ជាធម្មតា បន្ទាប់ពីសម្រាលកូនរួច បងប្អូនសាច់ញាតិតែងតែមកលេង សួរសុខទុក្ខ មើលមុខកូនយើង ប៉ុន្តែនៅក្នុងអំឡុងពេលផ្ទុះជំងឺកូវីដ-១៩ នេះ ការដែលមានការជួបជុំច្រើនគ្នាប្រឈមនឹងការឆ្លងវីរុសនេះខ្លាំងណាស់។ ចុះបើបងប្អូនត្រូវមកលេងគួរធ្វើម៉េចទើបល្អ?
ចង់ចាកចេញពី Hellokrupet?
ប្រាកដហើយថា អ្នកចង់ចាកចេញ?
តើអ្នកបារម្ភពីអ្វី?
មិនត្រឹមត្រូវ
ពិបាកយល់
ផ្សេងៗ
ទើបសម្រាលកូនរួចក្នុងពេលផ្ទុះកូវីដ-១៩ មានសាច់ញាតិមកលេង គួរប្រើតិចនិកនេះ
លោកវេជ្ជបណ្ឌិត ចាន់ ស៊ីណេត បានឲ្យដឹងថា បើយើងសម្រាលកូនអំឡុងពេលនេះ តែសុខភាពធម្មតា មិនមានឈឺ ឬសង្ស័យកើតជំងឺកូវីដ-១៩ទេ ក្រុមគ្រូពេទ្យនឹងអនុញ្ញាតឲ្យយើងឆាប់ចេញទៅផ្ទះវិញធម្មតា បន្ទាប់ពីណែនាំរបៀបថែទាំខ្លួន និងការណែនាំផ្សេងៗពីគ្រូពេទ្យជំនាញ។
ប្រធានផ្នែកសម្ភព និងរោគស្ត្រីនៃមន្ទីរពេទ្យមិត្តភាពកម្ពុជា-ចិន សែនសុខ បន្តថា ក្នុងករណីដែលមានសាច់ញាតិមកលេង គួរបង្កើនការប្រុងប្រយ័ត្ន និងការពារជាមួយការណែនាំដូចជា៖
១. រាល់អ្នកមកលេងទាំងអស់គួរពាក់ម៉ាស់ឲ្យជាប់
២. លាងសម្អាតដៃជាមួយសាប៊ូ និងទឹកស្អាត អាកុល ឬជែល។ល។
៣. ខ្ទប់មាត់ ច្រមុះជាមួយក្រដាស កំណាត់ ឬកែងដៃ ពេលក្អក ឬកណ្ដាល់ម្ដង
៤. រក្សាគម្លាតពីទារក (មិនគួរបី ឬថើបអាអូនទេ)។ល។
រាល់ក្រដាស ឬកំណណាត់ដែលប្រើខ្ទប់មាត់ ឬច្រមុះពេលក្អក ឬកណ្ដាស់គួរបោះចោលក្នុងធុងសម្រាម និងវេចខ្ជប់ឲ្យបានត្រឹមត្រូវ និងគួរលាងដៃក្រោយពេលកណ្ដាស់ ឬក្អករួច។
វេជ្ជបណ្ឌិតរូបនេះបន្តថា ប្រសិនបើបងប្អូនមកលេងមានសញ្ញាគួរឲ្យសង្ស័យ ឬកំពុងធ្វើចត្តាឡីស័ក យើងមិនគួរឲ្យគាត់មកលេងដាច់ខាត ចាំពេលសុខភាពគាត់ល្អធម្មតាសឹមឲ្យមកមើលមុខកូនយើង ព្រោះវីរុសកូវីដ-១៩ យើងមិនអាចមើលឃើញ ឬដឹងថាអ្នកមកលេងមានជំងឺនេះ ឬក៏អត់។
បន្ថែមពីលើនេះ ម៉ាក់ប៉ាក៏គួរតែកត់ចំណាំស្ថានភាពសុខភាពយើងផ្ទាល់ខ្លួនដែរ បើមានបញ្ហាគួរទាក់ទងទៅខាងមន្ទីរពេទ្យឲ្យដឹងភ្លាម ចៀសវាងអាចឆ្លងដល់កូន។ ការពារ ប្រសើរជាងព្យាបាល។
គណនា BMI
ប្រើរង្វាស់សុខភាពBMI ដើម្បីគណនារាងកាយ ទម្ងន់ និងកម្ពស់សមសួន និងសុខភាពល្អ
ប្រុស
ស្រី
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕