ផ្លែប៉េងប៉ោះ ជួយឲ្យមេជីវិតឈ្មោលខ្លាំង

ត្រួតពិនិត្យដោយ | ដោយ

កែសម្រួលចុងក្រោយនៅថ្ងៃទី 10/10/2019
Share now

បច្ចុប្បន្ន មាន​ប្រុសៗ មិនតិចទេ ដែល​មាន​បញ្ហា​មេជីវិតឈ្មោល ទាំង​បរិមាណ និង​គុណភាព ដោយ​បណ្ដាល​មកពី​បញ្ហា​សេណេទិក ផឹកស្រាច្រើន ជក់បារីច្រើន ឆ្លងមេរោគ​លើប្រដាប់​ភេទ និង​ជំងឺផ្សេងៗ​ជាច្រើន​ទៀត។

តែតាម​ការសិក្សា​របស់​អង់គ្លេស រកឃើញ​ថា ផ្លែប៉េងប៉ោះ អាច​ជួយ​រារាំង​ការ​ខូច​មេជីវិត​ឈ្មោល ព្រមទាំង​ជួយ​រក្សា​ទំហំ ទ្រង់ទ្រាយ និង​ល្បឿនហែល​ផងដែរ។ សាស្ត្រាចារ្យ Allan Pacey មកពី​សាកលវិទ្យាល័យ Sheffield បាន​សិក្សា​លើ​បុរស​មាន​សុខភាព​ល្អ ៥៦​នាក់ អាយុ​ពី ១៩-៣០​ឆ្នាំ ដោយ​ពាក់កណ្ដាល មាន​គុណភាព​មេជីវិតឈ្មោល​មិនល្អ។

អ្នកស្រាវជ្រាវ បាន​យក​សមាសធាតុ​គីមី Lycopene ដែល​ធ្វើឲ្យ​ផ្លែប៉េងប៉ោះ​មាន​ពណ៌ក្រហម ទៅ​ដាក់​ក្នុង​ថ្នាំ ហើយ​ឲ្យ​អ្នក​ចូលរួម​ក្នុង​ការសិក្សា​ចំនួន​ពាក់កណ្ដាល លេប​វា ២​គ្រាប់/ថ្ងៃ ហើយ​អ្នក​ចូលរួម​ក្នុង​ការសិក្សា​ពាក់កណ្ដាល​ទៀត ឲ្យ​លេប Placebo (គ្រាប់​ថ្នាំ​ដែល​គ្មាន​ជាតិ​ថ្នាំ​ដើម្បី​ព្យាបាល ប្រើក្នុង​ការ​សិក្សា​បែប​វិទ្យាសាស្ត្រ)។

រយៈពេល ១២​សប្ដាហ៍​ក្រោយមក អ្នកស្រាវជ្រាវ រកឃើញ​ថា ប្រុសៗ ដែល​ផឹកថ្នាំ​មាន​សមាសធាតុ​ចម្រាញ់​ចេញ​ពីផ្លែប៉េងប៉ោះ មាន​គុណភាព​មេជីវិតឈ្មោល កើនឡើង ៤០% និង​ហែល​លឿនជាងមុន ដែល​មាន​សមត្ថភាព​បង្កើត​ស៊ុត ដោយ​ធ្វើឲ្យ​ដៃគូ អាច​ពពោះបាន។ ការសិក្សា​ពីមុន ក៏បាន​រកឃើញ​ដែរ ប្រុសៗ ដែល​ផឹកទឹក​ផ្លែប៉េងប៉ោះ រយៈពេល ៦​សប្ដាហ៍ មាន​គុណភាព​មេជីវិតឈ្មោល កាន់តែ​តែ​ល្អ។

អ្នកស្រាវជ្រាវ​ថា សមាសធាតុ Lycopene ដែល​ចេញពី​ផ្លែប៉េងប៉ោះ ចម្អិន​ក្នុង​ម្ហូបអាហារ គឺ​ល្អបំផុត ប៉ុន្ដែ​ថ្នាំ​ដែល​មាន​សមាសធាតុ Lycopene គឺ​ងាយស្រួល​លេប​រាល់​ថ្ងៃ ជាង​ការញ៉ាំ​អាហារ​ដែល​មាន​ផ្លែប៉េងប៉ោះ​រាល់​ថ្ងៃ។

ក្នុង​ករណី​មាន​សំណួរ ឬ​មន្ទិលសង្ស័យ​ជុំវិញ​សុខភាព​អ្នក ជម្រើស​ល្អ​បំផុត សូម​ពិគ្រោះ និង​ប្រឹក្សា​យោបល់​ផ្ទាល់​ជាមួយ​ពេទ្យ​ជំនាញ។ Hello Health Group មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

អត្ថបទពាក់ព័ន្ធ:

    អ្នកអាចចូលចិត្ត

    ពីមុនជំងឺនេះកើតតែលើមនុស្សចាស់ទេ តែក្មេងៗសម័យឥឡូវក៏ប្រឈមដែរ

    ទឹកនោមផ្អែម - អ្នកជំនាញថា ក្នុងសម័យ​ទំនើបដូចបច្ចុប្បន្ន​នេះ ក្មេងៗ សុទ្ធ​តែ​អាច​ប្រឈមនឹងកើតជំងឺសាហាវដែលភាគច្រើនធ្លាប់តែកើតលើ...

    ត្រួតពិនិត្យដោយ ចាន់ ស៊ីណេត
    ដោយ នាង សុខុមដាលីញ៉ា

    ធ្លាយក្រពះ បណ្តាលមកពីកត្តាអ្វីខ្លះ?

    ធ្លាយក្រពះ - ធ្លាប់​តែ​លឺ​ថា អ្នក​នេះ​ធ្លាយ​ក្រពះ ឬ​អ្នក​នោះ​ធ្លាយ​ក្រពះ តែ​មាន​ដឹង​អត់​ថា ការ​ធ្លាយ​ក្រពះ​នេះ បណ្តាល​មក​ពី​កត្តា​អី​ឲ្យ​ប្រាកដ?

    ត្រួតពិនិត្យដោយ ចាន់ ស៊ីណេត
    ដោយ នាង សុខុមដាលីញ៉ា

    កើតទឹកនោមផ្អែម ផឹកភេសជ្ជៈកំប៉ុងគ្មានជាតិស្ករច្រើនបានមែនទេ?

    ទឹកនោមផ្អែម - ទោះបីជានៅលើកំប៉ុងមានដាក់ថា គ្មានជាតិស្ករក៏ដោយ តែប្រសិនបើអ្នកជំងឺទឹកនោមផ្អែមញ៉ាំច្រើន វានៅតែអាចបណ្តាលឲ្យមាន...

    ត្រួតពិនិត្យដោយ ចាន់ ស៊ីណេត
    ដោយ នាង សុខុមដាលីញ៉ា

    ធ្លាប់វះកាត់ដើមទ្រូង អាចមានបញ្ហាដល់ការបំបៅដោះកូនទេ?

    បំបៅដោះ - គ្រប់​ទារក​ទាំង​អស់​ត្រូវ​ការ​ការ​បំបៅ​ទឹក​ដោះ​ម្តាយ ព្រោះ​វា​សំខាន់ដល់សុខភាព ប៉ុន្តែបើម្តាយវះកាត់ដើមទ្រូង វាអាច....

    ត្រួតពិនិត្យដោយ ចាន់ ស៊ីណេត
    ដោយ នាង សុខុមដាលីញ៉ា