច​​ធ្វើ​ឲ្យរលាក​កាន់​តែ​ខ្លាំង មាន​ដូច​ជា ពពួក​គ្រាប់​ធញ្ញជាតិចម្រាញ់ ស្ករ និង​ខ្លាញ់ (Trans fat) ក្នុង​អាហារ​ដុត និង​ពពួក​អាហារ​សម្រន់​សម្បូរ​ខ្លាញ់ ខ្លាញ់​ឆ្អែត​ក្នុង​សាច់​ក្រហម អាស៊ីដអូមេហ្កា ៦ ក្នុង​ប្រេង​បន្លែ (ពោត សណ្តែក​សៀង គ្រាប់ផ្កាឈូករ័ត្ន) ជា​ដើម។ ប្រតិកម្ម​រ៉ាំរ៉ៃជាមួយ​អាហារ ដូច​ជា ស្រូវ​សាលី ក៏​ធ្វើ​ឲ្យយើង​​ប្រឈម​ការ​រលាក​ផង​ដែរ។ អាហារ​មាន​ជាតិ​ស្ករ​ច្រើន​ នឹង​ធ្វើឲ្យ​​កោសិកា​រលាក​នោះ​ រលាក​កាន់​តែធ្ងន់ធ្ងរ ​ដូច​ជា ស្ករ​គ្រាប់ ម្សៅ​ស្រូវ​សាលី និង​មីអ៊ីតាលី។

២- ជំងឺសរសៃឈាមអាកទែ និងទឹកនោមផ្អែម

ជំងឺ​ទាំង​ពីរ​នេះ ត្រូវ​​​គេ​ជឿ​ថា​ អាច​ធ្វើ​ឲ្យ​ខូច​ប្រអប់​ជើង​ ដោយសារ​​វា​ទៅ​បំផ្លាញ​សរសៃ​ឈាម​អាកទែ​នៅ​ចុង​ជើង​តែម្តង។ យ៉ាង​ណា យើង​អាច​ការពារ​ខ្លួន​បាន​ ដោយ​ញ៉ាំ​អាហារមាន​សារធាតុ​ចិញ្ចឹម​គ្រប់​គ្រាន់ ​និង​ត្រឹម​ត្រូវ ខណៈអាហារ​​មាន​ខ្លាញ់​ឆ្អែត​តិច ជាតិ​ប្រៃតិច និង​បន្លែ​ផ្លែ​ឈើ​ច្រើន អាច​ជួយ​កាត់​បន្ថយ​ការ​ប្រឈម​នឹង​ជំងឺ​សរសៃ​ឈាម​អាកទែ​បាន។ មាន​ការ​សិក្សា​បង្ហាញ​ថា អាស៊ីដ​ខ្លាញ់​​អូមេហ្កា​ ៣ ក៏​ជួយ​បន្ថយ​ការ​ប្រឈម​នេះ​ផង​ដែរ។

ចំពោះអ្នក​ទឹក​នោម​ផ្អែម​វិញ ​ញ៉ាំ​អាហារ​ល្អ​ចំពោះ​សុខ​ភាពឲ្យ​​បាន​ត្រឹម​ត្រូវ​ អាច​ជួយ​យើង​គេច​ផុត​ពី​ផល​វិបាក​​លើ​ប្រអប់​ជើង​បានយ៉ាង​ច្រើន។ និយាយ​ឲ្យ​ចំ គួរ​ញ៉ាំ​អាហារ​សម្បូរ​ដោយ​គ្រាប់​ធញ្ញ​ជាតិ សណ្តែក បន្លែ ផ្លែ​ឈើ សាច់​សុទ្ធ មាន​ជាតិ​​ស្ករ​ និង​ខ្លាញ់​តិច ជារឿង​ល្អ។

អត្ថបទ​ពាក់ព័ន្ធ៖

៣- ការព្យាបាលផ្សេងៗទៀត

អាហារ​មាន​ស្ករ​ច្រើន ​អាច​ធ្វើ​ឲ្យ​មាន​ការ​បង្ក​រោគ​ផ្សិត​នៅជើង​ និង​ផ្នែក​ផ្សេងៗ​ទៀត​នៃ​រាង​កាយ ហើយ​បើ​មាន​ផ្សិត​នៅ​កន្លែង​ណា​មួយ គួរ​ចៀស​វាង​អាហារ​សម្បូរ​ជាតិស្ករ។ ក្រៅ​ពី​នេះ​ ត្រូវ​ដឹង​ថា​ បាត​ជើង​យើង​ទ្រ​ទម្ងន់​រាងកាយ​យើង​ទាំង​មូល​នៅ​ពេល​ឈរ ហេតុនេះ​ទម្ងន់​ខ្លួន​កាន់​តែ​ធ្ងន់ ជើង​ទទួល​សម្ពាធ​កាន់​តែ​ខ្លាំង ក៏​ជា​​បញ្ហាធំមួយ​​ចំពោះអ្នក​ធាត់​ខ្លាំង ធ្វើ​ឲ្យ​ងាយ​មាន​របួស​នៅ​នឹង​ជើង។

ដំណោះ​ស្រាយ​ គឺ​ងាយ​ទេ ត្រូវសម្រក​ទំងន់ ព្រោះ​មាន​ផល​វិជ្ជមាន​យ៉ាងខ្លាំង​ចំពោះ​សុខ​ភាព។ ដូច​នេះ​ គួរ​ផ្លាស់​ប្តូរ​របប​អាហារ​​មាន​សារធាតុ​ចិញ្ចឹម​ត្រឹម​ត្រូវ​ ដើម្បី​ទទួល​បាន​ប្រអប់​ជើង​មាន​សុខភាព​ល្អ។

ក្នុង​ករណី​មាន​សំណួរ ឬ​មន្ទិល​សង្ស័យ​ជុំវិញ​សុខភាព​អ្នក ជម្រើស​ល្អ​បំផុត សូម​ពិគ្រោះ និង​ប្រឹក្សា​យោបល់​ផ្ទាល់​ជាមួយ​ពេទ្យ​ជំនាញ។ Hello Health Group មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូនទេ។

អត្ថបទពាក់ព័ន្ធ:

    អត្ថបទនេះមានប្រយោជន៍ចំពោះអ្នកដែរទេ?
    happy unhappy"
    ប្រភព

    អ្នកអាចចូលចិត្ត

    ពេលមករដូវ អាចញ៉ាំថ្នាំបំប៉នសុខភាព ឬសម្រស់បានអត់?

    មករដូវ - មាន​ស្រីមួយ​ចំនួន​ញ៉ាំ​ថ្នាំ​ដើម្បី​បំប៉ន​សុខភាព ឬ​​ថែ​រក្សា​សម្ផស្ស តែ​ដល់​ពេល​មក​រដូវ​មិន​ហ៊ាន​លេប​ថ្នាំ ព្រោះខ្លាចប៉ះ...

    ត្រួតពិនិត្យដោយ ចាន់ ស៊ីណេត
    ដោយ នាង សុខុមដាលីញ៉ា

    ភេសជ្ជៈ ៣ ប្រភេទគួរកាត់បន្ថយ បើមានអាការៈរាករូសជាប្រចាំ

    រាករូស - រាក​រូស​ជា​អាការៈ​មួយ​ដែល​គួរ​ឲ្យ​ធុញ​ទ្រាន់ ហើយ​អាច​កើត​ឡើង​ដោយ​មូលហេតុ​ជាច្រើន​ដូចជា​ផឹក​ថ្នាំ​មួយ​ចំនួន ​បណ្តុំ​រោគសញ្ញា​នៃ​ជំងឺរលាកពោះវៀន...

    ត្រួតពិនិត្យដោយ ចាន់ ស៊ីណេត
    ដោយ ថាត់ រ័ត្នមូនីតា

    ជួប​បញ្ហា​ធុំក្លិនជើង! សាកវិធីងាយៗទាំងនេះ អាចដោះស្រាយបាន​

    ធុំក្លិនជើង - ធុំ​ក្លិន​ជើង​ជា​បញ្ហា​ទូទៅ​មួយ​យើង​តែង​ជួប​ប្រទះ។ មូលហេតុ​ចម្បង​គឺ​មក​ពី​មាន​ការ​បែក​ញើស​ច្រើន​ធ្វើ​ឲ្យ​មាន​បាក់តេរី​ដែល​បង្ក​ក្លិន​មិន​ល្អ..

    ត្រួតពិនិត្យដោយ ចាន់ ស៊ីណេត
    ដោយ ថាត់ រ័ត្នមូនីតា

    លាបឡេការពារសង្វារលើពោះផ្តេសផ្តាស ប្រយ័ត្នប៉ះពាល់កូនក្នុងផ្ទៃ

    សង្វារ - ម៉ាក់ៗ​មាន​ផ្ទៃ​ពោះ​គ្រប់​រូប​ច្បាស់​ជា ព្រួយ​បារម្ភ​ហើយ​រឿង​សង្វារ​នៅលើ​ពោះ ហើយម៉ាក់ៗខ្លះ ក៏ប្រើផលិតផលផ្តេសផ្តាសតាមគេ ដោយមិនដឹងថាអាចប៉ះ.....

    ត្រួតពិនិត្យដោយ ចាន់ ស៊ីណេត
    ដោយ នាង សុខុមដាលីញ៉ា