អង្គការOxfam បានលើកឡើងនៅថ្ងៃទី៩ ខែមេសា នេះថាថាការរាតត្បាតនៃវីរុស COVID-19 បានសម្លាប់មនុស្សជាង ៨៣ ០០០នាក់ និងប៉ះពាល់ដល់សេដ្ឋកិច្ចទូទាំងពិភពលោកដែលអាចរុញច្រានមនុស្សប្រហែល៥០០លាននាក់ធ្លាក់ទៅក្នុងភាពក្រីក្រ។
អង្គការខាងលើបន្តថាវិបត្តិសេដ្ឋកិច្ចដែលកំពុងកើតឡើងនេះធ្ងន់ធ្ងរជាងវិបត្តិហិរញ្ញវត្ថុពិភពលោកកាលពីឆ្នាំ២០០៨ទៅទៀត។ តាមការប៉ាន់ស្មាន ភាពក្រីក្រទូទាំងពិភពលោកអាចកើនឡើងជាលើកដំបូងគិតចាប់ពីឆ្នាំ១៩៩០មក ដែលនេះអាចធ្វើឲ្យប្រទេសមួយចំនួនត្រលប់ទៅរកភាពក្រីក្រដូចកាលពី៣០ឆ្នាំមុន។
នៅក្រោមស្ថានភាពធ្ងន់ធ្ងរនៃការធ្លាក់ចុះនៃប្រាក់ចំណូល ចំនួនមនុស្សរស់នៅក្នុងភាពក្រីក្រខ្លាំង ដែលមានចំណូលប្រចាំថ្ងៃក្រោម១,៩០ដុល្លារ អាចកើនពី ៤៣៤លាននាក់ទៅ៩២២លាននាក់ទូទាំងពិភពលោក។ រីឯមនុស្សទទួលបានប្រាក់ចំណួលក្រោម ៥,៥០ដុល្លារក្នុងមួយថ្ងៃនឹងកើនពី ៥៤៨លាននាក់ទៅជិត៤ពាន់លាននាក់។ ស្ត្រីគឺមានហានិភ័យខ្ពស់ជាងបុរស ព្រោះថាអ្នកទាំងនោះភាគច្រើនជាអ្នកធ្វើការនៅក្នុងសេដ្ឋកិច្ចក្រៅប្រព័ន្ធ និងទទួលបានសិទ្ធការងារតិចតួច ឬមិនមានតែម្ដង។
អត្ថបទគួរអាន៖
- ខ្មែរមានមន្ទីរពេទ្យ ៣ប៉ុណ្ណោះ អាចផលិតអុកស៊ីសែនប្រើប្រាស់ខ្លួនឯង
- ៣ចំណុច កម្ពុជាត្រៀមប្រយុទ្ធទប់ទល់ជាមួយ COVID-19 នៅពេលនេះ
- WHO ថា ទោះអាកាសធាតុក្តៅខ្លាំងយ៉ាងណា ក៏មិនអាចសម្លាប់ COVID-19 បានដែរ
- លទ្ធភាពកម្ពុជាដាក់ប្រទេសក្នុងគ្រាអាសន្នមានតិចបំផុត ត្រឹម០,១%ប៉ុណ្ណោះ
របាយការណ៍នេះបានបន្ថែមទៀតថាអ្នកធ្វើការមួយថ្ងៃ រស់មួយថ្ងៃ មិនអាចឈប់ពីការងារបាន ឬក៏មានលទ្ធភាពទិញស្បៀងបម្រុងទុកច្រើនបានដែរ។ ក្រៅពីនេះមនុស្សជាង២ពាន់លាននាក់ផ្សេងទៀតនៅលើពិភពលោកជាអ្នកប្រកបការងារក្នុងសេដ្ឋកិច្ចក្រៅប្រព័ន្ធដែលមិនមានទទួលប្រាក់ថ្លៃព្យាបាលជំងឺនោះទេ។
ធនាគារពិភពលោកកាលពីអាទិត្យមុនក៏បានលើកឡើងដែរថានៅអាស៊ីខាងកើត និងតំបន់ប៉ាស៊ីហ្វិកអាចកើនចំនួនអ្នកក្របន្ថែមដល់១១លាននាក់រប្រសិនជាស្ថានភាពវីរុស COVID-19 កាន់តែអាក្រក់ទៅ។
ដើម្បីជួយសម្រាលដល់ផលប៉ះពាល់នេះ អង្គការ Oxfam បានស្នើសុំឲ្យផ្ដល់ប្រាក់ឧបត្ថម្ភដល់មនុស្ស និងអាជីវកម្មដែលកំពុងខ្វះខាត លុបចោលបំណុល(ប្រទេស) ការគាំទ្របន្ថែមពីIMF និងការផ្ដល់ជំនួយផ្សេងៗ។ ជារួម រដ្ឋាភិបាលជុំវិញពិភពលោកអាចត្រូវប្រមូលថវិកាយ៉ាងតិច ២,៥ទ្រីលានដុល្លារ ដើម្បីជួយដល់ប្រទេសកំពុងអភិវឌ្ឍន៍។
របាកយការណ៍បន្តថាប្រទេសអ្នកមានបានបញ្ចេញប្រាក់ច្រើនលានដុល្លារដើម្បីទ្រទ្រង់សេដ្ឋកិច្ចប្រទេសខ្លួន ប៉ុន្តែប្រសិនជាប្រទេសកំពុងអភិវឌ្ឍន៍មិនអាចទប់ស្កាត់ប៉ះពាល់ទៅលើវិស័យសុខាភិបាល និងសេដ្ឋកិច្ចទេ វិបត្តិនេះនឹងបន្តមាន និងអាចផ្តល់ប៉ះពាល់កាន់តែខ្លាំងទៅគ្រប់ប្រទេសផ្សេងមិនថាប្រទេសអ្នកមាន ឬប្រទេសក្រីក្រទេ។
អត្ថបទពាក់ព័ន្ធ៖
- ផ្ទុះជំងឺធំៗកន្លងមក សម្លាប់មនុស្ស និងខាតបង់សេដ្ឋកិច្ចប៉ុន្មាន?
- ៣ចំណុចក្រើនរំឭកបន្ថែមពីការលាងដៃការពារកុំឲ្យឆ្លង COVID-19
- អាមេរិកនឹងប្រើវិធីសាស្រ្តជាង១០០ឆ្នាំមុន មកសាកល្បងព្យាបាលអ្នកឆ្លងវីរុស COVID-19
- អាការៈរាករូសអាចជារោគសញ្ញាដំបូងក្រោយឆ្លងវីរុស COVID-19
- អាមេរិកនឹងតេស្ដថ្នាំគ្រុនចាញ់មួយប្រភេទ សង្ឃឹមថាអាចបង្ការ COVID-19
- ច្រមុះលែងដឹងក្លិន អណ្ដាតលែងដឹងរសជាតិ អាចជារោគសញ្ញាឆ្លងវីរុស COVID-19
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
